Kiyimdagi dog‘larni osonlik bilan yo‘qotamiz
Quruq massa suv bilan 1 : 2 nisbatda aralashtiriladi, sezgir yuzga qo’llshdan oldin teriga oziqlantiruvchi krem surtishni unutmang. Loyli massani yuzga bir qavat qilib surting va 40 daqiqaga qoldiring. Iliq suv bilan yuvib tashlang. Bu usuldan muntazam foydalanish nafaqat sepkillar, dog’lardan halos bo’lishga, balki teri cho’zilishlari, ajinlardan qutulishga ham yordam beradi.
Yuzdagi dog’larni ketkazish va yo’qotish usullari, yo’llari, uyda tayyorlanadigan niqoblar
Yuzning ba’zi sohalaridagi yosh bilan bog’liq rang o’zgarishlari, sepkillar, xollar pigmentli dog’lar deb ataladi. Bu jarayon organizmda melaninning ortiqcha yoki yetishmasligi tufayli rivojlanadi. Ko’pincha yuzdagi dog’lar yozda quyoshda toblanishdan so’ng paydo bo’ladi. Yuzdagi dog’larga qarshi kurashda yordam beradigan ko’plab firma chiqargan va xalqona vositalar mavjud. Ularning barchasini quyidagi maqolada ko’rib chiqamiz.
Teri turiga, allergik reaktsiyaga va salomatlik holatiga qarab, yuzdagi dog’larni ketkazishning mos usulini tanlashdan oldin o’z organizmingizni tahlil qilishingiz kerak. Terining rangi uchta bo’yovchi moddaga bog’liq: melanin, karotin va gemoglobin. Qaysi pigment asosiy bo’lganiga qarab, pigmentli dog’lardan qutilish usuli aniqlanadi. Davolashni boshlashdan oldin mutaxassislar bilan maslahatlashib, yuzdagi dog’lar paydo bo’lishining sababini va turini bilib olish kerak.
Yuzdagi pigmentli dog’lar paydo bo’lishi sabablari:
- Gormonal buzilishlar;
- Terining yosh bilan bog’liq o’zgarishi.
- Homiladorlik.
- Mexanik jarohatlar (depilyatsiyadan keyin).
- 1 Yuzdagi dog’larni ketkazish usullari: niqoblar, damlamalar, pilinglar
- 1.1 Kashnichli niqob
- 1.2 Asal va kashnichli oqartuvchi vosita
- 1.3 Quruq yuz terisini oqatirish
- 1.4 Yuzdagi dog’larni ketkazishning sharqona siri
- 1.5 Kashnich va limon
- 1.6 Kraxmalli usul
- 1.7 Mevalar yordami
- 1.8 Dorixona topilmasi
- 1.9 Glitserin
- 1.10 Sirkali vosita
- 1.11 Suv hamma narsaning yordamchisi
- 1.12 Erinchoqlar uchun niqob
- 1.13 Teridagi dog’larga qarshi xamirturushli niqob
- 1.14 Tuxum va limon
- 1.15 Moviy gil
- 1.16 Yuz uchun tuxum va moviy gil
- 1.17 Kaolin aralashmasi
- 1.18 Bodomli piling
- 1.19 Sut va bodomdan yuz uchun piling
- 1.20 Bodom va olma
- 1.21 Bodring po’stidan damlama
Yuzdagi dog’larni ketkazish usullari: niqoblar, damlamalar, pilinglar
Kashnichli niqob
Kashnich azaldan foydali xususiyatlari bilan mashhur, masalan, og’izdan nohush hidni yo’qotish, jinsiy quvvatni kuchaytirish. Ushbu o’simlik bilan yuzdagi dog’larni tez va oson bartaraf qilish mumkin: ko’zlar atrofida, peshona, burun va labda.
Niqob xohishga ko’ra kashnichning (petrushka) poyasi, barglari yoki ildizidan tayyorlanadi. Tanlangan turi yog’och idishda yaxshilab bir xil bo’tqa hosil bo’lguncha eziladi. So’ngra yarim soatga yuzga surtiladi. Keyin suv bilan yuvib tashlanadi va yuzga oziqlantiruvchi krem surtiladi.
Asal va kashnichli oqartuvchi vosita
Asosi yuqoridagi niqobda bo’lgani kabi, ammo aralashmaga bir choy qoshiq asal qo’shiladi. Masalliqlarni yaxshilab aralashtiring va yuzga, qo’llarga yoki belga qo’llang. Xuddi shu vosita yuzidagi qora nuqtalardan tez va osonlik bilan qutulishga yordam beradi.
Quruq yuz terisini oqatirish
Juda ikir-chikirli jarayon. Yupqa, sezgir, quruq yuz terisi kimyoviy muolajalarga toqat qilmaydi, shuning uchun bunday holatda yuzdagi dog’larni uy sharoitida yo’qotish kerak. Ezilgan kashnich bir osh qoshiq qaymoq yoki yog’li smetanabilan aralashtiriladi. Aralashma yuzda 30 daqiqagacha ushlab turiladi, so’ngra yuvib tashlanadi. Shu usul yordamida nozik teri sohiblari yuzdagi ajinlarga qarshi kurashishlari mumkin.
Yuzdagi dog’larni ketkazishning sharqona siri
Yaponiyalik geishalar har doim yuzning eng nozik jilosi bilan mashhur. Buning uchun ularga hamma joyda keng tarqalgan meva — limon yordam beradi. Uning po’stlog’i damlamasi bilan beldagi eng to’q dog’larni, homiladorlikdagi strialar (teri cho’zilishlari), hatto juda noestetik nevuslarni ham ketkazsa bo’ladi. Bitta limon po’stlog’ini o’rtacha olovda yarim soat qaynatib, so’ngra salqin xonada qoldiring. Dog’li sohani kuniga uch marta limonli suvda artib turing.
Kashnich va limon
Qurutilgan kashnich ildizini qaynatib oling, bir kun qorong’i joyda qoldiring. Bu damlamani shundayligicha ham qo’llash mumkin, agar ta’sirini kuchaytirishni xohlasangiz, bitta limon sharbatini siqib solish mumkin. Qo’llash usuli yuqoridagi limon damlamasiniki kabi.
Kraxmalli usul
Dog’larning kattaligi va miqdoriga qarab yarim osh qoshiq kartoshka kraxmalini olib, limon sharbati bilan quyuq qilib aralashtiring. 30 daqiqa davomida yuzning dog’li sohalariga qo’llang.
Mevalar yordami
Quyoshning o’pichlarini samarali ravishda oqartirish uchun greypfrut, kivi, apelsin, qulupnay sharbatlari yordam beradi.
Dorixona topilmasi
Vodorod peroksidi nafaqat sochlarni oqartiradi. Yuzdagi do’glarni ketkazuvchi vosita tayyorlash uchun 1 choy qoshiq 30% vodorod peroksidi, 2 qoshiq borli spirt, 1 qoshiq nashatir aralashmasi kerak bo’ladi. Aralashma kuniga 3 — 4 marta yuzga qo’llanilishi mumkin. Ta’sir sizni uzoq kutdirmaydi. Lekin qo’llashda juda ehtiyot bo’ling.
Glitserin
Buning uchun bir choy qoshiqdan glitserin va 30% vodorod peroksidini aralashtirib, borli spirt qo’shing, aralashma bilan terini kuniga bir necha marta arting. Ushbu vosita, shuningdek, bikini sohasidagi dog’larni ham osonlikcha yo’q qiladi.
Sirkali vosita
Bir osh qoshiq sirka, ikki choy qoshiq peroksid, yarim qoshiq suv va shuncha spirt. Yaxshilab aralashtiring va yuzdagi dog’lar ustiga surting. Bu orqali nafaqat pigmentli dog’lardan, balki yog’li yaltirash ham bartaraf qilinadi.
Suv hamma narsaning yordamchisi
3 osh qoshiq suv va shuncha limon sharbatini aralashtiring. Ushbu vositani toza yuzga surting, yuvib tashlash kerak emas. Bir hafta mobaynida kuniga 3 martadan qo’llang, ushbu muddat yakunida natija yaqqol seziladi.
Erinchoqlar uchun niqob
O’z vaqtlarini tejaydigan qizlar uchun tez va samarali yordam beradigan yuzdagi dog’larni yo’qotadigan vosita retsepti mavjud. O’rtacha kattalikdagi bodringni maydalab (qirg’ichdan o’tkazib, blenderda mayadalab), oziqlantiruvchi krem bilan bir xil massa hosil bo’lguncha aralashtiring. Tayyor kremni yuzga surtib, 30 daqiqa ushlab turing, so’ng iliq suv bilan yuvib tashlang.
Teridagi dog’larga qarshi xamirturushli niqob
Uy sharoitida tayyorlanadigan ajoyib vosita:
- yangi xamirturush (paketning to’rtdan biri), bir qoshiq limon sharbati va bir qoshiq sutni bir xil massa hosil bo’lguncha aralashtiring.
- 10 daqiqa davomida iliq joyga qoldiring, shunda aralashma achiy boshlaydi.
- Toza yuzga yigirma daqiqaga niqobni surtib, keyin uni iliq suv bilan yuvib tashlang.
Hafta mobaynida yuzdagi qora dog’larni ketkazish uchun bunday muolajalarni ikki-uch marta bajarishingiz mumkin.
Tuxum va limon
Ushbu oqartiruvchi vositani yuz uchun tuxum asosida tayyorlangan krem bilan tayyorlash mumkin. Unga bir choy qoshiq asal, shunhca limon sharbati va yarim stakan suv qo’shing. Bir xil massa hosil bo’lgunga qadar aralashtiring, 30 daqiqaga yuzga surting. Xuddi shunday usul yuz teshikchalarini ochish va tozalashga yordam beradi.
Moviy gil
Quruq massa suv bilan 1 : 2 nisbatda aralashtiriladi, sezgir yuzga qo’llshdan oldin teriga oziqlantiruvchi krem surtishni unutmang. Loyli massani yuzga bir qavat qilib surting va 40 daqiqaga qoldiring. Iliq suv bilan yuvib tashlang. Bu usuldan muntazam foydalanish nafaqat sepkillar, dog’lardan halos bo’lishga, balki teri cho’zilishlari, ajinlardan qutulishga ham yordam beradi.
Yuz uchun tuxum va moviy gil
Ushbu niqobni qo’llashdan oldin tayyorlash kerak, uni oldindan tayyorlab qo’yib bo’lmaydi. Tuxum oqini shakar bilan birga qaymoq holatiga kelfunicha aralashtiring. Keyin 10-15 gramm kembriy gilini qo’shing, bir xil quyuqlikka olib keling. Olingan aralashmani 30-40 daqiqa davomida yuzaga qalin qatlam qilib surting. Kundalik foydalanish uchun mos kerladi.
Kaolin aralashmasi
Oq gil foyda bobida moviy gildan qolishmaydi. Niqob uchun retsept: yarim qoshiq kaolin va bir qoshiq limon sharbati olib, bir xil quyuqlikkacha aralashtiradi va teriga qo’llaniladi. 25-30 daqiqadan keyin yuvib tashlang. Kaolin, shuningdek, boshqa yuzni oqartiruvchi vositalar bilan aralashtirilishi mumkin: yogurt, karam sharbati, vodorod peroksidi, smorodina sharbati.
Bodomli piling
Kosmetika sanoatining ajoyib kashfiyoti, u nafaqat chuqur ajinlar bilan kurashadi, balki ko’z ostidagi xaltachalarni yo’qotadi, yuzdagi qora nuqtalarni tozalaydi va teridagi do’glarni hatto eng muammoli sohalarda ham oqartiradi. Juda xamyonbop va samarali vosita.
Buning uchun 1 osh qoshiq bodom moyi, 2 osh qoshiq suli uni, 2 osh qoshiq maydalangan bodom, 2 osh qoshiq suv, 1 osh qoshiq kaolin, 2 osh qoshiq aloe sharbati, 8-10 tomchi lavanda moyi kerak bo’ladi. Kaolin, suli uni va maydalangan bodomni issiq suv bilan aralashtirib, ustidan bodom moyi va aloe sharbati qo’shing.
Aralashmani sovuting, shundang so’ng lavanda moyini qo’shing. Ushbu pilingni gigienik muolajalardan 7-10 daqiqa oldin qo’llash kerak. Haftada bir martadan ko’p qo’llash tavsiya etilmaydi.
Sut va bodomdan yuz uchun piling
Maydalangan bodomni 1 : 1 nisbatda suli uni bilan aralashtirib, yarim qoshiq sut solish kerak. So’ng qaymoq quyuqligi kabi holatga kelgunga qadar suv qo’shib aralashtirish kerak. Yuzga shimgich yordamida yumshoq massaj harakatlari bilan surting, teringizni besh daqiqaga massaj qiling, so’ngra yaxshilab yuvib tashlang. Haftada ikki martadan ko’p qo’llash tavsiya etilmaydi.
Bodom va olma
Yuqoridagi uy sharoitida tayyorlanadigan yuz uchun piling retseptiga ozgina o’zgartirish kiritish mumkin, shunda yuzni nafaqat dog’lardan halos qilish va oqartirish, balki ozuqa moddalariga to’yintirish mumkin. Buning uchun yuqoridagi aralashmaga qirg’ichdan o’tkazilgan olma qo’shish kerak bo’ladi. Qo’llash va tavsiyalar bir xil.
Bodomli piling uchun qarshi ko’rsatmalar:
- Terining mexanik jarohatlari;
- Yong’oqlarga allergiya;
- Bodom moyini ko’tara olmaslik.
Bodring po’stidan damlama
Sabzavotlarni po’stlo’gini qirg’ichdan chiqarib, bir stakan 40% spirt eritmasi qo’shing, yaxshilab aralashtiring, yoping va salqin qorong’i joyda qoldiring. Bir hafta turgach, yuzdagi dog’larni oqartiruvchi losyon tayyor bo’ladi.
Yuzda dog’lar paydo bo’lishini oldini olish
- Quyosh nurlaridan himoyalovchi vositalardan foydalanish;
- Oziqlantiruvchi niqoblar qo’llash;
- Gormonal fonni nazorat qilish;
- Mutaxassislar bilan muntazam maslahatlashib turish.
Kiyimdagi dog‘larni osonlik bilan yo‘qotamiz
Biz sevib kiyadigan birorta kiyimimizga dog‘ tekkan bo‘lsa, uni ketkazish juda qiyin deb o‘ylaymiz. Ba’zan esa bu kiyimni tashlashga to‘g‘ri kelgan paytlar ham bo‘lgan. Lekin, kiyimni darrov tashlab yubormang, chunki ko‘pchilik dog‘larni kimyoviy tozalashsiz ham yo‘qotsa bo‘ladi. Ularni bemalol uyda tozalash mumkin.
Amaliy maslahatlar
Dog‘larni yo‘qotishga kirishishdan oldin, ularning kelib chiqishini va tarkibini aniqlash kerak. Ba’zan eskirgan dog‘larga faqat murakkab kimyoviy birikmalar ta’sir qilishi mumkin. Bunday hollarda oldin bu birikma kiyimning rangiga va tuzilishiga qanday ta’sir qilishini bilish muhim, buning uchun kiyimning ko‘rinmaydigan joyiga ozroq surib ko‘rish zarur.
Yog‘li dog‘lar
Yog‘ dog‘larini ketkazish uchun suv qo‘shilgan nashatir spirti va yuvish vositasidan foydalanish mumkin, undan so‘ng kiyimni toza oq gazlama ustidan dazmollash kerak.
Kiyimdagi yog‘ dog‘larini yo‘qotish uchun darhol tish poroshogi sepish va uning ustiga oq qog‘ozni og‘irroq narsa bilan bir necha soat davomida bosib turish kerak.
Ichimliklar dog‘i
Choy dog‘i ustiga shakar sepib, bir soatdan keyin odatdagidek yuvish tavsiya qilinadi.
Sharob, qahva, kakao va shokolad dog‘larini bir osh qoshiq nashatir spirtining bir litr qaynoq suvdagi eritmasi yordamida tozalash mumkin.
Pivo dog‘i sovunli suv yordamida oson ketadi.
Meva dog‘lari
Uzum va gilos dog‘lari ustidan qaynoq suv quyilsa oson yo‘qoladi. Meva dog‘larini tozalash uchun uning ustiga tuz sepib, issiq suvda bir necha daqiqa ushlab turiladi va yuvish vositasi yordamida yuviladi.
Shunga o‘xshash dog‘larni ketkazishda uni issiq sut ichida biroz ushlab turiladi va suvda yuvib tashlanadi. Eskirgan dog‘larni limon kislotasi yordamida tozalashga urinib ko‘ring.
Turli dog‘larni ketkazish sirlari
Ba’zan sevimli buyumlarimiz yoki kiyim-kechaklarimizga o‘zimiz bilmagan holda dog‘ tushirib qo‘yamiz. Ko‘p hollarda ularni to‘g‘ri tozalash yo‘lini bilmay, ketkaza olmaymiz, natijada sevimli ashyolarimiz yaroqsiz holga kelib qoladi. Biroq quyida keltirib o‘tadigan tavsiyalarimiz orqali siz har qanday dog‘dan xalos bo‘lish usullaridan boxabar bo‘lasiz.
Yelim dog‘ini atsetonga botirilgan paxta yordamida ketkazish mumkin. Dog‘ qanchalik yangi bo‘lsa, shuncha yaxshi. Dog‘ o‘rnini yaxshilab ishqalang.
Yod dog‘idan qutulish uchun o‘sha joyni namlang va ustiga kraxmal sepib, bir necha daqiqaga qoldiring, so‘ng chayib tashlang. Dog‘ to‘liq yo‘qolguniga qadar jarayonni takrorlayvering.
Kiyimda atir izi qolgan bo‘lsa, uni idish-tovoq yuvish vositasida yordamida tozalash mumkin. Buning uchun yarim choy qoshiq vositani yarim stakanda qaynoq suvda eriting. Hosil bo‘lgan eritma dog‘ o‘rniga tomozing va 10—15 daqiqa kuting, shundan so‘ng sovuq suvda chayib tashlang.
Qon dog‘ini sovuq suvda osongina ketkazish mumkin. Biroq dog‘ ancha oldingi bo‘lsa, unga 15 daqiqaga nashatir spirti suring, so‘ng sovun bilan yuvib tashlang.
Lab bo‘yog‘idan qolgan izni atseton yoki spirtga botirilgan paxta bilan arting, shunda u darhol yo‘qoladi.
Kiyimga moybo‘yoq tegsa, uni shu zahoti kungaboqar yog‘i yordamida tozalash mumkin. Eski dog‘ bo‘lsa, u holda kir joyga margarin surib, 20 daqiqaga qoldiring. So‘ng dog‘ni benzin bilan ishqalang va buyumni yuvib tashlang.
Buyumga sharbat to‘kilib, dog‘ qolgan bo‘lsa, o‘sha joyga bir necha tomchi limon suvidan tomizing va ustiga tuz sepib qo‘ying. Qurib qolgach, dog‘dan asar ham qolmaydi.