Ona tili maqollar
Яхши хотин — бетидан семирар,
Ёмон хотин — кетидан.
Оила ва қўшничилик ҳақида мақоллар
Беш бола устига борсанг бор,
Кундош устига борма.
Бир келин олдим, ўтирдим,
Икки келин олдим, тик турдим,
Уч келин олдим, югурдим.
Бир қизга етти қўшни — ота-она.
Бир қинга икки пичоқ сиғмас,
Бир уйга — икки хотин.
Биянинг югуриги яхши,
Хотиннинг — эпчили.
Бой амр этмаса,
Бовча хамир этмас.
Бола суйсанг — бешикда,
Хотин суйсанг — тўшакда.
Болага тегма, балоси чиқар,
Хотинга тегма, қасоси чиқар.
Болали уй — бозор,
Боласиз уй — мозор.
Болали уй — жаннат,
Боласиз уй — миннат.
Болали уй — хандон,
Боласиз уй — зиндон.
Болали уйда гап ётмас.
Болали уйда жанжал бўлса ҳам,
Ғурбат бўлмас.
Болали уйда сир ётмас.
Болали уйда ўғрилик йўқ.
Болали уйда ғийбат йўқ.
Болали уйда ғурбат йўқ.
Бош икков бўлмай,
Мол икков бўлмас.
Бошим икки — молим икки.
Бўз яктак қичитар,
Яхши хотин тинчитар.
Бўлдирадиган ҳам хотин,
Ўлдирадиган ҳам хотин.
Бўри ҳамсоясига ола қарамас.
Гилам сотсанг, қўшнингга сот,
Бир четида ўзинг ўтирасан.
Дўстинг ҳам — эринг,
Душманинг ҳам — эринг.
Эр — қуёш йўлдоши,
Хотин — умр йўлдоши.
Эринг қумчалиш бўлсин,
Хотининг — ғарчалиш.
Ёмон хотин олганнинг ёви уйида,
Икки хотин олганнинг дови уйида.
Ёмон хотин эрига дўзах қилар.
Ёмон хотин ўлса, кенг тўшак қолар,
Яхши хотин ўлса, меҳнат-ғам қолар.
Ёмон хотин ҳайитда эридан чиқар.
Ёмон хотиннинг ўйнаши кўп.
Ёмон қўшни ёвдан ёмон.
Ён қўшни — жон қўшни.
Ёғмас булут элни алдар,
Ёмон хотин — эрни.
Жон куйдирмасанг, жонона қайда,
Хотин олмасанг, қайнона қайда.
Икки сигир олганнинг айрони бор,
Икки хотин олганнинг вайрони бор.
Икки хотин олибсан,
Бир балога қолибсан.
Икки хотинликнинг қулоғи тинмас,
Эшак минганнинг — оёғи.
Иноқ оилада бешик бўшамас.
Итнинг ёви — девона,
Келиннинг ёви — қайнона.
Итнинг ёмони тўшакдагидан умид қилар.
Йигитнинг кўнгли қолса — ўлгунча,
Хотиннинг кўнгли қолса — туққунча.
Катта — келин уйда,
Кичик келин — тўйда.
Келин билан қайнона — ўт билан сув.
Келин бўйини яширар,
Товушини товдан оширар.
Келин бўлдим — қайнонамга ёқмадим,
Қайнона бўлдим — келинимга ёқмадим.
Келин ёмон эмас,
Келин келган ер ёмон.
Келин келағон бўлди,
Овул кезағон бўлди.
Келин келса узоқдан,
Арба-арба ош келар.
Келин келса яқиндан,
Арба-арба сўз келар.
Келин кимхоб кияр,
Қайнона қарғаб куяр.
Келин кирган уйга нур кирар.
Келин — қайнона супургиси.
Келиним бор деб керилма,
Иш буюрса, эринма.
Келиним элакли бўлди,
Элаги — тилакли бўлди.
Келинимнинг йиғлагани —
Эшагимнинг ҳанграгани.
Келининг битта бўлса, ўтириб ейсан,
Иккита бўлса, туриб ейсан,
Учта бўлса, юриб ейсан,
Тўртта бўлса, йўрғалаб ейсан.
Келининг яхши бўлса, берди худо,
Келининг ёмон бўлса, урди худо.
Келининг қаерлик бўлса,
Меҳмонинг шу ерлик.
Келиннинг тили йўқ
Қайнонанинг — имони.
Кумуш хотин кунда — касал,
Олтин хотин ойда — касал.
Кунда уруш бўлсин десанг, кундош қил.
Кундош бошингда — тош,
кўзингда — ёш.
Кундош хотин кунда оғриқ.
Кундошинг бўлса-бўлсин,
Кундошбаччанг бўлмасин.
Кундошли уйда кунда уруш.
Кундошли уйда тўзим йўқ.
Кундошлик — кўнгил ғашлик.
Кундошликка кун туғмас,
Туғса ҳам, бутун туғмас.
Кундошнинг кули ҳам кундош.
Кундошнинг кули ҳам уришар.
Кундошнинг оти қурсин,
Саксовулнинг ўти қурсин.
Кўча севгиси уйни барбод этар.
Овул айлоғи балан,
Бўта тайлоғи билан.
Овулга айтсанг, ошар,
Қўшнига айтсанг, қўшар.
Овулдошимнинг оти ўзгунча,
Ҳамсоямнинг тойи ўзсин.
Оила тинч — юрт тинч.
Оила — қўш устунли айвон.
Олис йўл отни синар,
Оғир кун — хотинни.
Оловга тегсанг, ўчар,
Қўшнингга тегсанг, кўчар.
Оналик уйнинг ори бор,
Оталик уйнинг — зари.
Онанг ўлди — отанг ўлди.
Оппоқ бўлган оқ уйим,
Ош-нони йўқ қоқ уйим.
Ора турдинг — бера турдинг.
Ота — ақл, она — идрок.
Ота — билак, она — юрак.
Ош ўрнига — айрон,
Кундошли уй — вайрон.
Ошсиз уй бор-у жанжалсиз уй йўқ.
Оя куйди, моя куйди,
Ўртада ҳамсоя куйди.
Оқбошдан ўтин бўлмас,
Ўйнашдан — хотин.
Рўзғор зийнати — ўтин,
Уй зийнати — хотин.
Рўзғор тушди бошга,
Қўл тегмади ошга.
Рўзғор ўлчов билан,
Бойлик тежов билан.
Рўзғор, ўттиз икки оғзи бор.
Рўзғори каттанинг ташвиши ҳам катта.
Рўзғорнинг нимаси йўқ — бўздан халтаси.
Сариштали уй — фариштали уй.
Туздаги билан эмас, уйдаги билан бўл.
Уйга жиҳоз ярашар,
Хотинга — ҳбос.
Уйинг тор бўлса,
Дунёнинг кенглиги билинмас.
Уйланган — ўғил-қизига қувонган.
Уйни уй қилган эрнинг топиши-ю
Хотиннинг — кўрпа иши.
Улуғ уйга не керак,
Кичик уйга шу керак.
Умр савдоси — қийин савдо.
Хотин — бўйин, эр — бош.
Хотин олсанг, ўтин ол,
Бир қучоғин ортиқ ол.
Хотин — уй безакчиси,
Эр — уй кўмакчиси.
Хотин — уйнинг зийнати,
Эр — меҳнати.
Хотин — уйнинг чироғи.
Хотин — умр йўлдоши.
Хотин эр орқасидан — хотин,
Хоним хон орқасидан — хоним.
Хотин — эрга ойина.
Хотин — эрнинг вазири.
Хотин яхши — эр яхши.
Хотининг яхши бўлса, ёқанг оқарар,
Хотининг ёмон бўлса, соқолинг оқарар.
Хотининг яхши бўлса, тўйга бормоқ не ҳожат,
Хотининг ёмон бўлса, азага бормоқ не ҳожат.
Хотинли рўзғор гулдир,
Хотинсиз рўзғор чўлдир.
Хотиннинг ёмони — умрнинг эгови.
Хотиннинг ёмони эр қаритар.
Хотиннинг ёмони — эрнинг заволи,
Хотиннинг яхшиси — эрнинг камоли.
Хотиннинг зўри — эрнинг шўри.
Хотиннинг отини етим чиқарар,
Етимнинг отини — хотин.
Хотиннинг чиройи — эрдан.
Хотиннинг яхши-ёмони меҳмон келганда билинар.
Хотиннинг қақилдоғи — тегирмоннинг шақилдоғи.
Хотинсиз уйни кўр — қаро ерни кўр.
Чала довруққа чол йиқилар,
Хотинни сўксанг, обрў тўкилар.
Чолимнинг топганини яйраб ейман.
Ўғлимнинг топганини инграб ейман.
Эговни эгов дема, ёмон хотинни де.
Эр — авра, хотин — астар.
Эр вазири — хотин,
Рўзғор оғири — ўтин.
Эр — даладан, хотин — уйдан.
Эр-хотин уришар,
Эси кетган бўлишар.
Эр-хотин уришар,
Ўртага аҳмоқ тушар.
Эр-хотин — қўш ҳўкиз.
Эр-хотин — қўшқанот.
Эр-хотиннинг уриши — дока рўмолнинг қуриши.
Эр-хотиннинг уриши — ёз кунининг ёғиши.
Эр қаерда бўлса, хотин ҳам шу ерда.
Эрдан — садоқат, хотиндан — итоат.
Эрдан — хато, хотиндан — узр,
Хотиндан — хато, эрдан — жазо.
Эринг суйди — элинг суйди.
Эрингга ёқдинг — элингга ёқдинг.
Эрни эр қиладиган ҳам хотин,
Қаро ер қиладиган ҳам хотин.
Эрники — ташдан, хотинники — ичдан.
Эрнинг ёши икки ўттиз,
Биттасини урдик биз.
Эрнинг отини хотин чиқарар,
Хотиннинг отини ўтин чиқарар.
Эрнинг топганига хотинники қўр бўлар.
Эр-у хотин урушар,
Ўртага нодон тушар.
Эшик кўрган юрт бузар,
Бешик кўрган юрт тузар.
Эшик кўрганни эмас,
Бешик кўрганни ол.
Югурук отга ёл битмас,
Тоқ йигитга мол битмас.
Янгамнинг шўрвасини ширин қилган
Акамнинг масаллиғи.
Яхши бўлсанг, номинг чиқар,
Ёмон бўлсанг — хотининг.
Яхши келин — келин,
Ёмон келин — ўлим.
Яхши кўрсанг боласин,
Иззат қилгин онасин.
Яхши отга қамчи урсанг,
Чопар авайлаб.
Ёмон хотин ишин қилар
Ҳамиша пойлаб.
Яхши рўзғор — жаннат,
Ёмон рўзғор — дўзах.
Яхши тўн — тўй савлати,
Яхши хотин — уй зийнати.
Яхши хотин арпа унни кабоб қилар,
Ёмон хотин буғдой унни хароб қилар.
Яхши хотин белгиси —
Бухори қилар терини,
Мулло қилар эрини.
Ёмон хотин белгиси —
Шалдироқ қилар терини,
Бақироқ қилар эрини.
Яхши хотин белгиси — хиром қилар терини,
Ёмон хотин белгиси — ерга букар эрини.
Яхши хотин — бетидан семирар,
Ёмон хотин — кетидан.
Яхши хотин жун қарз олар,
Ёмон хотин ун қарз олар.
Яхши хотин ишлик бўлар,
Ёмон хотин — тишлик.
Яхши хотин йигит номин кўтарар,
Ёмон хотин йигит номин йўқотар.
Яхши хотин йўқ нарсангни бор этар,
Ёмон хотин кенг уйингни тор этар.
Яхши хотин йўқни йўмзаб тўйдирар,
Ёмон хотин ёлғиз отни сўйдирар.
Яхши хотин келмасдан бурун кулдирар,
Ёмон хотин ўҳнасдан бурун ўлдирар.
Яхши хотин кўпга қўшар,
Ёмон хотин кўпдан чиқарар.
Яхши хотин олиб берсанг йигитга,
Минг куни бир кун бўлиб ўтар.
Ёмон хотин олиб берсанг йигитга,
Бир куни минг кун бўлиб ўтар.
Яхши хотин — уй бўстони,
Ёмон хотин — зимистони.
Яхши хотин — уй зийнати,
Ёмон хотин — тўй зийнати.
Яхши хотин — уйнинг гули.
Яхши хотин — умр боли,
Ёмон хотин — жон заволи.
Яхши хотин — хазина.
Яхши хотин эрини элга бош қилур,
Ёмон хотин эрини гадо қилур.
Яхши хотин эрини яшартирар,
Ёмон хотин эрини тез қаритар.
Яхши хотин эрта туриб чарх йигирар,
Ёмон хотин эрта туриб ўчоқ кавлар.
Яхши хотин юзида ой кўринар,
Ёмон хотин қовоғидан қор ёғилар.
Яхши хотин — ярим ризқ.
Яхши хотин — ҳамиша баҳор.
Яхши қўшни — ота-она,
Ёмон қўшни — бошга бало.
Яхши қўшни узоқ қариндошдан яхши.
Яхши қўшнига ялингунча,
Ёмон уйингни ахтар.
Яхши ҳамсоя гулдир,
Ёмон ҳамсоя чўлдир.
Яхши ҳамсоя орасидан
Қисир эчкининг қили ўтмас.
Яхшининг кетидан қолма,
Ёмоннинг қизини олма.
Ўз уйим — ўлан-тўшагим.
Ўз уйимнинг хушлиги —
Оёқ-қўлимнинг бўшлиги.
Ўзим ҳисобласам, қулунли бия,
Отам билан ҳисобласам, бўтали бия.
Ўзинг суйганни олгунча,
Ўзингни суйганни ол.
Ўзинг ўйда бўлсанг ҳам, ўйинг уйингда бўлсин.
Ўнта ўғлим бўлгунча, битта чолим бўлсин.
Ўнқир эди, чўнқир эди — уйим эди,
Айиқ эди, сайиқ эди — эрим эди.
Ўргимчак ҳам ўз уйим дейди.
Ўроқ тутиб отанг қолгунча,
Ўймоқ тутиб энанг қолсин.
Ўрта йўлда отинг ўлмасин,
Ўрта ёшда — хотининг.
Ўтиннинг яхшиси — янтоқ,
Хотиннинг яхшиси — қалмоқ.
Ўтинсиз қозон қайнамас,
Хотинсиз уй яйрамас.
Ўғлимнинг илик ошидан
Эримнинг урган тоши яхши.
Ўғлинг аҳмоқ бўлса ҳам,
Келининг доно бўлсин.
Ўғлинг боқсин, келининг соғсин.
Ўғлинг ёмон бўлса, келинингдан кўр,
Қизинг ёмон бўлса, куёвингдан кўр.
Қайнона қайнайди,
Келин айнайди.
Қайнона қўлидан ёғлик чўзма егандан
Она қўлидан қулоқ чўзма еган яхши.
Қайнонага тош отсанг, тош оласан,
Қайнонага ош берсанг, ош оласан.
Қайнонам — қайнонам,
Қайин эгачимдан қўрқаман.
Қайнота ҳам — ота, қайнона ҳам — она.
Қалмоқ олган қаримас,
Арғумоқ минган ҳоримас.
Қиёмат куни — қўшнидан.
Қиз олмаган йигит қиздан сулув.
Қизгинамнинг боласи —
Қандак ўрик донаси.
Ўғилгинамнинг боласи —
Ҳай-ҳай унинг онаси.
Қизига жони ачиган келинини сақлар.
Қизим сенга айтаман,
Келиним сен эшит.
Қизимнинг қайнонаси ёмон,
Ўзимнинг келиним ёмон.
Қизинг бўй етса, қизи яхши билан қўшни бўл,
Ўғлинг эр етса, ўғли яхши билан қўшни бўл.
Қозон олсанг, қоқиб ол,
Хотин олсанг, боқиб ол.
Қозонда жиз-биз,
Кўрпада сиз-биз.
Қора тутни қоқманг,
Неварани боқманг.
Қоронғида қичқирсанг,
Ҳамсоянг товуш берар.
Қудали хотин қуйруқ ер,
Эрли хотин — калтак.
Қудангдан қарз сўрама.
Қудангдан қўй сўрама,
Қўшнингдан уй сўрама.
Қурбақанинг тириклиги кои билан,
Хотиннинг тириклиги эл билан.
Қўшни девор тагини кавласанг,
Ўзингга дарча очилар.
Қўшни келди — кўмак келди,
Эт келди — суяк келди.
Қўшни оши — қўшнига қарз.
Қўшни қўшнидан эрта туришни ўрганар.
Қўшни — қўшнининг бозори.
Қўшнига қарама, ўнгишига қара.
Қўшнига қасд этма, баст эт.
Қўшнига қўшнининг товуғи кўркли кўринар.
Қўшнида пишар,
Бизга ҳам тушар.
Қўшнимнинг билгани — ҳамманинг билгани.
Қўшнинг ёмон бўлса, ёмонлик келар,
Қўшнинг яхши бўлса — омонлик.
Қўшнинг кўр бўлса, кўзингни қис.
Қўшнинг яхши бўлса, кўр қизинг ҳам эрга тегар.
Қўшнингга ёмонлик соғинма.
Қўшнингни янима, киноя сўз доғ этар,
Қурбинг етса кўмаклаш, эшигингни боғ этар.
Қўшнининг миннатли ошидан
Чумчуқнинг сояси афзал.
Қўшнининг оши — тотли.
Қўшнининг оши — ғавғонинг боши.
Қўшнининг товуғи ғоз кўринар,
Келинчаги — қиз.
Қўшниси яхши қаримас.
Ғоз аччиғи — қарғага,
Қиз аччиғи — янгага.
Ҳар ким ўз уйида подшо.
STATUSLAR / Aforizmlar / Афоризмы / Цитаты Великих
Va’daga vafo — mardning ishi,
Va’dasiz — subutsiz kishi.
Gap kelganda otangni ayama.
Yov makrini yolg’on yashirar.
Yolg’on aytgan kishining
Xatari bor ishining.
Yolg’on aytib foyda ko’rsang,
Oxiri zarar toparsan.
Rost aytib zarar ko’rsang,
Oxiri foyda toparsan.
Yolg’on — boshga tayoq,
Oshga — suyak.
Yolg’on gap yoqadan chiqar.
Yolg’on gapirib yashagandan
Rost gapirib o’lgan yaxshi.
Yolg’on gapning chuvi chiqar.
Yolg’on yetmish yil yerda yotsa ham,
Yolini chiqar.
Yolg’on yo farzandga urar,
Yo — davlatga.
Yolg’on yondirar,
Haqiqat qondirar.
Yolg’on rostdan yengilar,
To’g’ri elda tanilar.
Yolg’on uzoqqa ketsa ham,
Haqiqat quvib yetar.
Yolg’on uyaltirar,
Rost suyuntirar.
Yolg’on-yashiq gapirma,
So’ng uyalib o’tirma.
Yolg’onga yo yalqov inonar,
Yo — anqov.
Yolg’onning butunidan
Rostning sinig’i afzal.
Yolg’onning umri — qisqa.
Yolg’onchi gavharni xor qilar.
Yolg’onchi yolchimas,
O’g’ri boyimas.
Yolg’onchi yorilib o’lar.
Yolg’onchi kishi emas,
Yolg’on aytmoq eranlar ishi emas.
Yolg’onchi lop etar,
Yalamachi qon etar.
Yolg’onchi to’rga bir o’tar,
Ikkinchi o’tmas.
Yolg’onchi chin deyaolmas,
Chin desa ham, el inonmas.
Yolg’onchi yalab aytar,
Yalamachi — yasab.
Yolg’onchi o’likni guvoh tortar.
Yolg’onchi — qallop, o’g’ri — allop.
Yolg’onchi horimas,
O’g’ri qarimas.
Yolg’onchiga ishonch yo’q.
Yolg’onchiga tong otmas.
Yolg’onchiga qo’shilma,
To’g’ri so’zing yashirma.
Yolg’onchida or bo’lmas,
To’g’ri so’zli xor bo’lmas.
Yolg’onchidan shon qolmas,
Nomidan nishon qolmas.
Yolg’onchining guvohi yonida yurar.
Yolg’onchining guvohi — qasam.
Yolg’onchining yonidan o’tma,
Rostgo’yning yonidan ketma.
Yolg’onchining rost so’zi ham yolg’on.
Yolg’onchining till — kalta.
Yolg’onchining shahrida shoh bo’lguncha,
Rostgo’yning chorbog’ida giyoh bo’l.
Ikki yolg’on — bir qasam.
Ikki chin so’z — bir yolg’onning yelimi,
Ikki yolg’on — bir yigitning o’limi.
Ikki qasam — bir o’lim.
Yirtiq uyni yel topar,
Yolg’on so’zni chin topar.
Ko’rgan yo’q bo’lsa, eshitgan — guvoh.
Ko’rganni eshitgan yengar.
Maddohning va’ziga ishonma,
Folbinning — so’ziga.
Romchining romidan
O’zingning xomxayoling yaxshi.
Rost aytdim — dars aytdim.
Rost gap aytgan yengilmas.
Rost gapga zavol yo’q.
Rost gapirgan to’g’ri,
Yolg’onchi — o’g’ri.
Rost so’z haqqa qaror topar.
Rost so’zni ayt,
Yolg’on so’zdan qayt.
Rostgo’ylik — baxt,
Yolg’onchi — badbaxt.
Rostlik — do’stlik,
Yolg’onchilik — ko’igulik.
Rostlik — muhabbat elchisi.
Rostni aytgan shon yutar,
Yolg’on aytgan qon yutar.
Savdogarda imon yo’q, orni sotar,
Yolg’onchida imon yo’q, jonni sotar.
Savdogarning yomon moli yo’q.
Suvni chim to’xtatar,
Yolg’onni — chin.
So’ziga qarasang, to’q,
Ko’ziga qarasang, och.
So’zning boshi qattiq bo’lsa,
Oxiri totlik bo’lar.
Til bilan tugilgan tugun
Tish bilan yechilmas.
Til yomoni — bo’yinga sirtmoq.
Til kichik bo’lsa ham dunyoni buzar.
Til tugsa, tish yecholmas.
Tildan chiqqani — dildan chiqqani.
Tuyaning buvrasi yaxshi,
So’zning tuvrasi yaxshi.
Tuhmat tosh yorar,
Tosh yormasa, bosh yorar.
Tuhmatning umri — qisqa.
Tuhmatchi tuhmatdan o’lar.
Tuhmatchiga o’lik — guvoh.
To’mtoq jumboq aytishma,
Yolg’on gapga qotishma.
To’g’ri gap tuqqaningga yoqmas.
To’g’ri so’z achchiq bo’lar.
To’g’ri so’z ko’z o’yar.
To’g’ri so’z toshni yorar,
Egri so’z — boshni.
To’g’ri so’z tutoqtirar.
To’g’ri so’z qilichdan o’tkir.
To’g’ri so’z quloqqa yoqmas.
To’g’ri so’zga fil cho’kar.
To’g’ri so’zlagan odam tug’ishganingdan afzal.
To’g’ri so’zlining to’ni yirtiq.
To’g’ri so’zning zahri yo’q.
To’g’ri so’zning to’qmog’i bor.
To’g’ri tilim tiyolmadim,
Tuqqanim bilan turolmadim.
Uyalmay desang, yolg’on gapirma.
Xashakdan hasham bichma,
Yolg’ondan qasam ichma.
Chaqimchi bir guvala,
Yerga qo’yib uvala.
Chaqimchi — nishxo’rd kishi.
Chaqimchi — chipor ilon,
Zahri — ilondan yomon.
Chaqimchiga — chorak o’q,
Qaytib kelsa, u ham yo’q.
Chaqimchining afti — choriq.
Chaqimchining joyi — jahannam.
Chaqimchining tilidan ilon hazar qilar.
Chiroyli maqtovdan
Xunuk haqiqat yaxshi.
Egri o’tirsang ham, to’g’ri gapir.
Echkining tavbasi yo’q.
O’z so’zli yigit — kun yuzli yigit.
O’zi boshqa, so’zi boshqa.
O’rinli so’z o’qdan o’tkir.
O’tirik gap jonga qasd,
O’tkir pichoq — qinga.
O’tirik so’z o’rga bormas.
O’tirikning dumi — bir tutam.
Qofiyasi kelganda, otangni ayama.
G’iybat yaqinni yot qilar,
Totuvni — araz.
G’iybatkashning qozoni qaynamas.
G’iybatsiz so’z qizimas.
G’iybatchining dili kir,
G’ar-o’g’rining tili bir.
Haq gap tosh kesar.
Haq gap haqiqdan qimmat. www.SherlarUz -Saytdan olindi!
Do’stlaringizga yuboring:
Ona tili maqollar
Avliyo ham qo’shnisini qo’llar.
Ayolning sarishtasi —
Ro’zg’orning farishtasi.
Ayolning sunbuli — yigitning dili.
Beva xotinga Buxorodan it hurar.
Besh bola ustiga borsang bor,
Kundosh ustiga borma.
Bir kelin oldim, o’tirdim,
Ikki kelin oldim, tik turdim,
Uch kelin oldim, yugurdim.
Bir qizga yetti qo’shni — ota-ona.
Bir qinga ikki pichoq sig’mas,
Bir uyga — ikki xotin.
Biyaning yugurigi yaxshi,
Xotinning — epchili.
Boy amr etmasa,
Bovcha xamir etmas.
Bola suysang — beshikda,
Xotin suysang — to’shakda.
Bolaga tegma, balosi chiqar,
Xotinga tegma, qasosi chiqar.
Bolali uy — bozor,
Bolasiz uy — mozor.
Bolali uy — jannat,
Bolasiz uy — minnat.
Bolali uy — xandon,
Bolasiz uy — zindon.
Bolali uyda gap yotmas.
Bolali uyda janjal bo’lsa ham,
G’urbat bo’lmas.
Bolali uyda sir yotmas.
Bolali uyda o’g’rilik yo’q.
Bolali uyda g’iybat yo’q.
Bolali uyda g’urbat yo’q.
Bosh ikkov bo’lmay,
Mol ikkov bo’lmas.
Boshim ikki — molim ikki.
Bo’z yaktak qichitar,
Yaxshi xotin tinchitar.
Bo’ldiradigan ham xotin,
O’ldiradigan ham xotin.
Bo’ri hamsoyasiga ola qaramas.
Gilam sotsang, qo’shningga sot,
Bir chetida o’zing o’tirasan.
Do’sting ham — ering,
Dushmaning ham — ering.
Er — quyosh yo’ldoshi,
Xotin — umr yo’ldoshi.
Ering qumchalish bo’lsin,
Xotining — g’archalish.
Yomon xotin olganning yovi uyida,
Ikki xotin olganning dovi uyida.
Yomon xotin eriga do’zax qilar.
Yomon xotin o’lsa, keng to’shak qolar,
Yaxshi xotin o’lsa, mehnat-g’am qolar.
Yomon xotin hayitda eridan chiqar.
Yomon xotinning o’ynashi ko’p.
Yomon qo’shni yovdan yomon.
Yon qo’shni — jon qo’shni.
Yog’mas bulut elni aldar,
Yomon xotin — erni.
Jon kuydirmasang, jonona qayda,
Xotin olmasang, qaynona qayda.
Ikki sigir olganning ayroni bor,
Ikki xotin olganning vayroni bor.
Ikki xotin olibsan,
Bir baloga qolibsan.
Ikki xotinlikning qulog’i tinmas,
Eshak minganning — oyog’i.
Inoq oilada beshik bo’shamas.
Itning yovi — devona,
Kelinning yovi — qaynona.
Itning yomoni to’shakdagidan umid qilar.
Yigitning ko’ngli qolsa — o’lguncha,
Xotinning ko’ngli qolsa — tuqquncha.
Katta — kelin uyda,
Kichik kelin — to’yda.
Kelin bilan qaynona — o’t bilan suv.
Kelin bo’yini yashirar,
Tovushini tovdan oshirar.
Kelin bo’ldim — qaynonamga yoqmadim,
Qaynona bo’ldim — kelinimga yoqmadim.
Kelin yomon emas,
Kelin kelgan yer yomon.
Kelin kelag’on bo’ldi,
Ovul kezag’on bo’ldi.
Kelin kelsa uzoqdan,
Arba-arba osh kelar.
Kelin kelsa yaqindan,
Arba-arba so’z kelar.
Kelin kimxob kiyar,
Qaynona qarg’ab kuyar.
Kelin kirgan uyga nur kirar.
Kelin — qaynona supurgisi.
Kelinim bor deb kerilma,
Ish buyursa, erinma.
Kelinim elakli bo’ldi,
Elagi — tilakli bo’ldi.
Kelinimning yig’lagani —
Eshagimning hangragani.
Kelining bitta bo’lsa, o’tirib yeysan,
Ikkita bo’lsa, turib yeysan,
Uchta bo’lsa, yurib yeysan,
To’rtta bo’lsa, yo’rg’alab yeysan.
Kelining yaxshi bo’lsa, berdi xudo,
Kelining yomon bo’lsa, urdi xudo.
Kelining qayerlik bo’lsa,
Mehmoning shu yerlik.
Kelinning tili yo’q
Qaynonaning — imoni.
Kumush xotin kunda — kasal,
Oltin xotin oyda — kasal.
Kunda urush bo’lsin desang, kundosh qil.
Kundosh boshingda — tosh,
ko’zingda — yosh.
Kundosh xotin kunda og’riq.
Kundoshing bo’lsa-bo’lsin,
Kundoshbachchang bo’lmasin.
Kundoshli uyda kunda urush.
Kundoshli uyda to’zim yo’q.
Kundoshlik — ko’ngil g’ashlik.
Kundoshlikka kun tug’mas,
Tug’sa ham, butun tug’mas.
Kundoshning kuli ham kundosh.
Kundoshning kuli ham urishar.
Kundoshning oti qursin,
Saksovulning o’ti qursin.
Ko’cha sevgisi uyni barbod etar.
Ovul aylog’i balan,
Bo’ta taylog’i bilan.
Ovulga aytsang, oshar,
Qo’shniga aytsang, qo’shar.
Ovuldoshimning oti o’zguncha,
Hamsoyamning toyi o’zsin.
Oila tinch — yurt tinch.
Oila — qo’sh ustunli ayvon.
Olis yo’l otni sinar,
Og’ir kun — xotinni.
Olovga tegsang, o’char,
Qo’shningga tegsang, ko’char.
Onalik uyning ori bor,
Otalik uyning — zari.
Onang o’ldi — otang o’ldi.
Oppoq bo’lgan oq uyim,
Osh-noni yo’q qoq uyim.
Ora turding — bera turding.
Ota — aql, ona — idrok.
Ota — bilak, ona — yurak.
Osh o’rniga — ayron,
Kundoshli uy — vayron.
Oshsiz uy bor-u janjalsiz uy yo’q.
Oya kuydi, moya kuydi,
O’rtada hamsoya kuydi.
Oqboshdan o’tin bo’lmas,
O’ynashdan — xotin.
Ro’zg’or ziynati — o’tin,
Uy ziynati — xotin.
Ro’zg’or tushdi boshga,
Qo’l tegmadi oshga.
Ro’zg’or o’lchov bilan,
Boylik tejov bilan.
Ro’zg’or, o’ttiz ikki og’zi bor.
Ro’zg’ori kattaning tashvishi ham katta.
Ro’zg’orning nimasi yo’q — bo’zdan xaltasi.
Sarishtali uy — farishtali uy.
Tuzdagi bilan emas, uydagi bilan bo’l.
Uyga jihoz yarashar,
Xotinga — hbos.
Uying tor bo’lsa,
Dunyoning kengligi bilinmas.
Uylangan — o’g’il-qiziga quvongan.
Uyni uy qilgan erning topishi-yu
Xotinning — ko’rpa ishi.
Ulug’ uyga ne kerak,
Kichik uyga shu kerak.
Umr savdosi — qiyin savdo.
Xotin — bo’yin, er — bosh.
Xotin olsang, o’tin ol,
Bir quchog’in ortiq ol.
Xotin — uy bezakchisi,
Er — uy ko’makchisi.
Xotin — uyning ziynati,
Er — mehnati.
Xotin — uyning chirog’i.
Xotin — umr yo’ldoshi.
Xotin er orqasidan — xotin,
Xonim xon orqasidan — xonim.
Xotin — erga oyina.
Xotin — erning vaziri.
Xotin yaxshi — er yaxshi.
Xotining yaxshi bo’lsa, yoqang oqarar,
Xotining yomon bo’lsa, soqoling oqarar.
Xotining yaxshi bo’lsa, to’yga bormoq ne hojat,
Xotining yomon bo’lsa, azaga bormoq ne hojat.
Xotinli ro’zg’or guldir,
Xotinsiz ro’zg’or cho’ldir.
Xotinning yomoni — umrning egovi.
Xotinning yomoni er qaritar.
Xotinning yomoni — erning zavoli,
Xotinning yaxshisi — erning kamoli.
Xotinning zo’ri — erning sho’ri.
Xotinning otini yetim chiqarar,
Yetimning otini — xotin.
Xotinning chiroyi — erdan.
Xotinning yaxshi-yomoni mehmon kelganda bilinar.
Xotinning qaqildog’i — tegirmonning shaqildog’i.
Xotinsiz uyni ko’r — qaro yerni ko’r.
Chala dovruqqa chol yiqilar,
Xotinni so’ksang, obro’ to’kilar.
Cholimning topganini yayrab yeyman.
O’g’limning topganini ingrab yeyman.
Egovni egov dema, yomon xotinni de.
Er — avra, xotin — astar.
Er vaziri — xotin,
Ro’zg’or og’iri — o’tin.
Er — daladan, xotin — uydan.
Er-xotin urishar,
Esi ketgan bo’lishar.
Er-xotin urishar,
O’rtaga ahmoq tushar.
Er-xotin — qo’sh ho’kiz.
Er-xotin — qo’shqanot.
Er-xotinning urishi — doka ro’molning qurishi.
Er-xotinning urishi — yoz kunining yog’ishi.
Er qayerda bo’lsa, xotin ham shu yerda.
Erdan — sadoqat, xotindan — itoat.
Erdan — xato, xotindan — uzr,
Xotindan — xato, erdan — jazo.
Ering suydi — eling suydi.
Eringga yoqding — elingga yoqding.
Erni er qiladigan ham xotin,
Qaro yer qiladigan ham xotin.
Erniki — tashdan, xotinniki — ichdan.
Erning yoshi ikki o’ttiz,
Bittasini urdik biz.
Erning otini xotin chiqarar,
Xotinning otini o’tin chiqarar.
Erning topganiga xotinniki qo’r bo’lar.
Er-u xotin urushar,
O’rtaga nodon tushar.
Eshik ko’rgan yurt buzar,
Beshik ko’rgan yurt tuzar.
Eshik ko’rganni emas,
Beshik ko’rganni ol.
Yuguruk otga yol bitmas,
Toq yigitga mol bitmas.
Yangamning sho’rvasini shirin qilgan
Akamning masallig’i.
Yaxshi bo’lsang, noming chiqar,
Yomon bo’lsang — xotining.
Yaxshi kelin — kelin,
Yomon kelin — o’lim.
Yaxshi ko’rsang bolasin,
Izzat qilgin onasin.
Yaxshi otga qamchi ursang,
Chopar avaylab.
Yomon xotin ishin qilar
Hamisha poylab.
Yaxshi ro’zg’or — jannat,
Yomon ro’zg’or — do’zax.
Yaxshi to’n — to’y savlati,
Yaxshi xotin — uy ziynati.
Yaxshi xotin arpa unni kabob qilar,
Yomon xotin bug’doy unni xarob qilar.
Yaxshi xotin belgisi —
Buxori qilar terini,
Mullo qilar erini.
Yomon xotin belgisi —
Shaldiroq qilar terini,
Baqiroq qilar erini.
Yaxshi xotin belgisi — xirom qilar terini,
Yomon xotin belgisi — yerga bukar erini.
Yaxshi xotin — betidan semirar,
Yomon xotin — ketidan.
Yaxshi xotin jun qarz olar,
Yomon xotin un qarz olar.
Yaxshi xotin ishlik bo’lar,
Yomon xotin — tishlik.
Yaxshi xotin yigit nomin ko’tarar,
Yomon xotin yigit nomin yo’qotar.
Yaxshi xotin yo’q narsangni bor etar,
Yomon xotin keng uyingni tor etar.
Yaxshi xotin yo’qni yo’mzab to’ydirar,
Yomon xotin yolg’iz otni so’ydirar.
Yaxshi xotin kelmasdan burun kuldirar,
Yomon xotin o’hnasdan burun o’ldirar.
Yaxshi xotin ko’pga qo’shar,
Yomon xotin ko’pdan chiqarar.
Yaxshi xotin olib bersang yigitga,
Ming kuni bir kun bo’lib o’tar.
Yomon xotin olib bersang yigitga,
Bir kuni ming kun bo’lib o’tar.
Yaxshi xotin — uy bo’stoni,
Yomon xotin — zimistoni.
Yaxshi xotin — uy ziynati,
Yomon xotin — to’y ziynati.
Yaxshi xotin — uyning guli.
Yaxshi xotin — umr boli,
Yomon xotin — jon zavoli.
Yaxshi xotin — xazina.
Yaxshi xotin erini elga bosh qilur,
Yomon xotin erini gado qilur.
Yaxshi xotin erini yashartirar,
Yomon xotin erini tez qaritar.
Yaxshi xotin erta turib charx yigirar,
Yomon xotin erta turib o’choq kavlar.
Yaxshi xotin yuzida oy ko’rinar,
Yomon xotin qovog’idan qor yog’ilar.
Yaxshi xotin — yarim rizq.
Yaxshi xotin — hamisha bahor.
Yaxshi qo’shni — ota-ona,
Yomon qo’shni — boshga balo.
Yaxshi qo’shni uzoq qarindoshdan yaxshi.
Yaxshi qo’shniga yalinguncha,
Yomon uyingni axtar.
Yaxshi hamsoya guldir,
Yomon hamsoya cho’ldir.
Yaxshi hamsoya orasidan
Qisir echkining qili o’tmas.
Yaxshining ketidan qolma,
Yomonning qizini olma.
O’z uyim — o’lan-to’shagim.
O’z uyimning xushligi —
Oyoq-qo’limning bo’shligi.
O’zim hisoblasam, qulunli biya,
Otam bilan hisoblasam, bo’tali biya.
O’zing suyganni olguncha,
O’zingni suyganni ol.
O’zing o’yda bo’lsang ham, o’ying uyingda bo’lsin.
O’nta o’g’lim bo’lguncha, bitta cholim bo’lsin.
O’nqir edi, cho’nqir edi — uyim edi,
Ayiq edi, sayiq edi — erim edi.
O’rgimchak ham o’z uyim deydi.
O’roq tutib otang qolguncha,
O’ymoq tutib enang qolsin.
O’rta yo’lda oting o’lmasin,
O’rta yoshda — xotining.
O’tinning yaxshisi — yantoq,
Xotinning yaxshisi — qalmoq.
O’tinsiz qozon qaynamas,
Xotinsiz uy yayramas.
O’g’limning ilik oshidan
Erimning urgan toshi yaxshi.
O’g’ling ahmoq bo’lsa ham,
Kelining dono bo’lsin.
O’g’ling boqsin, kelining sog’sin.
O’g’ling yomon bo’lsa, keliningdan ko’r,
Qizing yomon bo’lsa, kuyovingdan ko’r.
Qaynona qaynaydi,
Kelin aynaydi.
Qaynona qo’lidan yog’lik cho’zma yegandan
Ona qo’lidan quloq cho’zma yegan yaxshi.
Qaynonaga tosh otsang, tosh olasan,
Qaynonaga osh bersang, osh olasan.
Qaynonam — qaynonam,
Qayin egachimdan qo’rqaman.
Qaynota ham — ota, qaynona ham — ona.
Qalmoq olgan qarimas,
Arg’umoq mingan horimas.
Qiyomat kuni — qo’shnidan.
Qiz olmagan yigit qizdan suluv.
Qizginamning bolasi —
Qandak o’rik donasi.
O’g’ilginamning bolasi —
Hay-hay uning onasi.
Qiziga joni achigan kelinini saqlar.
Qizim senga aytaman,
Kelinim sen eshit.
Qizimning qaynonasi yomon,
O’zimning kelinim yomon.
Qizing bo’y yetsa, qizi yaxshi bilan qo’shni bo’l,
O’g’ling er yetsa, o’g’li yaxshi bilan qo’shni bo’l.
Qozon olsang, qoqib ol,
Xotin olsang, boqib ol.
Qozonda jiz-biz,
Ko’rpada siz-biz.
Qora tutni qoqmang,
Nevarani boqmang.
Qorong’ida qichqirsang,
Hamsoyang tovush berar.
Qudali xotin quyruq yer,
Erli xotin — kaltak.
Qudangdan qarz so’rama.
Qudangdan qo’y so’rama,
Qo’shningdan uy so’rama.
Qurbaqaning tirikligi koi bilan,
Xotinning tirikligi el bilan.
Qo’shni devor tagini kavlasang,
O’zingga darcha ochilar.
Qo’shni keldi — ko’mak keldi,
Et keldi — suyak keldi.
Qo’shni oshi — qo’shniga qarz.
Qo’shni qo’shnidan erta turishni o’rganar.
Qo’shni — qo’shnining bozori.
Qo’shniga qarama, o’ngishiga qara.
Qo’shniga qasd etma, bast et.
Qo’shniga qo’shnining tovug’i ko’rkli ko’rinar.
Qo’shnida pishar,
Bizga ham tushar.
Qo’shnimning bilgani — hammaning bilgani.
Qo’shning yomon bo’lsa, yomonlik kelar,
Qo’shning yaxshi bo’lsa — omonlik.
Qo’shning ko’r bo’lsa, ko’zingni qis.
Qo’shning yaxshi bo’lsa, ko’r qizing ham erga tegar.
Qo’shningga yomonlik sog’inma.
Qo’shningni yanima, kinoya so’z dog’ etar,
Qurbing yetsa ko’maklash, eshigingni bog’ etar.
Qo’shnining minnatli oshidan
Chumchuqning soyasi afzal.
Qo’shnining oshi — totli.
Qo’shnining oshi — g’avg’oning boshi.
Qo’shnining tovug’i g’oz ko’rinar,
Kelinchagi — qiz.
Qo’shnisi yaxshi qarimas.
G’oz achchig’i — qarg’aga,
Qiz achchig’i — yangaga.
Har kim o’z uyida podsho.
Hovli olma, qo’shni ol.
Ona tili maqollar
Aytilgan so‘z – otilgan o‘q.
“Barakalla”ga qul mehnat qilib o‘lar.
Dorining achchig‘i yaxshi,
Dunyoni yel buzar,
Duo bilan el ko‘karar,
Yomg‘ir bilan yer ko‘karar.
Er boyligi – yo‘lda,
So‘z boyligi – tilda.
Gap egasini topar.
Gapning qisqasi – yaxshi,
Qisqasidan hissasi – yaxshi.
Iliq so‘z – shakar,
Sovuq so‘z – zahar.
Issiq kiyim tanni ilitar,
Issiq so‘z jonni ilitar.
Kishining o‘zi yetmagan yerga so‘zi yetar.
Kuch egmaganni so‘z egar.
Ko‘p gap – eshakka yuk.
Mazali so‘zga quloq charchamas.
Ma’qul gapga qoruv yo‘q.
Sevdirgan ham til,
Bezdirgan ham til.
Sen ham bir og‘izdan,
Ilon inidan chiqar.
Musulmon dinidan chiqar.
So‘z ko‘rki – maqol.
So‘z suyakdan o‘tar,
So‘z chumchuq emas,
Og‘izdan chiqsa, tutib bo‘lmas.
So‘zdan so‘zning farqi bor,
O‘ttiz ikki narhi bor.
Til bor, bol keltirar,
Til bor, balo keltirar.
Til – dil kaliti.
Til tig‘i qilich tig‘idan o‘tkir.
Til yugurigi – boshga,
Oyoq yugurigi – oshga.
Til yaxshisi bor etar,
Til yomoni xor etar.
Tilga ixtiyorsiz – elga e’tiborsiz.
Tilga e’tibor – elga e’tibor.
Tili shirinning do‘sti ko‘p.
Tilingda bo‘lsa boling,
Kulib turar iqboling.
Toza suvni yer olar,
Yaxshi so‘zni el olar.
Tuya ham muomalaga cho‘kar.
Uzun tilim – uzgun tilim,
Qisqa tilim – tizgin tilim.
Yaxshi gap bilan ilon inidan chiqar,
Yomon gap bilan pichoq qinidan chiqar.
Yaxshi so‘z kuldirar,
Yomon so‘z o‘ldirar.
Yaxshi so‘z – yurakka malham,
Yomon so‘z – yurakka g‘am.
Kunda tariqday yaxshilik qo‘shilar emish.
Kunda tariqday yomonlik qo‘shilar emish.
Yomon gap – bosh qozig‘i,
Yaxshi gap – jon ozig‘i.
Yomon gap tarsakidan yomon.
Yomon gapning oyog‘i olti.
Qizil tilim bo‘lmasa,
Qishlar edim elimda.
Yashil tilim bo‘lmasa,
Yayrar edim elimda.
Quloqdan kirgan sovuq so‘z
Ko‘ngilga borib muz bo‘lar.
Просмотр: 1600 | Добавиль: MILLIONER
Похожие информация
| SMS Sevgi sherlari [177] |
| SMS Ayriliq [96] |
| SMS Sog’inch sherlar [78] |
| SMS Tabrik sherlar [55] |
| SMS odnoklassniki [20] |
| SMS Ota-Ona haqida sherlar [81] |
| SMS Do’stlik sherlari [7] |
| SMS Hazil sherlar [28] |
| SMS 8-mart sherlar va tabriklar [61] |
| SMS Tug’ilgan kun sherlar va tabriklar [45] |
| SMS Navro’z sherlar [55] |
| SMS Hayit bayrami sherlar va tabriklar [12] |
| Foydali maqolar [24] |
| Latifalar [224] |
| Talabalar haqida Latifalar [88] |
| Hayotiy hikoyalar [51] |
| Qo’shiqlar matni [39] |
| Tasirli Hayoti shelar [44] |
| Yangiyil bayram sherlari [25] |
Статистика
Онлайн всего: 21
Гостей: 21
Пользователей: 0
Вход • Регистрация
Администрация не несет ответственности за размещенные пользователями нелегальные материалы! Любой фильм и музыка будет удален по требованию правообладателя!
DMCA/Правообладателя:
Kamoliddinkarimov000@gmail