O ZBEKISTON RESPUBLIKASIICHKI ISHLAR VAZIRLIGI
Jumladan, shoir tugʻilgan qutlugʻ 9-fevral sanasini har yili adabiyot va maʼrifat bayrami sifatida yuksak darajada nishonlash anʼanasi qaror topdi. Ulugʻ soʻz sanʼatkorining asarlari muntazam nashr etilib, navoiyshunoslik sohasida koʻplab tadqiqotlar olib borilmoqda, respublika va xalqaro miqyosda ilmiy anjumanlar oʻtkazilmoqda.
Ona tili fanidan ochiq dars ishlanmasi
Buyuk shoir va mutafakkir, atoqli davlat va jamoat arbobi Alisher Navoiyning bebaho ijodiy-ilmiy merosi nafaqat xalqimiz, balki jahon adabiyoti tarixida, milliy madaniyatimiz va adabiy-estetik tafakkurimiz rivojida alohida oʻrin tutadi. Ulugʻ shoir oʻzining sheʼriy va nasriy asarlarida yuksak umuminsoniy gʻoyalarni, ona tilimizning beqiyos soʻz boyligi va cheksiz ifoda imkoniyatlarini butun jozibasi va latofati bilan namoyon etib, yer yuzidagi millionlab kitobxonlar qalbidan munosib va mustahkam oʻrin egalladi.
Keyingi yillarda Alisher Navoiyning boy va serqirra ijodiy merosini har tomonlama chuqur oʻrganish, uning oʻlmas asarlarini yurtimizda va xorijiy mamlakatlarda keng targʻib qilish hamda xotirasini abadiylashtirish borasida qator ishlar amalga oshirilmoqda.
Jumladan, shoir tugʻilgan qutlugʻ 9-fevral sanasini har yili adabiyot va maʼrifat bayrami sifatida yuksak darajada nishonlash anʼanasi qaror topdi. Ulugʻ soʻz sanʼatkorining asarlari muntazam nashr etilib, navoiyshunoslik sohasida koʻplab tadqiqotlar olib borilmoqda, respublika va xalqaro miqyosda ilmiy anjumanlar oʻtkazilmoqda.
Shu bilan birga, Zahiriddin Muhammad Bobur oʻrta asr Sharq madaniyati, adabiyoti va sheʼriyatida oʻziga xos oʻrin egallagan adib, shoir, olim boʻlish bilan birga, yirik davlat arbobi va sarkarda hamdir.
Ikki ulugʻ siymo tavallud kunlari munosabati bilan poytaxtimizning Sergeli tumanidagi 269-sonli maktabda “Ikki buyuk siymo” mavzuida maʼnaviy tadbir tashkil qilindi.
Taʼkidlanganidek, soʻnggi yillarda ulugʻ ajdodlarimizga nisbatan munosabat har qachongidan ham yuksak bosqichga koʻtarilgani, ularning maʼnaviy-maʼrifiy merosini oʻrganishga boʻlgan eʼtibor tubdan kuchaydi. Xususan, bugungi kunda buyuk siymolarimiz Alisher Navoiy va Zahiriddin Muhammad Bobur hayoti va ijodini chuqur oʻrganish, ularning ilmiy-madaniy merosini asrab-avaylash hamda keng ommalashtirish borasidagi ishlarni yangi bosqichga koʻtarishga qaratilgan qator qarorlar qabul qilindi.
Qayd etilganidek, mamlakatimiz Prezidentimizning 2020-yil 19-oktyabrdagi “Buyuk shoir va mutafakkir Alisher Navoiy tavalludining 580-yilligini keng nishonlash toʻgʻrisida”gi qarori buyuk shoir va mutafakkir, atoqli davlat va jamoat arbobi Alisher Navoiyning boy va serqirra ijodiy merosini chuqur oʻrganish, uning oʻlmas asarlarini yurtimizda va xorijiy mamlakatlarda keng targʻib qilishda muhim ahamiyat kasb etmoqda.
Shuningdek, davlatimiz rahbarining joriy yil 25-yanvardagi “Buyuk shoir va olim, mashhur davlat arbobi Zahiriddin Muhammad Bobur tavalludining 540-yilligini keng nishonlash toʻgʻrisida”gi qarori qabul qilinib, unga koʻra, buyuk shoir, qomusiy olim, davlat arbobi Boburning ilmiy-ijodiy merosini, davlatchilik faoliyatini keng oʻrganish, xalqaro miqyosda ilmiy izlanishlar olib borish, uning nomi bilan bogʻliq obida va yodgorlik majmualarini taʼmirlash borasida tizimli ishlar qilinmoqda.
Taʼkidlanganidek, Navoiyning asarlarida davlatchilik asoslari, inson huquqi masalalariga alohida eʼtibor qaratilib, farovon jamiyat, adolatli boshqaruv gʻoyalari aks etgan. Zahiriddin Muhammad Bobur asarlarida saltanatni idora etishda xalq xohish-irodasini inobatga olish, ularning manfaatlarini koʻzlab ish tutish bosh gʻoya sifatida oʻrin olgan.
Maʼnaviy tadbirda oʻquvchilar tomonidan Bobur shaxsi va uning insoniylik, vatanparvarlik xususiyatlari haqida maʼlumotlar berilib, uning buyuk salohiyati, dilbar shaxs sifatidagi xususiyatlari ochib berildi. Shu bilan birga, Alisher Navoiy va Zahiriddin Muhammad Bobur asarlaridan olingan parchalar sahnalashtirildi. Ular hayotidan lavhalar tayyorlanib, gʻazallaridan parchalar oʻqildi.
Aytish joizki, buyuk ajdodlarimiz nafaqat ilmiy-ijodiy balki, milliy davlatchilik va adolatli jamiyat barpo etish borasidagi faoliyati bilan ham jahon tarixida oʻchmas iz qoldirgan, desak, ayni haqiqat.
Nodira Masharipova,
Sergeli tumanidagi 269-umumtaʼlim maktabining Ona tili va adabiyot fani oʻqituvchisi.
- #Алишер Навоий
- #Заҳириддин Муҳаммад Бобур
O’ZBEKISTON RESPUBLIKASI
ICHKI ISHLAR VAZIRLIGI
Aholi muammolariga eʼtibor qaratish hamda kriminogen vaziyat barqarorligini taʼminlash yuzasidan Ichki ishlar vaziri general-leytenant Poʻlat Bobojonov boshchiligidagi idoralararo ishchi guruhi tarkibidagi mutaxassislar tomonidan Andijon davlat universiteti, Andijon davlat pedagogika instituti va Andijon davlat chet tillar institutining olimlari bilan ilmiy uchrashuv oʻtkazildi
Joriy yilning 15-fevral kuni Idoralararo ishchi guruh mutaxassislari tomonidan “Oʻzbekiston Respublikasi jamoat xavfsizligi konsepsiyasi ijrosini tashkil etish” mavzusida Andijon davlat universitetida ilmiy uchrashuv oʻtkazildi.
Tadbirda Andijon davlat universiteti, Andijon davlat pedagogika instituti va Andijon davlat chet tillar institutining 72 nafar olimlari ishtirok etishdi.
Olimlar tomonidan Oʻzbekiston Respublikasi jamoat xavfsizligi konsepsiyasi ijrosini samarali tashkil etish boʻyicha qator takliflar bildirildi. Xususan, quyidagi takliflar Idoralararo ishchi guruh tomonidan oʻrganib chiqish va kelgusida norma ijodkorligi jarayonida foydalanish uchun qabul qilindi:
1) oliy taʼlim tashkilotlari xotin-qizlari oʻrtasida huquqbuzarliklar profilaktikasi ishlarini tashkil etish bilan shugʻullanuvchi ayol profilaktika inspektori faoliyatini yoʻlga qoʻyish;
2) talabalar jinoyatlarining aksariyati taʼtil vaqtida sodir etilayotganligi sababli, ushbu davrda tyutorlar va profilaktika inspektorlari hamkorligida talabalar oʻrtasida manzilli profilaktik tadbirlarni tashkil etish;
3) oliy taʼlim tashkilotlariga kirish-chiqish joylarida yoʻlovchi tashish faoliyati bilan shugʻullanuvchi subyektlarning yoʻl harakati qoidalariga rioya etishi ustidan nazoratni kuchaytirish, jumladan videokuzatuv tizimini oʻrnatish va tizimli ishlashini taʼminlash.
Ilmiy uchrashuv davomida Idoralararo ishchi guruh tomonidan oliy taʼlim tashkilotlarida jamoat xavfsizligi sohasidagi muammolarning ilmiy yechimini ishlab chiqishga qaratilgan ilmiy-tadqiqot ishlarini jadallashtirish, jamoat xavfsizligini taʼminlovchi subyektlar faoliyatini uslubiy va konsultativ taʼminlash natijadorligini oshirish boʻyicha tavsiyalar berildi.
Ilmiy uchrashuv ochiq muloqot shaklida chuqur ilmiy-amaliy tahlillar va qizgʻin bahs-munozara asosida oʻtkazildi.
IIV Axborot xizmati