Texnologiya haqida siz bilgan va bilmagan 10 ta fakt (1-qism)
Hikoya usuli boshlang’ich sinflarda ko`p qo`llaniladi. Ta’lim mazmuni o`quvchiga qisman tanish bo`lsa suhbat usuli qo`llaniladi. Og`zaki bayon qilish usulida har ikkala faoliyatning o`qituvchining bayon qilishi va o`quvchilarning shu bayon qilingan bilimlarini diqqat bilan tinglab ongli va mustahkam o`zlashtirishlari birligiga amal qiladi.
Texnologiya darslarini tashkil etishda interfaol metodlardan foydalanish
Yurtimizda ta’lim mazmuniga alohida e’tibor qaratilib, Davlat ta’lim standarti o’quv dasturlarining yangi tahrirdagi variantlari tajriba sinovdan o’tkazilmoqda, pedogogik texnologiyalar asosida o’quv jarayonining samaradorligi oshirish maqsadida pedagogik texnologiyalardan, axborot komminikatsiya vositalaridan foydalanilmoqda.
Boshlang’ich sinf o’quvchilarini o’qitishda o’quvchilarning dunyoqarashini kengaytirish, bilimlarni keng va oson o’zlashtirish maqsadida pedagogik texnologiyalarning usul, vosita va shakllarini to’g’ri tanlab, ulardan foydalanish muhim sanaladi. O’qish darslarini tashkil etishda pedagogik texnologiyalarning ko’pgina metodlaridan foydalaniladi.
Bola hayotida bog‘chadan so‘ng maktabning dastlabki davrlari muhim o‘rin tutadi. Shu bois boshlang‘ich ta’lim davri ta’lim jarayonidagi eng mas’uliyatli davrdir. Bu paytda bolaning savodi chiqishi bilan birga, uning dunyoqarashi shakllanadi, tafakkur qilish malakasi rivojlanadi.
Bu davrda bolaning zehnini o‘stirishga qaratilgan har bir mashg‘ulot bola aqlining tarkib topishi va rivojlanishiga katta ta’sir ko‘rsatadi. Shuning uchun ham bu davrda, avvalo, ta’lim jarayonini qiziqarli, ta’sirli qilib tashkil etishga, motiv hosil qilish va uni rivojlantirishga e’tibor qaratish lozim. Chunki bu muddat bolaning o‘yin faoliyatidan aqliy faoliyatga, ya’ni o‘quv faoliyatiga o‘tganligi bilan xarakterlanadi.
Bolaning o‘quv faoliyatini rivojlantirishda turli o‘yinlardan foydalanish katta ahamiyat kasb etadi. Bolalar o‘yin orqali o‘z bilimlarini mukammallashtiradilar va uni chuqur o‘zlashtiradilar. Shu jihatdan qaraganda, ta’lim jarayonida qo`llanadigan didaktik o‘yinlarning roli beqiyosdir. Didaktik o‘yinlar ta’lim jarayoni samaradorligini oshiradi, ta’lim jarayonida o‘quvchilar faolligini, o‘qish motivlarini rivojlantiradi. O‘qish motivlari ta’lim jarayonini pedagogik texnologiyalar asosida tashkil etishda ham muhim o‘rin tutadi.
Hozirgi davrda pedagogik texnologiyalar asosida ta’limni tashkil etishga katta e’tibor qaratilmoqda.
Pedagogik texnologiya o‘quvchilar qobiliyati, imkoniyati va ehtiyojlarini hisobga olgan holda, ta’lim shakllarini amalga oshirish uchun ko‘zlangan natijaga erishishda eng qulay yo‘l va usullarning tanlash va ishlab chiqish mahorati ekan, u haqiqatdan ham ta’lim jarayoni unumdorligini oshiradi, o’quvchilarning mustaqil fikrlash jarayonini shakllantiradi, o‘quvchilarda bilimga ishtiyoq va qiziqishni oshiradi, bilimlarni mustahkam o‘zlashtirish, ulardan amaliyotda erkin foydalanish ko‘nikma va malakalarini shakllantiradi.
Boshlang‘ich sinf o’qituvchilarining har bir darsni tashkil etish uchun turli didaktik o‘yinlardan foydalanishlari yaxshi samara beradi.
Chunki 6-7 yoshli bolalar hayotida maktab davri ancha murakkab davr bo‘lib, bolalar oldida jiddiy sinov turadi. Bola yangi hayot – maktab hayotiga kirib boradi. Endi u yangi jamoaning a’zosi ekanligini his etishga, intizomga bo‘ysunishga, yangi rejimga moslashishga majbur bo`lmaydi. Bola yosh bo‘lishiga qaramay, endi uning maktabda oqish, uy vazifalarini bajarish, murakkab materiallarni o‘rganish kabi zarur yumushlari ko‘p. Muhimi, o‘yindan maktabga, kundalik majburiy va davomli mehnatga o‘tish bola hayotida tub burilishdir. Hatto maktabgacha tarbiya muassasalaridan kelgan bolalar uchun ham bu oson kechmaydi. Uydan maktabga kelgan bolalarga esa yana ham qiyin. Ayniqsa, sinfda 40-45 daqiqalik darsda o‘tirish, tinglash va topshiriqlarni bajarish, uzoq aqliy mehnat bolani tez toliqtiradi. Bola maktabdan, o‘qishdan sovib ketishi mumkin. Shuning uchun ham o‘qituvchilar bolalarning maktabdagi hayotini qiziqarli tashkil etishga intilishlari, motiv hosil qilish va uni rivojlantirishga harakat qilishlari lozim. Motiv o‘z-o‘zidan hosil bolmaydi. Uni bolalar yoshiga va psixologik xususiyatlariga mos didaktik o‘yinlar va mustaqil ishlar vositasida hosil qilish mumkin.
Ayniqsa boshlang‘ich ta’lim jarayonida pedagogik texnologiyalardan foydalangan holda darslarni qiziqarli olib borish natijasida o’quvchilarni darsga jalb etish samarali bo‘ladi. Shunday darslarda bolalar diqqati to’liq jalb etiladi, xotirasi yaxshi ishlaydi. Motivlar o‘quvchilarning bilimlarini chuqur egallashlariga yordam beradi. Shuning uchun ham boshlang‘ich sinf o‘qituvchilari ta’lim jarayonini qiziqarli motivlar asosida tashkil etishga e’tibor qaratishlari zarur.
Hikoya usuli boshlang’ich sinflarda ko`p qo`llaniladi. Ta’lim mazmuni o`quvchiga qisman tanish bo`lsa suhbat usuli qo`llaniladi. Og`zaki bayon qilish usulida har ikkala faoliyatning o`qituvchining bayon qilishi va o`quvchilarning shu bayon qilingan bilimlarini diqqat bilan tinglab ongli va mustahkam o`zlashtirishlari birligiga amal qiladi.
Hikoya maktab ta’lim tizimida eng ko`p qo`llanadigan usul bo`lib, u hamma sinflarda barcha fanlarni o`qitishda, maktab ta’limining hamma bosqichlarida qo`llaniladi. Boshlang`ich sinflarda bu ancha qisqa va aniq bo`ladi, sinflarning o`rta guruhiga kеlib hikoya ancha kattaroq hajmda va davomli bo`ladi.
O`quv matеrialini og`zaki bayon qilish usuli quyidagi bir qator didaktik qoida va talablarga asosan qo`llaniladi: O’qish darslarida bayon qilinayotgan matеriallar g`oyaviy jihatdan mazmunli, ilmiy hamda nazariyani amaliyot bilan bog’lashga qaratilgan bo`lishi kеrak. Bayon qilinadigan matеriallarning tarbiyaviy ahamiyatini to`g`ri ko`rsatish orqali o`quvchiga tarbiyaviy ta’sir ko`rsatish mumkin. Oqish darslarini tashkil etishning qanday hollarida suhbat usuliqo`llaniladi? Uni qo`yishda qanday qoidalarga amal qilish lozim? Suhbat usuli – savol-javob usuli dеb ham yuritiladi.
O`quvchilar darsga yetarli darajada tayyor bo`lsa o`qituvchi rahbarligida muammoli savollarga javoblarni o`zlari axtarib topadigan suhbatlar maqsadga muvofiqdir. Bunday suhbatlar evritsik izlanish, ahtarib topish haraktеrida bo`ladi.
Suhbatlar, ayniqsa, o`qitishning tarbiyalovchilik haraktеrida dunyoqarash, e’tiqodni tarkib toptirishda qo`l kеladi. Suhbatlar butun sinf hamda o`quvchilarning ayrim guruhlari bilan ham o`tkaziladi.
O’qish darslarini pedagogik texnologiyalar asosida qurish o’quvchilar bilimini oshirish, og’zaki nutqini o’stirish maqsadida “Reklama” metodidan foydalandik. Bu metod boshlang’ich sinf o’qish darslarida qo’llanilsa o’quvchilarning kitob o’qishga bo’lgan ishtiyoqi, og’zaki nutqi shakllanadi, so’z boyligi oshadi, har bir mavzuga savol tuza olishga, erkin va mustaqil fikrlashga o’rganadilar. Ushbu metod orqali o’quvchilar ertaklarni, badiiy asarlarni reklama qiladilar. Reklama qilish jarayonida ertak, asar qahramonlariga xos sifatlarni ochib beradilar. Ya’ni asarni o’qib, asardagi voqea-jarayonlarni reklama qiladilar.
Xulosa qilib aytganda boshlang’ich sinf o’quvchilari boshqarishga moyil, qiziquvchan, ta’sirchan bo’lganliklari uchun ham o’qituvchidan o’quvchilarning yosh xususiyatlariga mos bo’lgan, darsni oson o’zlashtirishlarini, bilimlarni mustahkam o’rganishni kafolatlaydigan metodlarni tanlashi va foydalanishi talab etiladi.
Pedagogik texnologiyalardan foydalanishda ta`limning mazmunini belgilash, ta`lim-tarbiyaning shakllari va vositalarini tayyorlash, o’quvchilarning bilimlarni keng egallashi va ma`naviy fazilatlarni o’zlashtirishga yo`naltirilgan topshiriqlar tizimini ishlab chiqish, ta`limning natijasi va o’zlashtirish darajasini aniqlash ularni ob`ektiv baholash uchun test vazifalarini tayyorlash kabilar tashkil qiladi. Ta’lim, ilim berish – tarbiyani ham o’z ichiga oladi. Ta’lim ishi – Respublikamizni aql – zakovat va ilm borasidagi kuch quvvatini rivojlantirish, jamiyat, davlat va oila oldidagi o’z mas’uliyatini anglaydigan har jihatdan barkamol, erkin shaxslarni shakllantirishni o’z oldiga maqsad qilib qo’yadi. Boshlang’ich sinf o’quvchilarining pedagogik texnologiyalar asosida tashkil etilgan o’qish darslari jarayonida erkin va mustaqil fikrlash qobiliyati shakllanadi. Mustaqil fikrlash qobiliyatining shakllanishi natijasida, o’quvchilar atrof olamdagi, jamiyatdagi qonunlarni, shuningdеk, asardagi ijobiy va salbiy qahramonlar orqali ular insoniy fazilatlarni anglash, bilimlarni chuqur o’rganish, keng fikrlash, tеgishli qarorlar qabul qilish ko’nikmalari shakllanadi. Har bir darsga ko’rgazmali qurollar tayyorlash ulardan darsda unumli foydalanish, darsni jonli, qiziqarli olib borishga zamin yaratadi. Ma’lumki boshlang’ich sinf o’quvchilari sahna ko’rinishlarini juda qiziqib tomosha qilishadi. Ayniqsa shu sahna ko’rinishlarida o’quvchilarning o’zlari rollarda ishtirok etishni sevadilar. Bu esa ularning mavzuni tez o’zlashtirishiga, og’zaki nutqni o’stirishga, kishilar bilan muomala qilishni o’rganishga yordam beradi.
Foydalanilgan adabiyotlar
1. Karimov I.A. O’zbеkiston XXI asrga intilmoqda.- T.: O’zbеkiston, 2000.
2. Avliyoqulov N.X., Musaеva N. Pеdagogik tеxnologiyalar. Toshkеnt-2008.
3. Avliyoqulov N.X. Zamonaviy o’qitish tеxnologiyalari – Toshkеnt, 2001.
4. Boshlang’ich ta’lim jurnallari.
5. Alpomish. O’zbеk xalq qahramonlik eposi. Akadеmiknashr. T.: “Fan”, 1999.
Texnologiya haqida siz bilgan va bilmagan 10 ta fakt (1-qism)
Biroq bu soha hozirgi darajaga qanday erishgan? Aqlli qurilmalar kelajagi qanday bo‘ladi? Facebook’dagi xatolarni aniqlash orqali pul topish mumkinligini bilarmidingiz? «Android» so‘zining asl ma’nosini-chi? Dunyodagi valyutlarning qancha qismi raqamli valyuta ekanidan ham xabardormisiz?
Shu va shunga o‘xshash savollarga quyida va bundan keyingi maqolalarimizda javob beramiz.
#1 Firefox logotipidagi jonzot aslida tulki emas
Ko‘pchilik bu borada noto‘g‘ri tushunchaga ega. Bunga sabab brauzerning nomi bo‘lsa kerak (ingliz tilida «fox» so‘zi «tulki» ma’nosini beradi). Aslida, bu mashhur yoqimtoy va yungdor jonzot — qizil panda (ularni kichik panda deb ham nomlashadi).
#2 Apple’ning ilk logotipi qanday bo‘lgani xayolingizga ham kelmaydi
Kompaniyaning original logotipida Isaak Nyutonning daraxt tagida o‘tirgani tasviri tushirilgan. Ha, ha, to‘g‘ri taxmin qildingiz — olma daraxti. O‘sha mashhur olma olimning boshiga tushay-tushay deb turgani ko‘rsatilgan.
Bu logptip 1976-yilda yaratilgan va chetiga «Nyuton g‘alati farazlar ummonida har doim yolg‘iz suzib yuruvchi shaxs» deb yozib qo‘yilgan. Apple bir paytlar shunday logotipga ega ekanini tasavvur qilish qiyin.
#3 Google echkilarni ijaraga olib ishlatadi
Ha, to‘g‘ri o‘qidingiz. Maysalarni maxsus uskuna yordamida tekislash o‘rniga Google’dagilar echkilarni haqiqiy bazmga taklif qiladi. Mountain View’dagi shtab-kvartirasidagi bazmga!
Echkilarning egasi 200 ta echkisini Google’ga boshlab keladi. Ularni Jen laqabli kuchuk kutib olib, qayerni tekislash kerakligini ko‘rsatadi!
#4 «Robot» so‘zi qora o‘tmishga ega
«Robot» so‘zining etimologiyasiga e’tibor bersangiz, jumla chex tilidagi «robota» so‘zidan olinganini ko‘rasiz. Bu esa «majburiy mehnat» deb tarjima qilinadi.
Robot so‘zi birinchi marta 1920-yilda yaratilgan sahna asarida gumanoid obrazini ta’riflash uchun ishlatilgan.
#5 Ilk vidoemagnitofon pianino kattaligida bo‘lgan
1956-yilda chiqarilgan birinchi magnitofon hajmi mana shunday katta bo‘lgan! Siz tasavvur qilgandan ko‘ra ancha kattaroq, shunday emasmi?
#6 Samsung Apple’dan 38 yil-u 1 oyga katta
Samsung’ga oziq-ovqat do‘koni sifatida 1938-yil 1-mart sanasida Li Byon Chxol tomonidan asos solingan. Apple asoschilari Stiv Jobs va Stiv Voznyaklar esa Apple Computers Inc. ni 1976-yil 1-aprelda yaratgan.
#7 Petabayt juda katta sig‘im demakdir
1GB 1024 megabayt ekanligini hammamiz bilamiz. 1 petabayt-chi? 1PB 1024 terabayt (TB) ga teng.
Bu qanchalar katta sig‘im ekanligini tasvvur qilishingiz uchun soddaroq tushuntiramiz. 1PB hajmli qattiq diskka 13.3 yil davomida efirga uzatilgan HD telekanal efiri sig‘adi.
50PB qattiq diskka esa insoniyat yaralganidan beri yozib qo‘ldirgan har qanday, har qaysi tildagi qo‘lyozmalar sig‘adi.
#8 Oldinlari domen nomlarini ro‘yxatdan o‘tkazish bepul bo‘lgan
Odamlar internet bunchalik keng quloch yozishini bilmagan paytlari, ya’ni 1995-yilga qadar domenlarni internetda ro‘yxatdan o‘tkazish bepul amalga oshirilgan.
Ammo to‘lov joriy qilinganda esa, summa o‘ta katta bo‘lgan. 2 yil uchun ro‘yxatdan o‘tish narxi 100 dollar atrofida bo‘lgan.
#9 Megabaytlar «vazni» yuzlab kilogramm bo‘lgan
Aniqroq qilib aytsak, 5 megabaytlik qattiq disk naq bir tonna tosh bosgan.
1956-yilda ilk kompyuterda qattiq diskka o‘xshash komponent bo‘lgan. O‘sha davrlarda 5MB xotira sig‘imi borasidagi katta o‘sish bo‘lgan.
#10 50 million auditoriyaga ega bo‘lish uchun radioga 38 yil kerak bo‘lgan
Radioning yaratilishi shov-shuvlarga sabab bo‘lgan deb o‘ylarsiz, biroq uning tinglovchilari soni 50 millionga yetishi uchun 38 yil kerak bo‘lgan.
Qiyos uchun, iPod ushbu ko‘rsatkichga atigi 3 yilda erishgan.