Qish haqida she’rlar
Qish fasli,Qorbobo va Qorqiz haqida yangi she’rlar to’plami.Bog’cha bolalari va maktab o’quvchilari uchun yangi yil,Archa haqida she’rlar guldastasi.
Qish fasli
To’rt fasllar aylanib,
Qish kelibdi yastanib.
Zamin oppoq o’ramda,
Yumshoq, momiq gilamda.
Ko’cha to’la bolalar,
Uchar quvnab chanalar.
Yanoqlari zir qizil,
Lek yonmoqda qizib dil
Olam naqadar go’zal,
Ertakdaman shu maxal.
Osmonlardan yog’ar qor,
Atrofga sochib chiroy.
Tarnovda to’p sumalak,
Qator-qator bir talak.
Mo’ri, pechdan bo’rillab,
Tutqun o’ynar tarallab.
Mo’jaz,sirlarga boysan,
Erka, to’lingan oysan.
Kuch olar uxlab borliq,
Tanga bag’ishlab hordiq.
Qish haqida she’r
Barglarini to‘kkanda daraxt,
Xashoratlar bo‘lganda karaxt,
Pechkalarda yonganda o‘tin,
Mo‘rilardan chiqqanda tutun,
Dala, bog‘ni qoplaganda qor,
Muzlaganda arig‘u-anxor,
Sovuq xukm surganda xar dam,
Qalin kiyim kiyganda odam,
Dalalarda susayganda ish,
O‘lkamizda demak «kumush qish»!
Keldi qish
Dala-dashtda tindi ish,
Mehmon bo’lib keldi qish.
Qish emas, — qor bobo,
Sovg’alari bor bobo.
Uyda bezog’lik archa,
Tepasida oyparcha.
Xuddi yozday, bahorday,
Iliq kuzgi nahorday.
Qor yog’ar kecha-kunduz,
Suv sovqotib kiygan muz.
Dala-dasht — oppoq gilam,
Qoqib bo’lmas sira ham.
Orom berar qor yerga,
Dam-badam tushib terga.
Kela qolsa gul bahor,
Erib ketar yerdan qor.
Qish haqida she’r
Quyonga dedi Ayiq:
Buncha shoshasan, qiziq?
Qish kelar qilich qayrab,
Qandoq o‘tiray qarab?
Qish g‘amini yeyapman.
To‘xta, nima deyapsan?
Qish degani bir kecha…
Unday emasdir hecham.
Bir uxlab tursang, bahor!
Bahorgacha ko‘p gap bor…
Qishli qirovli kunda
Ovqat so‘rayman kimdan?
Qanaqa qish, ey ahmoq?
Darg‘azab bo‘lar maymoq.
Qishdan qo‘rqmaysiz, demak…
Gap qaytarma tirmizak.
Qor
Qor, qor, qorlar,
Atrof porlar.
Yilt-yilt nurdek,
Oppoq undek.
Shakar undek,
Shakar, desam.
Agar yesam,
Og’rir tishim.
Qor, qor, qorlar,
Atrof porlar.
Yilt-yilt nurdek.
Archa
Archa ko’klamni quchib
Mahkam olgandir ushlab.
Ko’klam ketolmas chiqib
Undan yoz-u kuz, qishlar.
Ko’klam archaga bandi,
Qila olar nima ham?
Axir u o’ralgandir
Sonsiz ninalar bilan!
Rosa mazza qish
Rosa mazza qish,
Qorlari — kumush.
Oq kiygan atrof.
Qish havosi sof.
Konki uchamiz,
Hech charchamay biz.
Goho qorbo‘ron
O‘ynab kim chaqqon? —
Bilib olamiz,
Qoyil qolamiz.
Qish kelmoqda
Oppoq qish-ey, oppoq qish,
Eh, qorlari yumshoq qish.
Chana, konki o‘ynatgan,
Quvnoq qish-ey, quvnoq qish.
Dam olmoqda dalalar,
Keng vodiylar, daralar,
Fasl gashti atrofga,
Qo‘shiq bo‘lib taralar.
Tarnovlarda sumalak,
Ko‘llar oyna—yaxmalak.
Ayting, ayting bo‘lmasin,
Hech kim yo‘lda charxpalak.
Sovuq hazllasharmi,
Yuzlar jizillasharmi,
Goho-goho uchragan,
Qo‘rqoqni izlasharmi?
Oppoq qor sut singari
Ona Yerga singadi.
Oftob kelib yaqinroq,
Qishning qahrin yengadi.
Oppoq qish-ey, oppoq qish,
Tarqoq qish-ey, qo‘rqoq qish.
O’tib ketti kuz
O‘tib ketdi kuz chog‘i,
Yetib keldi qish yana.
Kengdir muzlik quchog‘i,
Bolalar tortar chana.
G‘izillashib o‘tishar
O‘g‘il-qizlar quvnashib.
Konki otib uchishar,
Bir-birlarin quvlashib.
Dam olib o‘tkazadi,
Bo‘sh vaqtlarin bolalar.
Oq to‘nga o‘raladi,
Butun atrof, dalalar.
Qish ham rohat bizlarga –
Ish qilib, olamiz dam.
To‘lar o‘g‘il-qizlarga,
Qorli tepalar har dam.
Qor parchalar
Qor parchalar, parchalar,
Oq kiyadi archalar.
Qir, adirlar, qo‘ralar
Oq kiyimga o‘ralar.
Uyga kirdi oq odam,
Qarasam, mening dadam.
Dadamning ustin qoqdim,
Dadamga kulib boqdim.
Yoqalarin tuzatdim,
Issiq to‘nni uzatdim.
Qormomom ham bor mening
Qorbobom bilan kelsam,
Quvonasiz chindan.
Qormomong ham bormi, deb
So‘ramaysiz mendan.
Qormomom ham bor mening,
U tog‘larda yuradi.
Yo‘limiz oq bo‘lsin deb,
Qor yog‘dirib turadi.
Qor yog’ayotgan oqshom
(Rauf Parfi she’riga nazira)
Qor yog’ayotgan oqshom
Shaharni kezsang,
G’ira-shira ko’chalarni kezsang,
qo’llaringni cho’ntakka tiqib,
Qor esa erisa lablaringda jim.
O’ylasang, olislarda qolgan kimnidir,
Shu qorni o’ylasang, qalbing entiksa.
Ayniqsa, o’zing sevgan qizni o’ylasang,
Ayniqsa, o’ylasang onangni…
Qor esa tinmasa,
Tinmasa qadaming.
O’zing ham bir qor uchquniday
Singib ketsang tunning bag’riga.
Kimgadir yo’l bersang, kimgadir salom,
Ammo o’zing bilmasang buni.
Qor esa bo’ralab yog’aversa jim,
Adashsang-da, sezmasang adashganingni…
Derazaning raxidan qorni…
Derazaning raxidan qorni
kuzatadi tuvakdagi gul.
Tashqarida yoqqanida qor,
uyda kitob o’qigan ma’qul.
Tashqarida yoqqanida qor,
bu o’y surib ingramak demak
va chiroqni o’chirib qo’yib,
oppoq shamni yondirmoq kerak.
Qanday yaxshi, ma’yus, baxtiyor
qiz tashrifin o’tirsang poylab,
tashqarida yoqqanida qor
ko’chadagi chiroqda porlab.
Qanday yaxshi kuzatmoq to’yib
tashqarida yoqqan oq qorni,
hech bo’lmasa oldingga qo’yib
o’tkir sharob, bir burda nonni.
Biroq, nega chidamas yurak,
kiyinaman asta, bemador –
qiyin ekan uyda yashamak
tashqarida yoqqanida qor.
So’nggi xat
Qor kechib, bog’chani kezaman,
Ko’zimni yashirib yorug’dan.
Men balki qochishni istayman,
Yurakda uyg’ongan og’riqdan.
Bog’chaga ochilgan deraza
Taratar navoni – yog’duni.
Men esa tushaman larzaga,
Yo’qotib qadrdon tuyg’uni.
Qo’limda sen yozgan so’nggi xat,
Vujudda kezadi qaltiroq.
Maktubing shu qadar qisqaki,
Og’riqning azobi uzunroq…
Qorning o’yini
Oqshomda boshlanar
Qorning o’yini.
Havo ham top-toza,
Yurakda viqor.
Qop-qorayib yotgan bog’lar qo’ynini
Oppoq sukunatga
Ko’mib tashlar qor.
Qor tinar
Va sovuq pichoqlarini
Oyga tutar, atrof ketar yaraqlab.
Yig’ishtirib olar oyoqlarini
Yalang’och,
Ho’mraygan bujur daraxtlar.
Kimdir shoshib borar
Pastqam ko’chada,
Kimdir eringancha mudrab bosh qashir.
Kimdir derazadan termilar o’ychan,
Kimdir
Qor ustiga
Yoza boshlar she’r.
Qor yoqqan kun!
Qandayin so‘z topay tasvirlash uchun
Maysalar rangini qor yoqqan kuni,
Qordan chiqib turgan maysalar uchin,
Yulduzlar sovuqdan muzlagan tunni.
Oy bilan sayr etib yurgan chog‘imda
Yo‘lakdagi muzning qisir-qisirin,
Ko‘rpaga o‘rangan tungi bog‘imda
Qari daraxtlarning mahzun shivirin.
Sirg‘adek osilgan alvon do‘lana
Yulduzdek yonadi yo‘lak chetida,
Qorning uchqunlari go‘yo parvona
Qo‘naru eriydi bo‘sh hovuchimda
Qor yog‘ar…
Hayajon misli shamchiroq
Yoritib turadi yuragim ichin,
Barchasin sirini bilaman, biroq
So‘z topa olmayman tasvirlash uchun…
Qorqiz va qorbobo haqida sara sherlar to‘plami
Qorbobo hamda qorqiz haqida eng sara sherlar to‘plami kattalar va bolalar uchun. Qolaversa hazil sherlar bilan ham tanishib chiqishingiz mumkin.
Keldim ko’p yurtlar kezib,
Bog’-u tog’lardan oshdim.
O’rmon oralab yurdim,
Archani xo’p tanladim.
Eng chiroyli, eng ko’rkam,
Qarang, ulkandir biram.
Uni sizga yo’lladim,
Behad u xo’p chiroyli,
O’yinchoqlar marjonli,
Quvondi ko’rib ko’zim,
Ofarin o’g’il-qizim!
Qorqiz — Anvar Obidjon
Yo’laklarim — olmos qor,
Ko’ylaklarim — olmos qor,
Sochlarim ham olmos qor,
Tojlarim ham olmos qor.
Oqqina oqqush-oqqizman,
Qorbobo qorgan qorqizman.
Yo’ymang meni sho’r tuzga,
O’xshatmanglar g’irt muzga.
Tilim novvot, qaynoqdir,
Ko’nglim yumshoq, qaynoqdir.
Oqqina oqqush-oqqizman,
Qorbobo qorgan qorqizman.
Qorbobo sovg’asi
Orqamda qopim katta,
Unda bordir, albatta.
Shirin kulcha, yong’oqlar,
Konfet-u o’yinchoqlar.
Ulashaman sizlarga,
Dono o’gil-qizlarga!
Qorqizning qormomosi — Safar Barnoyev
Qorbobom bilan kelsam,
Quvonasiz chindan.
Qormomong ham bormi, deb
So‘ramaysiz mendan.
Qormomom ham bor mening,
U tog‘larda yuradi.
Yo‘limiz oq bo‘lsin deb,
Qor yog‘dirib turadi.
Qorboboga hazil sher
Qorbobojon shu deseng.
Sendan bordir tilagim.
Van Damdikidek bo’sin.
Bu yil mani bilagim.
Malol kelmasa bobo.
Puldan bergin sal ko’proq.
Ishim doim yugursin.
Bo’masin xech muammo.
So’rashga ham xijolat.
Harkimga ham tol’e bu..
Ko’rsatib bir mahorat.
Sovg’a qilgin Malibu..
Pul endi qo’lni kiri.
Qo’lim shu yil kir bo’sin.
Tilaklarimdan biri.
Malibu pulga to’lsin.
Bobo endi bilasan.
Hammasi bir hal bo’sin.
Yangi yilda yor bergin.
Rayxondan go’zal bo’sin.
Uyimni ham bitiray.
Bir haftalik to’y qilay.
Shuncha qiynalib yurdim.
Shu yil bir xuzur ko’ray.
Kamtarona tilagim.
Bori shundan iborat.
Sezmoqdadur yuragim.
Bari bo’lar ijobat.
Qorqizga olqish — Dilshod Rajab
Kim aytar: u parimas?!
Undan chiroy arimas!
Har yil bir yosh o‘ssa ham,
Qorqiz sira qarimas!
Chunki dili pok uning,
Orzulari oq uning.
Nomi qordan bo‘lsa ham,
Mehri ko‘p qaynoq uning.
Xuddi go‘zal oq qayin,
Boqishlari bir mayin.
Yosharib ochilganday
Qorqizimiz yil sayin!
Shunday, qishda ham yashnab,
Sarg‘aymasin, so‘lmasin.
Yoshlik ketmasin tashlab,
Sira kampir bo‘lmasin!
Qorbobomiz
Qorbobomiz uy soldi,
Derazasiga gul soldi.
Derazasidan mo’ralasam.
Hassasi bilan bir soldi.
Qorbobomiz oppoq
Qorbobomiz oppoq,
Peshonasi yalpoq,
Xassasi uzunchoq,
Qopi to’la o’yinchoq!
Qorqizning tilagi — Nozima Habibullayeva
G‘ururqizman, orqizman,
Eski dardi bor qizman.
Besh yilki yangi yilda,
Qorbobosiz qorqizman.
Besh yilki tilagim shu,
Yolg‘on-u g‘avg‘o qilar.
Yangi yil menga qachon,
Bobomni sovg‘a qilar?
Ularsizlik osonmi?
Yolg‘onku bayram zavqi.
Qaniydi bolalikka,
Bir zumda qolsam qaytib.
Suratim siyratimdir,
Oqliklar ovoz aylar.
Nigohim kiyiklardir,
Ko‘k o‘zra parvoz aylar.
Qorqizman-u zorqizman,
Armonga yetmas kuchim.
Nechta yangi yil kerak,
Sovg‘a olishim uchun?
Erib ketmang, jon bobo
Qorbobojon qorbobo,
Sovg’alari bor bobo,
Uyimiz juda issiq,
Erib ketmang jon bobo!
Qorbobojon kelyapti,
Soat sakkiz bo’lyapti,
Qorbobomiz kelyapti.
Keling, keling Qorbobo,
Sovg’alari bor bobo!
Qorbobolar keladi — Hazil sher
Qorbobolar keladi,
Etagi qor supurib,
Yonida qorqiz kelar,
Qop ko’tarib yugurib.
Ayoz kelib sher so’rar,
Yonidagi boladan,
Bola boshlar she’rini,
Ovoz chiqar noladan.
Qorbobojon qorbobo,
Boks qo’lqop borbobo,
Birov sanga tashasa,
Basharasin yorbobo.
Qorbobojon qorbobo
Qorbobojon qorbobo,
Sovg‘alari bor bobo,
Agar qopi bo‘lmasa,
Lo‘lilarday xor bobo.
Tezroq kelib qorbobo,
Yangi yilni boshlab ket,
Qorqizingni bir oyga,
Bizni uyga tashlab ket.
Chanada kel qorbobo,
Menga desa g‘ozda kel,
Duxing yetsa mabodo,
Baxorda kel yozda kel.
Ayfonim sotdim yangi,
Bitta samsung olib kel,
Yo‘l yo‘lakay paynetdan,
Shyotiga pul solib kel.
Biz seni ko‘p kutmaymiz,
Chaqirganda chopib kel,
Karzin tulamay ketgan,
Do‘stlarni xam topib kel.
Qorbobojon qorbobo,
Sal normalniy kiyin san,
Sovg‘alaring bo‘lmasa,
Xamma joyda bir tiyin san.
Sen kelsang ey qorbobo,
Yangi yil xam to‘lardi,
Qariganda qizil kiyim,
Kiymasang xam bulardi.