Duo kitob
Муаллиф: Аҳмад Зиёуддин Кумушхонавий
Таржимон ва нашрга тайёрловчилар: А. Тилавов, С. Холмуродова, М. Холмуродова
Номи: «Катта дуо ва зикр китоби»
Нашриёт: «Sano-Standart»
Сана: 2018 йил
Ҳажми: 592 бет
ISBN: 978-9943-4419-4-1
Бичими: 70×100 1/16
Муқоваси: қаттиқ
«Катта дуо ва зикр китоби»
Ушбу китобда улуғ аллома, Нақшбандия тариқати устозларидан Аҳмад Зиёуддин Кумушхонавийнинг “Мажмуатул-аҳзоб” номли икки минг саҳифалик дуо китобидан саралаб олинган энг зарурий дуолар жамланди.
Дуога оид муҳим маълумотлар, дуоларнинг шарҳлари китобнинг илмий ва маънавий қийматини таъминлайди.
Шунингдек, китобга Қуръони Каримдан баъзи суралар ва таржималар, Имом Шаъронийнинг “Ибодат ва зикр аҳлига тавсиялар”, Алишер Навоийнинг “Муножот” асари, Нақшбандия тариқатида зикр одоби илова этилди.
Муаллиф: Аҳмад Зиёуддин Кумушхонавий
Таржимон ва нашрга тайёрловчилар: А. Тилавов, С. Холмуродова, М. Холмуродова
Номи: «Катта дуо ва зикр китоби»
Нашриёт: «Sano-Standart»
Сана: 2018 йил
Ҳажми: 592 бет
ISBN: 978-9943-4419-4-1
Бичими: 70×100 1/16
Муқоваси: қаттиқ
Ўзбекистон Республикаси Вазирлар Маҳкамаси ҳузуридаги Дин ишлари бўйича қўмитанинг 3478-рақамли тавсияси ила чоп этилди.
МУНДАРИЖА
Тақдим
Аҳмад Зиёуддин ҳазратларининг файз ҳалқаси
Улуғ шайхнинг каромати
Аҳмад Зиёуддин Кумушхонавий ҳазратларидан 8 хос дуо
Ҳазрат одамнинг уч дуоси
БИРИНЧИ БЎЛИМ
ДУОГА ДОИР МАСАЛАЛАР
ИККИНЧИ БЎЛИМ
ДУО ОЯТЛАРИ
УЧИНЧИ БЎЛИМ
ДУО ХУСУСИДА БАЪЗИ ХАДИСЛАР
ТЎРТИНЧИ БЎЛИМ
ТАҲОРАТГА ДОИР ДУОЛАР
БЕШИНЧИ БЎЛИМ
ИЙМОНГА ДОИР ДУОЛАР
ОЛТИНЧИ БЎЛИМ
НАМОЗГА ДОИР ДУОЛАР
ЕТТИНЧИ БЎЛИМ
ЗАКОТГА ДОИР ДУОЛАР
САККИЗИНЧИ БЎЛИМ
РУЗАГА ОИД ДУОЛАР
ТЎҚҚИЗИНЧИ БЎЛИМ
ҲАЖГА ДОИР ДУОЛАР
ЎНИНЧИ БЎЛИМ
ЗЕРИКИШГА ҚАРШИ УҚИЛАДИГАН ДУОЛАР
ЎН БИРИНЧИ БЎЛИМ
КАСАЛЛИКЛАР БИЛАН BOFЛИҚ ДУОЛАР
ЎН ИККИНЧИ БЎЛИМ
ЎЛИМ ВА ЖАНОЗА БИЛАН BOFЛИҚ ДУОЛАР
ЎН УЧИНЧИ БЎЛИМ
УХЛАШ ВА ТУШ БИЛАН BOFЛИҚ ДУОЛАР
ЎН ТЎРТИНЧИ БЎЛИМ
МУБОРАК КУНЛАРДА УҚИЛАДИГАН ДУОЛАР
ЎН БЕШИНЧИ БЎЛИМ
САФАР БИЛАН BOFЛИҚ ДУОЛАР
ЎН ОЛТИНЧИ БЎЛИМ
ХАВФДАН САҚЛАНИШГА ДОИР ДУОЛАР
ЎН ЕТТИНЧИ БЎЛИМ
КУНДАЛИК ҲАЁТГА ДОИР ДУОЛАР
ЎН САККИЗИНЧИ БЎЛИМ
ТАСБЕХ, БИЛАН BOFЛИҚ ОЯТЛАР
ЎН ТЎҚҚИЗИНЧИ БЎЛИМ
ИСТИҒФОР БИЛАН BOFЛИҚ ДУОЛАР
ЙИГИРМАНЧИ БЎЛИМ
ТАВАККУЛ БИЛАН BOFЛИҚ ДУОЛАР
ЙИГИРМА БИРИНЧИ БЎЛИМ
ТАҲЛИЛ БИЛАН BOFЛИҚ ДУОЛАР
ЙИГИРМА ИККИНЧИ БЎЛИМ
ТУРЛИ МАВЗУЛАРДАГИ ДУОЛАР
ЙИГИРМА УЧИНЧИ БЎЛИМ
ЗИКР ҲАҚИДА ДУОЛАР
ЙИГИРМА ТЎРТИНЧИ БЎЛИМ
САЛОМ БИЛАН BOFЛИҚ ДУОЛАР
ЙИГИРМА БЕШИНЧИ БЎЛИМ
САЛОМ ВА САЛАВОТЛАР
ЙИГИРМА ОЛТИНЧИ БЎЛИМ
АСМОУЛ ҲУСНО
ЙИГИРМА ЕТТИНЧИ БЎЛИМ
ҚУРЪОНИ КАРИМ БИЛАН BOFЛИҚ ДУОЛАР
ЙИГИРМА САККИЗИНЧИ БУЛИМ
“МАЖМУАТУЛ-АҲЗОБ”ДАГИ КАСИДАЛАР
АЛИШЕР НАВОИЙ – МУНОЖОТ
Duo kitob
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Дуо ибодат турларидан бири бўлиб, инсон билан Аллоҳнинг орасини боғлайди. Дуо инсонда қўшиб яратилган нарса бўлиб, қийинчилик вақтида ўз-ўзидан, биров ўргатмаса ҳам инсон Аллоҳга илтижо қилиб келади. Инсон ҳаётдаги ҳодисалар қаршисида ожиз қолганда ўзига дуодан бошқа суянчиқ топа олмайди. Шунинг учун ҳам Аллоҳ таоло мусулмонларни дуо қилишга буюрган. «Роббингиз: «Менга дуо қилинг, сизга ижобат қилурман. Албатта, Менинг ибодатимдан кибр қилганлар жаҳаннамга хору зор ҳолларида кирурлар», деди» («Ғофир» сураси, 60-оят).
Мана шу оятда Аллоҳ дуони ибодат, деб атаган. Кимки ундан кибр билан юз ўгирса, Аллоҳнинг ғазабига учрашини эслатиб ўтган. Дуо кўпгина касалликларнинг давосидур. Инсон табиати шундайки, ўзининг қалбидаги дарду ҳасратини энг яқин дўстига тўкиб солиб, ўзининг қайғу-аламини енгиллатгиси келади.
Руҳий касаллик табибларининг таъкидлашича, кўпгина асабий, руҳий аламларнинг тузалиши, шу аламларнинг сабабини бир яқин ёр-дўстга ошкор қилиш билан бўлар экан. Бу нарсани бировга айтмай, яшириб юрилса, дард зиёда бўлар экан. Агар инсон ўз қайғусини парвардигорига айтса-чи, ундан ёрдам сўраса-чи? Албатта, бу вақтда унинг қалби осойишталик билан тўлади, қайғу-аламлари кўтарилади. Чунки иймони унга Аллоҳ сен билан бирга, ундан бир нарсани сўрасанг, албатта, сўраганингни беради, деб турибди. Қуръон бу ҳақда «Бақара» сурасининг 186-оятида шундай дейди: «Агар бандаларим сендан Мени сўрасалар, Мен, албатта, яқинман. Дуо қилгувчи дуо қилганда ижобат қиламан. Бас, Менга ҳам ижобат қилсинлар ва иймон келтирсинлар. Шоядки тўғри йўлни топсалар».
Ислом талаб қилаётган дуо ҳаммавақт: хурсандчилик вақтида ҳам, хафачилик вақтида ҳам керак. Чунки инсон доимо ўз парвардигорини эслаб, ибодатини қилиб бориши керак. Инсон ўз-ўзидан қийинчилик вақтларида Аллоҳга илтижо қилади, лекин Аллоҳ унинг мушкулини осонлаштириши билан Аллоҳни эсдан чиқариб, ўз қуввати билан ғурурланади. Бу эса ўз навбатида Аллоҳнинг буйруқларидан бўйин товлаш ва фасод ишларни қилишга олиб келади. Бу ҳақда Қуръон шундай дейди: «Қачонки инсонга зарар етса, Бизга ёнбошлаган, ўтирган ёки турган ҳолида дуо қиладир. Ундан зарарини кетказсак, худди ўзига етган зарар ҳақида Бизга дуо қилмагандек кетаверади» («Юнус» сураси, 12-оят).
Шунинг учун ҳам инсон Аллоҳ уни халокатдан қутқариб қолганидан сўнг, унга осий бўлмасдан, балки ўша нарсани Аллоҳнинг тоат-ибодати учун доим эслатма бўлиб турадган қилиб олиши керак. Дуо Исломда руҳий улуғворликннг асосий рамз ҳамдир. Бу улуғворлик мусулмон кишининг жасади учун керакли баъзи бир дунёвий нарсалардан ўзини юқори тутадиган ва камолот чўққиларига чиқадиган қилиб қўяди. Бунинг устига аввал айтиб ўтилганидек, мусулмон киши дуо орқали Аллоҳдан фазл (устунлик), ишларининг осон, мушкулининг енгил бўлишини ва бошқа нарсаларни сўрайди. Қуръони Каримда дуо шаклида жуда ҳам кўп оятлар бор. Бу оятларни ёдлаб олиб дуо қилиб юрилса, Қуръонга мувофиқ дуо қилинган бўлади. Дуо фазилатли иш эканлиги тўғрисида жуда ҳам кўп далиллар келган. Шулардан бир ҳикояни эслатиб ўтиш кифоя бўлса керак:
«Алае Ландберг» исмли самолёт командири билан 9 киши океанга ҳалокат туфайли тушиб кетишганда, ҳамма уларни ҳалок бўлди, деб ўйлаган. Бу ҳақда командир қуйидагича ҳикоя қилади: «Бир амаллаб иккита қутқарув резина балонига жойлашиб олдик. Бизда бир қултум сув ҳам, бир тишлам нон ҳам йўқ эди. Ҳаммамиз даҳшатда эдик. Фақат орқа пулемётчимиз Алғберт Гранандез даҳшатга тушмади, балки ихлос билан ёлбориб, дуо қила бошлади. Бизни тинчлантириб: – «Мен биламан, Аллоҳ менинг дуоимни қабул қилди, бизга тезда ёрдам беради», – деди. Аёвсиз қуёш иссиғида қолдик. Шундай бўлса-да, ичимизда Аллоҳга ёлбориб дуо қилар эдик. Шу ҳолда 3 кун ўтиб, оқшом пайти кичкина оролчага кўзимиз тушди. Шу пайт ҳеч кутилмаган воқеа содир бўлди – бизга қараб учта қайиқ сузиб кела бошлади. Ичида яланғоч кишилар бор эди. Кейин билсак, бизнинг халоскоримиз австралиялик туб аҳолилардан бўлиб, қора танли ялонғоч кишилар экан. Улар ўз юртларидан юзлаб мил масофани ўтиб, шу ерга келибдилар. Ўзларининг айтишларича, улар кеча ўлжаларини олиб, юртларига қайтишмоқчи экан, лекин қандайдир сирли туртки уларни ўз қайиқларини мана шу ҳамманинг эсидан чиқиб кетган, ҳеч кимга фойдасиз тарафга буришни раво кўрибди». (Бу воқеа 1944 йил октябр ойида содир бўлган).
Шу воқеадан ҳам дуонинг фойдаси қанчалик эканини билиб олса бўлади.
Шайх Муҳаммад Содиқ Муҳаммад Юсуф, “Иймон” китобидан
Муқаддима
Барча ҳамд Аллоҳ учундир! Биз У зотга ҳамдлар айтамиз, Ундан мадад тилаймиз, истиғфорлар сўраймиз! Нафсларимизнинг ва амалларимизнинг ёмонлигидан паноҳ беришини ўтинамиз. Зеро, Аллоҳ ҳидоятга бошлаган инсонни ҳеч ким йўлдан адаштира олмас ва У адаштирган кимсани энди ҳеч ким ҳидоятга етақлай олмайди. Аллоҳдан ўзга (ҳақ) илоҳ йўқлигига гувоҳлик бераман. У ёлғиз ва шериксиз зотдир. Яна гувохлик бераманки, Муҳаммад алайҳис салом Унинг қули ва расулидир. У зотга, аҳли оилаларига, асҳобларига ва уларга гўзал амаллар билан қиёматга қадар эргашган барча мўминларга Аллоҳнинг кўпдан-кўп салоти-саломи бўлсин.
Аммо баъд: Мен бу мухтасар китобчани ўзимнинг «Зикр, дуо ва китоб ҳамда суннатдан дам солиб – ўқиб даволаш (Қуръон ва Ҳадисдаги зикр-дуолар ва дам солиб-ўқиб даволаш)» номли китобимдан қисқартириб олдим. Енгил бўлиши учун ундан фақат «Зикрлар» бобини мухтасар этдим.
Китобчада зикр матни билан чегараландим. Аслда келган бир ёки икки манбани айтиш билан кифояландим. Саҳобийни билмоқчи ёки қўшимча маълумот олмоқчи бўлганлар аслга мурожаат қилсинлар. Мен Аллоҳ таолодан гўзал исмлари ва олий сифатлари билан сўрайманки, бу амалимни холис Унинг юзи учун бўлишини насиб этсин Ҳаётимда ҳам, вафот этганимдан сўнг ҳам бу мен учун фойдалар берсин. Уни ўқиган, чоп этган ёки нашр этилишига сабаб бўлган кишилар учун ҳам хайрли-фойдали қилсин! Албатта Аллоҳ субханаҳу ва таоло ҳар нарсага қодир Зотдир. Набиййимиз Муҳаммад саллаллоҳу алайҳи ва салламга, оилаларига асҳобларига ва то қиёматга қадар уларга чиройли амаллар билан эргашганларга Аллоҳнинг раҳмати ҳамда саломи бўлсин.
Саид ибн Али ибн Ваҳф ал-Каҳтоний 1409 хижрий Сафар ойи.