Yigitlarga shpargalka: Qiz bolaning sevish-sevmasligini tekshiramiz
3. Tor kiyimlar kiydirmang. Bu ayniqsa ichki kiyimlarga tegishli. Aksariyat onalar o`g`il farzandlariga tor “plavka” yoki shortik ko`rinishidagi ichki kiyim kiydirishadi. Ular jinsiy a`zoni siqib, moyaklarning yaxshi rivojlanishiga to`sqinlik qiladi. Natijada jinsiy a`zoda qon aylanishi buziladi. Onalarimiz o`g`illariga xalq orasida “oilaviy” deb nomlangan bo`ksa va moyak sohasini siqib turmaydigan keng ichki libos kiydirishlari, uning 100 foiz paxtadan tayyorlanganini va yuvilganda o`chmasligiga ahamiyat berishlari kerak. Albatta, yuvilgach unga dazmol bosishni ham yodda tutish zarur.
O‘g‘il ko‘rishni istovchilar uchun Ibn Sino tavsiyalari
O‘g‘il tug‘ilishi sababi er urug‘ining issiqligi, mo‘lligi hamda jinsiy yaqinlik xotinning hayzdan pok bo‘lish vaqtiga to‘g‘ri kelishidadir. Urug‘ning o‘ng tomondan kelishi bunga yordam beradi, chunki bu urug‘ issiqroq va quyuqroq bo‘lib, o‘ng buyrakdan kelgan bo‘ladi; o‘ng buyrak qiziganroq va jigarga yaqinroqdir. Erlik urug‘i bachadonining o‘ng tomoniga tushganida ham shunday bo‘ladi. Xotin urug‘ining xossalari va qay tomondan kelishi ham ahamiyatlidir. Sovuq mamlakatlar, sovuq fasl va shimoliy shamol bolaning o‘g‘il bo‘lishiga yordam beradi; buning ziddi esa aksincha bo‘ladi. Juda yosh ham, keksa ham bo‘lmay, ayni yigitlik yoshida qo‘shilish ham ahamiyatlidir.
O‘g‘il tug‘ilishi uchun er ham, xotin ham maxsus tayyorlanishlari kerak. O‘g‘il tug‘ish uchun xotinning urug‘i quyuq, kuchli va issiq bo‘lishi lozim, chunki shunday urug‘ erlikni tezroq qabul qiladi. Er urug‘i ham xotin urug‘idan kuchli bo‘lishi lozim. Bola o‘g‘il tug‘ilishi uchun quyidagi tadbirlarni amalga oshirish zarur: xotin ham, er ham atir, bug‘lash va oziq-ovqat vositasida o‘z organizmini qizdirishi kerak. Bir muddat jinsiy yaqinlikdan saqlanish lozim.
Ko‘p suyuqlik ichmaslik, balki choyni oz-ozdan ichib, qizdiradigan kuchli ovqatlardan iste’mol qilishlari darkor. Er o‘z urug‘ini sinab ko‘rishi, agar urug‘ suyuq bo‘lsa, quyulguncha yuqoridagi tadbirlarni davom ettirishi kerak bo‘ladi. Keyin chiroyli joy solinib, yaxshi atirlar bilan xushbo‘ylantirilgan o‘rinda xursand, vaqti chog‘ holda o‘g‘il haqida o‘ylash zarur.
O‘g‘il ko‘radigan homilador ayolning belgilari quyidagilardan iborat:
- Ayolning rangi yaxshiroq, o‘zi xursandroq, terisi tozaroq, ishtahasi sog‘lomroq, homiladorlik alomatlari tinchroq bo‘ladi.
- Ayol o‘ng tomondan og‘irlik sezsa, shu yondan homila qimirlasa, bu o‘g‘il bola ekanligidan darak beradi.
- Ayolning ko‘kragi kattalashib, undagi …
Yigitlarga shpargalka: Qiz bolaning sevish-sevmasligini tekshiramiz
Bundan bir nechta son avval biz siz bilan yigitlar sevgisini aniqlash usullari haqida suhbatlashgandik. Bugun esa qat’iyatli jins vakillariga yon bosib, ularning ko‘nglidagi malikalari sevgi dardiga mubtalomi, yo‘qmi, shuni tekshiramiz.
Ayol tabiati shunchalik beqarorki, uning qanday tuyg‘uni his etayotganligini tushunish juda qiyin. Ayniqsa, erkaklar uchun. Ko‘ngil qo‘ygan qizingiz bir kuni sizni mehr-muhabbat bilan qarshi olsa, ertasi kuni qor malikasiga aylanadi. Biroq, baribir, ularning ba’zi odatiga qarab munosabati jiddiy yoki havas ekanligini bilib olish qiyin emas. Demak, agar qiz sizni yaxshi ko‘rsa…
Sovg‘alar berib turadi
Qanchalik g‘alati tuyulmasin, qizlar faqat sovg‘a olishni emas, berishni ham yaxshi ko‘rishadi. Ayniqsa, sevgan insoniga. O‘zidan malika yasab, «Yigit kishi atrofimda sovg‘alar bilan parvona bo‘lishi kerak», deydigan qizlar hech qachon sevmagan bo‘ladi. Qiz bola sizga sovg‘a berdimi, demak, u sizni quvontirishni istayapti. Bu esa jiddiy munosabatdan darak. Xullas, sevib qolganda ayollarning xudbinligi ikkinchi o‘ringa tushib qoladi.
U sizga birinchi bo‘lib qo‘ng‘iroq qiladi yoki SMS yozadi
Qo‘ng‘iroqlar qizning sevgisi haqiqiyligini oshkor qiladigan asosiy omillardan biri. Agar qiz siz bilan muloqot o‘rnatish istagida bo‘lsa va butun bo‘sh vaqtini sizga bag‘ishlasa, demak, unga yoqasiz. Aksincha, uchrashish uchun yigit doim birinchi qadamni o‘zi tashlasa va ko‘pincha rad javobini olsa, qiz u bilan uchrashishga unchalik ham shoshilmayotgan bo‘ladi. Qizlar ham xuddi yigitlar kabi bo‘sh vaqtini juda qadrlaydi. Shunday qadrli vaqtini tez-tez siz uchun qurbon qilib turibdimi, xotirjam bo‘lishingiz mumkin, u sizni sevadi.
«Yo‘qolib qolsangiz», qattiq xavotir oladi
Biror ish bilan chalg‘ib, qo‘ng‘iroq yoki SMSlariga javob berolmay qolsangiz, bundan qattiq siqiladi. Ya’ni bu holatni sevib qolgan qiz juda og‘ir qabul qiladi. O‘zini yigitga kerak bo‘lmay qolgandek his etadi, hammasi ko‘ngilxushlik ekan-da, deb o‘ylaydi. Agar uzoq vaqt «yo‘qolib qolgan»ingizda xavotir olib, yana SMS yoza boshlasa yoki qo‘ng‘iroq qilsa, so‘zlar o‘pka va ginalardan iborat bo‘lsa, xotirjam bo‘lavering. Bu yaxshi alomat. Vaqt-soati etganda bu reaksiya o‘tib ketadi.
His-tuyg‘ularini ayamaydi
U sizdan xavotir oladi va g‘amxo‘rlik qiladi. Kuningiz qanday o‘tgani u uchun juda muhim, barcha muammolaringizni u bilan bo‘lishishingizni istaydi. Agar qiz siz bilan faqat kayfiyatingiz yaxshi bo‘lgandagina uchrashishni istasa, siqilishlaringizga parvo qilmasa, demak, munosabatlaringizni jiddiy qabul qilmayapti. Chunki g‘amxo‘rlik va mehribonchilik — sevgida juda muhim omil sanaladi.
U sizdan ilhomlanadi
Qiz bola sevib qolganini qanday bilish mumkin? Juda oddiy. Har bir uchrashuvingizdan keyin uning kayfiyati ko‘tariladi, sizdan minnatdor bo‘ladi, vaqtini juda yaxshi o‘tkazganini ta’kidlaydi. Agar uchrashuvdan so‘ng qizning kayfiyati ko‘tarilib, energiyasi oshib ketsa, bu juda yaxshi alomat. Demak, siz uni hissiy quvvatlantiryapsiz. Bu tuyg‘uni his etmaslik mumkin emas, u munosabatlarni rivojlantiradi.
U hech qachon boshqa yigitlarga noz-karashma qilmaydi
Qizlar ruhida muhabbat atalmish tuyg‘u bosh ko‘tardimi, ularda avtomatik ravishda sadoqat ham paydo bo‘ladi. Boshqa yigitlarga qaramaydi, noz-karashma qilmaydi, shunchaki u uchun boshqa yigitlar mavjud bo‘lmay qoladi. Agar bir vaqtlar yoqtirgani bo‘lsa ham uni mutlaqo esidan chiqaradi. U barcha mehr va e’tiborni faqat sizdan ko‘rishni istaydi. Faqat va faqat sizning yoningizda bo‘lishi kerak. Aralash davrada o‘tirganda, sevgan qizingizni kuzatib ko‘ring, agar u boshqa yigitlarga gap tagida gap qo‘yib gapirsa yoki moyillik bildirsa, bu munosabatdan yaxshilik kutib bo‘lmaydi. Agar u sizdan ko‘z uzmay, doim yoningizda qolishni istasa, boshqalarga e’tibor bermasa, demak, sevadi.
U sizni yo‘qotib qo‘yishdan qo‘rqadi
Janjalli vaziyatlar bo‘lganida u hech qachon «Bo‘ldi, orani ochiq qilamiz!» demaydi. Turli sabablar topib bo‘lsa ham vaziyatni yumshatishga urinadi. Nima bo‘lganda ham munosabatlarni saqlab qolish lozim. Agar qiz doim o‘zini haq deb hisoblasa va sizning gapingizni bir tiyinga olmasa, bu uning xudbinligi hamda o‘zini yaxshi ko‘rishi alomati. Ertaga ajrashib ketsangiz ham unga, baribir. Biroq agar qiz vaziyat qaltislashganda, o‘z aybini darhol tan olib, ziddiyatni bartaraf etishga urinsa, unda sizni sevib qolgan.
«Men», «siz» deb emas, «biz» deb gapiradi
Agar qiz sizni yaxshi ko‘rsa, uning uchun «meniki» yoki «seniki» degan tushunchalar yo‘qolib, ularning hammasini umumiydek qabul qiladi. Hamkoringizga aylanib, kuchi etguncha yordam beradi. Hatto hech nima qila olmagan taqdirda ham siz uning ma’naviy qo‘llab-quvvatlashini his etib turasiz. Muammoli vaziyatlarda doim yoningizda bo‘ladi va hech qaerga ketib qolmaydi. Bu, ishonavering, qiz bola uchun katta qurbonlik.
U sizni rashk qiladi
Qizlar qalbida sevgi tug‘ilganda, u bilan birga, albatta, rashk ham tug‘iladi. Agar ish hali iqrorgacha borib etmagan bo‘lsa, qiz bola ko‘pincha rashkini yashirishga harakat qiladi. Biroq bu kuchli tuyg‘uni batamom yashirishning iloji yo‘q. Siz, baribir, sezib turasiz. Bir-ikkita qizga yaxshi gapirib, sevgilingizning reaksiyasini kuzating, o‘zini qancha qo‘lga olishga harakat qilsa ham kayfiyati tushib ketsa, demak, sizga befarq emas. Umuman rashk qilmasa, demak, munosabatingiz hali do‘stona.
Barcha kamchiliklaringizga ko‘z yumadi
Agar qiz bola sizni sevsa, doimiy kech qolish, ishingiz chiqib qolishi yoki ba’zi zararli odatlaringizni kechiradi. U sizni boringizcha qabul qiladi: yaxshi va yomon jihatlaringiz bilan birga. Sizni hadeb egovlayvermaydi, unga yoqmagan jihatlaringizni xotirjamlik bilan o‘zingizga tushuntiradi. Bu shunchalik muloyimlik bilan amalga oshiriladiki, ko‘nglingizga zarracha og‘ir botmaydi. Chunki u sira xafa bo‘lishingizni istamaydi.
U sizga yolg‘on gapira olmaydi
Agar uning kayfiyati buzilsa, buni sizga bildiradi. Unday emasligini isbotlash uchun yolg‘on to‘qiyvermaydi. Sobiq yigiti bezovta qilsa ham darhol sizga aytadi. Chunki u sizga hatto eng mayda detallar borasida ham yolg‘on gapirishni istamaydi. Sevgi bor joyda yolg‘onga o‘rin yo‘q. Agar siz tez-tez uni yolg‘on ustida tutib olsangiz, demak, munosabatlaringizni jiddiy deb hisoblamaydi. U uchun shunchaki vaqtinchalik ko‘ngilxushlik, xolos.
Sizga juda ishonadi
Bu juda muhim jihat, chunki ishonch bo‘lmasa, boshqa hech narsa bo‘lmaydi. Sizni chinakam sevadigan qiz telefoningizni tekshirmaydi, ish yoki o‘qishda ushlanib qoldim, desangiz, ortingizdan poyloqchilik qilmaydi. Ijtimoiy tarmoqdagi sahifalaringizni titib yurmaydi, yozishmalaringizni o‘qimaydi. Chunki u sizga ishonadi va tushunadi. Sizni tanlab, sevishga ulgurdimi, demak, shubhalanishga asos yo‘q deb o‘ylaydi. O‘z navbatida o‘zi ham barcha hissiyotlarini siz bilan o‘rtoqlashadi, hech nimani yashirmaydi. Siz uchun eng yaqin insonga aylanadi.
Yuqoridagi xulosalarni o‘qib, ko‘ngil qo‘ygan qizingiz sizni sevish-sevmasligini bemalol bilib olishingiz mumkin. Munosabatlaringizda omad tilaymiz.
Ozoda HALIMOVA tayyorladi
O`g`il bola salomatligiga doir 5 muhim qoida
Urolog shifokorlarning fikricha, erkakni butun umri davomida qiynaydigan jinsiy muammolar bolaligidan boshlanadi. Afsus, ularning aksariyati farzand salomatligiga beparvolik tufayli ro`y beradi. Muxlislarimiz o`g`il farzand parvarishida bu kabi xatolarga yo`l qo`ymasliklari uchun bu haqda tegishli tavsiyalarni beramiz. Mavzu yuzasidan shifokor-urolog Ulug`bek ERGAShEV ma`lumot beradi.
1. Jinsiy a`zolarni isib ketishdan asrang. Hozirgi kunda bu eng katta muammo. Negaki, farzandlarimiz tug`ilganidan to 2 yoshga to`lguniga qadar kunu tun pampersda yurishadi. Onalar uchun qanchalik qulay bo`lmasin, sho` vaqtida almashtirilmagan taglik jinsiy a`zolarning qizishiga sabab bo`lishi mumkin. Bu esa bolaning moyaklari uchun xavfli. Xuddi shu holat onalarning bolaga haddan ziyod issiq kiyimlar kiydirishi oqibatida ro`y beradi. Kunduzi bolaga pampers kiydirish shart emas. Uni chilla davrida to`sishga o`rgatsangiz, bas, pampers taqishga ehtiyoj qolmaydi. Shu yo`l bilan farzandingizni ikki noxush dard – balanopostit (moyaklarning yallig`lanishi) va enurez (siyg`oqlik)dan saqlagan bo`lasiz.
2. Gigienaga rioya qiling. Albatta, har bir ona chaqaloqning parvarishlashning umumiy qoidalarini biladi. Ammo o`g`il bolaning jinsiy a`zolari parvarishi haqida hamma ham xabardor emas. O`g`il bolaning jinsiy a`zosi usti teri bilan berkitilgan bo`ladi. Agar ona bolaning a`zosini bir kunda 3-4 martagacha iliq suvda sovunlab yuvmasa, jinsiy a`zo uchini yopib turuvchi teri ostida zararli bakteriyalar yig`ilib, u erda kuchli yallig`lanish ro`y beradi. Bu esa bir qator siydik yo`llari kasalilklariga turtki bo`ladi hamda kelajakda o`g`ilchangizning nasl qoldirish qobiliyatiga ta`sir qiladi. Bunday bo`lmasligi uchun bolani har uch soatda ostini issiq suvda yaxshilab yuvish va sochiqchada artgach, ochiq havoda ishtonsiz biroz qoldirish foydali.
3. Tor kiyimlar kiydirmang. Bu ayniqsa ichki kiyimlarga tegishli. Aksariyat onalar o`g`il farzandlariga tor “plavka” yoki shortik ko`rinishidagi ichki kiyim kiydirishadi. Ular jinsiy a`zoni siqib, moyaklarning yaxshi rivojlanishiga to`sqinlik qiladi. Natijada jinsiy a`zoda qon aylanishi buziladi. Onalarimiz o`g`illariga xalq orasida “oilaviy” deb nomlangan bo`ksa va moyak sohasini siqib turmaydigan keng ichki libos kiydirishlari, uning 100 foiz paxtadan tayyorlanganini va yuvilganda o`chmasligiga ahamiyat berishlari kerak. Albatta, yuvilgach unga dazmol bosishni ham yodda tutish zarur.
4. Shikastlanishdan asrang. Maktab yoshidagi bolalar “urush-urush” o`ynash paytida bir-birlariga shikast etkazishlari tabiiy. Ko`p hollarda bola o`yin bilan bo`lib, aynan qaysi joyiga zarb etganini eslamaydi ham. Lekin qorin ostiga tushgan kuchli zarb keyinchalik urug` tushishining qiyinlashuvi, jinsiy zaiflikka olib kelishi hech gapmas. Ko`p hollarda bu shikastlar siydik pufagi sohasida bo`ladi. Og`rik quchidan bola hushidan ketishi ham mumkin. Bolaga tengdoshlari bilan o`ynaganda qorin ostiga urmaslikni va o`zini ham bunday harblardan himoyalash kerakligini uqtiring. Bordi-yu, bunday holat ro`y bergan bo`lsa, bola og`riqdan shikoyat qilsa, zudlik bilan shifokor-urolog yoki andrologga murojaat qilish zarur.
5. Yuqumli kasalliklardan ehtiyot qiling. O`g`il bola uchun ayniqsa yoshlikda ko`p uchraydigan parotit (tepki) kasalligi xavfli sanaladi. Agar farzandingizda bu kasallik kuzatilsa, terapevt bilan bir qatorda uni urolog ko`rigidan ham o`tkazing. Chunki tepki bolaning tuxumlarini zararlab, uni nobud qilish xususiyatiga ega. Har kuni bemor bolaning jinsiy a`zolarini tekshiring, moyaklari qizargan yoki shishganligiga alohida ahamiyat bering. Bunday holatda shifokor buyurgan mikrobga qarshi dori vositalar yordamida kasallikni davolash mumkin.
Bola voyaga etayotgan paytda uni yana bir noxush kasallik kutib turishi mumkin. Gap o`g`il bolalarda uchraydigan varikosele kasalligi haqida ketmoqda. U jinsiy a`zodagi pastga tortuvchi og`riq, moyakning kattalashuvi bilan ifodalanadi. Bu kasallikni zudlik bilan jarrohlik usuli qo`llab davolash talab etiladi. Agar muolaja vaqtida bajarilmasa, kasallik bolaning buyragiga, voyaga etganida esa erlik quvvatiga jiddiy ta`sir qilishi mumkin. Shunday ekan, kasallikni oldini olish muhim sanaladi. Kasallikning oldini olish uchun bolada ich qotishiga yo`l qo`ymaslik, og`irliklar ko`tarishdan saqlash, siydik yo`llari kasaliklaridan asrash zarur.
Ushbu beshlikka rioya qilinsa, o`g`il bola salomatligidagi ko`pgina noxushliklardan saqlanish mumkin. Asosiysi, farzandingiz salomatligiga doir har qanday o`zgarishlarga beparvo bo`lmang. O`z vaqtida payqalgan har qanday kasallikning oldini olish mumkin.
Barno HOJIMIRZAEVA yozib oldi.