Ona tili 8 sinf 92 mashq javobi

41 916.1 млрд. сўм

“Buzoqni yugurgani somonxonagacha”: Samarqandda 8-sinf o’quvchisi “Lacetti”ni olib qochayotganda botqoqqa botib qolib, ushlandi

Joriy yil 19-fevral kuni Samarqand viloyati Urgut tumanida yashovchi fuqaro tuman IIBga ariza bilan murojaat qildi. Unda aytilishicha, fuqaro 18-fevral kuni soat tahminan 21:00 larda “Urgut City” turarjoy majmuasida joylashgan uyi oldiga o’zining “Lacetti” rusumli mashinasini qo’yib, xonadoniga kirib ketgan.

Ertasi kuni soat 08:00 larda uyidan chiqib qaraganda mashina joyida yo’q bo’lgan. Shundan so’ng u IIBga murojaat qilib yo’qolgan mashinasini topishda yordam berishlari va bu ishni qilgan insonga qonuniy chora ko’rilishini so’ragan.

Holat bo’yicha YHXB va Tergov bo’limi hodimlari tekshiruv o’tkazishgan. Natijada hodisa joyidan avtomobilning eshik ochqichi singan holda, 1 metrlik yelimli truba va energetik ichimlik ashyoviy dalil sifatida topilgan.

Mazkur holat yuzasidan Urgut tumani IIB tomonidan noma’lum shaxslarga nisbatan O’zbekiston Respublikasi Jinoyat kodeksining 267-moddasi 1-qismi bilan jinoyat ishi qo’zg’atilgan. Ma’lumot uchun, ushbu modda Transport vositasini olib qochish bilan bog’liq holatlar uchun belgilangan bo’lib, uning 1-qismida takroran yoki xavfli retsidivist tomonidan bajarilsa, 5 yildan 10 yilgacha ozodlikdan mahrum qilish jazosi tayinlangan.

Olib borilgan surishtiruv ishlari davomida ushbu ishni voyaga yetmagan A.G qilgani aniqlangan. U eshikni yuqorida topilgan yelimli truba bilan ochgan. So’ng mashinani kaliti o’zida turganidan foydalanib uni Urgut tumani Chorshinor mahallasiga olib qochib ketgan.

“Buzoqni yugurgani somonxonagacha” deyishganidek, bolakay qishloqdagi loyga botib qolgan. Ming harakat bilan uni olib chiqmoqchi bo’layotgan paytida xodimlar tomonidan ushlangan.

“Urgut tumanidagi 86-maktabning 8-singida o’qiyman. Kecha soat 2 larda uydagilardan so’ramay ko’chaga chiqdim. Urgut Cityga borsam bir mashina ko’zimga tushib qoldi. Qarasam, shlang turibdi, keyin o’sha bilan moshinani ochib, minib, qochib ketdim. Lekin botqoqlikka borganimda botib qoldim. Mashinani egasiga topshirmoqchi bo’lganimda IIB xodimlari kelib meni olib ketishdi. Bu ishimdan afsusdaman”,-deydi “qahramon” yigit.