Navoiyshunoslik kitob pdf

Asarda Alisher Navoiyning ijodiy biografiyasi bilan bog‘liq qimmatli ma’lumotlar ham keltirilgan. Asarda muallif devonlari, dostonlari va boshqa ko‘plab asarlarining ro‘yxati va ixcham tavsifi mavjud. Xususan, shoirning turkiy tilda yaratgan asarlari ro‘yxati ularga asos bo‘lgan manbalar nomi bilan birga keltirilishi Navoiy asarlarining tub mohiyatini anglashda muhim ahamiyatga ega. Masalan, uning “Xamsa” tarkibiga kiruvchi dostonlarning har biri uchun asos bo‘lgan manbalar quyidagi tartibda keltiriladi: 1)“Hayrat ul-abror” ↔ “Maxzan ul-asror” (Nizomiy); 2) “Farhod va Shirin” ↔ “Shirin va Xusrav” (Xusrav Dehlaviy); 3) “Layli va Majnun” ↔ “Gavharnoma” (Hoju Himmatiy), 4) “Sab’ai sayyor” ↔ “Haft paykar” (Ashraf Marog‘iy); 5) “Saddi Iskandariy” ↔ “Xiradnomai Iskandariy” (Abdurahmon Jomiy).

Tabiatshunoslik, 4 sinf, Bahromov A., Sharipov Sh., Nabiyeva M., 2020

Tabiatshunoslik, 4 sinf, Bahromov A., Sharipov Sh., Nabiyeva M., 2020.

Учебник по естествознанию для 4 класса на узбекском языке.

Siz 4-sinf «Tabiatshunoslik» darslarida avval koinot bilan, so‘ngra o‘lkamizdagi daryo va ko‘llar, o‘rmonlar, cho‘llar, adirlar, tog‘lar tabiati bilan tanishasiz. Mamlakatimiz tabiati xilma-xilligini bilib olganingizdan keyin Vatanimiz bo‘ylab sayohat qilasiz. Bunda Toshkent shahri, har bir viloyat va Qoraqalpog‘iston Respublikasi tabiatini alohida o‘rganasiz.

Quyosh – eng yaqin yulduz.
Quyosh har kuni erta tongda Yer sirtining bir tomonidan chiqib, kun bo‘yi osmonda harakat qiladi. Kechga borib, u Yer sirtining boshqa bir tomoniga botadi. Go‘yoki, Yer shari bir joyda turadi-yu, Quyosh Yer atrofida aylanadi.

Aslida Quyosh Yerga nisbatan bir joyda turadi. Yer esa Quyosh atrofida aylanadi (3-rasm). Quyoshning diametri Yer sharinikidan 109 marta kattadir. Uning massasi esa Yernikidan 330 000 marta katta. Tasavvur qiling, agar Quyosh kattaligini koptokdek desak, u holda Yerning kattaligini mosh donasidek deyish mumkin.

MUNDARIJA.
Kirish. O‘lkamiz tabiati.
Yer – Quyosh sistemasidagi sayyora.
Yulduzlar. Quyosh.
Sayyoralar.
Quyosh sistemasidagi boshqa osmon jismlari. Kosmonavtika.
Oy – Yerning tabiiy yo‘ldoshi.
Yer va uning shakli. Globus.
Kun va tun. Yil fasllari.
Yer yuzi tabiatining xilma-xilligi.
Amaliy mashg‘ulot. Ufq va uning asosiy tomonlarini aniqlash.
Yer yuzasining asosiy shakllari.
Yerosti boyliklari.
Xaritalar.
Amaliy mashg‘ulot. O‘zbekiston Respublikasining tabiiy xaritasi bilan ishlash.
Suv havzalari.
Umumlashtiruvchi dars.
O‘simlik va hayvonot olami.
Tabiat zonalari.
O‘zbekiston cho‘llari tabiati.
O‘zbekiston adirlari tabiati.
O‘lkamiz tog‘lari ta b ia ti.
O‘zbekistondagi tabiiy boyliklar va tabiatni muhofaza qilish.
Amaliy mashg‘ulot. Suvlarni muhofaza qilishni o‘rganish.
Vatanimiz bo‘ylab sayohat.
Vatanimiz xaritasi y o n id a.
Toshkent shahri va Toshkent viloyati.
Namangan, Andijon va Farg‘ona viloyatlari.
Sirdaryo, Jizzax va Samarqand viloyatlari.
Qashqadaryo va Surxondaryo viloyatlari.
Buxoro va Navoiy viloyatlari.
Qoraqalpog‘iston Respublikasi va Xorazm viloyati.
Amaliy mashg‘ulot. O‘z yashash joyi tabiati, tabiat yodgorliklari va madaniy yodgorliklarini o‘rganish.
Umumlashtiruvchi dars.

Бесплатно скачать электронную книгу в удобном формате, смотреть и читать:
Скачать книгу Tabiatshunoslik, 4 sinf, Bahromov A., Sharipov Sh., Nabiyeva M., 2020 – fileskachat.com, быстрое и бесплатное скачивание.

Скачать pdf
Ниже можно купить эту книгу по лучшей цене со скидкой с доставкой по всей России. Купить эту книгу

Navoiyshunoslik kitob pdf

Ushbu darslik respublika oliy o’quv yurtlari o’zbek filologiyasi hamda o’zbek tili va adabiyotini o’qitish, shuningdek, nofilologikyo’nalishlarda tahsil olayotgan talabalar uchun mo’ljallangan bo’lib, unda Alisher Navoiy hayoti va ijodi hamda asarlari poetikasi bilan bog’liq eng muhim ma’lumotlar qamrab olingan, buyuk mutafakkir ijodiga doir yangicha talqinlar berilgan. Darslik navoiyshunoslikda qolga kiritilgan eng so’nggi yutuqlami o’zida aks ettirganligi bilan alohida ahamiyat kasb etadi.

Сканируй меня

Подписывайтесь на нас

Электронная библиотека

• Учебная литература
• Монографии
• Художественная литература
• Методические указания
• Авторефераты и диссертации

Мы в социальных сетях

Наш адрес

• г. Самарканд, ул. Амира Темура, 18
• +998 (66) 233 28 63
• sammu@sammu.uz

Карта

Все права защищены. Все права на сайте защищены в соответствии с законодательством Республики Узбекистан, в том числе авторские и смежные права. При использовании материалов сайта ссылка на сайт Самаркандского государственного медицинского университета обязательна.
Внимание! Если вы обнаружите ошибки в тексте, выделите их и нажмите Ctrl+Enter, чтобы уведомить администрацию

Navoiyshunoslik

Alisher Navoiy badiiy ijod bilan birga ilmiy faoliyatni teng olib borgan buyuk mutafakkirdir. Uning adabiyotshunoslik, tilshunoslik, tarix, din tarixi va nazariyasiga doir ko‘plab asarlari muhim ma’lumotlarni qamrab olganligi, aniq dalillarga asoslanganligi va obyektiv xulosalarga egaligi bilan bugungi kun ilm-fani uchun ham nihoyatda qimmatlidir.

Alisher Navoiy adabiyotshunoslikka doir uch asar yaratgan bo‘lib, uning “Mufradot” yoki “Risolai muammo” asari hijriy 890, milodiy 1485-yilda fors-tojik tilida yaratilgan[1]. Manbalarda asar nomi “Risolai mufradot” (“Makorim ul-axloq”), “Mufradot dar fanni muammo” (“Qomus ul-a’lom”, “Tuhfai Somiy”), ayrim qo‘lyozma nusxalarida “Risolai muammo” tarzida ham qayd qilingan. Asarning muqaddimasida esa bu haqda shunday deyiladi: “Va chun in muhaqqar dar in fan ba mushobihai “alif” va “be” bud, musammo ba “Mufradot” namud” (Mazmuni: Ushbu arzimas asar bu (muammo) fanda “Alifbe”ga o‘xshagani sababli “Mufradot” deb ot qo‘yiladi). Mufradot so‘zi istiloh sifatida quyidagi ma’nolarni ifodalagan: 1) mumtoz o‘zbek she’riyatida eng kichik janr hisoblanmish fardning ko‘pligi; devon va kulliyotlarda fardlarga ajratilgan qismning nomlanishi; 2) alifbodagi harflarning alohida-alohida shakllari hamda birdan o‘ngacha bo‘lgan raqamlarning umumiy nomi. Harflarning yolg‘iz shakllarini yozishda husni xat bo‘yicha qo‘llanmalar “Mufradot”, to‘la kalligrafik mashqlar esa “Murakkabot” deyiladi.

Asarda keltirilgan misollar asosan fard – baytlar shaklida bo‘lganligi hamda shoir kamtarlik bilan muammo sohasining boshlang‘ich ma’lumotini endi egallaganini ta’kidlagani, shuningdek, bu kitob muammo ilmini endi o‘rganayotgan kishilar uchun mo‘ljallab yozilgani sababli “Mufradot” deb nomlangan.

Risola muammo janrini yechish qonun-qoidalariga bag‘ishlangan. Ma’lumki, muammo arabcha “ko‘r qilingan”, “yashiringan” ma’nolarini bildiruvchi va bir, ba’zan esa ikki baytdan iborat mustaqil she’r turidir. Muammoda biror ism yoki narsa-buyum nomi berkitiladi. Bunda arab yozuvidagi harflarni turlicha o‘zgartirish yo‘li bilan yashiringan so‘zlar topiladi. Muammo 2 xil ma’no asosiga quriladi: tashqi (chalg‘ituvchi) ma’no va ichki (asosiy ma’no).

Alisher Navoiy “Risolai muammo” asarida o‘zidan avval yaratilgan asarlarning murakkabligi va ulardagi kamchiliklar haqida gapirar ekan, o‘z asarida iloji boricha ularni bartaraf qilishga intiladi. Shoir risolaning kirish qismida g‘oyat kamtarlik bilan uni yaratishdan maqsad olimlar e’tiboriga havola qilish emas, balki keng xalq ommasi, xususan yosh avlodga muammo sirlarini o‘rgatish ekanligini ta’kidlaydi:

“Bu muxtasar asarning risolalar qatoriga kirish qobiliyati va bu kaminada uni olimlar ko‘zlariga ko‘rsatish salohiyati bo‘lmasa ham, bolalarga muammo amallarini o‘rganishlarini osonlashtirish uchun yarashi mumkin”.

Risolaning yozilish tarixi haqida “Xamsat ul-mutahayyirin” asarida ham ma’lumot beriladi. Asarda aytilishicha, bir kuni Alisher Navoiy o‘zidan avval muammo haqida yaratilgan asarlar va ulardagi murakkabliklar haqida o‘ylab o‘tirganida, uning huzuriga Abdurahmon Jomiy tashrif buyuradi. Navoiy unga muammoga doir sodda va oddiy xalq ommasi uchun tushunarli bo‘lgan asar yozmoqchi ekanligini aytadi. Shunda Jomiy o‘zi ham anchadan beri shu haqda o‘ylab yurganligini ta’kidlab, qisqa muddat ichida “Risolai muammoi manzum” asarini yaratadi va Alisher Navoiyga ko‘rsatadi. Navoiy asarning ancha murakkab (xalq ommasi uchun tushunarsiz) ekanligini ko‘rib, o‘zi “Risolai muammo” asarini yaratadi va Jomiyga tuhfa qiladi. Jomiy asarni nihoyatda yuksak baholab, o‘g‘li Ziyovuddin Yusuf uchun darslik sifatida tavsiya etadi.

“Mufradot” asarida muammoning turli uslub va amallari ixcham, ravon tilda bayon qilinadi. Muammo amallariga keltirilgan misollar ham nihoyatda aniq va tushunarlidir.

Asarda Alisher Navoiy muammo amallarini 3 qismga ajratadi:

1) a’moli tahsiliy – hosil qilish amallari;

2) a’moli takmiliy – mukammallashtirish amallari;

3) a’moli tasxiliy – osonlashtirish amallari.

Navoiy a’moli tahsiliyga ta’rif berar ekan, uning intiqod (saralash) degan turini izohlab, unga ko‘ra so‘zning ba’zi harflarini olish orqali muammo hosil qilinishini aytadi va ODAM ismida

Dili moro chu xohy boz justash

Z–ohu dardu mehnat cho‘ naxustash

Dilimizni yana axtarmoqchi bo‘lsang,

Oh, dard, mehnatdan birinchisini qidir)

muammosini misol qilib keltiradi. Bu muammoni yechish uchun oh, dard, mehnat so‘zlarining bosh harflari olinsa, ODAM ismi kelib chiqadi.

Shuningdek, MALIK ismida

Jonibi huru so‘yi Kavsaru Firdavs mapo‘y,

Ruxi on mohu labi la’lu sari ko‘yash jo‘y.

Hur, Kavsar, Firdavs tomoniga borib yurma,

Ul moh(oy)ning yuzini, la’l labini va ko‘chasining boshini izla)

muammosi keltirilib, bunda moh, la’l va ko‘cha so‘zlarining boshi, ya’ni birinchi harflari olinishi orqali MALIK ismi kelib chiqishi ta’kidlanadi.

Muammoni yechish amallarining ikkinchisi a’moli takmiliy, ya’ni mukammallashtirish amallari deb atalib, uning o‘zi yana 3 turga bo‘linadi: ta’lif, isqot, qalb. Ta’lif (ulash)ga ko‘ra, misradagi ba’zi so‘zlarning bir-biri bilan qo‘shilishi natijasida yashiringan ism hosil qilinadi. Masalan:

Chun bibirad jom ba so‘i dahan,

Qatra zi lab pok kunad mohi man

Mening oyim jom (qadah)ni dahan (og‘zi) tomon olib borsa,

Labidagi qatralarni toza qiladi).

Bunda “jom” so‘zi “dahan” (og‘iz) tomonga, ya’ni “d” tomonga olib boriladi va “jomid” so‘zi hosil bo‘ladi, ikkinchi misrada nazarda tutilgan labdagi qatra, ya’ni nuqta tozalansa (olib tashlansa), “Homid” ismi kelib chiqadi.

Asarda shu tarzda 3 amal, 15 qism va 48 ta uslub qoidalari va ular bilan bog‘liq holda 121 ta muammo va uni yechish usullari ko‘rsatib beriladi.

“Mufradot” asari shu mavzudagi boshqa ilmiy risolalardan bir necha xususiyati bilan farq qiladi. Asar muallifning o‘zi ta’kidlaganidek, tushunarli qoida va shu qoidaga kerakli misollardan tarkib topgan. Risolada oddiylikdan murakkablik tomonga borish prinsipiga izchil rioya qilingan. Dastlab muammo ilmiga ta’rif berilib, so‘ng tushunilishi oson bo‘lgan qoidalar va misollar keltirilgan. Shuningdek, Navoiy bu asarni qo‘llanma sifatida yozgani bois ilmiy munozaralarga kirishmasdan, asosiy e’tiborni umume’tirof etilgan qoida va qonuniyatlarni yoritishga qaratgan. “Mufradot”da keltirilgan misollar barchasi fardda yozilgan bo‘lib, boshqa risolalardan farqli o‘laroq, “Qaro”, “Temur”, “Bek” kabi o‘zbekcha ismlar asosida ham muammolar keltirilgan. Shuningdek, Navoiy boshqa risolalarda uchraydigan va tatbiq qilinishi nisbatan mushkul bo‘lgan qoida va amallar (masalan, tahrik va taskin, izhor va asror, ma’ruf va majhul, ta’rib va ta’jim kabi qoidalar)ni keltirmasdan, imkoni boricha bu fanni jimjimadorlik va murakkablikdan xoli holatda ko‘rishni istagan.

“Mufradot” asarida yoritilgan qoida va amallar devonlardagi boshqa turkiy va forsiy muammolarni yechishda ham amaliy qo‘llanma vazifasini bajaradi.

Mazkur asarning tanqidiy matnini Lutfulla Zohidov 1970-yilda himoya qilingan “Alisher Navoiyning “Risolai mufradot” asari va uning muammolari” nomli nomzodlik dissertatsiyasi tarkibida keltirgan. Ushbu tanqidiy matnni tuzishda olim quyidagi ikki qo‘lyozmaga suyangan:

1. Sankt-Peterburg shahri nusxasi (Rossiya Milliy kutubxonasi, inventar raqami – Dorn 558) Navoiy asarlari maj­muasi tarkibida bo‘lib, qo‘lyozmani 1001–1004/1593–96 yilda Nazarali Foiziy ko‘chirgan. “Risola muammo” asari mazkur qo‘l­yozmaning 710b–713b varaqlarida joylashgan, 7 varaqdan iborat. Undagi matn tayanch manba sifatida olingan.

2. Toshkentda saqlanayotgan nusxa (ToshDShI ShQM, 1-fond, inventar raqami – 5564). Yuqoridagi tayanch matnga qiyoslash uchun foydalanilgan.

Umuman olganda, Alisher Navoiyning «Mufradot» asari muammoning turli uslub qoidalari ixcham va tushunarli tilda bayon qilib berilganligi bilan adabiyotshunoslikda muhim ilmiy qimmat kasb etadi.

Alisher Navoiyning adabiyotshunos olim sifatidagi faoliyatini ko‘rsatib beruvchi yana bir asar bu “Majolis un-nafois” tazkirasidir[2]. Navoiy tazkirani 1491–1498-yillar davomida yaratadi. Tazkirada XV asrda yashab, faoliyat yuritgan 459 shoir haqida ma’lumot keltiriladi. Alisher Navoiy tazkiraning muqaddimasida asarning tarkibiy qismi va nomlanishi haqida shunday yozadi: “. chun bu maqsudg‘a yetildi, oni sekkiz qism etildi har qismi bir majlisg‘a mavsum bo‘ldi va majmuig‘a “Majolis un-nafois” ot qo‘yildi”. Tazkiradagi shoirlar majlis, ya’ni qismlarga quyidagicha taqsimlangan: 1-majlisda 46 ta, 2-majlisda 91 ta, 3-majlisda 175 ta, 4-majlisda 72 ta, 5-majlisda 21 ta, 6-majlisda 31 ta, 7-majlisda 22 ta va 8-majlisda Husayn Boyqaro bilan bog‘liq ma’lumotlar keltirilgan.

Tazkiraning birinchi majlisi “Jamoati maxodim va azizlar zikridakim, bu faqir alarning sharif zamonining oxirida erdim va mulozimatlari sharafiga musharraf bo‘lmadim” degan nom bilan tasnif etilgan bo‘lib, bunda hazrat Navoiy o‘z tazkirasini “tabarruk qilmoq uchun” shayxlardan Xoja Qosim Anvor zikri bilan boshlaganini ta’kidlaydi:

“Ul jumladin soliki atvor va koshifi asror, ya’ni Hazrati Amir Qosim Anvor (quddisa sirruhu)dur. Har necha alarning rutbasi shoirliq poyasidin yuqoriroqdur va valoyat ahli zumrasida vasfdin toshqariroq, ammo chun haqoyiq va maorif adosida nazm libosi dilpazirroq uchun iltifot qilur ekandurlar, tayammun jihatidin bu muxtasarni alarning sharif ismlari bila ibtido qilildi”.

Qosim Anvordan keyin uning shogirdlari Mir Maxdum va Hofizi Sa’d haqida ma’lumotlar beriladi.

Tazkiraning 2-majlisida shoir bolaligi va yigitlik paytida suhbatlariga musharraf bo‘lgan shoirlar haqida hikoya qilinadi. Bu majlis mashhur tarixchi, “Zafarnoma” muallifi Sharafidddin Ali Yazdiy zikri bilan boshlanadi. Majlisda Alisher Navoiy o‘zining tarbiyasi va ijodiy kamolotiga alohida ta’sir ko‘rsatgan zotlar: Xoja Fazlulloh Abullaysiy, Shayx Sadriddin Ravosiy, Shayx Kamol Turbatiy, Darvesh Mansur, Hofiz Ali Jomiy, Xoja Yusuf Burhon; o‘z zamonining taniqli shoirlari: Mavlono Lutfiy, Yaqiniy, Atoyi, Muqimiy, Sakkokiy, shoir tog‘alari Mir Said Kobuliy, Muhammad Ali G‘aribiy, farzand o‘rnida qadrlagani shoir Mirzobek, ustozi va do‘sti Sayyid Hasan Ardasher haqida ma’lumot beradi. Xususan, Alisher Navoiy Mirzobek haqida yozar ekan, uning juda erta vafot etganini, badiiyat jihatdan yetuk baytlar bitsa-da, ularni yakuniga yetkazmaganligini afsus bilan bayon etadi. Jumladan, uning

Ko‘zung ne balo qaro bo‘lubtur,

Kim jonga qaro balo bo‘lubtur

deb boshlanuvchi matla’sini tugatib, o‘z devoniga kiritganligini aytadi.

Tazkiraning 3-majlisi o‘z davri she’riyatiga ulkan hissa qo‘shgan yuksak tab’li ijodkorlar haqida bo‘lib, buyuk shoir Abdurahmon Jomiy zikri bilan ochiladi. Majlisda, shuningdek, Amir Shayxim Suhayliy, Abdulloh Hotifiy, Osafiy Hiraviy, Zova Qozisi kabi “Xamsa” dostonlariga tatabbu’ bitgan ijodkorlar, Sayfiy Buxoriy kabi muammo va aruz ilmiga doir risola bitgan ijodkor, Kamoliddin Binoiy, Gadoiy kabi sohibi devon shoirlar haqida ma’lumotlar keltiriladi.

4-majlisda zamon fozillari – she’rda mashhur bo‘lmasalar-da, ammo ba’zan latif bayt aytuvchi ijodkorlar haqida so‘z boradi. Alisher Navoiy bu majlisni kamoloti “azharu min ash-shams” (quyoshdan porloq) shaxs – Pahlavon Muhammad Go‘shtigir zikri bilan boshlaydi. Shoir uning pahlavonligi u erishgan kamolotning eng quyi darajasi bo‘lib, musiqa ilmida o‘z davrining benaziri ekanligini ta’kidlaydi. Shuningdek, nazm aytishda ham yuksak iqtidorga egaligini aytib, Husayn Boyqaro Pahlavon Muhammadning quyidagi baytiga ming oltin tanga tuhfa qilganligini faxr bilan tilga oladi:

Guftamash: “Dar olami ishqi tu koram bo g‘am ast”,

Guft xandon zeri lab: “G‘am nest, kori olam ast”.

Unga aytdimki, sening ishqing olamida ishim g‘amdan iborat bo‘ldi.

U kulgu aralash miyig‘ida: “g‘am emas, olamning ishidir”, dedi).

Ushbu majlisda shuningdek, Xoja Kamoliddin Udiy, Atoulloh Husayniy, Husayn Voiz Koshifiy, Mirxond, Xondamir, Sulton Ali Mashhadiy kabi zamonasining fozillari haqida so‘z boradi.

Tazkiraning 5-majlisi Xurosonning “tab’i nazmi bor” mirzozodalari zikrida bo‘lib, Davlatshoh Samarqandiy ta’rifi bilan boshlanadi. Alisher Navoiy Davlatshohning hasham va mol-dunyodan voz kechib, faqrlik yo‘lini tutganligi haqida ma’lumot berar ekan, uning “Majmua’ ush-shuaro” (“Tazkirat ush-shuaro”) asarini mutolaa qilgan shaxs Davlatshohning iste’dodi va kamoloti qay darajada ekanligidan xabar topadi degan fikrni keltiradi. Mazkur majlisda shuningdek, Mir Husayn Ali Jaloyir, Muhammad Solih, jiyani Mir Haydar Sabuhiy, akasining nabirasi Mir Ibrohim kabi mirzozodalar haqida ham ma’lumotlar keltiriladi.

Tazkiraning 6-majlisida Xurosondan tashqaridagi, xususan Samarqanddagi fozillar haqida so‘z boradi. Ushbu majlis Samarqand hokimi Ahmad Hojibek ta’rifi bilan ochiladi. Alisher Navoiy uning “Vafoiy” taxallusi bilan she’rlar bitishini, Hirotda ham o‘n yil hokimlik qilganligini, “surati xush va siyrati dilkash” shaxs ekanligini ta’kidlab, jangchi sifatidagi shijoati va botirligini alohida tahsin qiladi. Uning ijodidan quyidagi matla’ni keltiradi:

Girifti joni man az tan ba zulfi purshikan basti,

Kushodi parda az ruxsori xeshu chashmi man basti.

Tanimdan jonimni olib, ko‘p zanjirli soching bilan bog‘lading, yuzingdan pardani ochib (u bilan) ko‘zimni bog‘lading).

Mazkur majlisda “Ulug‘bek Mirzo” madrasasining mudarrisi Xoja Xurd, Nizomiy “Layli va Majnun”iga tatabbu’ bitgan Xoja Imod Loriy, Kirmon viloyati hokimi Amir Mahmud Barlos va boshqalar haqida ham ma’lumotlar keltiriladi.

7-majlis Amir Temur va temuriy ijodkorlar zikriga bag‘ishlangan. Unda Sohibqirondan boshlab Sulton Ali Mirzogacha jami 22 shaxs haqida so‘z boradi. Tazkiraning so‘nggi sakkizinchi majlisi to‘laligicha Husayn Boyqaro – Husayniy ijodiga bag‘ishlanib, uning devonidagi 164 g‘azalining matla’ini keltiradi va u qo‘llagan badiiy timsollar, she’riy san’atlar, nozik ma’no va ohorli tashbehlar xususida fikr yuritadi. Jumladan, uni “xub ash’ori va marg‘ub abyoti bag‘oyat ko‘ptur” deb, matla’larini “bu matla’ g‘arib ado topibdur”, “ajab o‘tluq matla’ tushubturkim”, radifi “bag‘oyat shirin va dilpazir va rangin voqe’ bo‘lubtur”, “bu matla’dek oz voqe’ bo‘lubturkim”, “bu matla’ so‘znok voqe’ bo‘lubturkim”, “bu matla’ yagona va bag‘oyat oshiqona voqe’ bo‘lubtur” kabi sifatlar bilan ta’riflaydi.

Tazkirada Husayn Boyqaroning

Hajring o‘ti jismi zorim qildi kul, ey yor, bil,

Gar bino qilsang mazorim tarhin ul kul birla qil –

matla’li g‘azaliga o‘z davrida ko‘plab

naziralar yozilganligi, ammo hech biri Sulton Husayn Boyqaro g‘azalichalik mashhur bo‘lmaganligi aytiladi. Husayn Boyqaro nazira yozish san’atida ham usta bo‘lganligini Mavlono Yaqiniyning bir she’riga ikki nazira bog‘laganidan bilish mumkin. Alisher Navoiy uning:

Ey visoling xasta ko‘nglum marhami, oromi jon,

O’lmadim hijron elidin men qatiq jonlig‘ yamon –

matla’sini Mavlono tirik bo‘lganda, mazkur she’r o‘z g‘azalidan yaxshiroq ekanligini inkor etmas, hatto bu bahr va qofiyadagi naziralarning ikkalasi bir-biridan yaxshi ekanligini tasdiqlar edi, deydi.

Tazkiraning “Xilvat” deb atalgan xotima qismida Husayniyning daqiq uslubi va nuktadonligi haqida ma’lumot beruvchi ikki voqea keltirilgan. Ulardan birida Navoiy bir kuni mavlono Lutfiydan Xusrav Dehlaviyning hindcha she’rlaridan birida balchiqqa toyib yiqilayozgan yorning yomg‘ir rishtasini ushlab, turib ketganligi haqidagi lavhani eshitib, Dehlaviyning nafis taxayyuliga ofarin aytganligi, bu haqda Husayn Boyqaroga aytganida, u yomg‘ir tomchilari yuqoridan pastga tushganligi uchun mahbubaning ularga osilib, o‘rnidan turib ketishi mantiqsizlik deb e’tiroz bildirganligi va quyidagi baytni o‘qiganligini aytadi:

Za’fdin kulbamda qo‘pmoq istasam aylar madad,

Ankabute rishta osqon bo‘lsa har devorg‘a.

Shundan so‘ng Navoiy Husayn Boyqaroning zakiyligiga tahsinlar aytib, o‘z nuqsonini anglab etadi va shohning haqqiga duolar o‘qiydi. Ikkinchi voqeaga ko‘ra, hisorlik yosh shoir Qabuliy yangi yozgan g‘azalini Navoiyga o‘qib berganida, Navoiy uning ikkinchi baytiga o‘zgartirish kiritib:

Sarv moyil bo‘ldikim, o‘pgay ayog‘ing tufrog‘in,

Yo‘qsa har soat sabo tahrikidin xam bo‘lmadi –

tarzida tuzatib beradi. Mazkur g‘azal Husayn Boyqaroning e’tiboriga havola qilinganida, u ikkinchi baytning Alisher Navoiy qalamiga mansubligini darhol payqaydi. Bu holdan atrofdagilar hayratga tushadilar.

Alisher Navoiy “Majolis un-nafois”da adabiyot maydonida endigina ko‘rina boshlagan shoirlarni ham e’tibordan chetda qoldirmaydi. Buni quyidagi misollarda ko‘rish mumkin:

“Mavlono Sifotiy emdi paydo bo‘lg‘onlardandur, faqir hanuz ani ko‘rmaydurmen, ammo she’rin eshitibmen”;

“Mavlono Asiriy ham emdi paydo bo‘lg‘on xushtab’ yigitlardindur” va boshqalar.

“Majolis un-nafois”da o‘sha davrda yashagan ba’zi ayol shoiralar haqida ham ma’lumot keltiriladi. Garchi ularning nomlari tazkirada alohida ijodkor sifatida keltirilmasa ham, ular haqidagi shoirning qaydlari adabiyotshunoslik uchun nihoyatda muhimdir. Alisher Navoiy tazkiraning shoir Shayxzoda Ansoriyga bag‘ishlangan faslida “andoq zohir bo‘lurkim, volidasi ham xushtab’dur va Bediliy taxallus qilur” degan ma’lumotni keltirsa, Mavlono Sulaymoniy haqidagi faslda Hofiz Sheroziy g‘azaliga nazira tariqasida yozilgan va Mavlono Sulaymoniyniki deb hisoblangan she’r haqida “Va mashhuri munundoqdururkim, bu abyot Mavlono Hakim tabibning xotini Mehriningdur” deb yozadi.

Tazkirada shoirlarning bilim darajasi, fe’l-atvori, axloqi bilan bog‘liq xususiyatlar ham alohida ko‘rsatilgan. Har bir shoirga berilgan tavsif uning ijodidan namuna keltirish bilan asoslangan.

Asarda badiiy ijod bilan bog‘liq nazariy masalalar yuzasi-dan ham fikr bildiriladi: ba’zi shoirlarning she’rlaridagi jiddiy nuqsonlar tanqid ostiga olinadi. Navoiy Atoyi, Baqoiy, mav-lono Nargis, Qobuliy kabi shoirlarga baho berar ekan, ularn-ing she’rlaridagi shakliy jihatlar, xususan, qofiyasiga alohida ahamiyat qaratadi va nuktadon she’rshunos sifatida namoyon bo‘ladi.

Tazkirada o‘sha davr adabiy muhitidagi qizg‘in jarayon, adabiyotdagi poetik janr va turlar rang-barangligi ham ko‘rsatib berilgan. Asar jonli va ravon tilda, ixcham va sodda uslubda yozilgan. Navoiy g‘oyat siqiq jumlalarga katta ijtimoiy yoki badiiy voqelik va maqsadni singdirishga intilgan. Shu ma’noda tazkira XV asr ilmiy nasrining go‘zal namunasi hisoblanadi.

“Majolis un-nafois” Navoiyning hayoti va faoliyatini o‘rga-nishda ham muhim avtobiografik manba hisoblanadi. Tazkira orqali shoirning qaysi hududlarda bo‘lgani, kimlar bilan uchrashgani, ustozlari, do‘slari, yaqin kishilari, hamsuhbatlari, qarindoshlari, farzandi o‘rnidagi shaxslar va h.k.lar haqida ma’lumot olish mumkin.

Navoiy tazkirasida nomlari tilga olingan ko‘p shoirlarning asarlari bizgacha yetib kelmagan. Bu jihatdan ham “Majolis un-nafois” g‘oyat nodir manba bo‘lib, adabiyotshunoslik uchun muhim ahamiyat kasb etadi.

“Majolis un-nafois” boshqa xalqlar tillariga ham tarjima qilinib, tazkirachilikning rivojiga samarali ta’sir ko‘rsatgan. Xususan, XVI asrda fors tiliga 3 marta (Faxriy Hirotiy, “Lato-yifnoma”, 1521–22, Hirot; Muhammad Qazviniy, 1522–23, Istanbul; Shoh Ali Abdulali, 1598, Nishopur), bugungi kun-gacha turli tillarga 7 marta to‘liq tarjima qilingan. Hasanxoja Nisoriy ning “Muzakkiri ahbob”, Som Mirzoning “Tuhfai Somiy” va boshqa ko‘plab tazkiralar Navoiy tazkirasi ta’sirida maydonga kelgan. “Majolis un-nafois”ning XV asrning oxiri – XVI asrning boshlarida ko‘chirilgan bir necha nusxasi Vena, Parij, Boku, Sankt-Peterburg, Toshkent va boshqa joylarda saqlanmoqda.

Alisher Navoiyning “Mezon ul-avzon” asari 1492–1493-yillarda yaratilgan[3]. Navoiy turkiy tildagi adabiyotshunoslik masalalariga bag‘ishlangan Shayx Ahmad Taroziyning “Funun ul-balog‘a” asari bilan tanish bo‘lmagani uchun aruz nazariyasiga doir qonun-qoidalarni turkiy tilda ilk marta bayon qilayotganini alohida ta’kidlaydi, xususan “g‘araz bu maqolotdin va maqsud bu muqaddimotdin bu erdikim, chun turk alfozi bilakim nazm voqi’ bo‘lubdur, anga zobitaye va qonune yo‘q erkondur. ” deb yozarkan, turkiy tilda aruz qonun-qoidalariga oid maxsus asar yo‘qligini aytib o‘tadi.

“Mezon ul-avzon” muqaddima, asosiy qism va kichik xotimadan iborat. Muqaddimada Allohga hamd aytilgach, Sulton Husayn Boyqaroning ushbu asarni yozishga ilhomlantirganligi haqida so‘z boradi. Unda aytilishicha, Husayn Boyqaro Amir Xusrav Dehlaviyning 18 ming baytdan iborat g‘azaliyotini yig‘dirib, bir to‘plam holiga keltiradi. Xusrav Dehlaviy she’rlarining ko‘pi murakkab bahr va vaznlarda bo‘lib, ularni aniqlashda hatto ba’zi shoirlar ham ojizlik qilar edilar. Husayn Boyqaroning topshirig‘i bilan aruzshunoslar Xusrav Dehlaviyning har bir she’ri ustiga shu she’rning vaznini yozib chiqadilar. Shundan so‘ng devon tuzishda har bir she’rning vaznini qayd etib qo‘yish odat tusiga kiradi. Alisher Navoiyning “Xazoyin ul-maoniy” kulliyoti ham shu yo‘sinda tartib beriladi.

Alisher Navoiy muqaddimada o‘zidan avval yaratilgan aruzga doir manbalar: Xalil ibn Ahmadning “Kitob ul-ayn”, Shams Qays Roziyning “Al-mo‘jam”, Nasiriddin Tusiyning “Me’yor ul-ash’or”, Abdurahmon Jomiyning “Risolai aruz” asarlariga to‘xtalib o‘tib, ularda mavjud bo‘lmagan ba’zi qoida, doira va vaznlarni o‘z asarida keltirib o‘tishini aytadi.

Navoiy vaznlarga ta’rif berar ekan, unga ko‘proq misollarni o‘z g‘azaliyotidan keltiradi. Xususan, hazaji musammani solim vaznini ta’riflashda

Zihi mulkungning o‘n sekiz mingidin bir kelib olam,

Bu olam ichra bir uyluk qulung Havvo bilan Odam,

Rajazi musammani matviyi maxbun vazni bilan bog‘liq o‘rinda

Gar alamimg‘a chora yo‘q, bo‘lmasa bo‘lmasun netay,

Vah, g‘amima shumora yo‘q, bo‘lmasa bo‘lmasun netay,

Mutaqoribi musammani mahzuf vaznida

Ochildi chaman, gul’uzorim qani,

Sihi sarv bo‘yluq nigorim qani?

kabi baytlarni keltiradiki, bu holat Navoiy keltirgan vaznlar turkiy adabiyot uchun shunchaki tajriba bo‘lmay, balki ularda badiiyat jihatdan yuksak g‘azallar yozish mumkinligini ko‘rsatadi.

“Mezon ul-avzon”da 9 ta poetik shakl va ularning vaznlari haqida ham ma’lumot keltirilgan bo‘lib, ularning aksariyati turkiy xalq og‘zaki ijodiga mansubdir. Navoiy ularning xalq orasida tarqalgan nomlaridan foydalanadi, nomi yo‘qlarini esa aruzdagi vaznlardan qaysi biriga mos bo‘lsa, shu vazn nomi bilan ataydi. Ushbu poetik shakllar quyidagilardir: o‘n olti ruknli ramali maxbun, tuyuq, qo‘shiq (1), qo‘shiq (2), chinga, muhabbatnoma, mustazod, aruzvoriy, turkiy.

“Mezon ul-avzon” turkiy aruzshunoslikka qo‘shilgan munosib hissa bo‘lib, o‘z davridayoq zamondoshlari tomonidan yuksak baholangan. Xondamir “Makorim ul-axloq”da risolaga yuqori baho berib, Navoiyning iste’dodi va badiiy mahoratini ko‘rsatib beruvchi asar ekanligini, avvalgi risolalarda keltirilmagan doiralarni kiritganligini uning aruzshunoslikdagi eng katta xizmati sifatida e’tirof etadi. “Mezon ul-avzon” o‘zidan keyin turkiy tilda Boburning “Risolai aruz” asari yaratilishi uchun zamin hozirladi, XIX asrda Furqatning “Ilmi she’rning qoidai avzonini bayoni” dastxatiga asos bo‘ldi.

Navoiy turkiy tilning rivojiga shoh asarlar yaratish bilangina hissa qo‘shib qolmay, uning taraqqiyotini nazariy jihatdan ham boyitdi. Uning bu boradagi xizmatlaridan biri 1499 (hijriy 905)-yilda yaratilgan “Muhokamat ul-lug‘atayn” (“Ikki til muhokamasi”) asaridir.

Mazkur asarida Navoiy turkiy va forsiy (sort) tillarini bir-biriga qiyoslash asnosida, turkiy tilning boy va keng imkoniyatlarga ega ekanligini isbotladi. Asar musulmon Sharqi adabiyoti an’analariga muvofiq Allohga hamd aytishdan boshlangan. Alisher Navoiy arab tilidagi hamddan so‘ng turkiy tilda bir ruboiy keltirib, uning ilk baytidayoq so‘z bilan olam yaratilganligini, arab tilining barcha tillardan ustun ekanligini ta’kidlaydi. Bu tilda payg‘ambarimiz Muhammad (s.a.v.) so‘zlashgani, muqaddas kitob – Qur’oni Karimning nozil qilinganligi uning sharafli ekanligini bildiradi, deb aytadi.

Navoiy arab tilidan so‘ng uch (turkiy, forsiy va hind) tilini “asl va mo‘tabar” deb hisoblab, ushbu tillarning kelib chiqishi Nuh payg‘ambarning uch o‘g‘li – Yofas, Som va Hom bilan bog‘lanishini aytib o‘tadi. Abu Turk laqabi bilan mashhur bo‘lgan Yofas payg‘ambarlik toji bilan sarafroz va rasullik mansabi bilan mumtoz etilganligini ta’kidlaydi.

Navoiy yashab ijod etgan davrda turkiy til forsiy tilga nisbatan pastroq maqomda deb hisoblanib, turkiy tilda ijod etgan Haydar Xorazmiy, Sakkokiy, Atoyi, Yaqiniy, Gadoiyning ijodi forsiy meros bilan teng keladigan darajada emas edi. Alisher Navoiy ushbu shoirlarning nomlarini keltirib, ular orasida forsiy adabiyotdagi Xoqoniy, Avhadiddin Anvariy, Kamol Ismoil, Zahir Foryobiy, Salmon Sovajiy kabi qasidanavislar, Abulqosim Firdavsiy, Nizomiy Ganjaviy va Xusrav Dehlaviydek masnaviy ustalari, Sa’diy Sheroziy va Hofiz Sheroziy kabi g‘azalnavis shoirlar yetishib chiqmaganligiga e’tiborni qaratadi va turkiy shoirlardan faqat Lutfiygina ular bilan she’riy musobaqaga kirishish salohiyatiga ega bo‘lganligini ta’kidlaydi. Bu bilan Alisher Navoiy turkiy til va bu tilda ijod qiluvchi shoirlarning zimmasida ulkan vazifa turganligini eslatib o‘tadi.

Navoiy “Muhokamat ul-lug‘atayn”da turkiy va o‘zi mukammal bilgan forsiy tilni o‘zaro chog‘ishtirish yo‘lidan borib, ikki tilning leksik va poetik imkoniyatlarini ilmiy nuqtai nazardan asoslab beradi. Asarda turkiy va forsiy til­lar fonetika, leksika va mor­fologiya doirasida o‘zaro qiyoslanadi. Dastlab har ikki tildagi unlilar qiyoslanganda, Navoiy forsiy tilda un­lilar sonida chegara borligi, turkiy ti­lda esa unlilar bir qancha ma’no farqlovchi xususiyatlarga ega ekanligi va ular o‘zaro uzun-qisqaligi bilan ajralib turishini dalillar orqali ko‘rsatib bergan. Xususan, turkiy tilning fonetik xususiyati qofiyadosh so‘zlar uchun forsiy tilga nisbatan qulayligini asoslar ekan, “vov” – “ﻭ” hamda “yoy” – “ﻯ” harflari forsiy til fonetikasida faqat ikki harakatni: “vov” “o‘” hamda “u”ni, “yoy” esa “i” va “e” tovushlarini berishini, (masalan, “xud” (ﺧﻭﺪ) hamda “dud” (ﺪﻭﺪ) so‘zlarida “u” tovushi; “zo‘r” (ﺯﻭﺮ) va “nur” (ﻧﻭﺮ) so‘zlarida “o‘” tovushini), turkiy tilda esa bu ikki harfning har biri uch yoki to‘rt tovushni ifodalashini “ter” so‘zi orqali ko‘rsatib beradi. Bu o‘rinda Navoiy “ter” so‘zining termoq, may, o‘q ma’nolari borligini va “ter” (ﺘﻳﺮ) so‘zidagi “yoy” (ﻯ)ning talaffuzi ma’nosiga ko‘ra farqlanishini, ammo yozuvda bir xil ko‘rinishda bo‘lishini ta’kidlash orqali turkiy tilning fonetik imkoniyatlariga e’tibor qaratadi.

Navoiy asarda forsiy tilda muodil (ekvivalent)i bo‘lmagan 100 ta fe’lni keltiradi[4]. Masalan, “telmurmak” so‘ziga izoh berar ekan, bu so‘z anglatgan ma’no forsiylarda yo‘qligini, mahbubaning nazari oshiq yuziga tekkach, oshiqning “niyoz yuzidin telmurmagi asru munosib ish” ekanligini aytadi va quyidagi baytni keltiradi:

To‘kadur qonimni har dam ko‘zlaring boqib turub.

Kim, necha yuzumga boqqaysen yiroqdin telmurub.”

Bu o‘rinda Navoiy “telmurmak” so‘zining nozik semasini tahlil etib, “telmurish” orqali ikki insonning o‘zaro muhabbati namoyon bo‘lishini ta’kidlaydi. Keltirilgan misoldan: “Ko‘zlaring har lahza menga boqib qonimni to‘kadi, chunki uzoq-uzoqlardan menga telmurib boqasan”, degan mazmun orqali mahbubaning o‘z oshig‘iga befarq emasligi ma’lum bo‘ladi.

Alisher Navoiy turkiy va forsiy til­lar leksikasini qiyoslash uchun turli sohalarga doir narsa-buyum, tabiiy hodisalar va hayvonlarning forsiy tilda mavjud bo‘lmagan turkiy tildagi nomlarini berib, ularning ba’zilari forsiy til leksikasi tarkibiga ham kirganligini aytib o‘tadi. Xususan, turkiylar ovlanadigan kiyikni jinsiga qarab nomlashlarini, erkagini “huna”, urg‘ochisini “qilchoqin” deb atashlarini, forsiy tilda esa bular bir xil qo‘llanilishini yoki yana forsiylar qo‘yning faqat ba’zi a’zolarini nomlaganliklarini, lekin qo‘yning orqasini, oshiq-ilikni, yon suyakni, qovurg‘ani, ilik, o‘rta ilik, bo‘g‘izni turkcha aytishlarini ta’kidlaydi. Shuningdek, qaymoq, qatlama, bulama, qurut, uloba, quymoq, urkamoch kabi taom nomlari forsiy tilga turkiy tildan o‘zlashganligini aytib o‘tadi.

Alisher Navoiy omonimlik va so‘zlarning ko‘p ma’noliligi jihatidan turkiy tilning imkoniyati kengligini, ularning she’riyatda turli nozik ma’nolarni ifodalashdagi ahamiyatini (ot, it, bor, sog‘in, tuz, ko‘k kabi so‘zlar talqinida) ko‘rsatadi, shu orqali tajnis va iyhom san’atiga asos bo‘ladigan so‘zlarning forsiy tildagiga nisbatan ko‘pligini misollar bilan isbotlaydi, aynan tajnis orqali vujudga keladigan va forsiy she’riyatda qo‘llanilmaydigan tuyuq janrining o‘ziga xos xususiyatlarini ko‘rsatib beradi.

Navoiy ba’zi mansab egalari yoki kasb-hunar, umuman, muayyan soha bilan shug‘ullanuvchi shaxs nomlarini bildiruvchi “-ch” hamda “chi”qo‘shimchalarini keltirib, forsiylar ushbu qo‘shimchalar orqali yasaladigan qo‘rchi, suvchi, chavgonchi, qo‘riqchi kabi o‘nlab so‘zlarning muodili o‘z tillarida bo‘lmaganligi uchun ularni turkiy tildagi varianti asosida qo‘llashlarini aytib o‘tadi.

“Muhokamat ul-lug‘atayn” asari adabiyot va adabiyotshunoslik fanlari uchun ham muhim ahamiyat kasb etadi. Navoiy asarda forsiy tilda yaratilgan adabiyotning yetuk namoyandalarini chuqur hurmat bilan tilga oladi, ularning musulmon Sharqi she’riyatiga qo‘shgan hissasini, turkiy adabiyot, xususan, o‘z ijodiga ko‘rsatgan ta’sirini alohida ta’kidlaydi, forsigo‘y va turkiy shoirlar orasidagi o‘zaro adabiy hamkorlik – adabiy mavzularda suhbat, munozaralar, badiiyatga doir mubohasalar bo‘lib turishi haqida ma’lumot beradi. Navoiy turkiy she’riyatning forsiy she’riyatga nisbatan sustroq rivojlanganligini bir necha sabablar orqali ko‘rsatib beradi: 1) turkigo‘y ijodkorlar turkiy tilda ona tilining murakkab va nozikligini bildiruvchi bir necha ma’noli so‘z va ifodalar ko‘p bo‘lganligidan, ularni tushunish va she’riyatda mahorat bilan ishlatish mashaqqatidan cho‘chib, osonlik sari mayl ko‘rsatadilar; 2) ba’zi idrokli shoirlar o‘z zamonidagi hukmron an’ana va adabiy rasm-rusumlardan chetga chiqishni xohlamay, shu doirada qolishni o‘zlariga munosib deb biladilar; 3) yosh ijodkorlar o‘z yozgan asarlarini tajribali ustozlarga ko‘rsatib, ularning e’tirofini eshitmoq istaydilar, bunday ustozlarning aksariyati esa forsigo‘y bo‘lganliklari uchun yosh shoirlar o‘z she’rlarini forsiyda yozmoqni ma’qul ko‘radilar.

Asarda Alisher Navoiyning ijodiy biografiyasi bilan bog‘liq qimmatli ma’lumotlar ham keltirilgan. Asarda muallif devonlari, dostonlari va boshqa ko‘plab asarlarining ro‘yxati va ixcham tavsifi mavjud. Xususan, shoirning turkiy tilda yaratgan asarlari ro‘yxati ularga asos bo‘lgan manbalar nomi bilan birga keltirilishi Navoiy asarlarining tub mohiyatini anglashda muhim ahamiyatga ega. Masalan, uning “Xamsa” tarkibiga kiruvchi dostonlarning har biri uchun asos bo‘lgan manbalar quyidagi tartibda keltiriladi: 1)“Hayrat ul-abror” ↔ “Maxzan ul-asror” (Nizomiy); 2) “Farhod va Shirin” ↔ “Shirin va Xusrav” (Xusrav Dehlaviy); 3) “Layli va Majnun” ↔ “Gavharnoma” (Hoju Himmatiy), 4) “Sab’ai sayyor” ↔ “Haft paykar” (Ashraf Marog‘iy); 5) “Saddi Iskandariy” ↔ “Xiradnomai Iskandariy” (Abdurahmon Jomiy).

“Muhokamat ul-lug‘atayn”da o‘sha davrdagi turkiy til bo‘yicha amalga oshirilgan tadbirlar haqida ham ma’lumotlar keltiriladi. Husayn Boyqaro turkigo‘y shoirlarni o‘z ona tillarida ijod qilishga chorlab, maxsus farmonlar chiqarilganligi, Husayn Boyqaroning o‘zi turkiy tilda Husayniy taxallusi bilan ijod qilganligi va devon tartib berganligi bilan bog‘liq masalalar haqida fikr yuritiladi.

Alisher Navoiyning “Muhokamat ul-lug‘atayn” asari mohiyatida adabiy til masalasi bosh mavzu sifatida tanlangani, forsiy va turkiy tilni leksik, fonetik va grammatik jihatdan qiyoslagani nuqtai nazaridan tilshunoslik yo‘nalishidagi muhim manba bo‘lish bilan birga ilmiy nasrning yorqin namunasidir.

Fanda “Muhokamat ul-lug‘atayn” 4 ta qo‘lyozmasi ma’lum:

Istanbuldagi To‘pqopi saroy muzeyi Revan kutubxonasida 808-inventar raqami ostida saqlanuvchi nusxa. Bu qo‘lyozma Navoiyning boshqa asarlarini ham o‘z ichiga olib, “Muhokamat ul-lug‘atayn” asari qo‘lyozmaning 774a – 781b sahifalarda keltirilgan.

Istanbuldagi Sulaymoniya kutubxonasining Fotih bo‘limida 4056-inventar raqami ostida saqlanayotgan qo‘lyozmaning 773b – 781a sahifalari “Muhokamat ul-lug‘atayn”ni o‘z ichiga oladi.

Parij nusxasi. Suppl.Turc.317|1513-inventar raqami ostida saqlanayotgan ushbu qo‘lyozmada “Muhokamat ul-lug‘atayn” asari 277b – 285b sahifalarni egallaydi.

Alisher Navoiyning tarixnavis sifatidagi faoliyati uning “Tarixi anbiyo va hukamo” hamda “Tarixi muluki ajam” asarlarini bitganligida namoyon bo‘ladi[5]. Buyuk mutafakkirning “Tarixi anbiyo va hukamo” risolasi islom dini manbalariga asoslangan nasriy yo‘lda yozilgan asar bo‘lib, payg‘ambarlar – rasul va nabiylar hamda hakim zotlar – allomalar tarixiga bag‘ishlangan. Shu ma’noda asarni shartli ravishda ikki qismga bo‘lish mumkin:

Anbiyo – payg‘ambarlar tarixi.

Hukamo – hakim zotlar tarixi.

Alisher Navoiygacha musulmon Sharqida anbiyolar to‘g‘risida turli rivoyat va qissalar mavjud bo‘lgan. “Tarixi Tabariy”, “Tarixi Banokatiy” kabi asarlarda tarixiy voqealar, ba’zi podshohlarning yurishlari din tarixiga oid ma’lumotlar bilan birga berilsa, “Qisas ul-anbiyo”lar, xususan Nosiriddin Rabg‘uziyning “Qisasi Rabg‘uziy” asarida aynan payg‘ambarlar tarixi keltiriladi. Navoiy ushbu mavzuni davom ettirib, o‘zigacha yaratilgan asarlarni tizimlashtiradi, nabiylar biografiyasini sulolalar bo‘yicha keltiradi. Asarda Odam Ato (a.s.)dan tortib Jarih Rohibgacha bo‘lgan 60 dan ortiq nabiy va nabiylar avlodlari haqida ma’lumotlar keltirilgan.

Dastavval, Odam Ato (a.s.) qissasi hikoya qilinadi. Unda Odamning yaratilishi, Iblisning Oliy Dargohdan quvilishi, so‘ng Odam va Momo Havvoning yer yuziga tushirilishi bilan bog‘liq hikoyalar keltiriladi.

Navoiy payg‘ambarlarni an’anaga binoan ikki guruhga bo‘ladi: rasul va nabiylar. Rasullarga Alloh kitob va sahifa nozil qilgan bo‘lib, ular “mursalin” nomi bilan ataladi. Nabiylar esa faqat vahiy olgan payg‘ambarlar bo‘lib, ularga kitob nozil qilinmagan (tushirilmagan).

Alisher Navoiy payg‘ambarlar haqida so‘zlab, ularning yashagan davrlariga to‘xtaladi, aniq yillarni keltiradi (Masalan, Mahoyil binni Qinon 865 yil yashagan). Shuningdek, payg‘ambarlarning ahli ayoli, farzandlari, kasb-u kori haqida ma’lumot beriladi. Payg‘ambarzodalarning hammasiga ham payg‘ambarlik maqomi berilmagan, ularning ba’zilarigagina Allohdan vahiy tushgan. Masalan, Odam Atoning nevarasi Anush, uning o‘g‘li Qinon kabilar bu sharafga noil bo‘la olmaganlar. Shu tariqa muallif oltmishdan ziyod payg‘ambar va payg‘ambar avlodlarining hayoti, tarjimai holini batafsil yoritadi.

Zikr etilganlar sirasida “Qur’on”da nomi tilga olingan barcha payg‘ambarlar, Luqmoni Hakim, Zulqarnayn kabi vahiy tushgan yo tushmagani ixtilofli bo‘lgan valiy zotlarni ham ko‘rishimiz mumkin. Mazkur asarda bir zamonda bir necha payg‘ambarlar yashagani ham aytiladi. Masalan, Is’hoq (a.s.) vafot etgan yili Yusuf (a.s.)ning Misr hokimi bo‘lgani va hokazo. Shuningdek, “Qur’on”da tilga olingan “As’hobi kahf” qissasi ham mazkur asardan o‘rin olgan.

Payg‘ambarlar qissasi hajman o‘zaro farqlanadi. Ba’zi payg‘ambarlar, masalan, Xizr (a.s.) haqida qisqa ma’lumot bilan cheklanilsa, Yusuf (a.s.), Ibrohim (a.s.), Muso[6] (a.s.) va Iso (a.s.)larning hayotiga doir juda ko‘p voqealar bayon qilinadi. Alisher Navoiy Yusuf (a.s.) haqidagi qissani bayon qilishga kirisharkan, Firdavsiy Tusiy va Abdurahmon Jomiylar ham mazkur mavzuda doston yozganlarini aytib, o‘zining ham turkiy tilda masnaviy yozish niyati borligini bildirib o‘tadi.

Mazkur qismda keltirilgan ma’lumotlarning bosh manbasi Qur’oni karim bo‘lib, muallif o‘z fikrlarini asoslash uchun muayyan oyatlarni havola qilib boradi. Yana bir e’tiborli jihati, Alisher Navoiy payg‘ambarlarning iymoni, sabri va yuksak fazilatlarini alohida tasvirlaydi. Masalan, Ayyub (a.s.)ning boshiga tushgan tashvish va balolar ham uni Allohga ibodat qilishdan to‘smaganini aytarkan, bu bilan sevgi va do‘stlikning sobit bo‘lishi haqidagi g‘oyalarini bayon qiladi.

Asarda har bir payg‘ambar qissasidan so‘ng muayyan she’riy parchalar keltiriladi. Shoir ularni “masnaviy”, “ruboiy”, “bayt”, ba’zan esa “she’r” yoki “nazm” nomlari ostida berib boradi. Mazkur she’riy parchalarda qissasi hikoya qilingan payg‘ambar nomi tilga olinadi va falsafiy xulosalar chiqariladi.

Alisher Navoiyning “Tarixi anbiyo va hukamo” asarining ikkinchi qismi hukamolar tarixiga bag‘ishlangan bo‘lib, bu qism umumiy asarning taxminan to‘rtdan bir qismini tashkil etadi. Hukamolar tarixi anbiyolarnikiga nisbatan qisqa bo‘lib, umumiy ma’lumotlar bilan cheklanilgan. Alisher Navoiy Luqmoni hakim, Fishog‘ur (Pifagor), Jomosb, Buqrot (Gippokrat), Buqrotis, Suqrot (Sokrat), Aflotun (Platon), Aristotilis (Arastu), Balinos, Jolinus (Galen), Batlimus (Ptolemey) kabi yunon faylasuflari va Sodiq, Buzurgmehr kabi fors hakimlarining, jami o‘n uch nafar olimning tarixini qisqacha yoritadi. Hakimlarning umumiy tavsifini bergandan so‘ng ularning hikmatli so‘zlaridan keltiradi. Har bir tavsifdan keyin yakun sifatida shoir o‘sha faylasuf tomonidan aytilgan iboraning mazmunini ifodalovchi bir bayt she’rni ilova tarzida berib boradi. Masalan:

“Jomosb hakim Gushtosbning qardoshidur va Luqmonning shogirdi erdi. Nujum ilmida g‘arib ahkomi bor. O‘z zamonidin so‘ngra uch ming yilgacha kelur ishlarni hukm qilibdur. Va aning so‘zlaridindurkim, karimning yomonroq xislati o‘z ilmining tarki va laimning yaxshiroq xislati o‘z ilmining tarki. Va aning madfani Fors viloyatidadur.

Kishiga bo‘lsa ko‘kka chiqmoq fan,

Ne asig‘, ko‘rsa oqibat madfan.

Biz mazkur asardagi payg‘ambarlar bilan bog‘liq an’anaviy voqealarni “Qisasi Rabg‘uziy” va “Shajarayi turk” kabi turkiy tilda yaratilgan boshqa ko‘plab asarlarda ham uchratamiz. Umuman olganda, Alisher Navoiyning “Tarixi anibiyo va hukamo” asari din tarixiga bag‘ishlangan muhim ma’lumotlarni o‘z ichiga olgan manba bo‘lish bilan birga ilmiy nasrning yorqin namunasi bo‘lib, muallif asarda din tarixi hamda yunon falsafasi bilimdoni sifatida namoyon bo‘ladi.

Asar yuzasidan adabiyotshunoslardan B.Valixo‘jayev va T.G‘ofurjonova ilmiy izlanishlar olib borgan.

Alisher Navoiyning “Tarixi muluki Ajam” (“Arab bo‘lmagan shohlar tarixi”) asari o‘z davri nuqtai nazaridan ilmiy dalillarga asoslangan risola hisoblanadi. Asarda Eron va Turon mulkida hukmronlik qilgan to‘rt sulola: peshdodiylar, kayoniylar, ashkoniylar, sosoniylar tarixi batafsil hikoya qilinadi.

An’anaga muvofiq tarix Odam Ato (a.s.) davriga bog‘liq ravishda talqin qilinadi. Alisher Navoiy mazkur asarda Abdulxayr Nasiriddin Abdulloh bin Umarning “Nizom ut-tavorix”, Banokatiyning “Jome’ ut-tavorix” va “Devon un-nasab”, Abu Homid Muhammad ibn Muhammad G‘azzoliyning “Nasihat ul-muluk”, peshdodiylar podshosi Hushangga nisbat beriluvchi “Jovidoni xirad”, Bu Ali Miskavayhning “Odob ul-arab va al-furus”, Hamdulloh Mustavfiy Qazviniyning “Tarixi guzida”, Sharafiddin Ali Yazdiyga nisbat beriluvchi “Muntaxab” kabi manbalardan foydalanadi va ko‘plab ma’lumotlarni shu asarlaridan olganini aytib o‘tadi. Risolada shoirlardan Abulqosim Firdavsiy va uning “Shohnoma”siga ko‘proq murojaat qilinadi. Navoiy Iskandar haqidagi qissada xamsanavislar Xusrav Dehlaviy, Nizomiy Ganjaviylarning qarashlarini ham keltirib o‘tadi.

Alisher Navoiy masalaga nuktadon muarrix – tarixchi olim sifatida yondashar ekan, har bir ma’lumotning aniq va asosli bo‘lishiga alohida e’tibor qaratadi.

Alisher Navoiy peshdodiylar sulolasiga mansub 11, kayoniylar sulolasidan 9, ashkoniy sulolasidan 15, sosoniylar sulolasidan 28, jami to‘rt suloladan 63 hukmdorning nomlari, ularning tarjimai holi, hayoti va yuritgan siyosatiga doir ma’lumotlarni taqdim etadi. Deyarli har podshoh qissasidan keyin an’anaga muvofiq “she’r” nomi ostida qissa mazmuniga uyg‘un baytlar ilova qiladi. Bundan tashqari, to‘rt sulola hukmdorlari haqidagi qissalarning so‘ngida ham umumiy yakunlovchi masnaviylar mavjud.

Alisher Navoiy mazkur asarida tarixga oid juda qiziqarli va ahamiyatli ko‘plab ma’lumotlarni beradi. Balx, Bobil, Nishopur, Marv, Samarqand va yana o‘nlab shaharlarni bunyod qilgan shohlar, Navro‘z bayramining kelib chiqishi, ro‘zaning paydo bo‘lishi, butparastlikning sabablari bilan bog‘liq voqealar shular jumlasidandir.

Navoiy shohlar haqida so‘zlar ekan, adolatli sultonlarni olqishlaydi, ularning xayrli taqdirini mamnuniyat bilan hikoya qiladi. Masalan, peshdodiylar sulolasining vakili Hushangni “xiradmand va odil va olim podshoh erdi” deb ta’riflar ekan, uning birinchilardan bo‘lib mamlakatni ilm va qonun bilan boshqarishga uringani, “Jovidoni xirad” nomli asar bitgani, toshdan temir chiqargani, yog‘ochdan uylarga eshik yasagani, ariqlar chiqarib, yurtni obod qilgani, shaharlar barpo qilgani va doim ibodatda bo‘lganligi haqida ma’lumot beradi. Shuningdek, Navoiy asarda ba’zi podshohlarning ayanchli kechmishiga ibrat nazari bilan boqishga undaydi. Masalan, Jamshid haqidagi hikoyada shoh Jamshid dastlab adolatli hukmdor bo‘lganligini, ko‘plab bunyodkorlik ishlarini amalga oshirganligini, 40 minordan iborat binolar bitgach, katta bazm uyushtirib, o‘sha kun “Navro‘z” deb atala boshlaganligi haqida ma’lumot berib, keyinchalik Jamshidning o‘z qudratiga ishonib, kibr-u havoga berilganligini va odamlardan o‘ziga sig‘inishini talab qilganligini, oqibatda ayanchli o‘lim topganligini aytib o‘tadi.

Alisher Navoiy No‘shiravoni Odil haqida ma’lumot berar ekan, uning sosoniylar sulolasiga mansub o‘n to‘qqizinchi hukmdor ekanligini, otasining ismi Qubod bo‘lganligini aytib, No‘shiravonning adolatiga alohida urg‘u beradi va bir qator mashhur hikoyatlarni ilova qiladi. Hikoyatlardan birida aytilishicha, No‘shiravon davrida bir kishi bog‘ sotib oladi. Bu bog‘dan xazina topib olgach, bog‘ sotgan kishining oldiga borib, oltinlarni unga bermoqchi bo‘ladi. Bog‘ni sotgan odam: “Bog‘ga qo‘shib, yerni va undagi hamma narsani senga sotganman, oltinlar senga tegishli”, deb javob beradi. Ularning bu “mojarosi” No‘shiravonning qulog‘iga ham yetib boradi va u ikki kishini chaqirib, quda bo‘lishni va xazinani barpo etilajak yangi oilaga berishni maslahat beradi. Bu hikoyatda hukmdor adolatli bo‘lsa, xalqda ham insof-u iymon bo‘ladi, degan falsafiy xulosa mavjud.

Alisher Navoiy Iskandar haqida to‘xtalar ekan, uning tarixi ixtilofli ekanligini aytadi va garchi u kayoniylar sulolasi vakili sifatida keltirilsa-da, bu borada ham turli taxminlar mavjud, deb ta’kidlaydi. Shoir Iskandar va uning tug‘ilishi, nasl-nasabi to‘g‘risida fikr yurita turib, Xusrav Dehlaviyning “Oyinayi Iskandariy” va Nizomiy Ganjaviy “Iskandarnomasi”dagi ma’lumotlarni o‘zining “Saddi Iskandariy”sida keltirgan ma’lumotlari bilan qiyoslaydi. O‘rtadagi farqlarni aytib o‘tadi. Samarqand, Hirot, Marv va Isfahonni Iskandar bunyod qilgani bilan bog‘liq ma’lumotlarni ham keltirib o‘tadi.

Navoiy nomlarini keltirgan 63 hukmdor ichida uch ayol podshoh ismi ham tilga olingan bo‘lib, ulardan biri kayoniylarning oltinchi hukmdori Humoy yoki Humondur. U kayoniylar hukmdori Bahmanning ayoli bo‘lib, shoh vafot etganda homilador edi. Bahman jon berish paytida tojini ayolining qorniga qo‘yadi va olamdan o‘tgach, arkoni davlat Humoyni podshoh qilib ko‘taradi. Humoy o‘g‘il farzand ko‘rgach, saltanatga mehri zo‘rligi yoki o‘g‘lining xavfsizligini o‘ylab, uni sandiqqa solib daryoga oqizadi va sandiqqa o‘g‘lining podshohzoda ekanini anglatuvchi yoqutlarni ham soladi. Taqdir taqozosi bilan o‘g‘li ulg‘ayib, onasini topadi. Humoy unga davlat boshqaruvini topshiradi.

Alisher Navoiy tilga olgan keyingi ikki ayol podshoh sosoniylarning 27- va 28-hukmdorlari Turonduxt va Ozarmduxtdir. Shoir ularning taxtga chiqishi va hukmdorlik davri bilan bog‘liq qiziqarli faktlarni keltiradi. Bu ikki ayol podshoh opa-singil bo‘lib, 23-podshoh Xusrav Parvizning qizlari edi.

Alisher Navoiy “Tarixi muluki Ajam” asari orqali tarix bilimdoni qiyofasida namoyon bo‘ladi. Asardagi yuzlab geografik nomlar, ko‘plab shaxslarning ismi sharifi hamda voqealarning keltirilishi muallifning kuchli xotirasidan ham darak beradi.

Asarning xotimasi masnaviy tarzida bo‘lib, 50 baytdan iborat. Unda Navoiy bevosita Shoh G‘oziy – Sulton Husayn Boyqaroga murojaat qiladi. Uning adolati va saxovatini, inson sifatidagi yuksak xulqini madh qiladi. Shohni yagona javharga qiyoslaydi va shuning uchun ham unga “Nazm ul-javohir” asarini bag‘ishlab yozganini aytadi. Va aynan Husayn Boyqaro tarixini bitish niyati borligini bildiradi:

Vale azmim emdi budurkim Xudoy

Agar bo‘lsa umrumg‘a muhlatfizoy.

Chekib turfa tarixingga xomani,

Qilib nuktag‘a tez hangomani.

Shu tariqa xotima-masnaviyning so‘nggi baytlarida Navoiy shohsiz jahonga omonlik bo‘lmasligini aytib, Husayn Boyqaroga yaxshi tilaklar bildiradi, duosini yo‘llaydi va o‘zi ham duolardan umidvor ekanini aytib, asarni yakunlaydi.

Alisher Navoiyning “Tarixi muluki Ajam” asari buyuk mutafakkirning tarixchi olim sifatidagi yana bir muhim qirrasini ochish bilan birgalikda Sharq xalqlarining tarixidan kengroq xabardor bo‘lish imkoniyatini beradi.

yengil va og‘ir sabab

birikkan va ajralgan vatad

katta va kichik fosila

[1] “Mufradot” asari bo‘yicha L.Zohidov nomzodlik dissertatsiyasini yoqlagan.

[2] Mazkur asar prof. S.G‘aniyeva tomonidan chuqur tadqiq qilingan.

[3] “Mezon ul-avzon” asari bo‘yicha S.Mirzayev, I.Sultonov, A.Hojiahmedov kabi olimlar ilmiy izlanishlar olib borishgan.

[4] “Muhokamat ul-lug‘atayn”ning shu kungacha mavjud nashrlarida 99 ta fe’l keltirilgan. Asarning ilmiy matni, tahlili va hozirgi o’zbek tiliga tabdilini amalga oshirgan olim Q.Sodiqov “Muhokamat ul-lug‘atayn” ning Istanbuldagi Sulaymoniya kutubxonasi va Budapeshtda saqlanayotgan nusxalari asosida 100-fe’lni ham aniqlab, e’lon qildi. Bu hozirgi tilimizda “chimchilamoq” ma’nosini anglatuvchi chimdilamoq fe’lidir.

[5] Akademik Aziz Qayumov bu asarlarni aslida umumiy tarix kitobining bo‘laklari deb hisoblaydi. Olimning fikricha, Navoiy yashagan davrda tarixshunoslikda mavjud an’anaga ko‘ra, muayyan hukmdorning tarixini yozishdan avval payg‘ambarlar tarixi, so‘ngra to’rt Ajam sulolalari tarixi, Islom davri tarixi, undan so‘nggina zamon tarixiga o‘tilar edi (Bu haqda qarang: Qayumov A. Dilkusho takrorlar va ruhafzo ash’orlar)

[6] Asar bilan tanishish jarayonida ba’zi payg‘ambarlar qissalari bilan boshqa xalqlar ijodida mavjud epos yoki hikoyatlar bilan o‘xshash holatlarni uchratamiz. Masalan, arman eposi “Dovud Sosuniy”da tilga olingan Misr shohi Malik, uning ayoli Xondut xotun hamda uning asrab olgan o‘g‘li haqidagi voqealar bilan Muso (a.s.)ni Fira’vnning ayoli Osiya asrab olgani bilan bog‘liq holatlarda juda aniq o‘xshashliklar ko‘zga tashlanadi (Bu haqda qarang: Наири Зарьян. Довуд Сосуний. – Т.: Адабиёт ва санъат, 1976. – Б. 114).

ALISHER NAVOIYNING ILMIY MEROSI

Adabiyotshunoslik asarlari. “Mufradot” – muammo janriga bag’ishlangan asar.

“Majolis un-nafois” – turkiy tildagi birinchi tazkira sifatida.

“Mezon ul-avzon”da aruz nazariyasiga doir masalalarning yoritilishi.

Alisher Navoiy – tilshunos. “Muhokamat ul-lug‘atayn”da ikki til mubohasasi.

Tarixiy asarlari. “Tarixi muluki ajam” va “Tarixi anbiyo va hukamo” – mumtoz tarixnavislik manbasi sifatida.

Alisher Navoiy badiiy ijod bilan birga ilmiy faoliyatni teng olib borgan buyuk mutafakkirdir. Uning adabiyotshunoslik, tilshunoslik, tarix, din tarixi va nazariyasiga doir ko‘plab asarlari muhim ma’lumotlarni qamrab olganligi, aniq dalillarga asoslanganligi va obyektiv xulosalarga egaligi bilan bugungi kun ilm-fani uchun ham nihoyatda qimmatlidir.

Alisher Navoiy adabiyotshunoslikka doir uch asar yaratgan bo‘lib, uning “Mufradot” yoki “Risolai muammo” asari hijriy 890, milodiy 1485-yilda fors-tojik tilida yaratilgan[1]. Manbalarda asar nomi “Risolai mufradot” (“Makorim ul-axloq”), “Mufradot dar fanni muammo” (“Qomus ul-a’lom”, “Tuhfai Somiy”), ayrim qo‘lyozma nusxalarida “Risolai muammo” tarzida ham qayd qilingan. Asarning muqaddimasida esa bu haqda shunday deyiladi: “Va chun in muhaqqar dar in fan ba mushobihai “alif” va “be” bud, musammo ba “Mufradot” namud” (Mazmuni: Ushbu arzimas asar bu (muammo) fanda “Alifbe”ga o‘xshagani sababli “Mufradot” deb ot qo‘yiladi). Mufradot so‘zi istiloh sifatida quyidagi ma’nolarni ifodalagan: 1) mumtoz o‘zbek she’riyatida eng kichik janr hisoblanmish fardning ko‘pligi; devon va kulliyotlarda fardlarga ajratilgan qismning nomlanishi; 2) alifbodagi harflarning alohida-alohida shakllari hamda birdan o‘ngacha bo‘lgan raqamlarning umumiy nomi. Harflarning yolg‘iz shakllarini yozishda husni xat bo‘yicha qo‘llanmalar “Mufradot”, to‘la kalligrafik mashqlar esa “Murakkabot” deyiladi.

Asarda keltirilgan misollar asosan fard – baytlar shaklida bo‘lganligi hamda shoir kamtarlik bilan muammo sohasining boshlang‘ich ma’lumotini endi egallaganini ta’kidlagani, shuningdek, bu kitob muammo ilmini endi o‘rganayotgan kishilar uchun mo‘ljallab yozilgani sababli “Mufradot” deb nomlangan.

Risola muammo janrini yechish qonun-qoidalariga bag‘ishlangan. Ma’lumki, muammo arabcha “ko‘r qilingan”, “yashiringan” ma’nolarini bildiruvchi va bir, ba’zan esa ikki baytdan iborat mustaqil she’r turidir. Muammoda biror ism yoki narsa-buyum nomi berkitiladi. Bunda arab yozuvidagi harflarni turlicha o‘zgartirish yo‘li bilan yashiringan so‘zlar topiladi. Muammo 2 xil ma’no asosiga quriladi: tashqi (chalg‘ituvchi) ma’no va ichki (asosiy ma’no).

Alisher Navoiy “Risolai muammo” asarida o‘zidan avval yaratilgan asarlarning murakkabligi va ulardagi kamchiliklar haqida gapirar ekan, o‘z asarida iloji boricha ularni bartaraf qilishga intiladi. Shoir risolaning kirish qismida g‘oyat kamtarlik bilan uni yaratishdan maqsad olimlar e’tiboriga havola qilish emas, balki keng xalq ommasi, xususan yosh avlodga muammo sirlarini o‘rgatish ekanligini ta’kidlaydi:

“Bu muxtasar asarning risolalar qatoriga kirish qobiliyati va bu kaminada uni olimlar ko‘zlariga ko‘rsatish salohiyati bo‘lmasa ham, bolalarga muammo amallarini o‘rganishlarini osonlashtirish uchun yarashi mumkin”.

Risolaning yozilish tarixi haqida “Xamsat ul-mutahayyirin” asarida ham ma’lumot beriladi. Asarda aytilishicha, bir kuni Alisher Navoiy o‘zidan avval muammo haqida yaratilgan asarlar va ulardagi murakkabliklar haqida o‘ylab o‘tirganida, uning huzuriga Abdurahmon Jomiy tashrif buyuradi. Navoiy unga muammoga doir sodda va oddiy xalq ommasi uchun tushunarli bo‘lgan asar yozmoqchi ekanligini aytadi. Shunda Jomiy o‘zi ham anchadan beri shu haqda o‘ylab yurganligini ta’kidlab, qisqa muddat ichida “Risolai muammoi manzum” asarini yaratadi va Alisher Navoiyga ko‘rsatadi. Navoiy asarning ancha murakkab (xalq ommasi uchun tushunarsiz) ekanligini ko‘rib, o‘zi “Risolai muammo” asarini yaratadi va Jomiyga tuhfa qiladi. Jomiy asarni nihoyatda yuksak baholab, o‘g‘li Ziyovuddin Yusuf uchun darslik sifatida tavsiya etadi.

“Mufradot” asarida muammoning turli uslub va amallari ixcham, ravon tilda bayon qilinadi. Muammo amallariga keltirilgan misollar ham nihoyatda aniq va tushunarlidir.

Asarda Alisher Navoiy muammo amallarini 3 qismga ajratadi:

1) a’moli tahsiliy – hosil qilish amallari;

2) a’moli takmiliy – mukammallashtirish amallari;

3) a’moli tasxiliy – osonlashtirish amallari.

Navoiy a’moli tahsiliyga ta’rif berar ekan, uning intiqod (saralash) degan turini izohlab, unga ko‘ra so‘zning ba’zi harflarini olish orqali muammo hosil qilinishini aytadi va ODAM ismida

Dili moro chu xohy boz justash

Z–ohu dardu mehnat cho‘ naxustash

Dilimizni yana axtarmoqchi bo‘lsang,

Oh, dard, mehnatdan birinchisini qidir)

muammosini misol qilib keltiradi. Bu muammoni yechish uchun oh, dard, mehnat so‘zlarining bosh harflari olinsa, ODAM ismi kelib chiqadi.

Shuningdek, MALIK ismida

Jonibi huru so‘yi Kavsaru Firdavs mapo‘y,

Ruxi on mohu labi la’lu sari ko‘yash jo‘y.

Hur, Kavsar, Firdavs tomoniga borib yurma,

Ul moh(oy)ning yuzini, la’l labini va ko‘chasining boshini izla)

muammosi keltirilib, bunda moh, la’l va ko‘cha so‘zlarining boshi, ya’ni birinchi harflari olinishi orqali MALIK ismi kelib chiqishi ta’kidlanadi.

Muammoni yechish amallarining ikkinchisi a’moli takmiliy, ya’ni mukammallashtirish amallari deb atalib, uning o‘zi yana 3 turga bo‘linadi: ta’lif, isqot, qalb. Ta’lif (ulash)ga ko‘ra, misradagi ba’zi so‘zlarning bir-biri bilan qo‘shilishi natijasida yashiringan ism hosil qilinadi. Masalan:

Chun bibirad jom ba so‘i dahan,

Qatra zi lab pok kunad mohi man

Mening oyim jom (qadah)ni dahan (og‘zi) tomon olib borsa,

Labidagi qatralarni toza qiladi).

Bunda “jom” so‘zi “dahan” (og‘iz) tomonga, ya’ni “d” tomonga olib boriladi va “jomid” so‘zi hosil bo‘ladi, ikkinchi misrada nazarda tutilgan labdagi qatra, ya’ni nuqta tozalansa (olib tashlansa), “Homid” ismi kelib chiqadi.

Asarda shu tarzda 3 amal, 15 qism va 48 ta uslub qoidalari va ular bilan bog‘liq holda 121 ta muammo va uni yechish usullari ko‘rsatib beriladi.

“Mufradot” asari shu mavzudagi boshqa ilmiy risolalardan bir necha xususiyati bilan farq qiladi. Asar muallifning o‘zi ta’kidlaganidek, tushunarli qoida va shu qoidaga kerakli misollardan tarkib topgan. Risolada oddiylikdan murakkablik tomonga borish prinsipiga izchil rioya qilingan. Dastlab muammo ilmiga ta’rif berilib, so‘ng tushunilishi oson bo‘lgan qoidalar va misollar keltirilgan. Shuningdek, Navoiy bu asarni qo‘llanma sifatida yozgani bois ilmiy munozaralarga kirishmasdan, asosiy e’tiborni umume’tirof etilgan qoida va qonuniyatlarni yoritishga qaratgan. “Mufradot”da keltirilgan misollar barchasi fardda yozilgan bo‘lib, boshqa risolalardan farqli o‘laroq, “Qaro”, “Temur”, “Bek” kabi o‘zbekcha ismlar asosida ham muammolar keltirilgan. Shuningdek, Navoiy boshqa risolalarda uchraydigan va tatbiq qilinishi nisbatan mushkul bo‘lgan qoida va amallar (masalan, tahrik va taskin, izhor va asror, ma’ruf va majhul, ta’rib va ta’jim kabi qoidalar)ni keltirmasdan, imkoni boricha bu fanni jimjimadorlik va murakkablikdan xoli holatda ko‘rishni istagan.

“Mufradot” asarida yoritilgan qoida va amallar devonlardagi boshqa turkiy va forsiy muammolarni yechishda ham amaliy qo‘llanma vazifasini bajaradi.

Mazkur asarning tanqidiy matnini Lutfulla Zohidov 1970-yilda himoya qilingan “Alisher Navoiyning “Risolai mufradot” asari va uning muammolari” nomli nomzodlik dissertatsiyasi tarkibida keltirgan. Ushbu tanqidiy matnni tuzishda olim quyidagi ikki qo‘lyozmaga suyangan:

1. Sankt-Peterburg shahri nusxasi (Rossiya Milliy kutubxonasi, inventar raqami – Dorn 558) Navoiy asarlari maj­muasi tarkibida bo‘lib, qo‘lyozmani 1001–1004/1593–96 yilda Nazarali Foiziy ko‘chirgan. “Risola muammo” asari mazkur qo‘l­yozmaning 710b–713b varaqlarida joylashgan, 7 varaqdan iborat. Undagi matn tayanch manba sifatida olingan.

2. Toshkentda saqlanayotgan nusxa (ToshDShI ShQM, 1-fond, inventar raqami – 5564). Yuqoridagi tayanch matnga qiyoslash uchun foydalanilgan.

Umuman olganda, Alisher Navoiyning «Mufradot» asari muammoning turli uslub qoidalari ixcham va tushunarli tilda bayon qilib berilganligi bilan adabiyotshunoslikda muhim ilmiy qimmat kasb etadi.

Alisher Navoiyning adabiyotshunos olim sifatidagi faoliyatini ko‘rsatib beruvchi yana bir asar bu “Majolis un-nafois” tazkirasidir[2]. Navoiy tazkirani 1491–1498-yillar davomida yaratadi. Tazkirada XV asrda yashab, faoliyat yuritgan 459 shoir haqida ma’lumot keltiriladi. Alisher Navoiy tazkiraning muqaddimasida asarning tarkibiy qismi va nomlanishi haqida shunday yozadi: “. chun bu maqsudg‘a yetildi, oni sekkiz qism etildi har qismi bir majlisg‘a mavsum bo‘ldi va majmuig‘a “Majolis un-nafois” ot qo‘yildi”. Tazkiradagi shoirlar majlis, ya’ni qismlarga quyidagicha taqsimlangan: 1-majlisda 46 ta, 2-majlisda 91 ta, 3-majlisda 175 ta, 4-majlisda 72 ta, 5-majlisda 21 ta, 6-majlisda 31 ta, 7-majlisda 22 ta va 8-majlisda Husayn Boyqaro bilan bog‘liq ma’lumotlar keltirilgan.

Tazkiraning birinchi majlisi “Jamoati maxodim va azizlar zikridakim, bu faqir alarning sharif zamonining oxirida erdim va mulozimatlari sharafiga musharraf bo‘lmadim” degan nom bilan tasnif etilgan bo‘lib, bunda hazrat Navoiy o‘z tazkirasini “tabarruk qilmoq uchun” shayxlardan Xoja Qosim Anvor zikri bilan boshlaganini ta’kidlaydi:

“Ul jumladin soliki atvor va koshifi asror, ya’ni Hazrati Amir Qosim Anvor (quddisa sirruhu)dur. Har necha alarning rutbasi shoirliq poyasidin yuqoriroqdur va valoyat ahli zumrasida vasfdin toshqariroq, ammo chun haqoyiq va maorif adosida nazm libosi dilpazirroq uchun iltifot qilur ekandurlar, tayammun jihatidin bu muxtasarni alarning sharif ismlari bila ibtido qilildi”.

Qosim Anvordan keyin uning shogirdlari Mir Maxdum va Hofizi Sa’d haqida ma’lumotlar beriladi.

Tazkiraning 2-majlisida shoir bolaligi va yigitlik paytida suhbatlariga musharraf bo‘lgan shoirlar haqida hikoya qilinadi. Bu majlis mashhur tarixchi, “Zafarnoma” muallifi Sharafidddin Ali Yazdiy zikri bilan boshlanadi. Majlisda Alisher Navoiy o‘zining tarbiyasi va ijodiy kamolotiga alohida ta’sir ko‘rsatgan zotlar: Xoja Fazlulloh Abullaysiy, Shayx Sadriddin Ravosiy, Shayx Kamol Turbatiy, Darvesh Mansur, Hofiz Ali Jomiy, Xoja Yusuf Burhon; o‘z zamonining taniqli shoirlari: Mavlono Lutfiy, Yaqiniy, Atoyi, Muqimiy, Sakkokiy, shoir tog‘alari Mir Said Kobuliy, Muhammad Ali G‘aribiy, farzand o‘rnida qadrlagani shoir Mirzobek, ustozi va do‘sti Sayyid Hasan Ardasher haqida ma’lumot beradi. Xususan, Alisher Navoiy Mirzobek haqida yozar ekan, uning juda erta vafot etganini, badiiyat jihatdan yetuk baytlar bitsa-da, ularni yakuniga yetkazmaganligini afsus bilan bayon etadi. Jumladan, uning

Ko‘zung ne balo qaro bo‘lubtur,

Kim jonga qaro balo bo‘lubtur

deb boshlanuvchi matla’sini tugatib, o‘z devoniga kiritganligini aytadi.

Tazkiraning 3-majlisi o‘z davri she’riyatiga ulkan hissa qo‘shgan yuksak tab’li ijodkorlar haqida bo‘lib, buyuk shoir Abdurahmon Jomiy zikri bilan ochiladi. Majlisda, shuningdek, Amir Shayxim Suhayliy, Abdulloh Hotifiy, Osafiy Hiraviy, Zova Qozisi kabi “Xamsa” dostonlariga tatabbu’ bitgan ijodkorlar, Sayfiy Buxoriy kabi muammo va aruz ilmiga doir risola bitgan ijodkor, Kamoliddin Binoiy, Gadoiy kabi sohibi devon shoirlar haqida ma’lumotlar keltiriladi.

4-majlisda zamon fozillari – she’rda mashhur bo‘lmasalar-da, ammo ba’zan latif bayt aytuvchi ijodkorlar haqida so‘z boradi. Alisher Navoiy bu majlisni kamoloti “azharu min ash-shams” (quyoshdan porloq) shaxs – Pahlavon Muhammad Go‘shtigir zikri bilan boshlaydi. Shoir uning pahlavonligi u erishgan kamolotning eng quyi darajasi bo‘lib, musiqa ilmida o‘z davrining benaziri ekanligini ta’kidlaydi. Shuningdek, nazm aytishda ham yuksak iqtidorga egaligini aytib, Husayn Boyqaro Pahlavon Muhammadning quyidagi baytiga ming oltin tanga tuhfa qilganligini faxr bilan tilga oladi:

Guftamash: “Dar olami ishqi tu koram bo g‘am ast”,

Guft xandon zeri lab: “G‘am nest, kori olam ast”.

Unga aytdimki, sening ishqing olamida ishim g‘amdan iborat bo‘ldi.

U kulgu aralash miyig‘ida: “g‘am emas, olamning ishidir”, dedi).

Ushbu majlisda shuningdek, Xoja Kamoliddin Udiy, Atoulloh Husayniy, Husayn Voiz Koshifiy, Mirxond, Xondamir, Sulton Ali Mashhadiy kabi zamonasining fozillari haqida so‘z boradi.

Tazkiraning 5-majlisi Xurosonning “tab’i nazmi bor” mirzozodalari zikrida bo‘lib, Davlatshoh Samarqandiy ta’rifi bilan boshlanadi. Alisher Navoiy Davlatshohning hasham va mol-dunyodan voz kechib, faqrlik yo‘lini tutganligi haqida ma’lumot berar ekan, uning “Majmua’ ush-shuaro” (“Tazkirat ush-shuaro”) asarini mutolaa qilgan shaxs Davlatshohning iste’dodi va kamoloti qay darajada ekanligidan xabar topadi degan fikrni keltiradi. Mazkur majlisda shuningdek, Mir Husayn Ali Jaloyir, Muhammad Solih, jiyani Mir Haydar Sabuhiy, akasining nabirasi Mir Ibrohim kabi mirzozodalar haqida ham ma’lumotlar keltiriladi.

Tazkiraning 6-majlisida Xurosondan tashqaridagi, xususan Samarqanddagi fozillar haqida so‘z boradi. Ushbu majlis Samarqand hokimi Ahmad Hojibek ta’rifi bilan ochiladi. Alisher Navoiy uning “Vafoiy” taxallusi bilan she’rlar bitishini, Hirotda ham o‘n yil hokimlik qilganligini, “surati xush va siyrati dilkash” shaxs ekanligini ta’kidlab, jangchi sifatidagi shijoati va botirligini alohida tahsin qiladi. Uning ijodidan quyidagi matla’ni keltiradi:

Girifti joni man az tan ba zulfi purshikan basti,

Kushodi parda az ruxsori xeshu chashmi man basti.

Tanimdan jonimni olib, ko‘p zanjirli soching bilan bog‘lading, yuzingdan pardani ochib (u bilan) ko‘zimni bog‘lading).

Mazkur majlisda “Ulug‘bek Mirzo” madrasasining mudarrisi Xoja Xurd, Nizomiy “Layli va Majnun”iga tatabbu’ bitgan Xoja Imod Loriy, Kirmon viloyati hokimi Amir Mahmud Barlos va boshqalar haqida ham ma’lumotlar keltiriladi.

7-majlis Amir Temur va temuriy ijodkorlar zikriga bag‘ishlangan. Unda Sohibqirondan boshlab Sulton Ali Mirzogacha jami 22 shaxs haqida so‘z boradi. Tazkiraning so‘nggi sakkizinchi majlisi to‘laligicha Husayn Boyqaro – Husayniy ijodiga bag‘ishlanib, uning devonidagi 164 g‘azalining matla’ini keltiradi va u qo‘llagan badiiy timsollar, she’riy san’atlar, nozik ma’no va ohorli tashbehlar xususida fikr yuritadi. Jumladan, uni “xub ash’ori va marg‘ub abyoti bag‘oyat ko‘ptur” deb, matla’larini “bu matla’ g‘arib ado topibdur”, “ajab o‘tluq matla’ tushubturkim”, radifi “bag‘oyat shirin va dilpazir va rangin voqe’ bo‘lubtur”, “bu matla’dek oz voqe’ bo‘lubturkim”, “bu matla’ so‘znok voqe’ bo‘lubturkim”, “bu matla’ yagona va bag‘oyat oshiqona voqe’ bo‘lubtur” kabi sifatlar bilan ta’riflaydi.

Tazkirada Husayn Boyqaroning

Hajring o‘ti jismi zorim qildi kul, ey yor, bil,

Gar bino qilsang mazorim tarhin ul kul birla qil –

matla’li g‘azaliga o‘z davrida ko‘plab

naziralar yozilganligi, ammo hech biri Sulton Husayn Boyqaro g‘azalichalik mashhur bo‘lmaganligi aytiladi. Husayn Boyqaro nazira yozish san’atida ham usta bo‘lganligini Mavlono Yaqiniyning bir she’riga ikki nazira bog‘laganidan bilish mumkin. Alisher Navoiy uning:

Ey visoling xasta ko‘nglum marhami, oromi jon,

O’lmadim hijron elidin men qatiq jonlig‘ yamon –

matla’sini Mavlono tirik bo‘lganda, mazkur she’r o‘z g‘azalidan yaxshiroq ekanligini inkor etmas, hatto bu bahr va qofiyadagi naziralarning ikkalasi bir-biridan yaxshi ekanligini tasdiqlar edi, deydi.

Tazkiraning “Xilvat” deb atalgan xotima qismida Husayniyning daqiq uslubi va nuktadonligi haqida ma’lumot beruvchi ikki voqea keltirilgan. Ulardan birida Navoiy bir kuni mavlono Lutfiydan Xusrav Dehlaviyning hindcha she’rlaridan birida balchiqqa toyib yiqilayozgan yorning yomg‘ir rishtasini ushlab, turib ketganligi haqidagi lavhani eshitib, Dehlaviyning nafis taxayyuliga ofarin aytganligi, bu haqda Husayn Boyqaroga aytganida, u yomg‘ir tomchilari yuqoridan pastga tushganligi uchun mahbubaning ularga osilib, o‘rnidan turib ketishi mantiqsizlik deb e’tiroz bildirganligi va quyidagi baytni o‘qiganligini aytadi:

Za’fdin kulbamda qo‘pmoq istasam aylar madad,

Ankabute rishta osqon bo‘lsa har devorg‘a.

Shundan so‘ng Navoiy Husayn Boyqaroning zakiyligiga tahsinlar aytib, o‘z nuqsonini anglab etadi va shohning haqqiga duolar o‘qiydi. Ikkinchi voqeaga ko‘ra, hisorlik yosh shoir Qabuliy yangi yozgan g‘azalini Navoiyga o‘qib berganida, Navoiy uning ikkinchi baytiga o‘zgartirish kiritib:

Sarv moyil bo‘ldikim, o‘pgay ayog‘ing tufrog‘in,

Yo‘qsa har soat sabo tahrikidin xam bo‘lmadi –

tarzida tuzatib beradi. Mazkur g‘azal Husayn Boyqaroning e’tiboriga havola qilinganida, u ikkinchi baytning Alisher Navoiy qalamiga mansubligini darhol payqaydi. Bu holdan atrofdagilar hayratga tushadilar.

Alisher Navoiy “Majolis un-nafois”da adabiyot maydonida endigina ko‘rina boshlagan shoirlarni ham e’tibordan chetda qoldirmaydi. Buni quyidagi misollarda ko‘rish mumkin:

“Mavlono Sifotiy emdi paydo bo‘lg‘onlardandur, faqir hanuz ani ko‘rmaydurmen, ammo she’rin eshitibmen”;

“Mavlono Asiriy ham emdi paydo bo‘lg‘on xushtab’ yigitlardindur” va boshqalar.

“Majolis un-nafois”da o‘sha davrda yashagan ba’zi ayol shoiralar haqida ham ma’lumot keltiriladi. Garchi ularning nomlari tazkirada alohida ijodkor sifatida keltirilmasa ham, ular haqidagi shoirning qaydlari adabiyotshunoslik uchun nihoyatda muhimdir. Alisher Navoiy tazkiraning shoir Shayxzoda Ansoriyga bag‘ishlangan faslida “andoq zohir bo‘lurkim, volidasi ham xushtab’dur va Bediliy taxallus qilur” degan ma’lumotni keltirsa, Mavlono Sulaymoniy haqidagi faslda Hofiz Sheroziy g‘azaliga nazira tariqasida yozilgan va Mavlono Sulaymoniyniki deb hisoblangan she’r haqida “Va mashhuri munundoqdururkim, bu abyot Mavlono Hakim tabibning xotini Mehriningdur” deb yozadi.

Tazkirada shoirlarning bilim darajasi, fe’l-atvori, axloqi bilan bog‘liq xususiyatlar ham alohida ko‘rsatilgan. Har bir shoirga berilgan tavsif uning ijodidan namuna keltirish bilan asoslangan.

Asarda badiiy ijod bilan bog‘liq nazariy masalalar yuzasi-dan ham fikr bildiriladi: ba’zi shoirlarning she’rlaridagi jiddiy nuqsonlar tanqid ostiga olinadi. Navoiy Atoyi, Baqoiy, mav-lono Nargis, Qobuliy kabi shoirlarga baho berar ekan, ularn-ing she’rlaridagi shakliy jihatlar, xususan, qofiyasiga alohida ahamiyat qaratadi va nuktadon she’rshunos sifatida namoyon bo‘ladi.

Tazkirada o‘sha davr adabiy muhitidagi qizg‘in jarayon, adabiyotdagi poetik janr va turlar rang-barangligi ham ko‘rsatib berilgan. Asar jonli va ravon tilda, ixcham va sodda uslubda yozilgan. Navoiy g‘oyat siqiq jumlalarga katta ijtimoiy yoki badiiy voqelik va maqsadni singdirishga intilgan. Shu ma’noda tazkira XV asr ilmiy nasrining go‘zal namunasi hisoblanadi.

“Majolis un-nafois” Navoiyning hayoti va faoliyatini o‘rga-nishda ham muhim avtobiografik manba hisoblanadi. Tazkira orqali shoirning qaysi hududlarda bo‘lgani, kimlar bilan uchrashgani, ustozlari, do‘slari, yaqin kishilari, hamsuhbatlari, qarindoshlari, farzandi o‘rnidagi shaxslar va h.k.lar haqida ma’lumot olish mumkin.

Navoiy tazkirasida nomlari tilga olingan ko‘p shoirlarning asarlari bizgacha yetib kelmagan. Bu jihatdan ham “Majolis un-nafois” g‘oyat nodir manba bo‘lib, adabiyotshunoslik uchun muhim ahamiyat kasb etadi.

“Majolis un-nafois” boshqa xalqlar tillariga ham tarjima qilinib, tazkirachilikning rivojiga samarali ta’sir ko‘rsatgan. Xususan, XVI asrda fors tiliga 3 marta (Faxriy Hirotiy, “Lato-yifnoma”, 1521–22, Hirot; Muhammad Qazviniy, 1522–23, Istanbul; Shoh Ali Abdulali, 1598, Nishopur), bugungi kun-gacha turli tillarga 7 marta to‘liq tarjima qilingan. Hasanxoja Nisoriy ning “Muzakkiri ahbob”, Som Mirzoning “Tuhfai Somiy” va boshqa ko‘plab tazkiralar Navoiy tazkirasi ta’sirida maydonga kelgan. “Majolis un-nafois”ning XV asrning oxiri – XVI asrning boshlarida ko‘chirilgan bir necha nusxasi Vena, Parij, Boku, Sankt-Peterburg, Toshkent va boshqa joylarda saqlanmoqda.

Alisher Navoiyning “Mezon ul-avzon” asari 1492–1493-yillarda yaratilgan[3]. Navoiy turkiy tildagi adabiyotshunoslik masalalariga bag‘ishlangan Shayx Ahmad Taroziyning “Funun ul-balog‘a” asari bilan tanish bo‘lmagani uchun aruz nazariyasiga doir qonun-qoidalarni turkiy tilda ilk marta bayon qilayotganini alohida ta’kidlaydi, xususan “g‘araz bu maqolotdin va maqsud bu muqaddimotdin bu erdikim, chun turk alfozi bilakim nazm voqi’ bo‘lubdur, anga zobitaye va qonune yo‘q erkondur. ” deb yozarkan, turkiy tilda aruz qonun-qoidalariga oid maxsus asar yo‘qligini aytib o‘tadi.

“Mezon ul-avzon” muqaddima, asosiy qism va kichik xotimadan iborat. Muqaddimada Allohga hamd aytilgach, Sulton Husayn Boyqaroning ushbu asarni yozishga ilhomlantirganligi haqida so‘z boradi. Unda aytilishicha, Husayn Boyqaro Amir Xusrav Dehlaviyning 18 ming baytdan iborat g‘azaliyotini yig‘dirib, bir to‘plam holiga keltiradi. Xusrav Dehlaviy she’rlarining ko‘pi murakkab bahr va vaznlarda bo‘lib, ularni aniqlashda hatto ba’zi shoirlar ham ojizlik qilar edilar. Husayn Boyqaroning topshirig‘i bilan aruzshunoslar Xusrav Dehlaviyning har bir she’ri ustiga shu she’rning vaznini yozib chiqadilar. Shundan so‘ng devon tuzishda har bir she’rning vaznini qayd etib qo‘yish odat tusiga kiradi. Alisher Navoiyning “Xazoyin ul-maoniy” kulliyoti ham shu yo‘sinda tartib beriladi.

Alisher Navoiy muqaddimada o‘zidan avval yaratilgan aruzga doir manbalar: Xalil ibn Ahmadning “Kitob ul-ayn”, Shams Qays Roziyning “Al-mo‘jam”, Nasiriddin Tusiyning “Me’yor ul-ash’or”, Abdurahmon Jomiyning “Risolai aruz” asarlariga to‘xtalib o‘tib, ularda mavjud bo‘lmagan ba’zi qoida, doira va vaznlarni o‘z asarida keltirib o‘tishini aytadi.

Navoiy vaznlarga ta’rif berar ekan, unga ko‘proq misollarni o‘z g‘azaliyotidan keltiradi. Xususan, hazaji musammani solim vaznini ta’riflashda

Zihi mulkungning o‘n sekiz mingidin bir kelib olam,

Bu olam ichra bir uyluk qulung Havvo bilan Odam,

Rajazi musammani matviyi maxbun vazni bilan bog‘liq o‘rinda

Gar alamimg‘a chora yo‘q, bo‘lmasa bo‘lmasun netay,

Vah, g‘amima shumora yo‘q, bo‘lmasa bo‘lmasun netay,

Mutaqoribi musammani mahzuf vaznida

Ochildi chaman, gul’uzorim qani,

Sihi sarv bo‘yluq nigorim qani?

kabi baytlarni keltiradiki, bu holat Navoiy keltirgan vaznlar turkiy adabiyot uchun shunchaki tajriba bo‘lmay, balki ularda badiiyat jihatdan yuksak g‘azallar yozish mumkinligini ko‘rsatadi.

“Mezon ul-avzon”da 9 ta poetik shakl va ularning vaznlari haqida ham ma’lumot keltirilgan bo‘lib, ularning aksariyati turkiy xalq og‘zaki ijodiga mansubdir. Navoiy ularning xalq orasida tarqalgan nomlaridan foydalanadi, nomi yo‘qlarini esa aruzdagi vaznlardan qaysi biriga mos bo‘lsa, shu vazn nomi bilan ataydi. Ushbu poetik shakllar quyidagilardir: o‘n olti ruknli ramali maxbun, tuyuq, qo‘shiq (1), qo‘shiq (2), chinga, muhabbatnoma, mustazod, aruzvoriy, turkiy.

“Mezon ul-avzon” turkiy aruzshunoslikka qo‘shilgan munosib hissa bo‘lib, o‘z davridayoq zamondoshlari tomonidan yuksak baholangan. Xondamir “Makorim ul-axloq”da risolaga yuqori baho berib, Navoiyning iste’dodi va badiiy mahoratini ko‘rsatib beruvchi asar ekanligini, avvalgi risolalarda keltirilmagan doiralarni kiritganligini uning aruzshunoslikdagi eng katta xizmati sifatida e’tirof etadi. “Mezon ul-avzon” o‘zidan keyin turkiy tilda Boburning “Risolai aruz” asari yaratilishi uchun zamin hozirladi, XIX asrda Furqatning “Ilmi she’rning qoidai avzonini bayoni” dastxatiga asos bo‘ldi.

Navoiy turkiy tilning rivojiga shoh asarlar yaratish bilangina hissa qo‘shib qolmay, uning taraqqiyotini nazariy jihatdan ham boyitdi. Uning bu boradagi xizmatlaridan biri 1499 (hijriy 905)-yilda yaratilgan “Muhokamat ul-lug‘atayn” (“Ikki til muhokamasi”) asaridir.

Mazkur asarida Navoiy turkiy va forsiy (sort) tillarini bir-biriga qiyoslash asnosida, turkiy tilning boy va keng imkoniyatlarga ega ekanligini isbotladi. Asar musulmon Sharqi adabiyoti an’analariga muvofiq Allohga hamd aytishdan boshlangan. Alisher Navoiy arab tilidagi hamddan so‘ng turkiy tilda bir ruboiy keltirib, uning ilk baytidayoq so‘z bilan olam yaratilganligini, arab tilining barcha tillardan ustun ekanligini ta’kidlaydi. Bu tilda payg‘ambarimiz Muhammad (s.a.v.) so‘zlashgani, muqaddas kitob – Qur’oni Karimning nozil qilinganligi uning sharafli ekanligini bildiradi, deb aytadi.

Navoiy arab tilidan so‘ng uch (turkiy, forsiy va hind) tilini “asl va mo‘tabar” deb hisoblab, ushbu tillarning kelib chiqishi Nuh payg‘ambarning uch o‘g‘li – Yofas, Som va Hom bilan bog‘lanishini aytib o‘tadi. Abu Turk laqabi bilan mashhur bo‘lgan Yofas payg‘ambarlik toji bilan sarafroz va rasullik mansabi bilan mumtoz etilganligini ta’kidlaydi.

Navoiy yashab ijod etgan davrda turkiy til forsiy tilga nisbatan pastroq maqomda deb hisoblanib, turkiy tilda ijod etgan Haydar Xorazmiy, Sakkokiy, Atoyi, Yaqiniy, Gadoiyning ijodi forsiy meros bilan teng keladigan darajada emas edi. Alisher Navoiy ushbu shoirlarning nomlarini keltirib, ular orasida forsiy adabiyotdagi Xoqoniy, Avhadiddin Anvariy, Kamol Ismoil, Zahir Foryobiy, Salmon Sovajiy kabi qasidanavislar, Abulqosim Firdavsiy, Nizomiy Ganjaviy va Xusrav Dehlaviydek masnaviy ustalari, Sa’diy Sheroziy va Hofiz Sheroziy kabi g‘azalnavis shoirlar yetishib chiqmaganligiga e’tiborni qaratadi va turkiy shoirlardan faqat Lutfiygina ular bilan she’riy musobaqaga kirishish salohiyatiga ega bo‘lganligini ta’kidlaydi. Bu bilan Alisher Navoiy turkiy til va bu tilda ijod qiluvchi shoirlarning zimmasida ulkan vazifa turganligini eslatib o‘tadi.

Navoiy “Muhokamat ul-lug‘atayn”da turkiy va o‘zi mukammal bilgan forsiy tilni o‘zaro chog‘ishtirish yo‘lidan borib, ikki tilning leksik va poetik imkoniyatlarini ilmiy nuqtai nazardan asoslab beradi. Asarda turkiy va forsiy til­lar fonetika, leksika va mor­fologiya doirasida o‘zaro qiyoslanadi. Dastlab har ikki tildagi unlilar qiyoslanganda, Navoiy forsiy tilda un­lilar sonida chegara borligi, turkiy ti­lda esa unlilar bir qancha ma’no farqlovchi xususiyatlarga ega ekanligi va ular o‘zaro uzun-qisqaligi bilan ajralib turishini dalillar orqali ko‘rsatib bergan. Xususan, turkiy tilning fonetik xususiyati qofiyadosh so‘zlar uchun forsiy tilga nisbatan qulayligini asoslar ekan, “vov” – “ﻭ” hamda “yoy” – “ﻯ” harflari forsiy til fonetikasida faqat ikki harakatni: “vov” “o‘” hamda “u”ni, “yoy” esa “i” va “e” tovushlarini berishini, (masalan, “xud” (ﺧﻭﺪ) hamda “dud” (ﺪﻭﺪ) so‘zlarida “u” tovushi; “zo‘r” (ﺯﻭﺮ) va “nur” (ﻧﻭﺮ) so‘zlarida “o‘” tovushini), turkiy tilda esa bu ikki harfning har biri uch yoki to‘rt tovushni ifodalashini “ter” so‘zi orqali ko‘rsatib beradi. Bu o‘rinda Navoiy “ter” so‘zining termoq, may, o‘q ma’nolari borligini va “ter” (ﺘﻳﺮ) so‘zidagi “yoy” (ﻯ)ning talaffuzi ma’nosiga ko‘ra farqlanishini, ammo yozuvda bir xil ko‘rinishda bo‘lishini ta’kidlash orqali turkiy tilning fonetik imkoniyatlariga e’tibor qaratadi.

Navoiy asarda forsiy tilda muodil (ekvivalent)i bo‘lmagan 100 ta fe’lni keltiradi[4]. Masalan, “telmurmak” so‘ziga izoh berar ekan, bu so‘z anglatgan ma’no forsiylarda yo‘qligini, mahbubaning nazari oshiq yuziga tekkach, oshiqning “niyoz yuzidin telmurmagi asru munosib ish” ekanligini aytadi va quyidagi baytni keltiradi:

To‘kadur qonimni har dam ko‘zlaring boqib turub.

Kim, necha yuzumga boqqaysen yiroqdin telmurub.”

Bu o‘rinda Navoiy “telmurmak” so‘zining nozik semasini tahlil etib, “telmurish” orqali ikki insonning o‘zaro muhabbati namoyon bo‘lishini ta’kidlaydi. Keltirilgan misoldan: “Ko‘zlaring har lahza menga boqib qonimni to‘kadi, chunki uzoq-uzoqlardan menga telmurib boqasan”, degan mazmun orqali mahbubaning o‘z oshig‘iga befarq emasligi ma’lum bo‘ladi.

Alisher Navoiy turkiy va forsiy til­lar leksikasini qiyoslash uchun turli sohalarga doir narsa-buyum, tabiiy hodisalar va hayvonlarning forsiy tilda mavjud bo‘lmagan turkiy tildagi nomlarini berib, ularning ba’zilari forsiy til leksikasi tarkibiga ham kirganligini aytib o‘tadi. Xususan, turkiylar ovlanadigan kiyikni jinsiga qarab nomlashlarini, erkagini “huna”, urg‘ochisini “qilchoqin” deb atashlarini, forsiy tilda esa bular bir xil qo‘llanilishini yoki yana forsiylar qo‘yning faqat ba’zi a’zolarini nomlaganliklarini, lekin qo‘yning orqasini, oshiq-ilikni, yon suyakni, qovurg‘ani, ilik, o‘rta ilik, bo‘g‘izni turkcha aytishlarini ta’kidlaydi. Shuningdek, qaymoq, qatlama, bulama, qurut, uloba, quymoq, urkamoch kabi taom nomlari forsiy tilga turkiy tildan o‘zlashganligini aytib o‘tadi.

Alisher Navoiy omonimlik va so‘zlarning ko‘p ma’noliligi jihatidan turkiy tilning imkoniyati kengligini, ularning she’riyatda turli nozik ma’nolarni ifodalashdagi ahamiyatini (ot, it, bor, sog‘in, tuz, ko‘k kabi so‘zlar talqinida) ko‘rsatadi, shu orqali tajnis va iyhom san’atiga asos bo‘ladigan so‘zlarning forsiy tildagiga nisbatan ko‘pligini misollar bilan isbotlaydi, aynan tajnis orqali vujudga keladigan va forsiy she’riyatda qo‘llanilmaydigan tuyuq janrining o‘ziga xos xususiyatlarini ko‘rsatib beradi.

Navoiy ba’zi mansab egalari yoki kasb-hunar, umuman, muayyan soha bilan shug‘ullanuvchi shaxs nomlarini bildiruvchi “-ch” hamda “chi”qo‘shimchalarini keltirib, forsiylar ushbu qo‘shimchalar orqali yasaladigan qo‘rchi, suvchi, chavgonchi, qo‘riqchi kabi o‘nlab so‘zlarning muodili o‘z tillarida bo‘lmaganligi uchun ularni turkiy tildagi varianti asosida qo‘llashlarini aytib o‘tadi.

“Muhokamat ul-lug‘atayn” asari adabiyot va adabiyotshunoslik fanlari uchun ham muhim ahamiyat kasb etadi. Navoiy asarda forsiy tilda yaratilgan adabiyotning yetuk namoyandalarini chuqur hurmat bilan tilga oladi, ularning musulmon Sharqi she’riyatiga qo‘shgan hissasini, turkiy adabiyot, xususan, o‘z ijodiga ko‘rsatgan ta’sirini alohida ta’kidlaydi, forsigo‘y va turkiy shoirlar orasidagi o‘zaro adabiy hamkorlik – adabiy mavzularda suhbat, munozaralar, badiiyatga doir mubohasalar bo‘lib turishi haqida ma’lumot beradi. Navoiy turkiy she’riyatning forsiy she’riyatga nisbatan sustroq rivojlanganligini bir necha sabablar orqali ko‘rsatib beradi: 1) turkigo‘y ijodkorlar turkiy tilda ona tilining murakkab va nozikligini bildiruvchi bir necha ma’noli so‘z va ifodalar ko‘p bo‘lganligidan, ularni tushunish va she’riyatda mahorat bilan ishlatish mashaqqatidan cho‘chib, osonlik sari mayl ko‘rsatadilar; 2) ba’zi idrokli shoirlar o‘z zamonidagi hukmron an’ana va adabiy rasm-rusumlardan chetga chiqishni xohlamay, shu doirada qolishni o‘zlariga munosib deb biladilar; 3) yosh ijodkorlar o‘z yozgan asarlarini tajribali ustozlarga ko‘rsatib, ularning e’tirofini eshitmoq istaydilar, bunday ustozlarning aksariyati esa forsigo‘y bo‘lganliklari uchun yosh shoirlar o‘z she’rlarini forsiyda yozmoqni ma’qul ko‘radilar.

Asarda Alisher Navoiyning ijodiy biografiyasi bilan bog‘liq qimmatli ma’lumotlar ham keltirilgan. Asarda muallif devonlari, dostonlari va boshqa ko‘plab asarlarining ro‘yxati va ixcham tavsifi mavjud. Xususan, shoirning turkiy tilda yaratgan asarlari ro‘yxati ularga asos bo‘lgan manbalar nomi bilan birga keltirilishi Navoiy asarlarining tub mohiyatini anglashda muhim ahamiyatga ega. Masalan, uning “Xamsa” tarkibiga kiruvchi dostonlarning har biri uchun asos bo‘lgan manbalar quyidagi tartibda keltiriladi: 1)“Hayrat ul-abror” ↔ “Maxzan ul-asror” (Nizomiy); 2) “Farhod va Shirin” ↔ “Shirin va Xusrav” (Xusrav Dehlaviy); 3) “Layli va Majnun” ↔ “Gavharnoma” (Hoju Himmatiy), 4) “Sab’ai sayyor” ↔ “Haft paykar” (Ashraf Marog‘iy); 5) “Saddi Iskandariy” ↔ “Xiradnomai Iskandariy” (Abdurahmon Jomiy).

“Muhokamat ul-lug‘atayn”da o‘sha davrdagi turkiy til bo‘yicha amalga oshirilgan tadbirlar haqida ham ma’lumotlar keltiriladi. Husayn Boyqaro turkigo‘y shoirlarni o‘z ona tillarida ijod qilishga chorlab, maxsus farmonlar chiqarilganligi, Husayn Boyqaroning o‘zi turkiy tilda Husayniy taxallusi bilan ijod qilganligi va devon tartib berganligi bilan bog‘liq masalalar haqida fikr yuritiladi.

Alisher Navoiyning “Muhokamat ul-lug‘atayn” asari mohiyatida adabiy til masalasi bosh mavzu sifatida tanlangani, forsiy va turkiy tilni leksik, fonetik va grammatik jihatdan qiyoslagani nuqtai nazaridan tilshunoslik yo‘nalishidagi muhim manba bo‘lish bilan birga ilmiy nasrning yorqin namunasidir.

Fanda “Muhokamat ul-lug‘atayn” 4 ta qo‘lyozmasi ma’lum:

Istanbuldagi To‘pqopi saroy muzeyi Revan kutubxonasida 808-inventar raqami ostida saqlanuvchi nusxa. Bu qo‘lyozma Navoiyning boshqa asarlarini ham o‘z ichiga olib, “Muhokamat ul-lug‘atayn” asari qo‘lyozmaning 774a – 781b sahifalarda keltirilgan.

Istanbuldagi Sulaymoniya kutubxonasining Fotih bo‘limida 4056-inventar raqami ostida saqlanayotgan qo‘lyozmaning 773b – 781a sahifalari “Muhokamat ul-lug‘atayn”ni o‘z ichiga oladi.

Parij nusxasi. Suppl.Turc.317|1513-inventar raqami ostida saqlanayotgan ushbu qo‘lyozmada “Muhokamat ul-lug‘atayn” asari 277b – 285b sahifalarni egallaydi.

Alisher Navoiyning tarixnavis sifatidagi faoliyati uning “Tarixi anbiyo va hukamo” hamda “Tarixi muluki ajam” asarlarini bitganligida namoyon bo‘ladi[5]. Buyuk mutafakkirning “Tarixi anbiyo va hukamo” risolasi islom dini manbalariga asoslangan nasriy yo‘lda yozilgan asar bo‘lib, payg‘ambarlar – rasul va nabiylar hamda hakim zotlar – allomalar tarixiga bag‘ishlangan. Shu ma’noda asarni shartli ravishda ikki qismga bo‘lish mumkin:

Anbiyo – payg‘ambarlar tarixi.

Hukamo – hakim zotlar tarixi.

Alisher Navoiygacha musulmon Sharqida anbiyolar to‘g‘risida turli rivoyat va qissalar mavjud bo‘lgan. “Tarixi Tabariy”, “Tarixi Banokatiy” kabi asarlarda tarixiy voqealar, ba’zi podshohlarning yurishlari din tarixiga oid ma’lumotlar bilan birga berilsa, “Qisas ul-anbiyo”lar, xususan Nosiriddin Rabg‘uziyning “Qisasi Rabg‘uziy” asarida aynan payg‘ambarlar tarixi keltiriladi. Navoiy ushbu mavzuni davom ettirib, o‘zigacha yaratilgan asarlarni tizimlashtiradi, nabiylar biografiyasini sulolalar bo‘yicha keltiradi. Asarda Odam Ato (a.s.)dan tortib Jarih Rohibgacha bo‘lgan 60 dan ortiq nabiy va nabiylar avlodlari haqida ma’lumotlar keltirilgan.

Dastavval, Odam Ato (a.s.) qissasi hikoya qilinadi. Unda Odamning yaratilishi, Iblisning Oliy Dargohdan quvilishi, so‘ng Odam va Momo Havvoning yer yuziga tushirilishi bilan bog‘liq hikoyalar keltiriladi.

Navoiy payg‘ambarlarni an’anaga binoan ikki guruhga bo‘ladi: rasul va nabiylar. Rasullarga Alloh kitob va sahifa nozil qilgan bo‘lib, ular “mursalin” nomi bilan ataladi. Nabiylar esa faqat vahiy olgan payg‘ambarlar bo‘lib, ularga kitob nozil qilinmagan (tushirilmagan).

Alisher Navoiy payg‘ambarlar haqida so‘zlab, ularning yashagan davrlariga to‘xtaladi, aniq yillarni keltiradi (Masalan, Mahoyil binni Qinon 865 yil yashagan). Shuningdek, payg‘ambarlarning ahli ayoli, farzandlari, kasb-u kori haqida ma’lumot beriladi. Payg‘ambarzodalarning hammasiga ham payg‘ambarlik maqomi berilmagan, ularning ba’zilarigagina Allohdan vahiy tushgan. Masalan, Odam Atoning nevarasi Anush, uning o‘g‘li Qinon kabilar bu sharafga noil bo‘la olmaganlar. Shu tariqa muallif oltmishdan ziyod payg‘ambar va payg‘ambar avlodlarining hayoti, tarjimai holini batafsil yoritadi.

Zikr etilganlar sirasida “Qur’on”da nomi tilga olingan barcha payg‘ambarlar, Luqmoni Hakim, Zulqarnayn kabi vahiy tushgan yo tushmagani ixtilofli bo‘lgan valiy zotlarni ham ko‘rishimiz mumkin. Mazkur asarda bir zamonda bir necha payg‘ambarlar yashagani ham aytiladi. Masalan, Is’hoq (a.s.) vafot etgan yili Yusuf (a.s.)ning Misr hokimi bo‘lgani va hokazo. Shuningdek, “Qur’on”da tilga olingan “As’hobi kahf” qissasi ham mazkur asardan o‘rin olgan.

Payg‘ambarlar qissasi hajman o‘zaro farqlanadi. Ba’zi payg‘ambarlar, masalan, Xizr (a.s.) haqida qisqa ma’lumot bilan cheklanilsa, Yusuf (a.s.), Ibrohim (a.s.), Muso[6] (a.s.) va Iso (a.s.)larning hayotiga doir juda ko‘p voqealar bayon qilinadi. Alisher Navoiy Yusuf (a.s.) haqidagi qissani bayon qilishga kirisharkan, Firdavsiy Tusiy va Abdurahmon Jomiylar ham mazkur mavzuda doston yozganlarini aytib, o‘zining ham turkiy tilda masnaviy yozish niyati borligini bildirib o‘tadi.

Mazkur qismda keltirilgan ma’lumotlarning bosh manbasi Qur’oni karim bo‘lib, muallif o‘z fikrlarini asoslash uchun muayyan oyatlarni havola qilib boradi. Yana bir e’tiborli jihati, Alisher Navoiy payg‘ambarlarning iymoni, sabri va yuksak fazilatlarini alohida tasvirlaydi. Masalan, Ayyub (a.s.)ning boshiga tushgan tashvish va balolar ham uni Allohga ibodat qilishdan to‘smaganini aytarkan, bu bilan sevgi va do‘stlikning sobit bo‘lishi haqidagi g‘oyalarini bayon qiladi.

Asarda har bir payg‘ambar qissasidan so‘ng muayyan she’riy parchalar keltiriladi. Shoir ularni “masnaviy”, “ruboiy”, “bayt”, ba’zan esa “she’r” yoki “nazm” nomlari ostida berib boradi. Mazkur she’riy parchalarda qissasi hikoya qilingan payg‘ambar nomi tilga olinadi va falsafiy xulosalar chiqariladi.

Alisher Navoiyning “Tarixi anbiyo va hukamo” asarining ikkinchi qismi hukamolar tarixiga bag‘ishlangan bo‘lib, bu qism umumiy asarning taxminan to‘rtdan bir qismini tashkil etadi. Hukamolar tarixi anbiyolarnikiga nisbatan qisqa bo‘lib, umumiy ma’lumotlar bilan cheklanilgan. Alisher Navoiy Luqmoni hakim, Fishog‘ur (Pifagor), Jomosb, Buqrot (Gippokrat), Buqrotis, Suqrot (Sokrat), Aflotun (Platon), Aristotilis (Arastu), Balinos, Jolinus (Galen), Batlimus (Ptolemey) kabi yunon faylasuflari va Sodiq, Buzurgmehr kabi fors hakimlarining, jami o‘n uch nafar olimning tarixini qisqacha yoritadi. Hakimlarning umumiy tavsifini bergandan so‘ng ularning hikmatli so‘zlaridan keltiradi. Har bir tavsifdan keyin yakun sifatida shoir o‘sha faylasuf tomonidan aytilgan iboraning mazmunini ifodalovchi bir bayt she’rni ilova tarzida berib boradi. Masalan:

“Jomosb hakim Gushtosbning qardoshidur va Luqmonning shogirdi erdi. Nujum ilmida g‘arib ahkomi bor. O‘z zamonidin so‘ngra uch ming yilgacha kelur ishlarni hukm qilibdur. Va aning so‘zlaridindurkim, karimning yomonroq xislati o‘z ilmining tarki va laimning yaxshiroq xislati o‘z ilmining tarki. Va aning madfani Fors viloyatidadur.

Kishiga bo‘lsa ko‘kka chiqmoq fan,

Ne asig‘, ko‘rsa oqibat madfan.

Biz mazkur asardagi payg‘ambarlar bilan bog‘liq an’anaviy voqealarni “Qisasi Rabg‘uziy” va “Shajarayi turk” kabi turkiy tilda yaratilgan boshqa ko‘plab asarlarda ham uchratamiz. Umuman olganda, Alisher Navoiyning “Tarixi anibiyo va hukamo” asari din tarixiga bag‘ishlangan muhim ma’lumotlarni o‘z ichiga olgan manba bo‘lish bilan birga ilmiy nasrning yorqin namunasi bo‘lib, muallif asarda din tarixi hamda yunon falsafasi bilimdoni sifatida namoyon bo‘ladi.

Asar yuzasidan adabiyotshunoslardan B.Valixo‘jayev va T.G‘ofurjonova ilmiy izlanishlar olib borgan.

Alisher Navoiyning “Tarixi muluki Ajam” (“Arab bo‘lmagan shohlar tarixi”) asari o‘z davri nuqtai nazaridan ilmiy dalillarga asoslangan risola hisoblanadi. Asarda Eron va Turon mulkida hukmronlik qilgan to‘rt sulola: peshdodiylar, kayoniylar, ashkoniylar, sosoniylar tarixi batafsil hikoya qilinadi.

An’anaga muvofiq tarix Odam Ato (a.s.) davriga bog‘liq ravishda talqin qilinadi. Alisher Navoiy mazkur asarda Abdulxayr Nasiriddin Abdulloh bin Umarning “Nizom ut-tavorix”, Banokatiyning “Jome’ ut-tavorix” va “Devon un-nasab”, Abu Homid Muhammad ibn Muhammad G‘azzoliyning “Nasihat ul-muluk”, peshdodiylar podshosi Hushangga nisbat beriluvchi “Jovidoni xirad”, Bu Ali Miskavayhning “Odob ul-arab va al-furus”, Hamdulloh Mustavfiy Qazviniyning “Tarixi guzida”, Sharafiddin Ali Yazdiyga nisbat beriluvchi “Muntaxab” kabi manbalardan foydalanadi va ko‘plab ma’lumotlarni shu asarlaridan olganini aytib o‘tadi. Risolada shoirlardan Abulqosim Firdavsiy va uning “Shohnoma”siga ko‘proq murojaat qilinadi. Navoiy Iskandar haqidagi qissada xamsanavislar Xusrav Dehlaviy, Nizomiy Ganjaviylarning qarashlarini ham keltirib o‘tadi.

Alisher Navoiy masalaga nuktadon muarrix – tarixchi olim sifatida yondashar ekan, har bir ma’lumotning aniq va asosli bo‘lishiga alohida e’tibor qaratadi.

Alisher Navoiy peshdodiylar sulolasiga mansub 11, kayoniylar sulolasidan 9, ashkoniy sulolasidan 15, sosoniylar sulolasidan 28, jami to‘rt suloladan 63 hukmdorning nomlari, ularning tarjimai holi, hayoti va yuritgan siyosatiga doir ma’lumotlarni taqdim etadi. Deyarli har podshoh qissasidan keyin an’anaga muvofiq “she’r” nomi ostida qissa mazmuniga uyg‘un baytlar ilova qiladi. Bundan tashqari, to‘rt sulola hukmdorlari haqidagi qissalarning so‘ngida ham umumiy yakunlovchi masnaviylar mavjud.

Alisher Navoiy mazkur asarida tarixga oid juda qiziqarli va ahamiyatli ko‘plab ma’lumotlarni beradi. Balx, Bobil, Nishopur, Marv, Samarqand va yana o‘nlab shaharlarni bunyod qilgan shohlar, Navro‘z bayramining kelib chiqishi, ro‘zaning paydo bo‘lishi, butparastlikning sabablari bilan bog‘liq voqealar shular jumlasidandir.

Navoiy shohlar haqida so‘zlar ekan, adolatli sultonlarni olqishlaydi, ularning xayrli taqdirini mamnuniyat bilan hikoya qiladi. Masalan, peshdodiylar sulolasining vakili Hushangni “xiradmand va odil va olim podshoh erdi” deb ta’riflar ekan, uning birinchilardan bo‘lib mamlakatni ilm va qonun bilan boshqarishga uringani, “Jovidoni xirad” nomli asar bitgani, toshdan temir chiqargani, yog‘ochdan uylarga eshik yasagani, ariqlar chiqarib, yurtni obod qilgani, shaharlar barpo qilgani va doim ibodatda bo‘lganligi haqida ma’lumot beradi. Shuningdek, Navoiy asarda ba’zi podshohlarning ayanchli kechmishiga ibrat nazari bilan boqishga undaydi. Masalan, Jamshid haqidagi hikoyada shoh Jamshid dastlab adolatli hukmdor bo‘lganligini, ko‘plab bunyodkorlik ishlarini amalga oshirganligini, 40 minordan iborat binolar bitgach, katta bazm uyushtirib, o‘sha kun “Navro‘z” deb atala boshlaganligi haqida ma’lumot berib, keyinchalik Jamshidning o‘z qudratiga ishonib, kibr-u havoga berilganligini va odamlardan o‘ziga sig‘inishini talab qilganligini, oqibatda ayanchli o‘lim topganligini aytib o‘tadi.

Alisher Navoiy No‘shiravoni Odil haqida ma’lumot berar ekan, uning sosoniylar sulolasiga mansub o‘n to‘qqizinchi hukmdor ekanligini, otasining ismi Qubod bo‘lganligini aytib, No‘shiravonning adolatiga alohida urg‘u beradi va bir qator mashhur hikoyatlarni ilova qiladi. Hikoyatlardan birida aytilishicha, No‘shiravon davrida bir kishi bog‘ sotib oladi. Bu bog‘dan xazina topib olgach, bog‘ sotgan kishining oldiga borib, oltinlarni unga bermoqchi bo‘ladi. Bog‘ni sotgan odam: “Bog‘ga qo‘shib, yerni va undagi hamma narsani senga sotganman, oltinlar senga tegishli”, deb javob beradi. Ularning bu “mojarosi” No‘shiravonning qulog‘iga ham yetib boradi va u ikki kishini chaqirib, quda bo‘lishni va xazinani barpo etilajak yangi oilaga berishni maslahat beradi. Bu hikoyatda hukmdor adolatli bo‘lsa, xalqda ham insof-u iymon bo‘ladi, degan falsafiy xulosa mavjud.

Alisher Navoiy Iskandar haqida to‘xtalar ekan, uning tarixi ixtilofli ekanligini aytadi va garchi u kayoniylar sulolasi vakili sifatida keltirilsa-da, bu borada ham turli taxminlar mavjud, deb ta’kidlaydi. Shoir Iskandar va uning tug‘ilishi, nasl-nasabi to‘g‘risida fikr yurita turib, Xusrav Dehlaviyning “Oyinayi Iskandariy” va Nizomiy Ganjaviy “Iskandarnomasi”dagi ma’lumotlarni o‘zining “Saddi Iskandariy”sida keltirgan ma’lumotlari bilan qiyoslaydi. O‘rtadagi farqlarni aytib o‘tadi. Samarqand, Hirot, Marv va Isfahonni Iskandar bunyod qilgani bilan bog‘liq ma’lumotlarni ham keltirib o‘tadi.

Navoiy nomlarini keltirgan 63 hukmdor ichida uch ayol podshoh ismi ham tilga olingan bo‘lib, ulardan biri kayoniylarning oltinchi hukmdori Humoy yoki Humondur. U kayoniylar hukmdori Bahmanning ayoli bo‘lib, shoh vafot etganda homilador edi. Bahman jon berish paytida tojini ayolining qorniga qo‘yadi va olamdan o‘tgach, arkoni davlat Humoyni podshoh qilib ko‘taradi. Humoy o‘g‘il farzand ko‘rgach, saltanatga mehri zo‘rligi yoki o‘g‘lining xavfsizligini o‘ylab, uni sandiqqa solib daryoga oqizadi va sandiqqa o‘g‘lining podshohzoda ekanini anglatuvchi yoqutlarni ham soladi. Taqdir taqozosi bilan o‘g‘li ulg‘ayib, onasini topadi. Humoy unga davlat boshqaruvini topshiradi.

Alisher Navoiy tilga olgan keyingi ikki ayol podshoh sosoniylarning 27- va 28-hukmdorlari Turonduxt va Ozarmduxtdir. Shoir ularning taxtga chiqishi va hukmdorlik davri bilan bog‘liq qiziqarli faktlarni keltiradi. Bu ikki ayol podshoh opa-singil bo‘lib, 23-podshoh Xusrav Parvizning qizlari edi.

Alisher Navoiy “Tarixi muluki Ajam” asari orqali tarix bilimdoni qiyofasida namoyon bo‘ladi. Asardagi yuzlab geografik nomlar, ko‘plab shaxslarning ismi sharifi hamda voqealarning keltirilishi muallifning kuchli xotirasidan ham darak beradi.

Asarning xotimasi masnaviy tarzida bo‘lib, 50 baytdan iborat. Unda Navoiy bevosita Shoh G‘oziy – Sulton Husayn Boyqaroga murojaat qiladi. Uning adolati va saxovatini, inson sifatidagi yuksak xulqini madh qiladi. Shohni yagona javharga qiyoslaydi va shuning uchun ham unga “Nazm ul-javohir” asarini bag‘ishlab yozganini aytadi. Va aynan Husayn Boyqaro tarixini bitish niyati borligini bildiradi:

Vale azmim emdi budurkim Xudoy

Agar bo‘lsa umrumg‘a muhlatfizoy.

Chekib turfa tarixingga xomani,

Qilib nuktag‘a tez hangomani.

Shu tariqa xotima-masnaviyning so‘nggi baytlarida Navoiy shohsiz jahonga omonlik bo‘lmasligini aytib, Husayn Boyqaroga yaxshi tilaklar bildiradi, duosini yo‘llaydi va o‘zi ham duolardan umidvor ekanini aytib, asarni yakunlaydi.

Alisher Navoiyning “Tarixi muluki Ajam” asari buyuk mutafakkirning tarixchi olim sifatidagi yana bir muhim qirrasini ochish bilan birgalikda Sharq xalqlarining tarixidan kengroq xabardor bo‘lish imkoniyatini beradi.