Серия 8

Tabobatga qalban, ruhan,
Fido qilib o’zini,
Oxir bir kun nashtar bilan
Ochdi ko’rning ko’zini.

8 sinf ingliz tili tarjimalari

Нокасу ножинс авлодин киши бўлсун дебон,
Чекма меҳнатким, латиф ўлмас касофат олами

Ким, кучук бирла хўдукка неча қилсанг тарбият,
Ит бўлур, доғи эшак, бўлмаслар асло одами.

Алишер Навоий, “Хазоинул маоний”дан

09.07.2011, 12:43

Кўз очиб қарасам, ёруғ дунёға келибман,
Кўз очиб қарасам, ул мосувоға келибман,
Кўз очиб қарасам, юз минг балоға келибман,
Кўз очиб қарасам, дард-бедавоға келибман,
Кўз очиб қарасам, ул бебақоға келибман.

Xush kelibsiz muhtaram Romiy! she’rlaringiz ahli tasavvufiylarnikidek ekan. Bag’oyat mamnun bo’ldik! Sizdan shunday purma’no she’r, ijod mahsullari va fikrlarni kutib qolamiz keyingi postlaringizda ham.

Alloh rozi bo’lsin.

Gulchehra Ibragimova
09.07.2011, 14:31

***
Ялинчоқ эмасман, кибриммикан бу?
Ўзимнинг ўзимга жабриммикан бу?
Яшашим мумкин-ку жонимни сийлаб,
Тош тишлаб юрибман, сабриммикан бу?!

***
Кўзи йўқлар ҳам яшаб юрибди,
Сўзи йўқлар ҳам яшаб юрибди.
Ўзи йўқлар ҳам яшаб юрибди,
Нега менга кун бермайсан, Ҳаёт?!

Тоққа чиқай, десам, тошлар қўймаса,
Кўзга ёқай, десам, қошлар қўймаса,
Яшашга мана бу бошлар қўймаса.
Бизга ҳам аталган дунёлар борми?!

Gulchehra Ibragimova
09.07.2011, 18:16

Рафиқо, менга бир дам дўстлиғ расмини изҳор эт,
Ки мен бордим ўзимдии, ёр агар келса, хабардор эт.

Қачон ишқ аҳлини ўлтурмоғини ихтиёр этсанг,
Жафо тиғи билан аввал мени(нг) бағримни афгор эт.

Ҳақорат бирла, эй соқий, боқар майхона аҳлиға,
Суниб бир жоми май зоҳидни анда нақши девор эт.

Менинг ҳолимға йиғлар дашту саҳроларда ваҳшилар,
Агар кўйига борсанг, эй сабо, ёримға изҳор эт.

Эрур пийри муғондин бу башорат, тургил эй, соқий,
Лабо-лаб жом ила зоҳидни даъвосини бекор эт.

Қадинг раъно ниҳоли сарвдур, жоно, хиром айлаб
Чаман гулгаштида товусқа сен таълими рафтор эт.

Юмулмас кўзларим, эй моҳи тобои, иштиёқингдин
Чиқиб ер остидин муштоқларға арзи дийдор эт.

Зулайхо муштаридур ганж гавҳар бирла васлиға,
Жаҳон аҳлинн Юсуфдек жамолингға харидор эт.

Гули савсан очилди, бенаволиқ қилма, эй булбул,
Чаманда Нодира ашъори бирла нолау зор эт.

Gulchehra Ibragimova
09.07.2011, 19:20

Фақат ишқ.
Бошқаси сароб,
бошқаси шамолнинг оний сурони.

Қирқта тар гулимни айладим хароб,
қирқта қул кўзи-ла кўрдим дунёни.
Қирқта қора қул ётар мозийда,
қирқта черигини йўқотган бекман.
Абадий айрилдим қирқта ғозийдан,
бошимни тошларга урсамми дейман.
Бу дунё нимадир?
Барини кўрдим,
султону гадонинг қаърини кўрдим,
Ғаззолий сиғмаган тубан оламда
шайтондан тўралган ғайирни кўрдим.
Фақат ишқ.
Ишқ гули.
Самовий гулим.
бир нафас дилимга посибон бўлсин,
токим шул нафасда қирқ биринчи қулнинг
ёруғ лабларида хўрсиниқ сўлсин.
Туҳмат мурдалари қалашиб ёттан,
иғволар қуртлаган шўрлик диёрда
замону маконин буткул йўқотган
бир улуғ фарёднинг
боласи зорман.
Ай, қиличдай туйғу,
ай, қотил туйғу,
бас, ортиқ қийнама кимсасиз даштда,
юзимга юзини қўйсин ўшал гул,
дилимнинг қаърини чавақлаб ташла!

09.07.2011, 23:36

Нечун ака душман укага,
Мисли ўхшаш икки такага,
Хона вайрон қилиб укасин,
Четлатиб қўядур чеккага.

Можароси эмасдур хотун,
Балки талашур дунё-и дун,
Бўлиша олмай меросларин,
Кўзлари тўла ёш, бағри хун.

Ёвлашиб кетур бир-биридин,
Воз кечолмай қўлни киридин,
Хотунлари гиж-гижлаб турур,
Мерос умид қилиб эридин.

Ўзида етарлик моли бор,
Укасин ғариблик ҳоли бор,
Лек бермайин эътибор анга,
Унда ҳийлалик аъмоли бор.

Ул тадбир ки шундин иборат,
Қилур бул укасин ҳақорат,
Номусин қилиб ҳимоятлар,
Қони қайнаб чиқур ҳарорат.

Айлаб садақа бош-кўзидин,
Олислатар ука ўзидин,
Бағри хун, ашки жайҳун бўлуб,
Акасининг барча сўзидин.

Ушбу тариқа тортиб олса,
Бир куни келиб, ўлиб қолса,
Тобутини кўториб бориб,
Ани барчаси гўрга солса.

На деб бергай суолга жавоб,
Аҳволи анда бўлур хароб,
Рўзи қиёматда ул золим,
Дер: ё лайтани кунту туроб.

Аё ҳаста Ромий, нодон қул,
Чўзмагил сўзни бўлгай малул,
Айла солиҳ амал ҳамиша,
Зикруллоҳга бўл мисли булбул.

ё лайтани кунту туроб – кошки тупроққа айланиб кетсам. (Аллоҳ таоло қиёматда ҳайвонларни тупроққа айлантирганда кофирлар ҳам азобнинг қаттиқлигидан тупроқ бўлиб кетишни орзу қилиб қолишади. Бу ҳақида қуръоннинг Набаъ сурасида Аллоҳ ўзи хабар қилган).

09.07.2011, 23:54

Ул кирдигор йўлиндаги ибодатга мушарраф бўл,
Солиҳларнинг амалин қил, итоатга мушарраф бўл.

Аҳли аёл боқайин деб, ҳалол ризқим топайин деб,
Ҳақ йўлда юрайин деб, зироатга мушарраф бўл.

Расулга жон фидо айлаб, бул қоматинг дуто айлаб,
Суннатини бажо айлаб, шафоатга мушарраф бўл.

Пок сув бирла қилиб вузуъ, намозингда этиб хушуъ,
Умид бирлан бўлиб хузуъ, жамоатга мушарраф бўл.

Мусибат етса бошинга, ёқмас бўлсанг қардошинга,
Синов келса бардошинга, қаноатга мушарраф бўл.

Тиловатни қилай десанг, савоби–хайр топай десанг,
Ҳақ васлини кўрай десанг, қироатга мушарраф бўл.

Ҳаста Ромиййи нодони, қил худога кўз гирёни,
Дуолар айла ҳар они, сўнг роҳатга мушарраф бўл.

кирдигор – парвардигор
дуто – эгмоқ, букмоқ
вузуъ – таҳорат
хушуъ – қўрқув
хузуъ – тавозеъ
кўз гирёни – кўздан тинмай ёш тўкмоқ

Gulchehra Ibragimova
11.07.2011, 18:12

Сочингизнинг чангларидан айланайин,
Хира тортган рангларидан айланайин,
Йўлингизнинг сангларидан* айланайин,
Пойингизга тиз чўкиб бош эгайинми?
Она, сизни Тошкент олиб кетайинми?

Қишлоқ оша етиб бормас нолалари,
Қайга кетди, ўзин ўйлар болалари.
Малҳам бўлай деганнинг йўқ чоралари,
Пойингизга тиз чўкиб бош эгайинми,
Айтинг. Сизни Тошкент олиб кетайинми?

Тош кўчангиз тошларини олиб қўяй,
Худойимдан сизга умр тилаб суяй,
Ҳеч бўлмаса кўнгил учун сўраб қўяй,
Пойингизга тиз чўкиб бош эгайинми?
Она сизни Тошкент олиб кетайинми,
Ё ТОШКАННИ СИЗГА ОБКЕБ БЕРАЙИНМИ.

*санг-тош маъносида
*муаллифини билолмадим, узр (аммо ўзи асли вилоятлик, ҳозирда Тошкент шаҳар мактабларида дарс бераётган ўқитувчилардан бири тадбирда ўқиган эди.)

11.07.2011, 19:06

Миннатли ош егондин, миннатсиз тош егон яхши,
Қарзли ҳаёт дегондин, қарзсиз бардош дегон яхши.

Хўжа кўрсин учун деб қилган дабдабали тўйдин,
Камтарона беш-ўнта мискинга ош бергон яхши.

Бировнинг айби сабаб кўнглида кек сақлагандин,
Анинг олдиға бориб бу сирни фош этгон яхши.

Бу дунё молин жамлаб ҳеч кимга бермай ётгандин,
Ёвга қарши фойдалик қўйниға тош тергон яхши.

Жоҳил ва манфаатсиз мингта ҳамтовоқ бўлгандин,
Бу Ромийга фойдали битта сирдош бўлгон яхши.

Шеъриятда унча тажрибам бўлмагани учун хато, камчиликлари бўлса беминнат маслаҳатларингизни кутиб қоламан.Албатта ёрдамларингизга муҳтожман.

11.07.2011, 19:30

Кўз олдимга келар кўз ёшингиз,
Етмади сабру ҳам бардошингиз,
Тақдир этди Аллоҳ бу кунларни,
Соғ бўлинг, омон бўлсин бошингиз.

Расмингиз қараб кўзларим тўймас,
Бир дам соғинч ўз ҳолимга қўймас,
Шу онда сиз каби ҳеч бир кимса,
Чин ихлослик менга дуогўймас.

Ҳақ учраштирсин деб қалбим сўзон,
Тилим Роб зикрида ўзим нолон,
Хўб эзилди сизсиз жону дилим,
Ҳаёлимдасиз ҳар куну ҳар он.

Шу дам турсам боқиб кўзингизга,
Айтсам барча дардим ўзингизга,
Юриб олдингизда бўлмасам зор,
Мени “ўғлим” деган сўзингизга.

Ул фироқ куйдирди-ку бу жонни,
Не кўйга солмади мен нодонни,
Шул сабаб қилдим одат ўзимга,
Ҳақ учун тиловати қуръонни.

Бу шеърни ўғлингиздан деб билинг,
Шу гапларни қалб қўрига илинг,
У Ромийни хотирлаган заҳот,
Қўл очиб ҳаққига дуо қилинг.

11.07.2011, 19:44

ҚИЗЛАР БИЛАН СУҲБАТ

— Айтинг, қизлар, очиласиз гул бўлиб қачон,
Нима сизни талпинтирар азалдан-азал?
— Биров эшитмасин, билсанг, бизда қолмас жон
Йигитнинг шўх кўзларида ўт ёнган маҳал.
— Қачон сезилмас ҳаётнинг бутлиги, ками,
Қўлингизда ечилади осон ҳар чигал?
— Нима бўпти, бу серғавғо дунёнинг ғами,
Йигитнинг шўх кўзларида ўт ёнган маҳал.
— Қизғиш тортиб, ҳуснингизга қўшилиб чирой,
Шаддодлиқдан тийиласиз қайси пайтда сал?
— Майинлашиб биз бегуноҳ ой бўламиз, ой —
Йигитнинг шўх кўзларида ўт ёнган маҳал.
— Қачон нурли, рўё тушлар келаверар рост,
Бор муаммо, ўз-ўзидан бўлаверар ҳал?
— Ишни қўйиб биз туну кун қилганда пардоз,
Йигитнинг шўх кўзларида ўт ёнган маҳал.
— Қачон қуриган жилғадай қоласиз тиниб,
Қора тунда ёруғликка бўласиз маҳтал?
— Йигит бизни ардоқлашни унутган куни,
Йигитнинг шўх кўзларида ўт сўнган маҳал.
— Қачон хазонрез боғларга келасиз кириб,
Кўтара олмай чўкасиз қайғу тошини?
— Биз йигитни тополмасак тўрт ён югуриб,
Биз ёстикда кўрсак унинг азиз бошини.
— Қачон қоп-қора кийимда ўлтирасиз тоқ,
Чидаб бўлмас сиз кўтарган нолаю додга?
— Йигитнинг шўх кўзларига тўлганда тупроқ,
Биз йигитни йўқотганда абад-абадга.

Gulchehra Ibragimova
12.07.2011, 10:46

Эй сабо, рози дилимни бехабар ёримға айт.
Дардлиғ кўнглимни аҳволини дилдоримға айт.

Ҳажр дардидин юракда қолди доғ устида доғ,
Шарҳ этиб бу можарони лола рухсоримға айт.

Фурқат ичра тушди савдои Зулайхо бошима,
Қиммати Юсуф баҳо топти харидоримға айт.

Лутф этиб сўрса мени холимни ул номеҳрибон,
Улди ҳижронингда деб ёри вафодоримға айт.

Сендин айру талхиком этди дебон заҳри фироқ
Ёшурун дардимни ул лаъли шакарборимға айт.

Юз салом айдим, на бўлғай бир йўли ул ҳам деса
Бул саломимни ўшал ошифтаи зоримға айт.

Нодира сенсиз тирикликдин на роҳат кўрди деб
Ул ҳумоюн толиъи фархунда атворимга айт.

Gulchehra Ibragimova
12.07.2011, 11:43

Жаҳон шоирлари, эй, гулшани боғ,
Кими булбул дурур сўзда, кими зоғ.
Кими тўти бекин чайнар шакарни,
Кими лафзи билан ўртар дарарни.
Кимининг сўзлари мавзуну ширин,
Кимининг лойиқи ташрифу таҳсин.
Кими ўзганинг ашъорин меним дер,
Кими ҳалво киби шалғам чўбин ер.
Кими маъний қўюб лафзин тузотур,
Кими вазнин бузуб санъат кузотур.
Аларнинг ўш бири Сайфи Саройи,
Жаҳон орифларининг хоки пойи.
Ани сен жумла шоир камтари бил,
Қамар юзга ҳамиша муштари бил.
(«Фи авсофи шуаро»).

Gulchehra Ibragimova
12.07.2011, 14:03

Хайрлашдик,
Хайр демадим.
Қўрқдим,
Нохуш сўзнинг сеҳридан
Ўзингизни асранг, демадим,
Паноҳида асрайди эгам.

Ортингиздан боқмадим узоқ,
Ахир сўнгги йўл эмас-ку бу.
Тезроқ қайтинг, демадим,
Эвоҳ!
Тилгинамни куйдирди шу сўз.

Айтолмадим, соғинаман деб.
Юрак титраб титранаверди.
Қаршингизда ҳаяжонланиб,
Телба кўнгил ғудранаверди
Қора кўзлар .
Қоп-қора кўзлар,
Ёшдан баттар қорайиб кетди.

Хайрлашдик,
Хайр демадим
Сиз ҳам
Хуш қол, деганингиз йўқ,
Сизни ҳамон кутяпману,
Аммо ҳануз келганингиз йўқ.

Кутмасликка ҳаққим йўқ маним,
Келмасликдан сиз ҳам бенасиб.
Ҳижронлрарнинг риштасин узиб,
Кўришармиз биз яна ҳали.

Хайрлашдик,
Хайр демадик.

12.07.2011, 18:35

Умидлар байроғин қўлга тутиб,
Ул Холиқим кўрмоқ завқин кутиб.

Бу ғафлат дардидан қотди бошлар,
Бош қўяр ёстиғим бўлди тошлар.

Гуноҳ дарёсинда бўлиб ғаввос,
Охир эс-ҳушимдан бўлдим халос.

Ўқиб ҳар куну-тун ўшал қуръон,
Таскин топди қалбим бўлиб шодон.

Ҳаёт дафтаримни варақласам,
Нафси шайтонимни чавақласам.

Ҳисоб кундан аввал қилсам ҳисоб,
Ўз нафсимга тез-тез этсам хитоб.

Аҳлимдан чиқибман қилиб ҳижрат,
Дунёдан мақсадим айшу-ишрат.

Асл мақсадим менга бўлди унут,
Дейди менга нафсим “озгина кут”.

Ғофурун раҳимдур билсанг нечун,
Деб алдар ҳамиша ҳар он, ҳар кун.

Шунга қилдим эълон нафсимга ҳарб,
У малъун шайтонга берай деб зарб.

Шоядки бу ғоям берса фойда,
Роббим ҳузурида маҳшар жойда.

Кошки етса менга Ҳақ раҳмати,
Ки бўлса маъвойим ул жаннати.

Шафоати расул этса насиб,
Илоҳим фазлидин шамол эсиб.

Соғинчдан ёнган дил олар ором,
Тилим ҳақ зикрида этар давом.

Қурбон этсам Ҳаққа минглаб жанон,*
Борар жойим сўнгра бўлса жинон.*

Ки сизлардан умид қилинг дуо,
Лек Ҳақ ўзи бергай бу муддао.

Давом этса Ромий дарди битмас,
Ҳам достон этгали умри етмас.

Жанон – жонлар
Жинон – жаннатнинг кўплиги

Nigora Umarova
12.07.2011, 23:34

Юлдузларни, ойни, қуёшни
Паноҳида асрайди осмон.
Кўксидаги кафтдек бардошни
Нечун қийнар жамики инсон?

Тош отсалар бебош болалар
Чўкиб кетар сойнинг тубига.
Тоғда унган чўғдек лолалар
Зеб беради менинг умримга.

Потирлаган юрак ҳам гўё
Қафасдаги қушмикан, дейман?
Биз талпиниб яшаган дунё
Бир лаҳзалик тушмикин, дейман?

Эркалатгим, ўпгим келади,
Юрагимни кафтимга қўйиб.
Кўзларимга суртгим келади,
У ҳам менга тикилса тўйиб.

Бош кўтарса йилларнинг гарди,
Изларидан янглишар мезон.
Осмон ойни асраган каби
Юрагини асрасин инсон.

Nigora Umarova
13.07.2011, 05:43

Tong otmoqda, tong o’qlar otar,
Tong otmoqda quyosh zambarak.
Yaralangan yer shari yotar,
Boshlarida yashil chambarak.
Tong otmoqda,
Mana shu tongga yuragini tutar odamlar,
Shu tongni deb kelgan dunyoga
Va shu tongni deb o’tar odamlar

13.07.2011, 08:21

Эй ёрим, сани ишқингда бўлди ҳолим забун,
Ўтсанг мани ёнимдин назар қилмайсан нечун.

Бир кўрдиму ошиқ ўлдум, кетмасман останангдин,
Эрчиб санга дойим, бўлурман ёнингда ҳар кун.

Мастонавор ўлдум бодаи ишқингдин ичиб ман,
Ғариблик бу ҳолима ҳеч қилмадинг тараҳҳум.

Зор қилма мани кўюнгда сан, сабру-тоқат йўқ,
Парвонаи шамъдек ҳар дам тавоф этиб тургум.

Кечдим хонумонимдин Адҳам сифат, ҳам аҳлимдин,
Ҳам ёзимдин, ҳам қишимдин васлинга етмоқ учун.

Аҳволим ҳушидин айрилғон бир девона янглиғ,
Бўлмаслар асло ўзумдин ҳам сўзумдин мамнун.

Бу ҳолима лаб тишлаб турмағил ҳайрат ила,
Ки еткурдунг шул мақома айлаб мани мажнун.

Баҳри муҳаббат ғаввосларидек юрсам сузуб,
Охир манзила етғунча ёдингла ўлмам маҳзун.

Ишқингла ўтар умрум занбурни нўшидек,
Рад этсанг Ромийни сан, қолгай азоб ичра мадфун.

Забун – забун, заиф
Хонумон – молу мулк, бойликлар
Баҳр – денгиз
Ғаввос – сувга тез-тез кириб,шўнғиб турадиган одам
Занбур – ари
Нўш – асал
Мадфун – дафн этилган, кўмилган

Nigora Umarova
13.07.2011, 08:55

Ne navo, soz aylagay bulbul gulistondin judo,
Aylamas to’ti takallum shakkaristondin judo.

Ul quyosh hajrinda, qo’rqarmen, falakni o’rtagay-
Har sharorekim, bo’lur bu o’tlug’ afg’ondin judo.

Dema, hijronimda chekmaysen fig’onu nola ko’p,
Jism aylarmu fig’on bo’lg’an nafas jondin judo?

Hajr o’lumdin talx emish, mundin so’ng, ey gardun, meni
Aylagil jondin judo, qilg’uncha jonondin judo!

Bo’lsa yuz ming jonim, ol, ey hajr, lekin qilmag’il
Yorni mendan judo yoxud meni ondin judo.

Vasl aro parvona o’rtandi hamono bildikim,
Qilg’udekdur subh ani sham’i shabistondin judo.

Bir eyasiz it bo’lub erdi Navoiy yorsiz,
Bo’lmasun, yo Rabki, hargiz banda sultondin judo.

Hazrat Nizomiddin mir Alisher Navoiy
____________
takallum-so’zlar, nutq.
Sharor- uchqun, alanga.
talx-achchiq, taxir.
eya- ega

Gulchehra Ibragimova
13.07.2011, 09:30

Мен сенга дунёлар бермадим,
Ёрим деб кўксимни кермадим.
Сен учун боғдан гул термадим,
Олавер, ҳаётим – сеники.

Ошиқ дил мисоли девона,
Унга бу дунёлар бегона.
Ҳаёлим бошингда парвона,
Олавер, ҳаётим – сеники.

Осмоним булутли гоҳида,
Лек нур бор кўнглимнинг тоқида.
Кўрайин вужудим соғида,
Олавер, ҳаётим – сеники.

Эрта-кеч гул кутиб, ўксима,
Ҳаётим олдида гул нима,
Келиб бош қўйсанг бас, кўксима,
Олавер, ҳаётим – сеники.*

Ботиржон Эргашев
*(Хонанда Озодбек Назарбековнинг машҳур қўшиғи)

Nigora Umarova
14.07.2011, 09:55

Hayotning har lahzasi go’zal

Tun pardasi ochilar asta,
Chiqib kelar sahnaga quyosh.
Kelinchakdek bo’lib orasta,
Gul salomdan ko’taradi bosh.
Hovli go’yo yuvilgan chinni,
Yo’llar go’yo artilgan oynak.
Qutlash uchun yangi bir kunni,
El oyoqqa turar jonsarak.
Hayotning har lahzasi go’zal,
Umrning har dami g’animat.

Qaymoq isi yayratar tanni,
dasturxonda issiq kulchalar.
Suv bosgandek qaqroq o’zanni
Odamlarga to’lar ko’chalar.
Asli hatto go’dak to’ydirmoq
barobardir og’ir yumushga.
Oshiqarlar, yuraklar qaynoq,
Birov ishga, birov o’qishga.
Hayotning har lahzasi go’zal,
Umrning har dami g’animat.

Duch keladi yuzlab chehralar,
Ko’pin qaytib ko’rmoqdir mahol.
Ular dilga yaqin naqadar,
Shuning uchun tuganmas iqbol.
Barchinoylar nigohida sir,
Alpomishlar ko’zida yashin.
Yoshlik qaytar qalbga sochib nur,
Eslaysan ilk sevgi otashin.
Hayotning har lahzasi go’zal,
Umrning har dami g’animat.

Bir mahallar berishgan salom,
Endi esa olishar alik.
Tillarida duo, xush kalom,
Saodatdir hatto keksalik.
Kulib turar munchoqko’z bola
“Tinchlik” so’zin solar yodingga.
Sochlaringdan erib oq tola
Intilasan yana oldinga.
Hayotning har lahzasi go’zal,
Umrning har dami g’animat.

Bu yurtda alp chinorlar o’sar,
Ko’k gumbazlar o’ngu so’lingda.
Bir azaga kirib o’tsang gar,
So’ng o’nta to’y uchrar yo’lingda.
Goh birovlar tanishar ilk bor,
Goh yig’ilar eski ulfatlar.
Odamzotga dunyo bo’lmas tor
To mavjuddir shirin suhbatlar.
Hayotning har lahzasi go’zal,
Umrning har dami g’animat.

Bosh ko’tarmas kimdir ishidan,
Kimdir o’ylar ulug’ bir reja.
Yana sirli olam qushiday
Qo’na boshlar yurtimga kecha.
Bugunidan el ko’ngli to’lib,
Ertangi kun uchun to’plar dosh.
Anvar shoir charchog’i bo’lib
Tog’ ortiga yonboshlar quyosh.
Hayotning har lahzasi go’zal,
Umrning har dami g’animat.

Gulchehra Ibragimova
14.07.2011, 10:34

Мени эгик турмоғим бошим,
Зор – интизор кутасан нега?
Нечун керак сенга кўз ёшим,
Не истайсан, ғашимга тега?

Мушугингни “пишт” деганим йўқ,
Арпангни ҳам ўрмаганман хом.
Ё ҳаққингни еб қўйганим йўқ,
Мендан нима истайсан мудом?

Ўз йўлимда юрсам-да, бироқ,
Тинч қўймайсан, қоралаб шаъним,
Бу ҳол давом этарми узоқ,
Қачон инсоф кирар эй, ҒАНИМ?!

Қизиқтирар нимам-ки сени,
Фақат менинг томон бўйлайсан,
Жуда ўйга толаман, мени –
ЎЗИМДАН ҲАМ КЎПРОҚ ЎЙЛАЙСАН.

14.07.2011, 14:04

Кўнглим ёришмайди одамларнинг ишидан,
Бири ҳасад қилса, бири этар хиёнат.
Кўнглим ёришмайди бу ҳаёт кечмишидан,
Бир текис ўтмайди, қайга боқсанг разолат.

Не қиларим билмайман, ҳеч кимда йўқ ишонч,
Ҳатто айтолмай дардларим юраман маҳзун.
Ғамга тўлган ҳаётим, тополмайман қувонч,
Баъзан ҳаёл сураман, бўлдиммикин мажнун.

Баъзан эса оламан китобдан аламим,
Гоҳида дилга яқин наволар тинглайман.
Ёнимда бўлмаса гар қоғоз ва қаламим,
Ҳеч тополмай овунчоқ, тунлари инграйман.

Дунё тўла одам лек топмадим содиқ дўст,
Бири ишимга дўст бўлса, бири пулимга.
Балки шу сабаб одамларга ишончим суст,
Энди асло қарамасман ўнгу-сўлимга.

Майли розиман, мени телба десалар ҳам,
Десинлар майли, ўша Ромий одамови.
Чин дўст топа олганлар жуда, жудаям кам,
Роббимни дўст тутдим, сидқига бор гарови.

14.07.2011, 14:49

Bu she’rni juda yoqtiraman. TVda klipini ham bergandi.
Hayot biz unga qanday nigohda qarashimizga bog’liq. Anvar Obidjon domla hayotga faqat go’zal nigoh bilan qaragan ekanlar she’rlarida. Shuning uchun bu olam chiroyli bo’lib tuyulmoqda.. Rahmat, Nigora opa, qalblarimizga faqat go’zallik ulashdingiz. 🙂

Samarqand-uz
14.07.2011, 15:12

Lutfingdan emasdir noumid hech inson,
Kim topsa seni mangu hayotdir ehson.
Qay zarraga bir lahza lutf etgan esang,
Yuksaldi u zarra ming quyoshdan chandon.

* * *
Zar harfi yiroqdir bu jahon darveshidan,
Tig’ dahshati lozim emas oshiq kishidan.
Ey, bosh olishimdan cho’chiysan muncha –
Haq oshig’i xolismasmi bosh tashvishidan?!

Nigora Umarova
14.07.2011, 15:30

Lutfingdan emasdir noumid hech inson,
Kim topsa seni mangu hayotdir ehson.
Qay zarraga bir lahza lutf etgan esang,
Yuksaldi u zarra ming quyoshdan chandon.

Sulaymon Boqirg’oniyning mashhur g’azali bilan mazmunan yaqin ekan:

Sani darding manga darmondin ortiq,
Sanga qul bo’lganim sultondin ortiq.
Gar nomingni aytsam cho’l ichinda,
Ul cho’l bo’lur manga bo’stondin ortiq.

15.07.2011, 04:52

Парчагина булут, чексиз осмон,
Адир ортидаги ёлғизоёқ йул.
Барча ташвишларни унутиб шодон
Қайтгим келаётир қошинга буткул.

Қисмат майин ичдим аччиқ ва тахир,
Туйдим эҳтироснинг самовий кучин.
Дунёда одамзод яшамас ахир
Фақат иродасин синамоқ учун.

Парчагина булут, чексиз осмон,
Адир ортидаги ёлғизоёқ йул.
Барча ташвишларни унутиб шодон
Қайтаолсам эди қошинга буткул.

PS. Радиодан олинди.

15.07.2011, 05:11

Hayotning har lahzasi go’zal

Tun pardasi ochilar asta,
Chiqib kelar sahnaga quyosh.

Бутун оила дастурхон атрофида жамланган. Кимдир иш, яна кимдир ўқиш, миттивойлар боғча тараддудида. Режаларнинг, яхши ниятлар, эзгу истакларнинг чеки йўқ. Тандирдан эндигина узилган ширмой ноннинг таъми оила ҳотиржамлиги билан қўшилиб танларга қувват бахш этади. Меҳр билан узатилган бир пиёла чойнинг кучи кечгача тетиклик армуғон этишга қодир. Нонушта сўнгида чин дилдан айтилган эзгу истаклар эса яхшиликларга рағбатдир. Ахир юртга тинчлик, фарзандларга оқибат, кексаларга роҳат, оилаларга ҳотиржамлик тилаб дуога қўл очишнинг ўзи ҳузур. Бу манзара олтин остонали оилаларнинг энг чиройли кўринишидир. Оила – бахт тимсоли.”

Gulchehra Ibragimova
15.07.2011, 10:59

***
Эшигингни
билмай очдим,
Ичкарида кимлар бор?
Не бўлса ҳам
Ўздан кечдим,
Сенсиз кўзга дунё тор.

Ичкарида
биров бордир,
Балки сиғармиз учов.
Мен кўзлаган
тоғлар ғордир,
Сен ўйлаган ўй пуч-ов.

Эшигингни
билмай очдим,
Нур қуйилди бошимдан.
Не бўлса ҳам
ҳаддан ошдим,
Ошиб ўттиз ёшимдан.

Остонангда
туриб бўлмас,
Ташқарида йўқ ҳаёт.
Ортга эса
йўл йўқ энди.
Ичкаридан йўқ нажот.

18.07.2011, 11:24

Nima bo’ldi, nimalar bo’ldi,
Ikki yonga ketdik ayrilib.
Ketarkanman qaragim keldi,
So’ngi bora ortga qayrilib.

Qaramadim, qaray olmadim,
Egsam hamki bu mag’rur boshni.
Hech ko’rsatgim kelmadi Sizga,
Ko’zlarimga to’lgan ko’z yoshni.

Men mehrlar bergandim sizga,
Yonib, yoniq otash mehrlar
Bugun mening qo’rlarim so’ngan,
Bugun Sizni kimlar sehrlar.

Ma’yuslanib qolasiz nogoh,
Nafratmidir ko’ksimda o’sgan.
Zor bo’lasiz bir kun baribir,
Jannatlarda topilmas hisga.

Kimdan xato o’tdi bilmadim,
Siz hanuz jim, men hamon jimman.
Qahratonli bir sovuq kunga
Xudo bir o’t olar ko’ksimdan.

“Qaytarib ber, mehringni” deysiz
Bilmaysiz qalb g’amdan tolganin.
Pichirlayman sovuq, xotirjam;
“Banda bermas, Xudo olganin”

18.07.2011, 23:27

Дилим бунча эркасан, шухсан,
Киликларинг сигмас дунёга.
Узинг учун дунё яратиб,
Ухшатмайсан уни руёга.

Кунглим, сенга тордир бу дунё,
Узинг сигсанг у”йинг сигмайди.
Кечолмайсан асли дунёдан,
Бирдан кечсанг бири йиглайди.

Калбим, сигмай икки дунёга
Яна дунё курмок истайсан.
Тан олмайсан хатто узингни,
Хар дунёдан узинг излайсан.

Юрак, бас кил дунё кезмокни,
Аслидан топ руёларингни.
Бир бор кузинг очиб боксанг бас,
Унутасан дунёларингни.

Али Ал Мехр.
18.07.2011
23:27

Nigora Umarova
19.07.2011, 10:04

Қувончдасан, ғамдасан,
сен менинг сўзимдасан.
Йироқда, яқиндасан,
сен менинг ўзимдасан.
Чопинар дарё кўкка,
мен эсам дарёдаман.
Тунлар ой нурин ўпган
кўзлари қародаман.
Сен – мисли денгиздирсан,
ўйимда, кўзимдасан.
Сен беҳад тенгсиздирсан,
барибир, ўзимдасан.

19.07.2011, 10:11

Кореяда юрганимда хар куни бир туртликни СМС килиб жунатардим. Кейинрок телефонда сакланиб колганларини туплаб шеър килиб куйдим.

Соғинчларинг соғинчимга етолмайди,
Юраккинам сени ташлаб кетолмайди,
Афсус, висол бугун ҳушнуд этолмайди,
Соғиганим, соғиндигми сен ҳам мени?

Қанчалар хам соғинганим билсанг эди,
Тушларимга меҳмон бўлиб келсанг эди,
Хижрон эмас, сен юрагим тилсанг эди,
Ширингинам, соғиндингми сен ҳам мени?

Булутларга мактуб ёзсам олармисан?
Тунда ойга суратингни солармисан?
Қуёш каби сен ҳам ишқдан ёнармисан?
Эркатойим, соғиндингми сен ҳам мени?

Мехринг бериб мехрим олиб қолганмидинг?
Захмим олиб қалбимга ишқ солганмидинг?
Сен хам мендек висол кутиб толганмидинг?
Ойқизгинам, соғиндингми сен ҳам мени?

Сен ҳам мендек кунлар санаб юргандирсан?
Ҳар лахзани тез ўтсин деб тургандирсан?
Хижрон захмин сен ҳам мендек билгандирсан?
Мехрибоним, соғиндингми сен ҳам мени?

Жанубий Кореа.
Декабрь, 2008 йил.

Gulchehra Ibragimova
19.07.2011, 18:54

Сиз йўқлабсиз «меҳр кўргизиб,
Келмаслар», — деб армонли.
Сиз бош эгиб йўқлайсиз-у
Аярмидик биз жонни.

Шундай йўқлаб келгандик бир,
Тополмадик, на илож,
Кийдирмоқчи эдик ахир
Бошингизга бахтдан тож.

Йўлингизга алвон-алвон
Чечак сочсак дегандик.
Умр боғида шўх-шодумон
Ғунча очсак дегандик.

«Айтсам, рад этса, қўйса чек»,
Андишангиз эшитиб,
Биз ўзимиз очмоқ бўлдик
Толеингиз эшигин.

Излаб келсак, мана, йўқсиз,
Ғурурли дил хомталаш.
Қайтмоқдамиз йўл шукуҳсиз,
Қайтмоқдамиз кўнгил ғаш.

Ўч ҳиссими кўзда қалқир,
Бир лоқайд, бир хотиржам.
Эртанги кун йўқлаб балки,
Сиз топмайсиз бизни ҳам.

Gulchehra Ibragimova
19.07.2011, 19:03

Кутдим, кутдим, келмадинг 6у кун,
Умид қилдим эртанги кундан.
Эртанги кун топмоқда якун,
Аммо ҳамон дарак йўқ сендан.

Туни бўйи мижжа қоқмайин,
Яна кутдим эртанги кунни.
Сипқорарлар кимлар ишқ майин,
Кимлар чапдаст, тўкмоқда уни.

Сендан эса на хабар, на хат,
Тун ё тонгда келмайди менга.
Тугаб борар мендаги тоқат,
Ўчми, надир олар аланга.

Нега, жимсан. Тоза ишқ номин
Ўпиб мен кўз тиндиргим келди.
Нега жимсан, қайноқ ишқ жомин
Тошга отиб синдиргим келди.
Нега жимсан.

Kahramon Jalilov
20.07.2011, 10:33

Жон озиғи бўлар экан навода,
Қанча куйлар бордир жондан зиёда,
Лек баридан менга азиз дунёда,
Онам алласи, онажоним алласи.

Вужудимда недур юрар тингласам,
Юрагим бошқача урар тингласам,
Жон-жонимга титроқ солар тингласам,
Онам алласи, онажоним алласи .

Алласи кўзда ёш бўлиб айтса хам,
Гох берилиб, гохо хаста айтса хам,
Таъсирли, пичирлаб аста айтса хам
Онам алласи, онажоним алласи .

Алла болам деса рухим дам олар,
Танамда чарчоқлар зумда йўқолар,
Жарангли бир умр қулоқда қолар
Онам алласи, онажоним алласи.

Сен онамдан менга қолган зўр малхам,
Хотирамдан кетмас содиқсан хар дам,
Дунёда бор куйга сени алмашмам,
Онам алласи, онажоним алласи.

20.07.2011, 15:27

Ювилди дил ғуборларим.

Кўз ёшимни артиб қора бўлди булутлар,
Хасратларим чангларига акса урарлар,
Юрагимнинг парчасидек дўлга айланиб,
Тупроқларга қоришганча яксон турарлар.

Овутади орзуларин айтиб маъюс ой,
Умид бор деб шўх юлдузлар берарлар таскин,
Мехр билан эритганча ҳар бир донани,
Алла айтиб ўз бағрига сингдирар замин.

Эркалайди нури билан мўйсафид қуёш,
Шудринглардан оқ булутлар ясар мафтункор,
Замин узра майсаларга айланмоқ учун
Тупроқларда қолиб кетар дилдаги ғубор.

(С) 29 июнь 2007 йил.

20.07.2011, 17:56

Сузларим етмади Онажон.

Сузларим етмади Онажон,
Тарифинг эътироф этмокка.
Сен айтган эртаклар етмади
Орзуда висолга етмокка.

Сен кандай аллалар айтгансан?
На согинч, на кайгу сузи бор?
Хотирам чойшабга ёзгин деб
Бешигим каламга интизор.

Канчалар уриндинг билмадим,
Бешикдан пойимга юргунча,
Минг овоз чикариб йигладим,
Тилимга илк сузни куйгунча.

Минг таъриф этмокка дунёни
Минг олам тили бор бу замон.
Онажон, бир мехринг айтмокка
Сузларим етмоги даргумон.

Согинчни, кувончни, Мехрни
Таъкидлаб буларми аслида?
Таърифинг бир сузда айтмоклик
Бормикин инсоннинг наслида?

«Она» деб айтганим етмади.
Юракни тинглаган кай инсон?
Истагим, таърифинг битгани
Сузларим етмади Онажон.

21.07.2011 йил.
Али Ал Мехр.
🙁

Nigora Umarova
21.07.2011, 08:45

Oy yuzingga jon bila to bandaman,
Mehri ravshandil bikin tobandaman.

Ko’rgali yuzung gulistonin ko’zum
Zavq birla gul bikin purxandaman.

Gulni o’xshatg’ali ol englaringni,
Bu jihattin ollatak sharmandaman.

Poybo’sung dast bergali manga,
Toptim, ey jon, davlati poyanda man.

Jonni berdim bir yo’li yo’lingda, lek
Ishqing ila to qiyomat zindaman.

Man sanga jon birla oshiqman vale
San, nigoro, qandasan, man qandaman?

San shahanshohi zamonsan husn ila,
Hofizi bechoratak man bandaman.

21.07.2011, 09:10

Agar oshiqlig’im aytsam, kuyub jonu jahon o’rtar,
Bu ishq sirin bayot etsam, taqi ul xonumon o’rtar.

Kishiga ishq o’tidin zarraye yetsa, bo’lur giryon,
Bo’lub besabru betoqat, yurak-bag’ri chunon o’rtar.

Nechuk toqat qilay, do’stlar, bu dard ila bo’lub hayron,
G’amim boshqa, alam boshqa, yuragimni fig’on o’rtar.

Meni bexonumon tinmay kuyub har dam firoqingda,
“Nigoro!” deb oting aytsamki, shavqingdin zabon o’rtar.

Qayu til birla, ey jono, sening vasfing bayon aylay,
Tilim lolu ko’zum giryon, so’ngaklarni nihon o’rtar.

Na qattig’ kun ekan, dilbar, visolingdin judo bo’lmoq,
Mening ohim o’tig’a bul zaminu osmon o’rtar.

Yurakda dardu g’am qat-qatki, menda qolmadi toqat,
Agar bu zarrasin bul vaqt desam, ishqi bayon o’rtar.

Bu dard ila xarob o’ldum, kelib holimni so’rmassan,
Unum chiqsa yurakdin, bu tanu jon, ustixon o’rtar.

Bu Mashrab dardini, jonoki, hech kim boshig’a solma,
Agar mahsharda oh ursam, bihishti jovidon o’rtar.

Nigora Umarova
21.07.2011, 09:29

Эй фалак, қилдинг мени ул меҳрибонимдин жудо,
Булбули шўрида янглиғ гулистонимдин жудо.

Найлайин, қилдинг мени охир ғарибу нотавон,
Мубталои ғам қилиб, кўксумда жонимдин жудо.

Қумри янглиғ бандалик тавқини бўйнумға солиб,
Термулиб ҳайрон эдим сарви равонимдин жудо.

Оҳ уруб, қон йиғласам, айб айламанг, эй дўстлар,
Мен бўлубман тўтийи ширинзабонимдин жудо.

Кўҳ ба кўҳ, саҳро ба саҳро, Машрабо, юрмоқ надур?
Чўғзи бевайронадурман ошиёнимдин жудо.

Gulchehra Ibragimova
21.07.2011, 10:05

Замон! Менга ҳам боқ, кўнглимни кўтар,
Етар нигоҳингдан юрганим нари.
Замон! Елкамда тоғ, жонимдан ўтар,
Армоннинг ҳар галги ғалабалари.

Замон! Жонига жон бўлай жонингни,
Ачингин дилимнинг доду войига,
Замон! Кел мени ҳам қўш карвонингни,
Омадли кимсалар минган жойига.

Замон! Сенга боқдим бор дармон билан,
Менга ҳам боқ, чиқай орзу тоғимга.
Замон! Ҳеч йўл қўйма шум армон билан,
Беҳуда курашиб яшамоғимга.

Замон! Ўксикларга тўлган дилимни-
Поклиги ҳурмати бир лаҳза шод қил.
Замон! Ғамли ўтган ўттиз йилимни
Шу шодон бир лаҳзам олдида мот қил.

..Замон!! Ўтинаман чоғ қил вақтимни,
Бахтли одам бўлиб, кўнглим тин олсин.
Замон! Шундай қил-ки, кўриб бахтимни
Армонлар аламдан, армонда қолсин!.

Masud Mahsudov
21.07.2011, 10:22

Не балолиғ эрди, эй шўхи дилоро, суратинг,
Ақлими лол этти қилғунча томошо суратинг.

Кетти бир кўргач ани сабру қарорим шеваси,
Айлади тоқат нечук чекканда тарсо суратинг?

Ёки Гуландом эрурсан, боз келдинг дар вужуд,
Айлади Баҳромдек бизларни шайдо суратинг.

Сарв қадлар суратин чекканда наққоши азал,
Бир алиф шаклида ёзмиш қадди зебо суратинг.

Нақши пойингни чеколмас эрди Чин суратгари,
Олғуси миръот ила рус аҳли қайдо суратинг.

Бу латофатлар била борса калисоға агар,
Қўймағайму бош-аёғига чалипо, суратинг.

Турфаким тасвири лаълинг мурдаларға жон берур,
Йўқ эрур, жоно, ажаб бўлса Масиҳо суратинг.

Кеча-кундуз журъат айлаб моҳу меҳр ойнаси,
Бўлмади кўрмоқ ила мустағни асло суратинг.

Фурқатий қошу кўзинг айни тасаввур айлагач,
Солди ғорат кўнглиға, жониға яғмо суратинг.

Gulchehra Ibragimova
21.07.2011, 14:59

ҚАЕГА ҲАМ БОРАРДИМ?

Ҳаёлнинг отида Ойга бораман,
Қушлар етолмаган жойга бораман.
Сал ўтмай, барибир, қулаб тушгайман-
Ушоқча дард билан қайга браман?!

Наҳот, дийдам шунчалар қаттиқ,
Бешафқатсан, Ҳаёт, бешафқат.
Ҳеч кимим йўқ ўзимдан ортиқ,
ОНАМ учун ТОПОЛМАЙМАН вАҚТ..
***
МАНЗИЛ

Булоқлардан тоза кўзёшман,
Халқдан чиқиб халққа бораман.
Мен шундай бир ўжар қуёшман,
ШАРҚДАН чиқиб, ШАРҚҚА бораман.

21.07.2011, 22:08

ОНАМ учун ТОПОЛМАЙМАН вАҚТ..

Чақмоқ каби бир ёндингу зумда сўндинг.
Тақдир учун эмас менинг оху зорим.
Ёлғончи деб ном чиқарган бу дунёга
Мени ёлғиз ташлаб кетдинг Онажоним.

Бунчалар мехрибон эдинг Онажон,
Канчалар нодонман, энди билибман.
Сен кетган сукмокдан топиб олганим
Хали хам ковушинг кийиб юрибман. 🙁

22.07.2011, 01:39

Мен шунчаки ўйлагим келмас,
Хаёл — шароб мисол қилсин сархуш, маст.
Мен шунчаки куйлагим келмас,
Овоз пардаларим чидаб берса бас.

Қўлингга тушаркан жажжи чақалоқ,
Шунчаки севмоқда қандай лаззат бор.
Керак чинқиртириб ўпиб, тишламоқ,
Биз ҳам гўдакликда топганмиз озор.

Шунчаки севилмоқ — бахти қоралик,
Тўла толе учун бу кемтик, бу кам.
Менинг қалбим шундай севгига молик,
Бир чарсиллаб ёнай, сўнгра сўнсам ҳам.

Оҳангга шунчаки солмасдан қулоқ,
Таржима қилиб ёз сим садоларин.
Ахир булоқмасмиш тоғдаги булоқ,
Кўз ёшларимиш у ишқ гадоларин.

Шунчаки кулмоқ ҳам истеҳзодек гап,
Бирдан қаҳ-қаҳ урай, чўчиб кетсинлар.
Бошларига осмон тушгандай қулаб,
Ғафлат бандалари ёқа тутсинлар.

Шунчаки йиғлаш ҳам ярашмас бизга,
Уни эплар фақат юраги тошлар.
Шундай йиғлай, ҳожат қолмасдан сўзга,
Қурғоқ кўзлардан ҳам қуйилсин ёшлар.

Шунчаки ёзмоқ-чи, кўнгил тўлмайди,
Шунчаки ёзмоққа бормайди қўлим.
Шунчаки ёзганга чидаб бўлмайди,
Шунчаки ёзмоқ, бу — шоирга ўлим.

Gulchehra Ibragimova
22.07.2011, 09:37

Ўлгин дединг — ерга кўмдинг —
Илдиз бўлдим.
Кўкка отдинг — йўқ бўл дединг —
Юлдуз бўлдим.
Тилим кесдинг — дилим айтди —
Рост калима.
Қийин бўлди сенга шўрлик
Душманим-а!
Душманим-а, тошлар отиб
Тўймайдирсан—
Тупроқ бўлай десам, нега
Қўймайдирсан.

Усмон Азим
__________

Gulchehra Ibragimova
22.07.2011, 15:57

Bir kelib ketgin

Yulduzlardan sog’inchim bisyor,
Dardim kuyga sololmaydi tor,
Senga bitta iltimosim bor,
Sezdirmasdan bir kelib ketgin.

Alamlarni bag’ringga bosib,
Huu. ko’klarga g’ururni osib,
Tuproq bo’lgan qadrni bosib,
Egilmasdan bir kelib ketgin.

Nozli yorim holimizni bilmadilar,
Hol so’ray deb bir ko’rinish qilmadilar.
Sog’indilar, tush ko’rdilar biz oshiqni,
Ammo hayo sababindan kelmadilar.

Yaqin qilib yiroqlarimni,
Intiq qilmay nigohlarimni,
Kechirilmas gunohlarimni,
Kechirmasdan bir kelib ketgin.

To’rt tomon ham gullar bilan tulib toshgan,
Gulchehra yor visoliga ko’ngil shoshgan.
Biz mushtoqni ko’ray debon hohi Toshkan,
Hohi Mashriq tarafindan kelmadilar.

Olloh yo’ling qilsin bexatar,
Armon sendan qolsin bexabar,
O’tinaman. hech yo’q shu safar,
Kechikmasdan bir kelib ketgin.

Bunday go’zal parimi yo paykar bo’lur,
Yoki malak kipriklari xanjar bo’lur.
Kelsa go’yo Malakligi oshkor bo’lur,
Parizodlik nasabindan kelmadilar.

Ostonamdan o’chgandi izing,
O’chgan eding tilaklarimdan,
Va men seni yuraklarimdan,
O’chirmasdan bir kelib ketgin.

Ishqimizni yolg’onlarga yo’yibdilar,
Oxiri yo’q sog’inchlardan to’yibdilar.
Kuta-kuta unutdilar, qoyibdilar,
Unutmoqlik sababindan kelmadilar.

Holim yetmas boshqa hijronga,
Sen yaxshisan, rahm et yomonga,
Men ham borsa kelmas tomonga,
Ketmasimdan bir kelib ketgin.
PS. She’r muallifini topolmadim. Bu qo’shiqni Afzal Husanov ijro etgan.

Kahramon Jalilov
23.07.2011, 09:36

Дўстим вайронада бўлса, менга сарой не керак,
Дўстим ғамхонада бўлса менга хушжой не керак.
Бўй чўзсам осмонларга, қад ростлаб майдонларда
Дўстим зиндонларда бўлса менга ул ой не керак.

Не керак дўстсиз савлат, қуруқ юз, қуруқ суръат,
Дўстим душманлардан бўлса, менга чирой не керак.
Бахтдан боғланса кўзим, уйимда бошлаб базм,
Дўстим азада бўлса, менга ул тўй не керак.

Ёлғондан ёки ростандан, кечиб бўлмайди дўстдан,
Гар нишон дўстим бўлса, менга у ёй не керак.
Минг розиман тақдиримдан, чин дўстлар топдим йўлимда
Дўстим пешонамда бўлса, бошқа маъно не керак.

Abror Qodirov
23.07.2011, 10:08

Siz menga keraksiz,
Men sizga keraksiz.

23.07.2011, 10:56

Kahramon Jalilov, Дустлик хакида накадар ажойиб сатрлар.
Асл дусликнинг кадрига купчилик етмайди. Дустим демоклик осон, лекин дуст булмоклик кийин. Дустнинг кадрига етган инсон дустим сузини эхтиёт булиб ишлатаркан.

Дўст келиб душманнинг ишини қилган,
Ўзлигин билмаган, ўзгани билган
Шайтонни тириклай пўстини шилган
Дўстларим бор экан, ҳали яшайман.

Боримда якиним, йўғимда олис,
Яхшимда йўқ бўлган, ёмонда ҳолис,
Шукрни отини қўйган «Ғаламис»
Дўстларим бор экан, ҳали яшайман.

Кенг жойда мушт бермай торда ош берган,
Дўстимдан паноҳ деб кўксини керган,
Ёнимда мен билан ризқимни терган,
Дўстларим бор экан, ҳали яшайман.

Кун келиб бировга ёв ҳам бўларман,
Қиёмат дўст топсам, балки ўларман?
Унгача бир униб, бирда сўларман,
Дўстларим бор экан, ҳали яшайман.

(С) 30 Сентябрь, 2009 йил.

Mahmud Jurat
23.07.2011, 13:38

***
Гулбаргдан нозикроқ нарсадир иффат,
Гард қўнса назокат йўқолар буткул.
Ўз қадрин билмаган баъзи касофат,
Иффат талаб қилар гўё у Бахлул.

Ночор бандасиман Тангри, муҳитнинг,
Нозик саволларга вужудим кўза.
Мен дўсти бўламан ҳар дайди итнинг,
Агар итнинг нафаси иффатли бўлса.

Тор экан бу дунё савол сиғмайди,
Тақводор “домла”лар жавобдан қочар.
Ўзи иффатсизлар мени қийнайди,
Улар атрофимда гўё арчазор.

Мен иффат қидирдим инсон қалбидан,
Қалби пок инсонлар беҳад камтарин.
Мутлақ иффатнику асло топмадим,
Иффат соҳибидир менинг дўстларим.
(С)

23.07.2011, 14:35

Дил пораси, кўз қораси
Сен ўзингдирсан.
Менинг кўнглим сен аслида
Сен кўзимдирсан.
Томиримда томир ёйган
Илк сўзимдирсан.
Илк оғриғим, илк ёмғирим,
Найсоним, Ватан.

Қир устида ёнбошлаган
Бобом чайласи,
Бу дунёда кимларнингдир
Орзу-ҳаваси.
Димоғимда — юлдуз иси,
Шабнамлар иси,
Момом экиб кетган кашнич,
Райҳоним, Ватан.

Қулоқ солсам шивирлагай
Ҳатто тошларинг.
Ою қуёш, камалаклар
Кўзу қошларинг.
Бешигимни тебратгандир
Қалдирғочларинг,
Ою қуёш кўрпа солган
Айвоним, Ватан.

Бўронлари тулпорларга
Тунлар ёл бўлган.
Бир ўғлони чинор, бири
Мажнунтол бўлган.
Бобурлари отдан тушмай
Қадди дол бўлган,
Мозийлари, чаманзори
Жаҳоним, Ватан.

Валилардан ибрат сўйлар
Жулдур саҳролар.
Сўнди қанча салтанатлар,
Қанча туғролар.
Мақбаралар айтсин лекин,
Айтсин Зуҳролар:
Ер остидан суҳбат айлар
Ҳануз Кубролар,
Термизийлар бедор ётган
Қўрғоним, Ватан.

Не тонг эди — изғиринлар
Заҳрини тотдинг.
Дастурхонда музтар қолди
Қанду новвотинг.
Шаҳидларнинг мунгларидир
Ҳар бир работинг,
Абадий ёд эрур асли
Адабиётинг,
Чўлпон, Фитрат, Қодирий ҳам
Усмоним, Ватан;

Мен дунёни не деб айтай?
Бу бир кўҳна боғ.
Ўз билганин сайрар бунда
Ҳар қумри, ҳар зоғ.
Асло сенинг бағирларинг
Кўрмайин мен доғ.
Юлдузларга осмон бўлган
Эй, нурли тупроқ,
Осмонлари еру ери
Осмоним, Ватан.

Сўқмоғингда мен бир эпкин
Ё бир насимман.
Япроқ сенинг хас бўлсам гар,
Сенинг хасингман.
Жайронларинг кўзларида
Қолар сўзингман.
Менинг борим сен биландир,
Йўғим сен билан,
Катта йўлга чиққан улуғ
Карвоним, Ватан.

23.07.2011, 15:00

Ночор бандасиман Тангри, муҳитнинг,

Assalomu alaykum, domla mana shu qatoriga izoh berasizmi mumkin bo’lsa?

Mahmud Jurat
23.07.2011, 17:27

Менимча бу жойда катта сир сақланган эмас. Биз ҳаммамиз Тангрининг бандалари, аммо Мутафаккир Ғаззолий изоҳлаганидай, (буюк китоблар ва ўз вақтининг мутафаккирлари фикрини келтириб), бизга Тангри томонидан ихтиёр ҳам берилган. Қарабсизки, биз шу орқали бевосита ҳаммамиз муҳитнинг ҳам тўлиқ маънодаги “ижрочисига”, “ўйинчоғига” . оддий фуқаросига айланиб қоламиз.

23.07.2011, 19:16

Muhtaram ustoz, menga she’rning hamma bandi yoqdi ayniqsa mana bu misrasi:

Мен дўсти бўламан ҳар дайди итнинг,
Агар итнинг нафаси иффатли бўлса.

Bundan solih kishilar tafakkurini sezish qiyinmas.

Ammo, sizga yuqorida savol qilib bergan bir qatornigina hazm qila olmadim.
Chunki misradan : “Ey, Tangri, men tabiat, atrof-muhitning nochor bandasiga aylandim” degan mazmunni angladim. Magaramki adashmagan bo’lsam. Vaqtiki ulamolar, hazrat G’azzoliy ham nafsga qul bo’lib qolmaslik haqida ogohlantiradilar. Nafs amridan chiqa olmadingizmi, bilingki uning quli bo’lishdan hech farqingiz yo’q ma’nosida so’zlaganlar. Lekin bu bilan “biz nafsga qulmiz” degan mohiyat chiqmasa kerak, fikri ojizimizcha.

Bir narsa ko’p o’ylantiradi. Mayli, garchi hayotda nafsga ko’p berilarmiz, balki atrof-muhit izmidan chiqib keta olmayotgandirmiz, uning qo’lida bir o’yinchoq kabi nima uchun yashayotganligimiz yodimizda turmas. Lekin o’zimizni shu muhitning bandasiman deb aytishga haqqimiz bormikan? Bu yengil taslim bo’lishmi? Unda nafsimiz bilan kurashishni nima ma’nosi qolardi.

Izoh uchun tashakkur,
samimiy ehtirom bilan.

24.07.2011, 00:05

Muhabbat, bu – yalt etgan nigoh
Va halovat abas, degani.
Muhabbat, bu – o‘zingni sevmoq
Va o‘zgaga havas, degani.

Hayot isi kelar ismidan,
Hayotingni kessa-da zimdan,
Muhabbat, bu – kuy to‘la zindon,
Atirguldan qafas, degani.

U – quyoshdir, eta olmassan,
U – ko‘z yoshdir, tuta olmassan.
Muhabbat, bu – keta olmasdan
Jon talashgan nafas, degani.

Subhidamda kuylagan kaptar,
Esda turmas chiroyli gaplar,
Muhabbat, bu – titragan lablar,
Azr degani, araz degani.

Tarixlarni buzgan qudrati,
Yorug‘likdan o‘zgan sur’ati.
Muhabbat, bu – baxtning surati,
Baxtning o‘zi emas, degani.

Gulchehra Ibragimova
25.07.2011, 10:16

Siz menga keraksiz,
Men sizga keraksiz.

Ажойиб сўз ўйини!http://uforum.uz/images/icons/icon14.gif

Nigora Umarova
25.07.2011, 11:54

Ажойиб сўз ўйини!http://uforum.uz/images/icons/icon14.gif

Яқинда қатнашган ёш ижодкорлар анжуманида мен ҳам ёш ижодкорнинг янги бир қиррасини ўзимга кашф қилдим.

Забони ширин дурафшон ҳилол
Ширин лутфингдир ойдин юзларинг.
Дурафшон ойдин кечада нозли
Ҳилол юзларинг нозли сўзларинг

Лутфида алфоз-ла гуфтори ўзим,
Алфоз-ла аёндир дилнома асрор.
Гуфтори дилнома дилзори ўзим,
Ўзим асрор, ўзим беозор.

Туғён ур, бу кун дилда муҳаббат,
Бу кун дилнавоз куйингни айтгин.
Дилда куйингни тинглар саодат,
Муҳаббат айтгин: саодат қайтгин.

Кўнглимни қувончга тўлдиргин пари,
Қувончга яқиндир дилкаш дилдорим.
Тўлдиргин дилкаш дилимни шод эт,
Пари дилдорим шод эт, гул ёрим.

Хонишим дилингни мафтун қилган ёр,
Дилингни йиғлатмас қалбим хатоси.
Мафтун қалбим ағёри ҳижрон,
Қилган ёр хатоси- ҳижрон жазоси.

Сўзларни терилишига эътибор беринг. Бир пайтлар шу кўринишдаги Алишер Навоийнинг ғазалини форумимизда таҳлил қилган эдик. Шеърда такрир санъатидан моҳирона фойдаланилган.Тўғри, баъзи бир жумлаларга бир оз ишлов бериш керак.

Gulchehra Ibragimova
25.07.2011, 20:01

Ишқингиздан қолди юрагимда доғ,
Англадим ишқингиз ўтсиз эканин.
Порлаб кўринган гул бўлди-ю янтоқ,
Кўнглимни қон қилди унинг тикани.

Агар ишқингизда бўлса эди ўт,
Бу қора қуюнлар қилмас эди кор
Ва менинг қалбим ҳам қолармиди бут,
Минг битта балога бўлмай гирифтор.

Бу чигал хатолар тўйдирди жуда,
Тилагим оқ, сизга дуч келсин бахт, шон.
Аммо менга айтинг бир оғиз видо
Ва узилсин бизни боғлаган арқон.

..Сиз билан миннатдор хайрлашаман..

Ушбу шеър кимнинг қаламига мансублигини унутибман, узр..аммо биламан-ки, машҳур бир шоирмизнинг сатрлари эди..

26.07.2011, 04:37

Нима бўлди замон ёшларига,
Қулоққа олмас панду-насиҳат.
Нима бўлди замон ёшларига,
Гапга гап қайтарар беҳижолат.

Доим ўйин-кулги, айшу-ишрат,
Ўзидан ўзгасин ўйламас ҳеч.
Яқинларидан қилади нафрат,
Тушиниб етганда вақт бўлар кеч.

Ишонганига қилар хиёнат,
Ҳамманинг улардан жиғи-бийрон.
Нега билмайди дину диёнат,
Тарбиясиз дейишга мен ҳайрон.

Каттага ҳурмат, кичикка иззат,
Ҳам одобу-ахлоқдан йўқ нишон.
Топилмайди бир фойдали хизмат,
Ўйламай сўзлар, ҳаёл паришон.

Гапиришларида йўқ шижоат,
Ғурур ҳам топилмайди уларда.
На ғайратлари бор, на матонат,
Қалб кўзи очилмайди уларда.

Ромий ёш бўлсада, кекса сифат
Насиҳат қилар тенгдошларига.
Мажбур бўлди шунга, этманг ҳайрат,
Нима бўлди замон ёшларига?!

26.07.2011, 05:55

Ночор бандасиман Тангри, муҳитнинг,

Мен ҳам мана шу мисрасини ҳудди

“Ey, Tangri, men tabiat, atrof-muhitning nochor bandasiga aylandim” degan mazmunni angladim.

шундай тушиндим. Лекин банда сўзини сиз айтган

“ижрочисига”, “ўйинчоғига” . оддий фуқаросига

маъносида ишлатилишини билмайман. Балким нодир ҳолатларда ишлатилар, лекин ўзбек тилида банда дейилса барча ўзбеклар “Аллоҳнинг бандаси” деган гапни тушунишади. Аллоҳдан ўзгага бандаликни исбот қилиш эса диндан чиқариб қўяди. Шунинг учун бундай нарсаларда эҳтиёткорлик билан иш тутганимиз афзал деб биламан.
Албатта бу гапларимни қалбингизга яқин олмайсиз деган умиддаман. Зеро, динда бир хатоликни кўрсак биродарларимизни шундан огоҳлантиришимиз зарурлиги учун ёздим.

Mahmud Jurat
26.07.2011, 11:57

Нима бўлди замон ёшларига,

Ҳозирги ёшлардан нолимаслик керак, улар яхши ва яхши тараққий қилаяпти. Бу ўринда мана ушбу иқтибос ўринли бўлар деган умиддаман:
“Ҳозирги ёшлар бойликка ўрганиб қолган. Улар катталарни ҳурмат қилмайди, бообрўларни ёқтиришмайди, ёмон хулқлари билан ажралиб туришади. Болалар ота оналари билан можаро қилишади, овқатда очкўзлик қилиб, ўқитувчиларга азоб беришади”
Суқрот

26.07.2011, 13:21

Нима бўлди замон ёшларига

Мана шу мавзуда ёзган шеъримни хукмингизга хавола килсам. Балки мен билмаган томонлари бордир.

Ўзбегим, бўз кўйлак кийиб ўсгансан.
Атласинг бор эди тахмонларингда.
Бир куни келинлик юзин очгани
Оқ кўйлак сақлардинг жавонларингда.

Эндичи, ёқасиз, енгсиз, тугмасиз,
Калта тор кўйлакка кунинг қолдими?
Иффатинг берганинг, орингни олган
Даюслар сени шу куйга солдими?

Бувимиз ўрарди катта оқ рўмол,
Жон иссиқ, кафансиз қолмайин дея.
Чимматинг ечганинг етмаганмиди?
Кийганинг уст-бошинг ташламас соя.

Ўзбегим, номахрам кўрмасди юзинг,
Кўрмасдак уйлансак қилмасди алам!
Кўчага чиққанда майлига эди:
Акангни шимини кийиб юрсанг ҳам.

Ой попук тақардинг сунбулларингга.
Эндичи? Тақибсан сирға авратга.
Тиллақош қидирсам, нигохим тушди
Хилватга чизилган нозик суратга.

Ўзбегим, кенг кўрпа етмасди аввал
Иффатинг кўзгудан яширмоқ учун.
Нахотки бир лахтак яшира олса
Бутун бир орингни дунёдан бугун?

На қилай, Сингилжон, айбинг эркалик,
Бувам ҳам, отам ҳам, мен ҳам айбдор.
Қиёмат юзимиз кўрмоқчи бўлсанг,
Этагинг ёпиб ол, ҳали вақтинг бор.

10 Сентябрь, 2009 йил.

26.07.2011, 13:21

Йигитлар ҳам айтар, ҳам қайтар деган,
Зўрни деб ғўрларни ошини еган,
Уйидан оч кетиб, қорни тўқ келган,
Йигитлар, хайф сизга, йигитман деманг.

Бўйнига тиллодан занжир осилган,
Кўкси ё билакка сурат босилган,
Танаю, эгнига тақинчоқ илган
Йигитлар, хайф сизга, йигитман деманг.

Ўлдим деб, куйдим деб белбоғин ечган,
Суйдим деб отаю, онадан кечган,
Севгани ёр билан май, шароб ичган
Йигитлар, хайф сизга, йигитман деманг.

Менман деб ўзини бозорга солган,
Сепи деб қизларнинг сарасин олган,
Бировнинг номидан ноғора чалган
Йигитлар, хайф сизга, йигитман деманг.

Рўзғорни хотиннинг бўйнига илган
Пул топиб келганин миннат ҳам қилган,
Улфатни уйидан улуғ деб билган
Йигитлар, хайф сизга, йигитман деманг.

Йилда бир чўнтаги рўзғорга эриб,
Тўрвани хотиннинг қўлига бериб,
Пул санар бозорда кўксини кериб
Йигитлар, хайф сизга, йигитман деманг.

Аёлин жамолин мактаниб юрган,
Аёллар тўрида даврини сурган,
Аёлар касбидан қандини урган,
Йигитлар, хайф сизга, йигитман деманг.

Ёрини уйида атаб ялмогиз,
Уйида сен деган, кўча-куйда сиз,
Уришган халоли туғиб берса қиз,
Йигитлар, хайф сизга, йигитман деманг.

Отаю, онаси йўлларига зор,
Болаю-чақаси, завжаси бедор,
Кўчанинг хандони, уйидан безор
Йигитлар, хайф сизга, йигитман деманг.

Йигитлик шаънини ўйламасангиз,
Бу каби йигитлик айб демасангиз,
Шундайлар бор экан, қайтармасангиз,
Йигитлар, хайф сизга, йигитман деманг.

11 Январь, 2010 йил.

Nigora Umarova
27.07.2011, 09:17

Po’latdan bir parcha tish bilan uzmoq,
Tirnoq bilan toshda ariqlar qazmoq,
Jahannam o’tiga bosh bilan kirish
Ko’zlar milki bilan olov-cho’g’ terish,
Yuz teva yukini bo’yniga ilib,
Sharqdan to G’arbgacha yugurib yelib,
Bormoqlik Jomiyga yengilroq jo’ra
Pastlar minnatini tortgandan ko’ra

Gulchehra Ibragimova
28.07.2011, 12:28

Эй тун, иноят эт, яна айлама хун,
Бу рози дилимни фош этиб, қилма фузун.
Кўрдинг, кеча не қадар узун бўлди кечам?
Эй васлу висол туни, узун бўл, узун.

***
Сўрдимки:—Нечун шикаста, нолондирман?
Айди:— Сабабни мен, гули хандондирман.
Сўрдимки:—Нечун кўйингда гирёндирман?
Айдики санам:—Сен тану, мен жондирман.

***
Менинг куфрим айбларга дилимдан ўзга султон йўқ,
Бу оламда менинг покиза имонимдек имон йўқ.
Мусулмонликда мен аҳли замон ичра эдим танҳо,
Агар кофир эсам мен ҳам, бу дунёда мусулмон йўқ.

***
Ўзни доно билган уч-тўртта нодон
Эшак табиатин қилур намоён.
Булар суҳбатида сен ҳам эшак бўл,
Бўлмаса «кофир» деб қилишар эълон.

Абу Али ибн Сино

Pfefferminze
28.07.2011, 12:36

Pipicron. Sizga bo’lgan hurmatim oshdi. Katta rahmat bu she’r uchun. ayni dilimdagini yozibsiz, tasanno.

Xudoni O’zi asrasin ayolsifat erkaklardan, tavba qildim. undan ko’ra bir umr ersiz o’tgan yaxshi, O’zi asrasin. Hayf, hayf, hayf yigitman deb g’urulanib, ayolni qadrini toptayotganlarga.

28.07.2011, 18:18

undan ko’ra bir umr ersiz o’tgan yaxshi

Yoki bir nomardni oldiga solib uni ham ona tuqqanini uqtirgan ma’qul.

Gulchehra Ibragimova
28.07.2011, 18:37

Ғичир-ғичир,
ғичир-ғичир,
айланасан — жонинг ҳалак,
айланасан кун-тун демай,
чархипалак,
чархипалак.

Шар-шур этиб,
тар-шур этиб,
қуйилар сув чирик новга,
не азоб-ла олган сувинг
тешик новдан оқар сойга.
Чанқаган ер куйиб ётар,
бу аҳволни кузатмаслар,
ғайрат қилиб тешик новни
ямаб-ясқаб, тузатмаслар.

Ғичир-ғичир,
ғичир-ғичир,
айланасан — жонинг ҳалак,
айланасан азал-абад,
чархипалак,
чархипалак.

28.07.2011, 20:32

Зарари ҳам, фойдаси ҳам йўқ инсондан зарарлироқ, фойдасизроқ инсон бўлмайди.

Бефарқлик қалбимнинг касали,
Юқади, огоҳроқ юринглар.
Тегмасам кўп ҳурсанд бўлмасдан
Баъзида туртиб ҳам туринглар.

Зарарим тегмайди бировга,
Фойдамнинг тегмаси аниқроқ.
Мен каби дўст, душман боридан
Йўқлиги минг бора яхшироқ.

Мен сизга тегмайман, сиз менга,
Айбларни юзларга солмайман.
Туртмайман қояда турсангиз,
Жарликдан тортиб ҳам олмайман.

Куюнманг уришсам, сўкишсам,
Суюнманг йиғлаб ҳол сўрасам,
Танқидим юзаки, унутманг,
Талтайманг пахтага ўрасам.

Бефарқлик ташхисда топилмас,
Кўзларим айтмайди сирларим,
Донолик етишмас сизларда,
Кар, соқов, кўр бўлган пирларим.

Бефарқлик қонимнинг иллати,
Давоси борми, йўқ, билмайман.
Лек кўрсам жонкуяр инсонни,
Унга ҳам хеч хавас қилмайман.

Pfefferminze
28.07.2011, 21:22

Зарари ҳам, фойдаси ҳам йўқ инсондан зарарлироқ, фойдасизроқ инсон бўлмайди.

Men hamisha, doim befarq odamdan qo’rqish kerakligini aytaman. dunoyda o’gri, qotildan, firibgardan emas, aynan befarq odamdan qo’rqish kerak. Chunki har qanday illatning ham bosh sababchisi bu befarqlikdir. Befarq odam qotildan ham yomonroq.

Insonning baxtsizligiga aynan atrofidagi befarq odamlarning aybi katta. Shu uchun inson hamisha dono, aqli raso insonlar bilan do’st bo’lishi kerak! Qo’lidan ishi, og’zidan gapi keladigan mard insonlar bilan do’stlashish kerak. Mana shu inson baxtining balki butun garovidir. Menimcha, baxtsizlik, bu atrofingda hamma nodonlrani yig’ib olishing hamda ularning gapiga quloq solib ish tutishing. Jamiyatga foydasi tegmaydigan befarq odamlarni Yer qanday ko’taradi hayronman.

Bu mening doimo o’ylab yuradigan dilimdagi satrlarimdir.

28.07.2011, 21:31

Menimcha, baxtsizlik, bu atrofingda hamma nodonlrani yig’ib olishing hamda ularning gapiga quloq solib ish tutishing..

Pfefferminze, Инсон узини узгалардан юкори куйиши бу унинг бахтсизлигидир, маглубиятидир дейди бир акахоним. Аклли инсоннинг атрофига доимо нодонлар тупланади. Ва нодонлар унинг гапларини сузсиз бажарадилар. Бу эса аклнинг манмансирашига олиб келади. Баъзида бефарклик хам инсонни инсоният учун хизмат килишига имкон яратади. Акс холда хамма каби оддий ташвишлардан чика олмай, инсоният бир жойда котиб колган буларди. Шоир ёнаётган уйига карамай китобини, каламини ва когозини куткарса уни бефаркликда айблаш мумкинми? Агар озгина бефарк булмаганимда мен хам шеър ёза олмасдим. Худди хозир интернетда утиргандек.

Gulchehra Ibragimova
30.07.2011, 18:43

Бир қарасам, беғубор тушга ўхшайсан,
Бир қарасам, беозор қушга ўхшайсан.
Бир дам ҳайрат ила қаршингда боқсам,
Қалбни дарз этувчи муштга ўхшайсан.

Бир қарасам, ҳоксор дўстга ўхшайсан,
Энг шаффоф ҳислардан мастга ўхшайсан.
Юраккинам портлаб, тикилсам жимиб,
Шайтон измидаги касга ўхшайсан.

Мен ҳам анойимас, мен ҳам шум бола,
Лек, ҳамон мен учун сирга ўхшайсан.
Аслинг англолмасдан ҳайронман, лолман.
Яхшиси ўзинг айт, кимга ўхшайсан?*

*”шеър муаллифини топганлар бизлардандир”http://uforum.uz/images/icons/icon7.gif (узр, ўзим ҳам билмадим, аммо маънили шеър)

Masud Mahsudov
30.07.2011, 18:56

Хотиржамлик,
вазминлик керак
чизган маҳал олам тасвирин,
ҳар бир рангда ҳақиқат бордир,
ҳар чизиқда сирлар яширин.
Худо яшар
ҳар бир гиёҳда,
ҳар дарахтда бордир диёнат.
Айирмагин ранглардан рангни,
сен рангларга қилма хиёнат.
Дунё қизил,
дунё сариқ деб,
бекор бизга беришган сабоқ.
дунё азал рангиндир ва биз
ўйлагандан кўра рангинроқ.
Чиза олсанг
рангин дунёни,
рангин бўлса қуёши, ойи,
сендан буюк мусаввир бўлмас,
бўлмас сендан буюкроқ шоир.

Masud Mahsudov
30.07.2011, 19:15
“Атроф қоронғулигидан нолигандан кўра, уни ёритиш учун бир шам ёқ”, деган экан машойихлар.
Gulchehra Ibragimova
30.07.2011, 20:15

“Атроф қоронғулигидан нолигандан кўра, уни ёритиш учун бир шам ёқ”, деган экан машойихлар.

Эҳ, ҳозирги шамлар аввалгиларидақа эмас..ёруғиям кам..иннайкейин тезда эриб кетади.
Агар борди-ю, ман шам ёқсам-у, парвона келиб шамга ўзини урса-ю, ..шамдон ағдарилиб кетса-чи. http://uforum.uz/images/icons/icon7.gifhttp://uforum.uz/images/icons/icon9.gif

Nigora Umarova
01.08.2011, 10:58

Бу дунё бозигардир,
Бозисин чалди-кетди.
Гумроҳ этиб нечани
Йўлдош деб олди-кетди.

Ўйла, фикр эт ҳар қачон,
Юз қўнган бор, юз кўчган,
Тахти осмондан кечган
Сулаймон ўлди-кетди.

Ё мурувватли шоҳим,
Умидим, қиблагоҳим,
Шунча яшаб Иброҳим
Нимани олди-кетди?

Жигарин доғлай-доғлай,
Зуннорин боғлай-боғлай,
Нечалар йиғлай-йиғлай,
Нечалар кулди-кетди.

Нечалар гулга дўнди,
Гул ёниб, кулга дўнди,
Нечалар гилга дўнди,
Нечалар сўлди-кетди.

Қоларсан гўрда боғли,
Маълум бир юртда боғли,
Беҳуда, Одам ўғли
Йиққанинг қолди-кетди.

Лақмалик билан ўзим,
Билмадим айтган сўзим,
Маҳтумқули дер: “Кўзим
қон ёшга тўлди-кетди”.

Gulchehra Ibragimova
01.08.2011, 11:29

..Ҳар нарса топилар, топилмайди жон,
Бошинг омон бўлса, бошқаси осон,
Яшаб кетар экан ўлмаган инсон-
Мен шундай ҳам жуда бахтлиман, ОНА.
.
..Бахтимдан айланай, ўргулай яна,
Бир кунимни кўриб юрибман, мана
Тақдирдан бекорга нолиркан киши,
Мен шундай ҳам жуда бахтлиман, ОНА.

Gulchehra Ibragimova
01.08.2011, 11:32

**
Камни кам демаса, кам ҳам етади,
Бахтни ҳам бахтсизлар бахтли этади.
“Нечун?”, “Нима”ларга кўмма ўзингни-
Ҳаммаси яхши бўлиб кетади.

Бир кун ғамнинг ўтмай қолади кучи,
Омад ўзи сенга юборар элчи
Сен яхши ниятлар қилавергин-чи,
Ҳаммаси яхши бўлиб кетади.

Бировга тиланма, ўзингга тилан,
Эртага умидинг ўлгани билан.
Бугунинг ваҳима қилгани билан-
Ҳаммаси яхши бўлиб кетади!
**

01.08.2011, 12:44

Sen bir chechakmiding bogda ochilgan,
Yoki bir libosmi, bahtga bichilgan,
Dunyoga ezgulik sen-la sochilgan,
Men seni azizam deyinmi ayol?

Sen uchun yozildi qancha qo’shiqlar,
Ortingdan ovvora qancha oshiqlar,
Qoshingda eridi toshdan qattiqlar,
Men seni azizam deyinmi ayol?

Seni haq yo’lingdan toydirguchi ko’p,
So’ng esa mish-mishlar yoydirguchi ko’p,
Ba’zida joningdan to’ydirguchi ko’p,
Men seni azizam deyinmi ayol?

Erta saharlarda uyqudan kechib,
Dalaga otlanding, bolang opichib,
Tog kelsa kemirding, suv kelsa ichib,
Men seni azizam deyinmi ayol?

Ba’zi erkaklarda qolmadi imon,
Er-hotin qo’sh-ho’kiz desalar-yolgon,
Qo’shni endi yolgiz tortasan giryon,
Men seni azizam deyinmi ayol?

Joying poygak bo’ldi, doim, to’r emas,
Mehnating, zahmating oshkor, sir emas,
Joningni dedilar qirqta, bir emas,
Men seni azizam deyinmi ayol?

Yurakda qoldirding o’chmaydigan iz,
Dunyoda tushunding sen meni yolgiz,
Mayliga desinlar meni “feminist”,
Men seni azizam deyinmi ayol?

Sen mening singlimsan, opam yo onam,
Yoki bir kelinchak, yoki bir sanam,
Senga qurbon bo’lsin bu jon, bu tanam!
Men seni azizam deyinmi ayol?

Ozgina yumshadi bugun tosh diydam,
Sutingiz hurmati, aziz volidam,
Ayolga bitildi ushbu qasidam,
Men sizni azizam deyinmi ayol?

Nigora Umarova
01.08.2011, 12:48

Sen bir chechakmiding bogda ochilgan.

Muallifi ko’rsatib o’tilmagan she’rlar o’chirib tashlanadi.

Gulchehra Ibragimova
01.08.2011, 13:42

Topmoq – yo`qotmoqdir,
Yo`qotmoq – topmoq,
Sen so`lib,
Men yashab,
To`lishimga boq.
Sensiz topganimdan
Ko`proq yo`qotdim –
Sen meni yupatding,
Seni yig`latdim,
Sen meni yaratding,
Seni tugatdim.
Uyalmay ONA deb,
Kelishimga boq.

Sog`inch haqda she`rlar
Yozdim o`zimcha,
Mendan peshonangda
Dog`lar tizimcha.
O`g`il bo`lmay o`lay,
Attangb ming attang.
Qiz tug`sang netardi,
Ko`proq qiz tug`sang.
Tirgak bo`lolmadim
Bitta qizingga
Uyalmay shoirman
Deyishimga boq.

Joningdan aylanay,
Turgil jonajon,
Yo`l qarab bo`ldimi
Jigarginang qon?
Boqma, ko`zlarimga
Bemajol, xasta,
Mening topganlarim
Gulmi bir dasta,
Yo`qotganim senmi
Endi ONAJON.
O`z etimni o`zim
Yeyishimga boq.

Bilsang yuragimni
Bir alam elar.
Buyursang qo`limdan
Kelmaydi nelar,
Ayt,
Pichan yig`aymi,
O`tin yoraymi,
Yerni haydayinmi,
Ko`k ag`daraymi.
Itdek oyog`ingga
Suykalgim kelar –
Uchib-uchib, mana
Qo`nishimga boq.

Hech narsa kerakmas,
Bolam, hech deysan.
Endi kech deysan-da,
Endi kech deysan.
Yuzimni bosaman
Muzday yuzingga,
ONAJON,
Zor qilib ketma izingga!
O`lim oldida ham
G`amimni yeysan,
Men-chi, jim, taqdirga
Ko`nishimga boq.

She`rim bitdi,
Xayir,
Do`stlar xush qoling.
Bedil yashamakka
O`rganmang menday
Boring,
Volidangiz
Ko`nglini oling,
Ertaga
Kech qolib
O`rtanmang menday.*

*Нигора, Сиздан қизлар билан учрашувда сўраган шеър шу эди..Излаган топади. деганларидек, мана уни топдим.. Униг охирги сатрларини қаранг:

Боринг Волидангиз кўнглини олинг,
Эртага кеч қолиб ўртанманг мендай.

Ҳа, онангиз қошига югуринг онаси борлар, қутламоқ учун..Шу Рамазон ойининг қутлуғ кунларида бир йўқлаб бир ширин сўз демоқлик учун..югуринг..Онажонингиз-ғанимат дунёнгиз қошига.

Nigora Umarova
01.08.2011, 19:41

На насиҳат англадук, на сидқ билан солдук қулоқ,
Марди комилмиз дедук, ҳаргиз мусулмон бўлмадук.

Йўлни устида Сақар бордур гузаргоҳи Сирот,
Охиратни хавфидан бир дийда гирён бўлмадук.

Сад ҳазарон мурдани тобутга миндурдик вале,
Умр ўтти воқифи аҳли гўристон бўлмадук.

Йўлни боғлабдур Азозил қасди имон олгани,
Фориғи андешаи маккор Шайтон бўлмадук.

Ақли каж, атвори каж, биздин ёмон шарманда йўқ,
Ибрат олиб маргдин чоки гирибон бўлмадук.

Бандаликда лоф урор эрдукки биз соҳибамал,
Марди майдонмиз дер эрдук, марди майдон бўлмадук.

Машрабо, синдур вужудингни чу монанди садаф,
Мабдайи нур баҳрига то кирмадук кон бўлмадук.

Nigora Umarova
02.08.2011, 09:00

Ғуссалардан олтин қафас қургандайман,
Лахча-лахча чўғ устида юргандайман,
Бу дунёда ижарада тургандайман,
Толе деган қилмас писанд, Машраб бобо.

Енгилгина қўшиқлари ялло-ялло,
Оёқларнинг остиндаги лойми, тилло?
Каминанинг тахаллуси чаламулло,
Тутумим ҳам шунга монанд, Машраб бобо.

Нега келдим манов ғурбат маконига?
Тутиб бердим ўзимни ғам пайконига,
Кўзим куйди кириб севги дўконига,
Жандангиздан олмадим панд, Машраб бобо.

Томиримдан куйлар оқар – сувораман,
Кўзёшлари завқ улашган фаввораман,
Ўз-ўзимни авраш билан овораман,
Кўнглим синиқ, дилим дардманд, Машраб бобо.

Йўл юраман, мўл юраман, йўлим етмас,
Хирожига на жоним, на молим етмас,
Йигирма беш йилдан бери қўлим етмас,
Этагингиз бунча баланд, Машраб бобо?!

Gulchehra Ibragimova
02.08.2011, 09:26

Гарчи бугун менга ҳамма парвона,
Хайрон кўзим бўлар яна хайрона.
Минг бир жигар бўла олмас бир она,
Ахир энди менинг бахтим Онам йўқ .

Қайда қолди юрагимнинг шўхлиги,
Ота-онанг экан кўнглинг тўқлиги.
Ой-кун ўтиб билинаркан йўқлиги.
Дардларимни ичга ютган Онам йўқ..

Ярим гапга кўнгил тўлмай оз бўлар,
Икки гапнинг оғирлиги боз бўлар
Онанг бўлса қиш уйинг ҳам ёз бўлар
Ёзларим кетдилар, энди онам йўқ..

Уйғониб кетаман дарддан тўлғониб,
Кўз олдимдан кетмас охир кунлари..
Тақдир экан рози бўлинг, билмадим,
Кўксимга бош қўйиб суйган онам йўқ

Онам қўйган ёстиққа бош қўйгайман,
Хидлаб-хидлаб ўпиб сира тўймайман.
Онам, дея эрка қизим суйгайман,
Босган излари топилмас, Онам йўқ.

..Кўксига бош қўйиб ётгани онам йўқ,
Мушфиқим, мунисим Онам йўқ..*

Озодбек Назарбеков қўшиғи..узр, муаллифини билмайман..

Pfefferminze
02.08.2011, 19:32

Eh, Gulchehra opa, to’g’ri aytasiz. Navoiy hazratlari aytganidek, birini Oy, birni Quyoshdek bilib, chizgan chizig”idan aslida chiqmaslik kerak ekan ularning. Buni har kuni ko’rib borayapman. Qaysarlik qilib, yuq desam ham keyin uylab qarasam hammasi haqiqat bulib chiqadi nasihatlarining.

Ayriliq abadiy,
visol g’animat deb Dadam doim aytadilar. Hammasi g’animat ekan.
Xudoga shukr 15 yil o’tdi. 15 yil uydan uzoqlarda yashadim, mehrga tashna bo’lib, lekin sabr tagi sariq oltin deganlari rost ekan. Xudoga cheksiz hamdu-sanolar bo’lsin, Ayam, Dadam bilan yashayapman. Ayam Buxoroga ketib qolsalar, bir kun oldin meni yolg”iz qolmasligim uchun Dadam keladilar Buxorodan. Dadam ketsalar Ayam kelib yashab turibdilar. 15 yillik qiyinchilik unut bo’lar ekan shu lahzalarda. Ayam uchun Dadam uchun yugurib yurish menga maroq, kunning issig’Iga qaramay, harakat qilaman ulgurishga hammasiga. faqat va faqat Ota-Ona mehri menga kuch berayapati. Bu Xudoning cheksiz marhamati menga. kecha yarim kechassi Dadam eshikni taqillatdilar, qo’rqib kim deb ochdim. Dadam menga qarab:” Ishlarni quyib Sen uchun keldim, yolg’Iz yakka qolma “-deb aytsalar, ko’zimdan yosh chiqib ketdi. Farhoddek yigitlarga bitta seni almashtirmayman deb aytsalar, battar yig”lab yuboraman. shuncha bir-birlarimiz chidab ayriliqda yashaganimizni his qilayapmiz..ozgina charchab gapirishga holim qolmasa, Ayam parvona buladilar atrofimda. buni ko’rib, Eh, Xudoga shukr deb yuboraman. Ota-Ona xizmatida yugurish-BAXT. Ayniqsa, ular rozi bulsalar.

Aslida hammasi yaxshilikka hamisha. faqat biz insonlar bilib-bilmay besabrlik qilib, bekorga , behuda uzimizni qiynab yurar ekanmiz.

Nigora Umarova
04.08.2011, 09:25

Ҳамон кўзим ёндирар зар, не дейман,
Ҳамон кўнглим гулга ўхшар, не дейман,
Оғир жилар гунҳларим кемаси,
Қодир Аллоҳ, тонг-ла, Маҳшар, не дейман?!

***
Муте одам, бировларга қуллуғинг тўхтат,
Учарларнинг оёғида гиллигинг тўхтат.
Ўпма иркит ҳар кимсанинг остонасини,
Бир Оллоҳ бор, бошқасига қуллигинг тўхтат!

Gulchehra Ibragimova
04.08.2011, 20:01

***
Сиз ёққансиз менга ҳамиша,
Фақат буни этмовдим ошкор.
Ўйловдимки,
юрак топишар,
Биздан кетгач сабру ихтиёр.

О, мен сизни қанчалар кутдим –
Мана – оқ соч, мана бу-ажин.
Кунларимни тортқилаб ютди
Шум ёлғизлик – фаришта ғажир.

Ортингиздан кетишим мумкин.
Йўл тугаса,
йўлсиз тентираб.
Аммо айтинг йиғлайсиз нечун
Манглайингиз деворга тираб?

Йўқ,
ҳеч Сизга етмасин озор,
Тушинаман –
йиллар, андиша.
Фақат Сизга айтмовдим ошкор –

СИЗ ЁҚҚАНСИЗ МЕНГА ҲАМИША.

04.08.2011, 22:23

Оқ мармарга сиймосини кўчирди йўниб,
Армон бўлган муҳаббатин бир хайкалтарош
Тош санамга боқиб ўтди бир тун хўрсиниб,
Тонг отганда қон юраги бермади бардош.

Оқ сурпга юзин артди армон муҳаббат,
Бўёқларда жонлангандек бўлди бир санам.
Кулиб турган бир суратда шумиди хислат?
Жонсиз рассом, қуримаган синиқ мўйқалам.

Армон бўлган муҳаббатни сингдирар қоғоз,
Ушалмаган орзуларни кўчирар қалам.
Достон якун бўлишига қолганда бир оз
Ухлаб колди. Бир умрга ошиқ шоир ҳам.

Яна қанча қурбонинг бор, армон муҳаббат?
Тугамаган достон дилга солади алам,
Кулиб турар назокатли, бемехр сурат
Мағрур турар тош юракли мармар бир санам.

05.08.2011, 10:27

Сиз ёққансиз менга ҳамиша,
Фақат буни этмовдим ошкор.
Ўйловдимки,
юрак топишар,
Биздан кетгач сабру ихтиёр.Кумуш Раззоқова шу шеърни ажойиб қўшиқ қилиб куйлаган.

Gulchehra Ibragimova
05.08.2011, 10:56

***
Кўнглим қолди,
Кўнглим берганда,
Бошига тош қилсин энди у,
У сарқитни олмайман қайтиб!!
Кўнглим қолди
Дунёсидан ҳам,
Чўпчакларинг ўзинга сийлов,
Юр, кетамиз, шеърият – Ёрим!

***
Сени
Севиб,
Севиб,
Севиб,
Яшаяпман сендан йироқда.

Мени
Севиб,
Севиб,
Севиб,
Яшаяпти ёнгинамда – фироқда.
***

– Мени севасизми,
дея сўрадинг.
– Йўқ, йўқ, асло,
дедим сесканиб.
– Соғинарсиз, балким ҳар замон?
-Йўқ, йўқ, асло,
дедим уялиб.
Аслида-чи,
Боряпман,
кундан кун,
ичикиб!

Сени соғинмоқ –
дорга илинмоқ.
оҳ, нега соғиндим,
шунчалар ёмон.
Сени севмоқ –
тиғ узра юрмоқ.
оҳ, нега севдим?!
Чархи дун гирён,
Охири қандоқ?!

05.08.2011, 12:24

Телефонга ёзиб олганман. Деярли хар куни эшитаман. Кадрдон куй ва кушик.

Gulchehra Ibragimova
06.08.2011, 17:19

Umrimni bir olis ishqqa almashdim,
Qochdim hushyorlikdan, tushga almashdim,
Beqanot qalbimni qushga almashdim –
Sizsiz o’tgan umrim bekor, yorijon!
Ne baxtkim, yuragim bemor, yorijon!

Ul ko’zda qay kuni porladi ziyo,
Dunyodan kechgulik topdim bir dunyo.
Bu dunyo nimadur? Bu dunyo – ro’yo –
Faqat pok ishqingiz haqdir, yorijon,
Qalbimga eng yuksak taxtdir, yorijon.

Garchi o’rtamizda sog’inchu hijron,
Garchi visol yo’li vayrondir, vayron,
Ammo azobingiz ko’ksimda har on –
Muqaddas olovday qoldi, yorijon,
Shukurkim, siz bilan yondim, yorijon.

Yashardim o’zimga muz kabi boqib,
Ishq keldi, jo’nadim, daryoday oqib,
Menga habib bo’ldi hatto shum raqib –
Ko’rib – to’lqin-to’lqin qonim, yorijon,
Siz mening jonimsiz, jonim, yorijon.

Hech qachon demasman boshni yo’qotdim,
Eridim, vujuddan toshni yo’qotdim.
Yillarni yo’qotdim – yoshni yo’qotdim,
Mendan ayro tushdi yolg’on, yorijon,
Shundanmi tillarim ravon, yorijon.

Nodon der „Sen borni yo’qqa almashding,
Quyoshni bir g’arib cho’qqa almashding. “
Kulaman: “Xalqobni ko’kka almashdim. “
Endi yurar yo’lim falak, yorijon,
Qanotga aylandi yurak, yorijon!

Gulchehra Ibragimova
06.08.2011, 17:22

SENI SEVMAY QO’YDIM

Seni sevmay qo’ydim, rosti gap,
Eslamay ham qo’ydim, ko’p bo’ldi.
Garchi quvonchlardan mahrumdir dilim,
Garchi hijron uni boshpana qildi.

Garchi eslamadim seni bir lahza,
Garchi jilovladim tuyg’ularimni.
Faqat yuragimda mening ismimsiz,
Yashayverding boqib qayg’ularimni.

Garchi men hammadan seni yashirdim,
Yengib yashayoldim o’zimni-o’zim.
Faqat. Men barini inkor etaman.
Faqat. Fosh etadi sevgimni ko’zim.

Garchi takrorlayman, “Sevmayman seni,
Yodlamay ham qo’ydim, gapning rosti shu.”
Faqat. Kulgularim sen bilan ketdi.
Faqat. Qoldi menda muzlagan tuyg’u.

Gulchehra Ibragimova
06.08.2011, 17:30

Sevgimiz o’ldimi? – libosingiz ko’k,
Ko’nglingiz – begulxan, ko’zingiz – becho’g‘.
Bizdan borish yo’qdir, sizdan – kelish yo’q –
Kelishsiz dunyoda beg’am, azizim,
Nega ko’zlaringiz benam, azizim.

O’t yetdi – qaqshatdi band-bandlarimni,
Tuproqqa sochdingiz balandlarimni,
Aqlimni, dilimni – bebaxtlarimni –
Borishsiz dunyoga otgan, azizim,
Olisda oy kabi botgan, azizim.

Chunki tunga aytar rost „oh“ingiz yo’q,
Falakda kezgani sha’n rohingiz yo’q,
Nechun kelmaysiz, gar gunohingiz yo’q –
Boqaman: nigohim – gumon, azizim,
Yo’llaring tumandir, tuman, azizim.

Qarang, ming bir bargda kuzak uchadir,
Qizil-sarig’ida – yurak uchadir,
So’ngaklar uchadir, suyak uchadir –
Bu to’fon – xazonlig‘ menman, azizim,
Sizsiz ming kuzakka tengman, azizim.

Ammo siz sarg’aymang – gulli bog‘ bo’ling,
Yam-yashil ko’karing, mudom sog‘ bo’ling,
Bahornng bagrida beadog‘ bo’ling –
Axir, qarg‘aganim sizmas, azizim,
Ikki kuz dunyoga sig’mas, azizim.

Gulchehra Ibragimova
06.08.2011, 17:52

Meni kutgil va men qaytarman,
Faqat kutgil juda intizor,
Kutgil, yomg’ir zeriktirganda.
Meni kutgil, yoqqanida qor.
Atrofingni harorat qoplab,
Yeru ko’kni chang tutganda, kut,
Boshqalarni uzatgan do’stlar
Kechagina unutganda, kut.
Xat kelmasdan uzoq yerlardan,
Yuragingni qilganida qon,
Kutgil sen-la birga kutganlar
Zerikkandan chekkanda fig’on.

Meni kutgil va men qaytarman,
Bo’lsa hamki, ranging za’faron,
Yoring qaytmas, umidingni uz,
Deganlarga tilaman omon.
Mayli, o’g’lim, singlim, volidam,
Aza ochsin men yoq tufayli.
Kuta berib sabri tugagan
Yeru do’stlar, oshnalar, mayli,
Ayriliqqa berolmasdan tob,
Achchiq-achchiq ichsinlar sharob
Ko’zlaringa to’lsa hamki yosh,
Faqat sen kut va ayla bardosh…
Meni kutgil va men qaytarman,
O’limlarni qoldirib dog’da.
Ishi o’ngdan kepti desinlar
Kutmaganlar meni u chog’da.

Yot tuyilar kutmaganlarga
Bunday ajib toleing saning.
Kuta-kuta meni ofatdan
Omon saqlab qola olganing.
Qanday omon qolganligimni
Yolg’iz senga aytarman sirdosh –
Kuta olding meni sen faqat, –
Buyuk edi sendagi bardosh

Gulchehra Ibragimova
06.08.2011, 17:53

Keragidan ortiq yig‘laysiz —
Keragidan ortiq qiynayman.

Xayolimga arqon bog‘laysiz —
Keragidan ortiq o‘ylayman.

Azoblarim mening bari — sir,
Siz uxlaysiz, Siz bedaraksiz.

Jonim, hozir menga, baribir,
Keragidan ortiq keraksiz.

Gulchehra Ibragimova
06.08.2011, 17:58

Kel, ko`r, mani ishq nayladi.

Man yururman yona-yona,
Ishq bo`yadi mani qona,
Na oqilman, na devona,
Kel, ko`r, mani ishq nayladi.

Goh esarman yellar kabi,
Goh to`zarman yerlar kabi,
Goh oqarman sellar kabi,
Kel, ko`r, mani ishq nayladi.

Oqar suvlardek oqarman,
Dardli yuragim yoqarman.
Yorimni o`ylab yig`larman,
Kel, ko`r, mani ishq nayladi.

Yo qo`lim ol qoldir mani
Yo vaslingga qondir mani
Ko`p yig`latding, kuldir mani
Kel, ko`r mani ishq nayladi.

Man yururman eldan elga,
Do`st so`rarman tildan tilga.
G`urbatda holim kim bilar,
Kel, ko`r, mani ishq nayladi.

Majnun bo`lubon yururman,
U yorni tushda ko`rurman.
Uyg`onib malul bo`lurman,
Kel, ko`r, mani ishq nayladi.

Rangim sariq, ko`zlarim yosh,
Bag`rim pora, jigarim tosh.
Holim bilgan dardli qardosh,
Kel, ko`r, mani ishq nayladi.

Ishqing mani mast ayladi,
Oldi ko`nglum, xast ayladi.
O`ldirmakka qasd ayladi,
Kel, ko`r, mani ishq nayladi.

Miskin Yunus bechoraman,
Boshdin oyog`i yoraman,
Do`st ko`yida ovoraman,
Kel, ko`r, mani ishq nayladi.

Gulchehra Ibragimova
06.08.2011, 18:01

***
Bulbullar ichinda tinmas zabonman,
Hamon yoningdaman, tanangda jonman.
Agar oshiqlaring o‘n mingta bo‘lsa
Bilgilki alarning sardori menman.

Qo‘llarim istagi tutmoqlik qo‘ldan,
Istagim totmoqlik labdagi boldan,
Oshiqlaring kelsa gar mingta yo‘ldan
Bilgilki eng avval kelgani menman.

Sevgiga sodiqlik shartini qo‘ysang,
Shartni bajarmas deb, yoningdan quvsang,
Agar o‘n mingtadan yuzta qoldirsang
Bilgilki yuztadan bittasi menman.

Keksalik degan so‘z joy olsa dildan,
Yigitlik quvvati ketsa ham beldan,
Har kun gul olsang sen gar o‘nta qo‘ldan
Bilgilki eng avval gul tutgan menman.

Falak falakligin qilsa nogahon,
Sendan yuz o‘girsa hatto keng jahon,
Oshiqlardan qolsa bir nafar, inon
Qolgan shu oshig‘ing bilgilki menman.

Ko‘zlaring bemahal yoshlarga to‘lsa,
Agar dushmanlaring ustingdan kulsa,
Oshiqlaring agar hech kelmas bo‘lsa
Marhum ul Rasul Hamzat bilgilki menman.

Bulbullar ichinda tinmas zabonman,
Hamon yoningdaman, tanangda jonman.
Agar oshiqlaring o‘n mingta bo‘lsa
Bilgilki alarning sardori menman.

Gulchehra Ibragimova
06.08.2011, 18:18

O‘ldirsa muhabbat, o‘ldirsin.

Muhabbat kuydirsa kuydirsin,
Azobi jonimdan to‘ydirsin.
Ne bo‘lsa muhabbat bo‘ldirsin,
O‘ldirsa muhabbat o‘ldirsin.

Yoritmang bu tiyra shomimni,
Telba deb atanglar nomimni.
Qo‘sh qo‘llab topshiray jonimni,
O‘ldirsa muhabbat, o‘ldirsin.

Osinglar Mashrabning so‘ziman,
O‘yinglar Ro‘dakiy ko‘ziman.
Oh desam nomardning o‘ziman,
O‘ldirsa muhabbat, o‘ldirsin.

G‘iybatchi, g‘iybating qilaver,
Boshimga balodek kelaver.
Bag‘rimni burdalab tilaver,
O‘ldirsa muhabbat, o‘ldirsin.

Sevgim bor hech kimga aytmagan,
Yorim bor manglayga bitmagan.
Zorim bor tangriga yetmagan,
O‘ldirsa muhabbat, o‘ldirsin.

Tosh otmang bu erka qushimga,
Zo‘rg‘a bir kirganda tushimga.
Ey Karim, kelmasdan hushimga,
O‘ldirsa muhabbat, o‘ldirsin.

Gulchehra Ibragimova
06.08.2011, 18:36

Bekor. Yolg’on. Botmagan,
Muhabbatning quyoshi.
Tun keldi deb dodlagan,
Bevafolar ko’z yoshi.

Men boraman. Bu jonim,
Senikidir. O’ksima.
Tunda qo’rqma. Oq tongning
Bir parchasi ko’ksimda.

08.08.2011, 08:16

Meni kutgil va men qaytarman,
Faqat kutgil juda intizor.

Раҳмат, Гулчеҳра опа, фақат бу шеър Константин Симоновнинг “Жди меня” шеърининг таржимасидир.

Gulchehra Ibragimova
08.08.2011, 09:51

Sen ketasan: yu’ling-xatarli,
Sen ketasan: manziling-yiroq,
Yu’llar yutsa xatu xabarni,
Jonginamni u’rtasa firoq,
Yuragim ham sezmasa hatto
U’z umringga sultonligingni,
Yolg’iz qolgan men baxti qaro
Qanday bilay omonligingni?

Men ketaman: yu’llarim-tuman,
Men ketaman: saratonim-qish.
Bor yu’g’imni su’ra daryodan,
Yuragingni u’rtasa tashvish.
Tiniq-tiniq tu’lqinlar oqsa,
Tashvishingning xatoligi shu.
Tu’lqinlarni qizil qon yoqsa,
Mening umrim adoligi shu.

Mening kunim u’tdi qirg’oqda,
Yilim u’tdi daryoga boqib,
Jonim, umrim u’tdi firoqda,
Umrim ketdi daryogay oqib,
Xotirangni jonga u’rayman,
Ku’zlarimda yosh tizim-tizim.
Bor-yu’g’ingni axir bilmayman,
Daryo qurib qoldi azizim..

Sensiz ketdim-topmadim murod,
Sensiz ketdim-chalkashdi yu’lim.
Sensiz ketdim-tugadi hayot,
Sensiz kirdi ruhimga u’lim.
Menga ku’mak berolmas hech kim,
Sensiz qolgan jonimda alam.
Qanday xabar beray azizim,
Bor-yu’g’imni u’zim bilmayman.

Nigora Umarova
08.08.2011, 10:42

Sani darding bango darmondin ortuq,
Sanga qul bo’lg’onim sultondin ortuq.
Saning yoding aysam cho’l ichinda,
Bo’lur ul chol manga bo’stondin ortuq.
Saning yoding agar ketsa tilimdin,
Vujudim quriyur, vayrondin ortuq.
Maning xor bo’lmishim o’z g’aflatimdin,
Magar qilsang nazar, ehsondin ortuq.
Aziz, xor qilg’uvchi sulton sanuqsan,
Saning lutfing qamug’ alvondin ortuq.
Na xush bu dunyoda Iymonu Qur’on,
Na bo’lg’ay dunyoda Iymondin ortuq.
Maning bu dardimi hech kimsa bilmas,
Agar bilsa hakim Luqmondin ortuq.
Bu yang’lig’ osiy erkan Qul Sulaymon,
Inoyat umanur borondin ortuq.

Nigora Umarova
10.08.2011, 13:52

Qaldirg’ochlar yana janub tomon uchin ketdi.

Qaldirg’ochlar yana janub tomon uchib ketdi,
Bizni tashlab issiqlarga ko’chib ketdi.
Bahor kelsa yana qaytar ayvonlarga,
Osmonlarga uchib ketgan adam qaytmaydilar.

Qalblaridan taratib nur, ziyosini,
Qaydan topay endi unday qiyosini,
Bizga tashlab ketib yolg’on dunyosini,
Rost dunyoga ketgan adam qaytmaydilar.

Qalbga ko’mib ohu faryod, nolalarim,
Ichlarimda toshar ashku jolalarim,
Pargoladan o’sib chiqib lolalarim,
Quvonchimga anis adam qaytmaydilar.

Shodligimu g’amlarimni ko’zdan bilgan,
Qorong’uda yo’llarimni nurli qilgan,
Sharbat berib, g’ambodani o’zi yutgan,
G’amgusorim, mehribonim qaytmaydilar.

Boqiy yurtga safarini aytmaganlar,
Va’da berib so’zlaridan qaytmaganlar,
Oilamiz shamsi hech ham botmaganlar,
Bu dunyoga charag’bonim qaytmaydilar.

Sinovdamiz bu changalzor, bu o’rmonda,
Ba’zan suvsiz, soyabonsiz biyobonda.
Mahshargohda ko’rishganimiz zamonda,
Diydorlashgan damda adam mendan qaytmaydilar-

Noshukursan, degan so’zni aytmaydilar.

Gulchehra Ibragimova
10.08.2011, 20:32

СИЗ КЕТДИНГИЗ ХАЙР ДЕМАЙИН..

Сиз кетдингиз ёлғон дунёдан,
Ҳамон йўлда нигоҳим менинг.
Элчи келар Нурдан, Зиёдан
Абад Сизда никоҳим менинг..

Ёрим мани, ёрижонгинам..
Меҳр қўмсаб гадолар бўлдим..
Васлингизни топмаслигим рост,
Дийдор истаб адолар бўлдим..

Дийдор ул-ки, топиб бўлмайди,
Ғамларимни сотиб бўлмайди,
Сизсиз бегим кўнглим тўлмайди,
Сизни кутган илинж ўлмайди..

Ёри, ёри, ёрижонгинам,
Увол бўлди, умрим, жонгинам
Сизни қалбга кўмиблар қўйдим,
Нечун севдим, оҳ нечун куйдим..

Ёри, ёри, ёрижонгинам..

… Бегим сизни яна соғиндим… соғинмаган куним йўқ асли… Хижронлардан толдим… оғриндим, Гулламадим… айни гул фасли… Сиз кетдингиз..«Хайр» демадиз… Холим сўраб қайтиб келмадиз… Кутаяпман… мен ҳамон Сизни…

Бу шундоқ ҳам шафқатсиз дунё… топганларим бариси рўё… мен ёлғизман… синиб боряпман..ғам-аламга кўниб боряпман.

Нетай Сизсизликка кўниколмасам… Умидни йўлдан ҳеч ололмасам… кўзларим эшикка михланиб толди… Кўнглим ҳам дунёсидан қолди..

Шукр, Сиздан қолган қалбимда чечак… ана шулар жоним, юпанчим, эрмак… Эркалайман ёдгорларим деб, Холи – Ҳаққа ошкорларим деб..

Соғинаман йўллар қарайман… Тополмайман биронта илинж… Юрагимни тирмалар ўкинч… Топиб бер дер қалб ардоғимни, Мени бегим кўнгил боғимни…

Эркалайман… дилбандларимни, Сиздан қолган пайвандларимни… Юпангандек бўламан бир оз… Ахир бу оз… жуда-жуда оз..

Бугун бораяпман олдингга жоним… сенсиз куяр бу хону моним… Кўрар кўзлар қайдан билсинлар… билмаганлар келиб кўрсинлар… Кўришларин хоҳламайман ҳам, абгор ҳолим сўрмасинлар ҳам… Мени дардим билмасинлар ҳам… Юрагимни тортиқилар алам… Қаддим долу, Бошим эгик, хам..

Тополмайман борганим билан, Бағрим қонга қорганим билан, кўрганим шу – бир уюм тупроқ… Кўзимда ёш, қалбимда фироқ..

Тополмайман борганим билан кошки кўриб чиқа қолсайдинг, Дардларимни ола қолсайдинг, Мани билан қолаолсайдинг… Кошки сени топаолсайдим..

Кошки мени олиб қолсайдинг… олиб қолсанг, кўра олсайдим… Нечуксиз деб сўрайолсайдим… Тупроғингга қоришиб кетсам, Тўлин ойдек ёришиб кетсам..

Мен келяпман Сизни кўргани..қўлимда гул, кўзим тўла ёш… Нетай ахир етмайди бардош… Эй берахм… орзулар-ку кул… Ишқим хазон, юрак-ку чил-чил… Синиб кетди, синиблар кетдим… дардларингга кўниблар кетдим… Кўникмайман бир Сенсизликка..

Бугун мендан Сен кетган кунинг, Бор дунёдан Сен кетган кунинг, чин дунёга сен етган кунинг… Менинг эса бағрим куйяпти… Жисму жоним, бор тан куйяпти..

Бугун сени излаб келдим жоним қабрингга..
қолдирдинг-а мени сўнгсиз азоб жабрингга… Қалб қаварган, кўзларимни ювмоқда абр… Ҳижрон оғир, Аллоҳжондан сўрайман сабр..

Бугун кунмас, бу кун- қаро тун, Қаролардан бағрим яро кун, Туғилган кун бўлса қанийди, қўлларингга гулдаста тутсам… Ёниб кутсам, ёниблар кутсам… Фақат бор бўл, бўлсанг бўлдийди. Қаторларда юрсанг бўлдийди..

Юрагимни янтоққа илиб, Оҳ, сен мендан кетдинг қайрилиб..Қарамадинг, кетдинг қайрилиб… Охири йўқ йўлларга кетдинг… Айрилиқда қолдим айрилиб…

Афсус бугун Сен ўтган кунинг… Туғилган кун бўлса қанийди… Майли эди мен тупроқ бўлсам… Босиб-янчиб ўтсанг қанийди..

Кошки эди… Фақат бор бўлсанг… Кошки эди… сен борим бўлсанг.

Сиз эдингиз жоним — жаҳоним
Юракдаги танҳо ҳоқоним,
Томиримда жўш урган қоним
Энди қандай яшайман Сизсиз?!

Эдингиз-ку, боғим — баҳорим,
Дил маҳрами, мақтовим, орим
Қайтмайсизми жон вафодорим
Ахир қандай яшайман Сизсиз?!

Бахти-тахтим, кўрарим-кўзим
Пешонамга битган юлдузим,
Айтар сўзим, эй ёруғ юзим.
Айтинг қандай яшайман Сизсиз?!

Айро қалбга йўқ дерлар тўзим
Ортда қолган дунёнгиз ўзим!
«Ёлғизлатиб қўйманг ёлғизим»
Энди қандай яшайман Сизсиз?!

Юрак қотиб қолган парча муз
Муҳаббатим йўқолди изсиз
Шум қисматга йиғлаб чўкай тиз
Осмонда ой, ерда мен ёлғиз-
… Энди қандай яшайман сизсиз?!

10.08.2011, 21:54

Туни билан ёғди ёмғир бахс бойлашиб кўз ёшимга,
Сел ювади ғуборларим, дард қуйилар бардошимга,
Қора тунда қора булут айланади сирдошимга,
Нега сенга кетгин дедим? Сен ҳам кетдинг муҳаббатим?!

Нега бир бир ташлаб кетди қалбим суйган инсонларим?
Нега бир бир учар бўлди мехр номли ёлқинларим?
Қайда қолди дилимдаги қувончларим, тошқинларим?
Нечун сендан кечар бўлдим, сен ҳам кечдинг муҳаббатим?

Ё бардошим етмасмиди? Таслимманми хижронларга?
Адашдимми яна қайта мехрим бериб инсонларга?
Ёки яна алдандимми тақдир деган достонларга?
Сени ташлаб мен кетдимми ёки сенми муҳаббатим?

Сени кўрмай суйган бўлсам кўр қалбимни суярмидинг?
Орзуларим билганингда сен ҳам армон туярмидинг?
Исминг айтиб жоним берсам зарра бўлса куярмидинг?
Кетма десам қабримда ҳам қолармидинг муҳаббатим?

Ёмғир ёғар сел-сел бўлиб, саволларга йўлдош бўлиб…
Чақмоқ каби портлай дейман, дод солайми кўксим тўлиб?
Булут тўсган ҳилол каби рухим борар аста сўниб,
Мен кетгандек ташлаб сени умрим кетар муҳаббатим…

20 Март, 2007 йил
Ёмғирли қора тун.
Хиндистон.
(С)

15.08.2011, 08:25

Узорингдин нурин аёндур аён,
Ки андин куну ой нишондур нишон.

Бало ўқлари отгали жонима,
Икки эгма қошинг камондур камон.

Рақибингда бўлмас ҳаё яхшилик,
Ки қадри феъли ёмондур ёмон.

Ҳаётимга зикру лабингдур садаф,
Йўқ эрса тириклик гумондур гумон.

Нетонг чиқмаса бу несун куйидин
Ки бўл андиға дил омондур омон.

Севара Назархан қўшиғининг матни.

15.08.2011, 18:26

Ҳар нарсаки, кўп бўлса агар хор бўлади,
Хор бўлса, муҳаббатга сазовор бўлади.
Ким қонеъ – жаҳондан ўша безор бўлади,
Ёр жон баҳосида харидор бўлади.

* * *
Эй ёр, юзинг – намоз, кўзинг-чи – рўза,
Ҳар иккиси қул эмиш лаби қирмиза.
Маст эдим агар гуноҳ қилибман, яъни
Синдирган эсам ичиб сувингни кўза.

* * *
Ҳар ким сени кўрса агар, эй хўбахлоқ
Шу лаҳзада қилгай у дунёни талоқ.
Офтоб каби чеҳранг қошида дунёда,
На ойда тароват, на Зуҳалдир порлоқ.

* * *
Дилдор зарифдир, гуноҳи шулдир,
Зебою латифдир, гуноҳи шулдир.
Борми сира айбики, қочурлар ундан,
Ул айбдан афифдир, гуноҳи шулдир.

Мавлоно Жалолиддин Румий

Nigora Umarova
16.08.2011, 12:17

Ишқ бор эди.
Туннинг деразаларин
Бир ҳовуч дардимда поклаганимда.
Ишқ бор эди,
Ҳижрон изтиробида –
Қоронғу зулматни оқлаганимда.
Ишқ бор эди,
барглар хиргойисига,
Шамол излаганда илоҳий оҳанг
Ва саҳарнинг шаффоф бармоқларидан-
Тўкилиб кетганда нур қалқиган ранг.
Ишқ бор эди,
Сувлар табассумини-
Кулгичига солиб қўйганда қуёш
Капалак бир маъюс бўсаси билан-
Вақтнинг хиёнатин этганида фош.
Ишқ бор эди,
Олисдами ё яқин-
Қайдадир бир кимса яшарди мен деб.
У кимса жонига ёдимни гулдек-
Ўтқазиб куйларди қадим андалиб.
Жунун шавқи жоним
Телба этган чоғ.
Ўзимнинг ўзига тўлмаган эдим.
Ишқ бор эди,
Севдим мажнундан кўпроқ.
Мен ҳали.
Мен ҳали ўлмаган эдим.

Gulchehra Ibragimova
16.08.2011, 15:38

KEL KO`R MANI ISHQ NAYLADI