Daqiqa qadri kitob skachat
“Bular qandayin zotlar edi! Vaqtining qadrini bilgan mana shunday zotlar sababli ummat 1300 yil turdi. Oxirgi 100 yilning ummatlari nima bo’ldi? Bu zamon ummatining dardu g’ami uy qurish bo’ldi…”
Abdurasul Abdullayev: Daqiqa qadri (3-kitob)
O‘zbekiston Milliy teleradiokanali orqali efirga beriladigan “Zakovat” intellektual ko‘rsatuvi savollari asosida nashrga tayyorlangan “Daqiqa qadri 3” kitobi ham “Zakovat” turkumi ostida chop etilgan avvalgi kitoblar kabi 1001 savol va ularning 1001 javobidan iborat. Shuningdek, kitobda nafaqat ko‘rsatuv muxlislari tomonidan yo‘llangan savol-javoblar, balki boshlovchi Abdurasul Abdullayevning shaxsan o‘zi tuzgan ajoyib jumboqlar va ularning yechimlari ham jamlangan.
Ushbu kitob mamlakatimizdagi turli soha va qatlam vakillarining intellektual salohiyatini oshirishda, ayniqsa, yoshlarning yetuk aql-idrok egasi bo‘lib yetishishlarida muhim qo‘llanma bo‘lib xizmat qilishi shubhasiz. Vatanimizning turli sarhadlarida istiqomat qiluvchi yurtdoshlarimizning maktublari va boshqa manbalar asosida to‘plam holiga keltirilgan ushbu qo‘llanma barchaga manzur buladi, degan umiddamiz.
Kitob keng ommaga mo‘ljallangan.
Xususiyatlar
| ISBN | 978-9943-5534-6-0 |
| Muallif | Abdurasul Abdullayev |
| Til | O’zbekcha |
| Yozuv | Kirillcha |
| Betlar soni | 320 |
| Nashriyot | Давр-Пресс |
| Muqovasi | Yumshoq |
| Qog‘oz formati | A5 |
| Chop etilgan yili | 2019 |
Kitoblar, mahsulotlar, jahon adabiyoti, o’zbek adabiyoti, biznes va psixologiya, rus tilida, zamonaviy o’zbek adabiyoti, bolalar adabiyoti, diniy adabiyotlar, fan va o’quv qo’llanmalari, abituriyentlar uchun eng yaxshi kitoblar, eng yaxshi 100 ta kitoblar, badiiy (biografik adabiyotlar), , ingliz tilida juda ko’p narsalar va tez yetkazib berish
Daqiqa qadri kitob skachat
BIR LAHZANING QADRI
Imomi A’zam r.a.ning shogirdlari, buyuk Faqih Abu Yusuf o’lim to’shagida ham shogirdlarini chaqirib, biron ilmiy masalani suhbat qilib turaylik, degan ekanlar.
Shunda shogirdlaridan biri: “Hazrat, hozir masala tortishadigan vaqtmas-ku, o’zingiz bilan o’zingiz ovora bo’lsangiz” – desa, shunday javob bergan ekanlar: “Alloh menga bergan 1 lahza qolsa ham o’sha bilan bir musulmonga xizmat qilib qolsam deyman. Shu lahzani qo’ldan boy berib qo’ymay…”
Buyuk hofiz, muhaddis Ibn Rajab r.a. aytadilar: “O’z qo’lim bilan 2000 ta kitob yozganman”. Hatto kuniga 9 ta kitob yozgan paytlari ham bo’lgan ekan.
Amr Xolid aytadi:
“Bular qandayin zotlar edi! Vaqtining qadrini bilgan mana shunday zotlar sababli ummat 1300 yil turdi. Oxirgi 100 yilning ummatlari nima bo’ldi? Bu zamon ummatining dardu g’ami uy qurish bo’ldi…”
ENG KO’P KITOB YOZGAN OLIM
Ibn Aqiyl rahmatullohi alayhning birgina “Funun” degan kitoblari 800 mujallad bo’lgan ekan. Odam alayhissalomdan keyin kelgan odamlardan hech biri bunchalik ko’p kitob yozolmagan.
Ibn Aqiyl aytgan ekanlar:
“Hozir yoshim 80 da. Lekin haliyam kitob yozishga himmatim bor. Men sizlar ovqatlangandek ovqatlanmayman. Balki, vaqtimni qizg’onaman. Qattiq nonni suvga solib qo’yib, kitob yozayotgan joyimda yeyaveraman. Astoydil o’tirib yeyishga esa vaqtim yo’q.”
Amr Xolid aytadi:
“Ummati Muhammadiyaning hozirda qoim bo’lishi mana shunday vaqtning qadriga yetadiganlar sababidandir. Agar din bizga o’xshaganlarga qolganda xor bo’lgan bo’lardi.
Umr yashab o’tilgan yillar bilan emas, qilingan ezgu ishlar bilan o’lchanadi…”
ARSH LARZAGA TUSHDI
Sa’d ibn Muoz r.a. 30 yoshda musulmon bo’ldilar. U zot 37 yoshda vafot qilganlarida Rasululloh s.a.v.: “Allohning Arshi Sa’dning o’limidan larzaga tushdi” degan ekanlar. Marhumning tobutini ko’tarib ketayotgan bir sahoba: “Nega uning tobuti juda yengil?” – deb so’raganda, Rasululloh s.a.v.: “Uni farishtalar ko’tarib ketyapti” – degan ekanlar.
Alloh sizdan rozi bo’lsin, ey Sa’d, siz 7 yillik musulmonlik umringizda vaqtdan unumli foydalanaib, oily martabalarga erishdingiz.
Hazrat Usoma ibn Zaydni Rasululloh s.a.v. katta qo’shinga amir qilganlarida yoshi 16 da edi. Vaholanki, bu qo’shinda Abu Bakr siddiq, Umardek (r.a.) zotlar bo’lgan. Demak, Usoma r.a. shu yoshigacha vaqtini g’animat bilan Rasululloh s.a.v.ning e’tiborlarini qozongan ekan.
Muhammad Fotih (Fatih Mehmet) Istambulni kofirlar qo’lidan olganida yoshi 23 da edi.
TAOMINI UNUTGAN IMOM
Imom Navaviy 500 ta kitob yozganlar. 40 yoshda vafot etganlar. Ilmni deb uylanolmaganlar. Shu zot aytgan ekanlar: “Allohga qasamki, yiqilib tushmagunimcha ovqatlanmayman va uxlamayman. Chunki vaqtni qizg’onaman”. Onalari ovqatni olib kelarkanlar-da, hazrat kitob o’qiyverarkanlar, onalari og’izlariga tiqib-tiqib ketaverarkan. Bomdodga azon chaqirilib, hazrat onalariga: “Onajon, ovqatni olib keldingizmi?” desalar, onalari: “Uni kechqurun yedirib qo’ydim-ku” – derkanlar.
UYQUGA ZOR XALIFA
Umri davomida to’yib uxlamagan Hazrati Umarning gaplarini eshiting:
“Qachon uxlay ekan. Kechqurun uxlasam Parvardigorning haqini zoye qilaman, kunduzi uxlasam bandalarning haqini zoye qilib qo’yaman-ku”.
Yorqinjon qori ma‘ruzalari asosida tayyorlandi.