Onur Qoplon: Alfido

*Ibn Qoyyim rohimahulloh: «Muroqaba bandaning davomli ravishda Alloh subhanahu va taolo uning zohiri va botinidan xabardor bo‘lib turganini bilishi va ishonishidir», degan. (islom.uz saytidan)

Yuridik Maslahat Portali

“Bir hikoyam bor… Yo‘nilgan qoyalar orasidan telbalarcha ko‘pirib toshgan bir tomchi suvda g‘arq bo‘lganim haqida… O‘zim ham bilmaydigan bir baliqning qornidan so‘zlayapman senga. Bu yer zimiston va xilvat joy. Men esa qorong‘ilikdan juda qo‘rqaman… Senga do‘stlarcha qo‘l uzatyapman: sening hikoyangda senga poyabzalimni tuhfa qilish uchun, mening hikoyamda meni tushuna olishing uchun. Iltimos, menga yaxshi qaragin…”

“Alfido” kitobidan.

Inson dunyoga kelar ekan, ikki yo’lga duch keladi, biri yaxshilik, boshqasi yomonlik. Alloh taolo bandasiga aql berib, unga shu ikki yo’lni taklif qildi. Ba’zi bandalari aqlini ishlatib yaxshilik yo’lini tutishi kerakligini angladilar, yana ba’zilari aqlni ishlatib yaxshilik yo’lini o’zi uchun yaxshiligini bilib, ammo nafsiga yengilish natijasida u yo’ldan yura olmadilar, lekin taslim ham bo’lmadilar, aksari bo’lsa aqlni ham ishlatmasdan nafsga yoqqan yo’l bo’lmish yomonlik yo’lini tutdilar. Kitob aynan ikkinchi yo’l – aqlni ishlatganu, lek nafsiga yengilgan, ammo taslim bo’lmagan bir qizning hayoti haqida.

Kitobni o’qir ekansiz yozuvchining tamsil va tashbehlarining go’zalligiga maftun bo’lasiz. Kitob ko’rinishidan kichikkina bo’lishiga qaramay, yaxshilab mushohada qilib o’qiyman desangiz ancha vaqtingizni oladi. Men ba’zi kunlar kitobni o’qiy ham olmadim, yozuvchi shu darajada muroqabaga* chorlaydiki o’zingizdan uyalib ketasiz. Aynan shu joylarida kitobga bor diqqatingizni qarating, u yerlarni kichik sanamang, zero kitobning mag’zi aynan o’sha yerlardadir.

*Ibn Qoyyim rohimahulloh: «Muroqaba bandaning davomli ravishda Alloh subhanahu va taolo uning zohiri va botinidan xabardor bo‘lib turganini bilishi va ishonishidir», degan. (islom.uz saytidan)

Kitobning muqovasiga kelsak, muqovada qizning suratini ko’rgan yigitlar, qizlarga atalgan kitob ekan deb, batafsil qiziqmasdan turib o’qimaslikka qaror bermang. Kitob o’smirdan tortib qariyagacha jins tanlamaydi. Har kim kitobdan o’ziga yaxshi xulosa chiqaradi.

Tarjimaga kelsak, o’qishlik tarjima bo’lgan. “MISBAH” jamoasi tarjimoni Abror aka Adham o’g’li tarjimani shu darajada qilganlarki, bu tarjimalari tufayli iste’moldan chiqib ketgan so’zlarimiz qaytadan hayotimizga kirib kelsa neajab… O’qiyotganingizda izohli lug’atga 5-10 marotaba ishingiz tushishi mumkin..
Kitobning muqovasi yumshoq, qog’oziga kelsak, juda ham sifatli. O’zbekcha kitoblar ichida bunday muqovali kitobni ilk bora ko’rdim.

Kitob foydadan holi bo‘lmaydi deb umid qilaman.

Do’stlarga ulashing

• Click to print (Opens in new window)
• Click to share on Twitter (Opens in new window)
• Click to share on Facebook (Opens in new window)
• Click to share on Telegram (Opens in new window)
• Click to share on Pinterest (Opens in new window)
• Click to share on WhatsApp (Opens in new window)
• Click to share on Skype (Opens in new window)
• Click to share on LinkedIn (Opens in new window)
• Click to share on Pocket (Opens in new window)
• Click to share on Reddit (Opens in new window)
• Click to share on Tumblr (Opens in new window)

Onur Qoplon: Alfido

Qo’lingizdagi ushbu kitob juz’iy qisqartirishlar bilan tarjima qilingan bo’lsa-da, asarning asosiy g’oyasini, ruhini, undagi hislarini siz kitobxonga yetkaza oladi.

Bir hikoyam bor. Yo‘nilgan qoyalar orasidan telbalarcha ko‘pirib toshgan bir tomchi suvda g‘arq bo‘lganim haqida. O‘zim ham bilmaydigan bir baliqning qornidan so‘zlayapman senga. Bu yer zimiston va xilvat joy. Men esa qorong‘ilikdan juda qo‘rqaman. Senga do‘stlarcha qo‘l uzatyapman: sening hikoyangda senga poyabzalimni tuhfa qilish uchun, mening hikoyamda meni tushuna olishing uchun. Iltimos, menga yaxshi qaragin.

“Alfido” Zaynab haqida bitilgan kitob emas, u men haqimda, siz haqingizda, ular haqida.

Xususiyatlar

ISBN	978-9943-20-809-4
Til	O’zbekcha
Yozuv	Kirillcha
Tarjimon	Abror Adham o’g’li
Betlar soni	192
Nashriyot	Янги Аср Авлоди
Muqovasi	Yumshoq
Qog‘oz formati	A5
Chop etilgan yili	2021

Kitoblar, mahsulotlar, jahon adabiyoti, o’zbek adabiyoti, biznes va psixologiya, rus tilida, zamonaviy o’zbek adabiyoti, bolalar adabiyoti, diniy adabiyotlar, fan va o’quv qo’llanmalari, abituriyentlar uchun eng yaxshi kitoblar, eng yaxshi 100 ta kitoblar, badiiy (biografik adabiyotlar), , ingliz tilida juda ko’p narsalar va tez yetkazib berish

«Алфидо»

Қўлингиздаги китоб жузъий қисқартиришлар билан таржима қилинган бўлсада, асарнинг асосий ғоясини, руҳини, ундаги ҳисларни етказа олдим деб умид қиламан. Таржима жараёни енгил кечмади: баъзан кунлаб, ҳатто ҳафталаб китобни қўлимга ололмадим. Айрим сатрлари тўсатдан туширилган тарсакидек юзимни ловуллатиб юборди, баъзи сўзлари юрагимга тош мисоли чўкди. Қуйидаги сатрларни таржима қилар эканман, кўзимдан тирқираган ёшларни тўхтата олмадим, шу сатрларнинг туткиси билан қўрқа-писа ортимга ўгирилганимда қалбимни ғамгинлик чулғаб олган бўлса-да, олдимда турган УМИД мени қўлимдан тортиб кетди. Зеро, тавба эшиклари то қиёматгача ёпилмайди. Менга қаттиқ таъсир қилгани учун (ўзимдан ўтганини бир мен биламан, бир Аллоҳ) бу сатрларни ҳали мутолаага киришмасингиздан олдиноқ сизлар билан бўлишгим келди:
«. Тонглардан бирида кўзларимни уйқудан очиб, жойнамознинг устида уйғондим. Қудуқ деворларини босган бақатўннинг исига тўйинган ичимга бир уруғ қададим. Ўрнимдан туришга уринмадим, зеро, мажолим йўқ эди. Овозимни эшиттириш учун бақиришимга ҳам ҳожат бўлмади. На қўлимни кўтардим, на бирор ишора бердим. Фақатгина «Аллоҳим!» дедим ва хирилдоқ овоз билан ичимдаги оламни уйғотдим. Йўқсиллик нималигини биласизми? Ҳамма нарсам бор Ундан айро, деб ўйлайсиз, аммо энг саёз сувда ҳам чўкиб кетасиз. Ўрнимдан туролмайман деб ўйлаяпсиз, шундайми? Қаддимни ростлай олмайман, тиззаларим букилиб кетади, ўтмиш ёқамни қўйиб юбормайди, тилим Якто дейишга айланмайди, деяпсиз, тўғрими? Кўзингизни юминг, «Аллоҳим!» денг, оғзингизни юминг ва бир томчи сувда кўринг Унинг исмларини. Кўзингизни юминг ва Раббингизнинг сизга «Қулим» дейишига қулоқ тутинг, қулоқларингизни ёпинг ва шоҳтомирларингизда кўпирган қувватни ҳис қилинг. Шуни унутмангки, бу йўлда кўриш учун на кўзларга, эшитиш учун на қулоқларга, гапириш учун на лабларга эҳтиёжингиз бор, бу йўлда фақатгина «Аллоҳим!» десангиз кифоя».
Ишончим комилки, сиз ҳам бу китобдан ўзингизга тегишли нимадир топасиз.
«Алфидо» Зайнаб ҳақида битилган китоб эмас, у мен ҳақимда, сиз ҳақингизда, улар ҳақида.
Таржимадаги нуқсонлар учун каминанинг узрини қабул қиласиз деган умиддаман.

Камоли эҳтиром ила, Аброр Адҳам ўғли

Муаллиф: Онур Қоплон
Турк тилидан таржимон: Аброр Адҳам ўғли
Нашриёт: «Yangi asr avlodi»
Сана: 2021 йил
Ҳажми: 192 бет
ISBN: 978-9943-20-848-8
Ўлчами: 80×108 1/32
Муқоваси: юмшоқ

• Stock: Мавжуд
• Код: 3175
• Вазни: 0.50кг
• ISBN: 9789943208488