Умиджон Обудов блоги

Худди шунингдек, динимизга оид илмларни ҳам фақат хулуси ният билан, Аллоҳнинг розилиги учун, илм талабини фарз ибодат билиб ўрганиш лозим. Уни кимлар биландир баҳслашиш, илмини кўз-кўз қилиш, динни ниқоб қилиб, турли дунёвий, ғаразли мақсадларига эришиш воситаси қилиб олиш гуноҳи кабирадир. Бугунги кунда баъзи ёшларнинг диний саводсизлигидан, ўз тарихини, Ислом тарихини, дунё тарихини билмаслиги, сиёсий онгининг пастлигидан усталик билан фойдаланиб қолаётганлар кўпайиб қолди. Уларнинг фикрий хуружлари, мафкуравий алдовларига учаётган баъзи ғўр ёшлар оқу қорани танимай, ўзига, оиласига, Ватанига ва энг ёмони, мусулмон деган юксак номга, Аллоҳнинг динига лой чапламоқдалар, қора кучлар қўлида қўғирчоқ бўлиб, манқуртга айланиб қолмоқдалар.

Илм чироғи ўчмагай

Илм – энг фазилатли амалдир, чунки у икки дунё саодатининг калитидир. Инсон илм ва маърифат билангина чинакам ҳаётдир. Инсоннинг ҳаётини тўғри йўлга солмаган, унинг феъл-атворида, амалида таъсири билинмаган, Аллоҳ ва Унинг Расулининг йўлига етакламаган илмда яхшилик, хайр-барака йўқдир. Шунинг учун ўрганилган эмас, амал қилинган илм ҳақиқий илм саналади. Ўқиган, билганига амал қилмаган одам бу илмнинг ҳаммоли бўлади, холос. Шунинг учун Пайғамбаримиз соллаллоҳу алайҳи васаллам манфаатсиз илмдан паноҳ сўраганлар.

Ислом дини инсонга илм ўрганишни, манфаатли билимлар соҳиби бўлишни, жаҳолатни йўқ қилишни буюради, чунки инсоннинг яратилиш ғояси Аллоҳни таниш, Расулуллоҳ соллаллоҳу алайҳи васалламга уммат бўлиб, динимизнинг кўрсатмаларига амал қилишдир.

Мавлоно Румий айтганларидек, «Жаҳолат – зулматдир. Қоронғида дарахт дев бўлиб, олма эса тош бўлиб кўринади». Жоҳил одамга оддий нарса қўрқинчли бўлиб, яхши нарса фойдасиз бўлиб кўринади. Бу иллатнинг давоси эса талаби илмдир. Илм ҳақ билан ботилни фарқлашнинг энг муҳим воситаларидан биридир, битмас-туганмас хазинадир.

Илмнинг ўзи шу қадар фазилатларга эга экан, уни ўргатган олимлар, устозлар, мураббий ва муаллимларнинг фазли қанчалар улуғ бўлади? Албатта, бизни илм денгизидан, ҳикмат сарчашмаларидан баҳраманд қилган устозларимизнинг даражотлари бениҳоя юксак бўлади. «Устоз отангдан улуғ» деган ҳикмат ҳам бежиз айтилмаган.

Ҳар бир инсонни, у ҳарчанд кўп илмга эга бўлмасин, бир камтар устоз ўқитган, тарбиялаган бўлади. Ҳеч ким ўз-ўзидан олим бўлиб қолмайди. Илм фақат ўқиб-ўрганиш билан ҳосил бўлади. Бу эса толиби илмдан ирода, қатъият, ғайрат-шижоат талаб қилса, устоздан меҳр, талабчанлик ва тоғдек сабр-матонат талаб қилади. Бу фазилатлар билан неъматлантирилган зотлар Аллоҳ таолонинг даргоҳида энг юксак даражотларга эга бўладилар.

Бизнинг аждодларимиз, бобокалонларимиз ана шундай толиби илм бўлганлар, илм ўрганишни ўзларига фарз деб билганлар, илм ўргатишни ўзларига бурч деб билганлар, пок ният билан илм уммонидан дуру жавоҳирлар қидирганлар. Диёримиз, она Ватанимиз Ислом нури ила мунаввар бўлган даврдан бошлаб ўлкамиз илму маърифат масканига айланди, сон-саноқсиз масжиду мадрасалар бино бўлди, улардан минг-минглаб буюк алломалар, улуғ зотлар етишиб чиқди. Халқимизнинг чинакам ифтихори бўлмиш бу олиму уламолар, фозилу фузалолар башариятга мударрис бўлдилар, Ислом нурини бутун оламга таратдилар, бутун дунёни илму маърифатга, кутубхоналарини китобларга тўлдирдилар.

Имом Бухорий, имом Термизий, имом Мотуридий, Бурҳонуддин Марғиноний, Баҳоуддин Нақшбанд, ал-Фарғоний, Замахшарий, Беруний, Ибн Сино каби минглаб буюк ватандошларимиз жаннатмакон Ватанимизнинг довруғини бутун курраи заминга, жумлаи жаҳонга ёйдилар. Мана, минг йиллардан ошдики, бутун дунё бизни Бухорийнинг ватандошлари, Термизийнинг авлодлари деб эҳтиром қилади.

Биз ана шундай улуғ аждодларнинг авлодимиз, улар қолдириб кетган битмас-туганмас илмий мероснинг, улкан хазинанинг ворисларимиз. Юртимиз истиқлолга эришганига чорак аср тўлган бугунги дориломон кунларда сизу бизнинг, ёшларнинг вазифаси яна илмга берилиш, бугунги кунда инсон вазифаси фан-техника тараққиёти туфайли эришган барча билимларни эгаллашдир. Зеро, Ислом дини инсоннинг икки дунё саодатига эришиши учун манфаатли бўлган ҳар бир билимни илм деб ҳисоблайди. Ватанимизнинг мустақиллигини мустаҳкамлашнинг энг муҳим вазифаси ҳар бир соҳада ўз мутахассисларимизни, олимларимизни етиштиришдир. Шундай экан, илм-фаннинг қайси йўналиши бўлишидан қатъи назар, ўзлигимизга қайтишимиз, миллий қадриятларимизни тиклашимиз, олим бобокалонларимиз қолдириб кетган қўлёзмаларни ўқиб, ўрганиб, улардан ҳаётнинг бугунги талабларига жавоб бера оладиган билим ва кўникмалар ҳосил қилишимиз лозим.

Кези келганда шуни айтиш керакки, ботил ҳаққа эргашса, тараққий этади, бироқ ҳақ ботилга эргашса, таназзулга юз тутади. Бунга минг йиллик тарих шоҳиддир. Ғарб олами Исломдан илмга чанқоқликни, изланувчанликни ўрганди, мусулмонлар тўплаган билим ва тажрибаларни ўзлаштирди ва натижада бугунги кунда улкан тараққиётга эришди. Минг афсуслар бўлсинки, Ғарбдан жаҳолат, тушкунлик, беҳаёлик, ҳашаматга ва маишатга ружу қўйишни ўрганган Шарқ халқлари таназзулга юз тутди, тараққиётдан орқада қолиб, ўзгаларга қарам бўлди.

Эътибор берайликки, моддий, иқтисодий жиҳатдан мисли кўрилмаган тараққиётга эришган Ғарб олами бугун кўп жиҳатларда маънавиятсиз бўлгани сабабли оила, маданият, поклик масаласида таназзулга юз тутгандай. Марсга сунъий йўлдош учираётган, ­дунёдаги ҳар бир инсонни виртуал олам орқали бир-бири билан боғлаган Ғарб олами маънавий бузуқликни, турли разолатларни табиий ҳол деб тушунадиган бўлиб қолди, натижада инсоният бедаво касалликларга дучор бўлди, ақл бовар қилмас даражада даҳшатли оммавий қирғин қуроллари ишлаб чиқилиб, улар тирик инсонлар устида синаб кўрилди.

Демак, тажриба ёки ҳисоб-китоблар натижасида ҳосил қилинган ҳар қандай билим ҳам инсонга фойда беравермайди. Илм фақат эзгу мақсадлар йўлида, тинчлик, бунёдкорлик, ҳамжиҳатлик, тараққиёт йўлида ўрганилиши керак экан. Акс ҳолда олимларнинг баъзи илмий тажрибалари асносида кашф қилинган ихтироларидан қирғин қуроллари пайдо бўлмаган бўлар эди. Шунинг учун бугунги кунда илм излаган ҳар бир инсон аввало пок ният, эзгу мақсад билан ишга киришсин, ўрганаётган ҳар бир илмини фақат яхшиликка ишлатсин.

Худди шунингдек, динимизга оид илмларни ҳам фақат хулуси ният билан, Аллоҳнинг розилиги учун, илм талабини фарз ибодат билиб ўрганиш лозим. Уни кимлар биландир баҳслашиш, илмини кўз-кўз қилиш, динни ниқоб қилиб, турли дунёвий, ғаразли мақсадларига эришиш воситаси қилиб олиш гуноҳи кабирадир. Бугунги кунда баъзи ёшларнинг диний саводсизлигидан, ўз тарихини, Ислом тарихини, дунё тарихини билмаслиги, сиёсий онгининг пастлигидан усталик билан фойдаланиб қолаётганлар кўпайиб қолди. Уларнинг фикрий хуружлари, мафкуравий алдовларига учаётган баъзи ғўр ёшлар оқу қорани танимай, ўзига, оиласига, Ватанига ва энг ёмони, мусулмон деган юксак номга, Аллоҳнинг динига лой чапламоқдалар, қора кучлар қўлида қўғирчоқ бўлиб, манқуртга айланиб қолмоқдалар.

Шунинг учун ҳам ота-боболаримизнинг асрий орзуси бўлмиш миллий истиқлолга эришган бугунги авлод олдида улкан, машаққатли, аммо шарафли масъулият турибди. Бу масъулият – Ватанимизнинг кечаси, бугуни ва эртаси олдидаги, келажак авлод олдидаги, бутун инсоният олдидаги масъулиятдир. Бу масъулиятни зиммага олиш учун, уни гўзал тарзда адо қилиш учун чуқур билимга, диний ва дунёвий илмларга эга бўлишимиз лозим. Бу борадаги энг шарафли вазифани муҳтарам устозларимиз, муаллим ва мураббийларимиз адо этадилар. Шунинг учун уларга Аллоҳ таолодан куч-қувват, ғайрат, сабру матонат тилаймиз, ҳақ йўлида ўргатган ҳар бир ҳарфлари учун Роббимиздан битмас-туганмас ажру мукофотлар сўраймиз.

Аллоҳ таоло жонажон Ватанимизни жаннатмакон қилсин, халқимизни Ўзининг розилигини топадиган халқлардан қилсин, осмонимиз мусаффо бўлсин, мактаб-мадрасаларимизда илм чироғи ўчмасин, бутун олам илму ирфон нури ила мунаввар бўлсин!

Раҳматуллоҳ САЙФУДДИНОВ,

Юнусобод тумани бош имом-хатиби,

Тошкент Ислом институти ўқитувчиси,

«Мирза Юсуф» жоме масжиди имом-хатиби.

Boy bo’lishning 90% siri nimada? Qanday omadli va boy bo’lish mumkin, boylikning temir tamoili va 7 maslahat

Boy kishilar qanday fikrlashadi va qaysi e’tiqodlar farovonlik yo’lini to’sib qo’yadi? Qashshoqlikdan qanday boy odamga aylanish mumkin? Fikrlash usulini o’zgartirish uchun qanday kitob va videolarni o’rganish kerak?

Assalomu-aleykum uzinterbiz.com blogining hurmatli o’quvchilari!

Barcha qanday boy bo’lishni bilishni istaydi, lekin haqiqiy omadlilar sanoqli. Boylik juda kamchilikga nasib etadi. Pulsiz, hech qanday meroslarsiz boylikga erishish har qanday odamning ham qo’lidan kelavermaydi. Lekin, quvonarlisi shuki, harqanday odam o’z hayotini o’zgartirishga qodir! Va bu maqolamizda aynan shu haqda fikr yuritamiz, ya’ni boy bo’lish sirlari haqida.

Maqola mundarijasi ( Ochish / Yopish )

1. Muqaddima
2. Boy odamlar qanday fikrlaydi – psixologiya asoslari
3. Boylikning temir tamoyillari
4. Qashshoqlikdan boy va omadli bo’lishga 7 qadam
5. Qadam 1. Boy bo’lishga qaror qiling va o’z oldingizga maqsad qo’ying
6. Qadam 2. O’zingizga murabbiy toping
7. Qadam 3. Boy kishilarning odatlarini qabul qiling
8. Qadam 4. Atrofingizdagilarni va turmush tarzingizni o’zgartiring
9. Qadam 5 . Moliyaviy jihatdan savodli bo’ling
10. Qadam 6. Sarmoya kiritishni boshlang
11. Qadam 7. Shoshqaloqlik qilmang
12. Hozirning o’zida boy bolishni qanday boshlash mumkin
13. Boy bo’lishga yordam beruvchi kitob va videolar
14. Xulosa

Muqaddima

Men bu masalada o’z qarashlarimni va butun umr yollanma ishchi bo’lib ishlamasdan o’z shaxsiy biznesni yo’lga qo’yish, moddiy baza yaratish va o’z orzuingizdagi hayotni yashash uchun nimalar qilish kerakligi to’g’risidagi o’z fikr mulohazalarimni sizlar bilan baham ko’rmoqchiman.

Eng muhimi shundaki, boylik va qashshoqlik insoniy fazilatlarga ega emas, buni tushunish lozim.

Boy odamlar qanday fikrlaydi – psixologiya asoslari

Keling oldin asosiy savolga javob berib olamiz, boylik nima degani va boy odam kim.

Buni har kim o’zicha tushunadi.

Kim uchundir boylik bu – o’zining dang’illama hovlisi, mashinasi va yiliga ikki uch marotaba yaxshi sanatoriyalarda dam olishi, a kimgadir million dollor oyiga kamlik qiladi.

Menimcha, boylikning asl manosiga amerikalik millioner va yozuvchi Robert Kiosaki to’g’ri tarif bergan. Uning fikricha:

Boylik – bu, ishlamasdan turib, o’zingiz uchun hayot tarzingizni a’lo darajada ushlab turish vaqt hajmi.

Boy odam – shaxsiy biznesiga ega va bu biznesda o’zi ishtirok etmasdan o’ziga yetarli darajada doimiy daromad oluvchi, pul uchun ishlamaslik imkoniyatiga ega odam. Ya’ni, uning mehnat kuchiga bog’liq bo’lmagan daromad.

Bundan kelib chiqadiki, boylik pul bilan o’lchanmaydi, balki VAQT bilan o’lchanadi. Har xil odamga har xil miqdorda pul kerak, lekin vaqt chegaralangan. Demak, vaqtni har qanday befoyda narsalarga sarflash yaramaydi. Aksariyat odamlarning ko’p vaqtlarini o’zlari sevmagan ishlar oladi. Vaholanki, boylikni his qilish uchun, yaxshi yashash uchun, tashqi muhitdan erkin bo’lishi uchun inson o’zi sevgan ish bilan shug’ullanishi kerak emasmi.

Endi e’tiboringizni quyidagi savollarga qarating:

• Nima uchun bazi odamlar pul ishlay oladi, a bazilar esa yo’q?
• Nima uchun bazilar arzimagan pul uchun ertalabdan kechgacha ishlashadi, a bazilar esa nafaqat ishlash, balki, o’zining sevimli ishi bilan shug’ullanib, dam olib, dunyo kezishga ham ulgurishadi?
• Nima uchun bazilar pulni ko’paytirishga erishishadi, a bazilar esa oylikdan oylikgacha zo’rg’a kun kechirishadi?

Bu savollar ko’pchilikni qiziqtiradi, lekin ko’pchilik uchun esa bu tabiiy hol.

Lekin psixolog mutaxasistlar bu mavzuda umuman tabiiylik yo’qligini aytishadi.

Qashshoqlik va boylik – nafaqat omadning qanchaligida, balki dunyoqarash va fikrlash tarzi dahamdir.

Bu degani, siz fikringizni o’zgartirib darhol millioner bo’lasiz degani emas, lekin sizni shu yo’nalishda to’g’ri qadamlar qo’yishga yordam beradi. Bitta “MEN XOXLAYMAN” – albatta kamlik qiladi. Eng ishyoqmas odamlar ham boy bo’lishni istashadi. Nafaqat xoxlash, balki xohishingizni amaliyotda qo’llashga urinish ham lozim.

Ko’rib turganingizdek, boylikga erishishda har qanday urinish, fikrlashni o’zgartirishga majbur qiladi. Boy odamlardek fikr yuriting va siz albatta boy bo’lasiz. Amaliyotda degani nima degani? Fikrlash tarzingizni o’zgartirish oson emas va bu ham kamlik qiladi. Fikrlashni o’zgartirish bilan birga o’z xatti-harakatingizni ham o’zgartirishingiz kerak bo’ladi.

Boy va kambag’al odamning fikrlashi o’rtasida ancha farq bor. Keling, manashu farqni ifodalashga urinib ko’ramiz.

Boy va kambag’al odamlarning fikrlashlari o’rtasidagi 12 farq:

1. Boy va badavlat odamlar, o’z taqdirlarini o’zgartiruvchilar aynan o’zlari ekanliklariga ishonadilar, ayni paytda kambag’al odamlar taqdirimizga shu yozilgan deb hisoblashadi. Bunday odamlar hayotini o’zgartirishga urinib ham ko’rmay, oqim bilan birga suzishni davom ettiradilar.

Maslahat: oqim bilan birga suzishni bas qiling – daryodan qirg’oqqa chiqish payti keldi!

1. Boy odamlar daromadini ko’paytirish uchun ishlashadi, kambag’allar – uchini uchiga etirish uchun ishlashadi.
2. Boy odamlar kamroq orzu qiladilar va ko’proq ish qilishadi, lekin ijobiy va aniq maqsadlar boy kishilar uchun begona emas.
3. Boy odamlar doimo yangi g’oyalar va imkoniyatlar uchun ochiqdir, kambag’allar esa o’zlarining muammolari va atrof-muhit sharoitlari bilan bandlar.

Agar hayotingizning shartlaridan qoniqmasangiz – ularni o’zgartiring!

1. Boylar muvaffaqiyatli kishilardan o’rganadilar, ularning xulq-atvorini qabul qiladilar va ular bilan muloqot qiladilar. Kambag’allar ko’pincha o’zlarining hurmatini oshirish uchun omadsiz va judayam kambag’al odamlar bilan muloqotda bo’lishadi.
2. Boy va baxtli odam boshqalarning yutuqlariga hasad qilmaydi, boshqalarning yutuqlaridan foydali tajribalarni o’rganishga urinib ko’radi, kambag’allar boshqalarning omadlaridan g’azablanadilar.
3. Boy odamlar o’zlariga ishonishadi va yutuqlari haqida ochiq gapiradi.
4. Boylar vaqtinchalik qiyinchiliklardan qo’rqmaydi, qiyin vaziyatlarda vahima qo’zg’ashni afzal ko’rmaydi, balki bu muammoni hal qilishga urinishadi.
5. Boylar daromadlarini o’z mehnatlarining natijasi sifatida ko’rishadi, kambag’allar esa ish uchun sarflangan soat sonini hisoblashadi.
6. Boylar taktikani, strategiyani, hatto faoliyatning umumiy yo’nalishini va butun hayotini tez o’zgartirishi mumkin. Kambag’allar hayotidan shikoyat qilishadi lekin hayot sharoitidan kelib chiqqan yo’lda davom ettirishadi.
7. Boy va muvaffaqiyatli odamlar butun umr rivojlanish va takomillashish bilan birga o’rganishda davom etadilar, kambag’al odam esa hamma narsaga aqlim etadi deb hisoblaydi, “shunchaki ularga omad kulib boqmagan”.
8. Muvaffaqiyatli ishbilarmonlar hech qachon bir marrani egallab to’xtab qolmaydilar – ular rivojlanishda, takomillashishda, amalga oshmaydigan reja va orzularini hayotga tadbiq qilishda davom etadilar.

Eng asosiysi – boylar doimo o’zlari uchun ishlaydi. Agar ular firma yoki kompaniyaning egasi bo’lmasalar ham, ular doimo boshqalarning fikrlarini amalga oshirish o’rniga, mustaqil ravishda harakat qilish va o’z qarorlarini qabul qilishga imkon beruvchi pozitsiyani egallaydi.

Qayerdaligingiz muhim emas, qayerga qarab ketayotganligingiz muhim!

Boshqa birov uchun ishlayapman deb hisoblash – katta xato.

Har bir ishda mustaqil bo’ling, ayniqsa shaxsiy moliyaviy ishingizda. Boshqa birovlarning, sizning vaqtingiz va pulingizni boshqarishlariga yo’l qo’ymang.

Siz ushbu maqolani o’qiyotgan ekangiz, demak, siz moliyaviy mustaqillikga erishish uchun birinchi qadamlarni tashlagansiz.

Boylikning temir tamoyillari

Boylikning asosiy tamoyillari, fikrlashning o’ziga xos jihatlari bilan bog’liq. Muvaffaqiyatli va boy odamlarning xulq-atvorlari ko’rsatmalar emas, balki tavsiyalardir. Har bir badavlat kishi o’zi uchun boylikga erishish yo’lini biladi va bu yo’l boshqalarga to’g’ri kelmasligi ham mumkin. Biroq, deyarli barcha muvaffaqiyatli insonlar ko’pincha hayotiy vaziyatlarda sezgir yoki ongli ravishda bir xil xulq-atvorlardan foydalanadilar.

Boy odamlar hech qachon oddiy shaxslar muayyan vaziyatda qiladiganlari kabi, ko’r-ko’rona ko’pchilikning fikriga qo’shilib ketishavermaydi. Muvaffaqiyatli odamlar har doim qimmatbaho buyumga ega bo’lishadi – bu ularni muvaffaqiyatli qiladi. Boylarning sirlari aslida yuzada yotadi.

Boy odamning odatlari:

Boy kishilarning ko’pchiligiga xos bo’lgan ba’zi odatlarga e’tibor bering:

1. Badavlat odamlar har doim bugun nima qilishlarini bilishadi. Millionerlar ishga borishmasa ham, o’zlarining kunlarini rejalashtirish maqsadida, moliyaviy ahvolini va vaqtni samarali rejalashtiruvchi har xil xizmatlardan foydalanishadi.
2. Boylar keraksiz o’yin-kulgiga kamdan kam vaqt sarflaydi. Ular televizorni tomosha qilishmaydi, agar o’qiydigan bo’lishsa ham to’g’ri kelgan adabiyotlarni o’qishmaydi. Balki, o’zining ishini yanada takomillashtirishda yordam beruvchi kitoblarni o’qishadi.
3. Boy odamlar o’zlarini to’la-to’kis ishga bag’ishlashga qodir.
4. Muvaffaqiyatli odamlar o’zining atrofiga hamfikrlarni yig’ishadi – bular, to’g’ri va omadli biznesmenlar, mustaqil va madaniyatli insonlar bo’lishi mumkin.
5. Badavlat odamlar o’zlarining sog’ligi va eb ichishiga e’tibor berishadi; ular uchun o’zlarining ko’rinishi va o’zini qanday his qilishi muhim.
6. Boy odamlar orzudagi baxtdan ko’ra ko’proq o’z kuchlariga ishonishadi; shuning uchun ham ular lotoreyani kamdan kam o’ynashadi.

Qashshoqlikdan boy va omadli bo’lishga 7 qadam

Keling endi amaliyotga o’tamiz va bugundan boshlab boy bo’lishni boshlaymiz. Diqqat bilan quyida berilgan 7 ta boy bo’lish haqidagi malumotni o’qib chiqing! Bu malumotlar sizga qaysidir uzoq kelajakda boy bo’lishni emas, balki yaqin kelajakdagi, sizni omadga eltuvchi malumotlardir. Lekin, ogohlantiraman, bir hafta haqida ham gap ketmaydi. Haqiqiy, moddiy mustaqillikga erishish uchun yillab harakat qilish kerak.
Boy bo’lishni boshlash uchun ilk qadamlar:

Qadam 1. Boy bo’lishga qaror qiling va o’z oldingizga maqsad qo’ying

Boy bo’lishga qaror qilishingiz bilan, siz boshqacha hayot tarzini hamda muayyan fikrlash uslubini tanlaysiz.

Bugundan boshlab siz, vaqtingizni quruq o’tkazmasligingiz kerak; har bir bosgan qadamingiz maqsadli bo’lishi kerak. Bu sizning hayotingiz qattiq mehnat qilishga aylandi degani emas, aksincha, hayotingiz bunyodkorlik va o’ziga xos xatti-harakatlarga to’la bo’ladi.

Boy va omadli bo’lishga qaror qilib siz, keyingi hayot yo’lingizni tanlaysiz – endi sizda hayotdan nolishga va tevarak atrofingizdagi odamlardan sabab qidirishga vaqtingiz bo’lmaydi. Bugundan boshlab siz, o’zingizga suyanishga va o’z xatolaringizdan xulosa chiqarishingizga to’g’ri keladi.

Muvaffaqiyatli odamlar ko’proq shaxsiy maqsadlari to’g’risida fikr qilishadi. Shunday qilib ular maqsadga eltuvchi harakatda o’zlari ham ishtirok qilishadi, shu bilan birga maqsad ham asta sekin boy odamga qarab intila boshlaydi.

1. Ular nimani xohlashyapdi (ya’ni, o’zlarining maqsadlari haqida)
2. Bunga qanday erishish kerak (ya’ni, bu maqsadni amalga oshirish uchun nima qilish kerak).

Agar siz ham boy badavlat bo’lishni istasangiz bu ikki savolni o’zingizga tez-tez berib, takrorlab turishingiz kerak.

Qadam 2. O’zingizga murabbiy toping

Bitta o’zingiz mustaqil ravishda maqsad sari borishingiz yaxshi albatta, lekin bu juda qiziqarsiz va ko’p vaqt talab etadi. Har bir sportchida treneri bo’ladi, siz ham shunga amal qilib, yaxshi trener toping.

Bilimdon odam sizga xato qilmaslikka va xatolarni kamaytirishga yordam beradi. Xato qilish ham foydali albatta, lekin xatoni ham ish boshlanishida kechirish mumkin, chunki oqibatlari ham kichik bo’ladi. Ish avjiga chiqqan paytda xato qilishning oqibatlari yaxshi bo’lmasligi mumkin.

Qadam 3. Boy kishilarning odatlarini qabul qiling

Odatlar va boy odamlarning o’zini tutishi haqida biz yuqorida yozdik. Siz faqat bu maslahatlarga amal qiling. Tavsiyalarni o’zingizga yozib olib, hayotdagi voqea hodisalarda, o’rni kelganda hayotga tadbiq qilishingiz ham mumkin.

Masalan; bugundan boshlab televizor ko’rishni bas qiling, yoki kompyuterda o’yin o’ynamang. Vaqtingizni bilim olishga sarflashdan boshlang, lekin anavi maktabdagi yoki institutdagi bilimlarga emas, bu yerda gap, shaxsiy rivojlanish haqida ketyapdi.

O’qing, video ko’ring va Napalion Xill, Brayan Treysi, Robert Kiosaki, Vladimir Dovgan, Aleks Yanovskiy, Bodo Shefer, Entoni Robbins, Djim Ron, Robin Sharma, Donald Tramp kabi yozuvchi mualliflarni o’rganing.

Bugungi kunda boy bo’lishni boshlash, pul ishlashni boshlash uchun uyingizdan chiqishingiz ham shart emas (internet orqali).

Agar siz ‘bozor’da talab yuqori bo’lgan yangi bilimlarni professional darajada egallasangiz, nima qilish kerakligini bilsangiz, sizning yoshingiz ham muhim emas, muhimi bilimingizni amalda tadbiq qila olishingizda.

Qadam 4. Atrofingizdagilarni va turmush tarzingizni o’zgartiring

Atrofingizga qanday odamlarni yig’sangiz, siz o’zingiz ham shunday odamga aylanasiz. Muvaffaqiyatga erishgan va moliyaviy mustaqillikga erishgan odamlar bilan aloqa o’rnatishdan boshlang, suhbatdoshlaringizni o’zgartiring.

Menga do’sting kimligini ayt va men senga sening kimligingni aytaman.

Xalq donoligi

Krizislar, qarzlar, hayotdan nolish, do’stlarga omadsizliklaringizdan gapirishni bas qiling.

Ko’proq suhbatda bo’ling: qanchalik do’stlaringiz ko’p bo’lsa, shunchalik moddiy va hayotiy omadliligingiz oshadi.

Qadam 5 . Moliyaviy jihatdan savodli bo’ling

Har bir davlatda bo’lgani kabi, oilada ham moliyaviy reja bo’lishi kerak. Moliyaviy reja bo’lib, uni to’g’ri yuritish uchun, moliyaviy jihatdan savodli bo’lishingiz kerak.

Moliyalashtirish bo’yicha kitoblarni o’qib chiqing va shaxsiy moliyaviy rejani tuzing *.

Shaxsiy moliyaviy reja – sizning maqsadlaringizni o’z ichiga olgan, hayotingizning moliyaviy strategiyasi, masalan: katta miqdordagi xarajatlaringiz uchun mablag’ jamlash – uy, moshina va hokazo.

Shuningdek, moliyaviy rejaga sizning hozirgi moliyaviy ahvolingizni ham qo’shing: oylik ish haqi miqdori, kreditlar, qo’shimcha daromadlar va hokazo.

Shaxsiy hisob kitoblarni, korxona hisob kitoblarini yuritish uchun hozirgi kunda yuzlab dasturlar ishlab chiqilgan, shulardan birini tanlab doimiy yuriting. Bu esa sizni ortiqcha xizmat va xarajatdan ozod etadi. Dasturning o’zi barcha hisob kitoblaringizni qilib, sizga natijani ko’rsatib turadi.
Quyidagi dasturlardan o’zingizga yoqqanini tanlang va albatta shaxsiy hisob kitobingizni yuriting:

• drebedengi.ru
• http://finance.uramaks.com/login.html
• http://www.sanuel.com/ru/family/index.html
• https://www.cashorganizer.com/rus/

Qadam 6. Sarmoya kiritishni boshlang

Agar sizda sarmoya kiritishga pulingiz bo’lmasa – VAQTINGIZ yaxshi sarmoya bo’la oladi. Qanday boy bo’lishni, qanday fikrlash kerakligini tushuntiruvchi bilimlarga vaqtingizni bag’ishlang. Shunday qilib birozdan keyin pul ishlashni o’rganib olasiz va shu tariqa kundan kunga bilimingiz oshib, kelajakda moliyaviy mustaqil bo’lishga erishasiz.

Boshlang’ich mablag’ni ishlab topganingizdan keyin, uni aql bilan ishlatishga harakat qiling – omadli loyihalarga sarmoya kiritishni boshlang, yaxshisi o’z loyihalaringizga. Kelajakga sarmoya kiritayotib hozirgi kunni unutib qo’ymang. Esingizda bo’lsin, qattiqlik, qitmirlik va o’z sog’ligingizga tejashlik yaxshimas.

Qadam 7. Shoshqaloqlik qilmang

“Barchasiga va tez” – hozirning o’zida erishishga urinmang. Bugun, kirimga yarasha xarajat qilishni o’rganing, lekin, pul topish yo’lida o’zingizga, kattaroq topshiriqlarni qo’yishni unutmang.

Moliyaviy mustaqillik – oson ish emas, shuning uchun ham bunday omadga yer sharining 3% dan kam halqigina erishishadi.

Hozirning o’zida boy bolishni qanday boshlash mumkin

Maqolamiz uzun bo’lib ketganligi sababli bu haqda alohida maqola yozishga qaror qildim. Chunki, boy bo’lish uchun har kim o’zi uchun yo’lni o’zi tanlaydi. Shu sabab, bu mavzuni kengroq yoritamiz, maqolani manabu yerdan o’qiysiz.

Boy bo’lishga yordam beruvchi kitob va videolar

“60 daqiqa ichida qanday boy bo’lish mumkin” Robert Kiosaki videosi

Video qo’llanmada amerikalik ishbilarmon, investor va yozuvchi Robert Kiosakidan boy bo’lish haqida haqiqiy maslahatlar va tavsiyalarni ko’rishingiz mumkin. Video rus tiliga tarjima qilingan, agar ingliz tilida ko’rmoqchi bo’lsangiz internetdan qidirishingiz mumkin:

Moddiy mustaqillikga erishish haqidagi adabiyotlar kam emas. Lekin, bizning nazdimizda eng yaxshilari va qiziqarlilari quyidagilardir:

1. – Robert Kiosaki “ Boy Ota Kambag’al Ota ” – Kiosakining bu kitobi dunyo bo’ylab 26 mlndan ortiq nusxada tarqab ketdi. Bu kitob, boy va omadli bo’lishni istaganlar uchun haqiqiy o’quv qo’llanma. Asar, har bir odamning onggida ishbilarmonlikni uyg’otishga yordam beradi.
2. – Napalion Xill “ O’yla va Boy bo’l ” – Bu kitob, dunyo bo’ylab eng ko’p sotiladigan kitoblardan. Bu kitob nafaqat ishbilarmonlikga, balki, odamzod ishlaydigan har qanday sohada omadga erishish yo’lini o’rgatadi, xoh u sanat bo’lsin, yaratuvchanlik, o’rgatuvchilik bo’lsin.
3. – Bodo Shefer “ Pul yoki Pul Alifbosi ” – Bodo Shefer – omadli biznesmen, maruzachi, maslahatchi, yozuvchi. Bu yozuvchining “Pul yoki Pul Alifbosi” asari ko’plab kishilarga, moliyaviy erkinlikka erishishga, o’z vaqtlarini boshqarish va ichki salohiyatlarini ro’yobga chiqarishni o’rganishga imkon berdi.

Xulosa

Ko’rib turganingizdek, boy bo’lish uchun boy oilada tug’ilish shart emas ekan. Moliyaviy mustaqillikni har qanday inson, etarli kuch, g’ayratini ishga solib, malum vaqt ichida egallashi mumkin.

Esingizda bo’lsin, barcha boy odamlar mustaqil fikrlash va o’zlarining shaxsiy qarorlarini qabul qilishga qodirdirlar. Eng asosiysi- hozirning o’zida, to’g’ri yo’nalishda harakatni boshlash, yaratuvchanlik va ijodiy fikrlashni boshlash.

Umid qilamizki, bizning ushbu maqolamiz nafaqat, qanday qilib boy bo’lishni, balki, o’z potentsialingizni hayotda to’g’ri tasarruf etishni o’rganishingizga yordam beradi. Sizga moliyaviy ishlarda muvaffaqiyatlar tilaymiz!

Maqola haqidagi fikr mulohazalaringizni izohlarda qoldiring, xato va kamchiliklari bo’lsa, muhokama qiling, savollaringizni bering, Siz, boy bo’lish haqida nimalarni bilasiz, shular haqida yozing va albatta blog yangiliklariga obuna bo’ling. Xayr keying maqolada ko’rishguncha!