O’zbekiston respublikasi xalk ta`lim vazirigi ajiniyoz nomidagi Nukus Davlat Pedagogika instituti Ta`biyattaniw-geografiya fakul`teti
6 – savol bo’yicha mashq bajaradilar.
Organik kimyo, 10-sinf, Mutalibov A., Murodov E., Masharipov S., Islomova H., 2017
Organik kimyo, 10-sinf, Mutalibov A., Murodov E., Masharipov S., Islomova H., 2017.
Organik kimyo inson faoliyatining eng qadimgi sohasi hlsoblanadi. Moddaning xossalarini chuqur o ‘rganib va undan inson farovonligi yo’ lida foydalanish ushbu kunning asosiy masalalaridan biridir. Mazkur kitob to ‘rtta bobdan tashkil topgan bo’ lib, organik kimyoning zarur bo ‘lgan barcha asosiy mavzularini qamrab olgan. Har bir mavzu masala va mashqlar bilan mustahkamlab borilgan va shu bilan birga qiyinchilik tug’diradigan masalalarning yechim usuli tushuntirish asosida ko ‘rsatib berilgan.
Organik birikmalarda uglerod atomining oksidlanish darajasi.
Organik birikmalarda uglerod atomining oksidlanish darajasi u hosil qi-ladigan bogdanishlar soniga doim ham mos kelmaydi, ya’ni shu elementning valentligiga teng emas. Organik birikmalarda uglerod atomi doim IV valent-li bo‘ladi. Lekin uglerod atomining oksidlanish darajasi turli qiymatlarga ega bo‘ladi, ya’ni -4 dan +4 gacha.
Бесплатно скачать электронную книгу в удобном формате, смотреть и читать:
Скачать книгу Organik kimyo, 10-sinf, Mutalibov A., Murodov E., Masharipov S., Islomova H., 2017 – fileskachat.com, быстрое и бесплатное скачивание.
Скачать pdf
Ниже можно купить эту книгу по лучшей цене со скидкой с доставкой по всей России. Купить эту книгу
O’zbekiston respublikasi xalk ta`lim vazirigi ajiniyoz nomidagi Nukus Davlat Pedagogika instituti Ta`biyattaniw-geografiya fakul`teti
Yuqorida ikki xil yo’nalishga ega bo’lgan maktablar uchun mavzular taqsimlangan. Bundan ko’rinadiki, har bir mavzuni o’tishda berilgan dars soatiga amal qilgan holda o’quvchilarga shu mavzuni yorita olishi ya’ni tushuntira olishi kerak bo’ladi. Bu esa o’qituvchilar uchun katta ma’suliyat yoklaydi.
Dasturlarga asoslanib darsliklar va o’quv qo’llanmalari taklif etilgan. Revolyutsiyadan so’ng avval darslik o’rniga ish kitoblari taklif etilgan va unda asosan amaliy jihatdan eng muhim maktab komplekslarini mustaqil suratda bilib tushunib olish uchun zarur materiallar taklif etilgan, ish kitoblar atrof, o’lka va xo’jalik materiallariga e’tibor etilgan, amaliy ishlar ham xuddi shunday vazifalarni bajargan. Kimyodan ish kitoblarining asosiy qismi o’quvchilarning tadqiqot ishlaridan iborat bo’lgan. yoqorida aytib o’tganimizday birinchi stabil darsliklarni Verxovskiy anorganik va organik kimyodan yozgan. 7-sinf uchun esa 1949 yilda Kiryoshkin, 8-10 sinflar uchun esa Levchenko darslik yozgan. 1954 yilga kelib 7-sinfda yana Kiryoshkin yozgan kitob, 8-10 sinflarda S. Shapovalenko, Yo. Xodakov darsliklari, hamda kechroq 10-sinf uchun Zvetkovning organik kimyo darsligi maktablarda darslik sifatida qo’llanildi. 1958 yilda Ya.Gol’dfarb, L. Smorgonskiy tomonidan “Kimyodan masalalar va mashqlar to’plami” taklif etilgan edi. 80 yillar oxirida konkursda g’alaba qilgan darsliklar 8-11 sinflarda ko’p qo’llanildi, ular o’zbek tiliga tarjima qilingan edi. Lekin bugunga kelib deyarli hamma darsliklar o’zbek olimlari tomonidan yozilgan.
- Anorganik kimyo S. Teshabaev, M. Nishonov. O’qituvchi. 2000y. 7sinf
- Anorganik kimyo M. Mamajanov, S. Teshabaev, M. Nishonov. O’qituvchi. 2000y. 8sinf
- Anorganik kimyo M. Mamajanov, S. Teshabaev, M. Nishonov. O’qituvchi. 9 sinf, 2000y.
- Organik kimyo. G. E. Rudzitas, F. Feldman. O’qituvchi. 10sinf
- Kimyo. G. E. Rudzitas, F. Feldman. O’qituvchi. 1995y, 11sinf
- Umumiy kimyo. D. Muftaxov. O’qituvchi. 2000y, 11sinf
O’rta Osiyoda yashab o’tgan olimlar kimyo soxasini rivojlantirishga katta xissa qushganlar (akademiklar M. N. Nabiev va boshqalar).
Avgust kengashlarida o’qituvchilar orasida davra suxbatlari quyidagi mavzularda o’tqazilgan:
1. Milliy g’oya va mafkuraning darslarda aks etishi
2. O’qituvchilar bilimini baxolash reyting usuli.
3. Kimyo darslarida yangi pedagogik texnologiyalardan foydalanish.
4. Kimyo darslarida noan’anaviy dars o’tish tajribasidan
5. Kimyo darslarida maxalliy material
- O’qitishdagi asosiy uslublar.
- Bayon etish, suhbat, ekskursiya, eksperiment, laboratoriya ishi, amaliy mashg’ulotlar.
- Masalalar yechish, kitob, daftar bilan ishlash.
Tayanch iboralar:
Dars borishi illyustratziya, evristik uslublar. Bayon etish, suhbat, eksrursiya, eksperiment, laboratoriya ishi, amaliy mashg’ulotlar. Tajriba. Masalalar. Kitob,daftar.
- fikrlash protsessi xilma-xil nerv bog’lanishlarining hosil bo’lishiga asoslanadi;
- o’quvchilarning bilish qobiliyati o’ziga xos bir qancha xususiyatlarga ega;
- o’qitishning birinchi bosqichida o’qituvchining vazifasi o’quvchilarda muayyan qo’zg’atuvchilar (moddalarning o’zi va hodisalar yoki ular to’g’risida og’zaki aytilgan axborotlar) tomonidan vujudga keltirilgan tuyg’ularni idrok darajasiga ko’tarishdek o’quvchilar miyasida ularni boshqa, ilgari hosil qilingan tuyg’u va idroklar bilan bog’lab, umumiy tafakkur protsessiga qo’shib yoborishdan iboratdir;
- o’qituvchining o’qitish protsessining ikkinchi bosqichidagi vazifasi, asosan, o’quvchilarda hosil bo’lgan tasavvur va tushunchalarni anglatishdan, o’quv materialining yozaki o’zlashtirishining oldini olishdan iboratdir;
- bilimlarni yaxshi tushuntirish va chuqurlashtirish;
- o’quvchilarning bilimlaridagi formalizm degan iborani bilimlarning ifodasini ularning mazmunidan ajralib qolishi deb, o’quv materialini aniq tushunmay, mexanik suratda esda qoldirish deb tushunmoq kerak;
- o’quvchilar bilimining formal bo’lishi maktabda ta’lim-tarbiya protsessining noto’g’ri qo’yilganligi oqibatidir;
- tushunchalar hosil qilish protsessida eng asosiy momentlar-idrok etish, tushunib olish, puxtalash va tadbiq etishdir.
Metod bu “yo’l” demakdir va u dogmatik, illuostrativ, evristik bo’lishi mumkin. O’qitishning dogmatik metodi o’qituvchining materialni og’zaki, ko’rsatma vositalaridan foydalanmay dalil isbotsiz va faqat o’quvchilarni bu materialni takrorlashga va yod olishgagina jalb etish bilan bayon qilishdan iborat.
Illuostrativ metod ham tayyor bilimlar metodidir:illuostrativ metod dogmatik metoddan o’quv materialini dalil isbotlar bilan, ko’rsatmali qurollardan foydalanib bayon etadi. Evristik metod esa asosan o’quvchilarning o’zlari qiladigan ish asosida tuziladi, o’quvchining bevosita rahbarligi ostida o’zlari hal etadilar o’zlaricha kashfiyot qiladilar. Bu metodning “evristik” degan nomi yoki boshqacha qilib aytganda “tadqiqot” metodi degan nomi ham ana shundan kelib chiqqan.
Kimyo o’qituvchisidan o’quv materialini o’zi ham bayon etishi, o’quvchilarni ham mustaqil ishlashga o’rgatish talab etiladi. Xuddi shu talabga muvofiq kimyo o’qitish metodlari 2 ga bo’linadi:
a)bayon etish metodlari; b) mustaqil ishlash metodlari
Maktablarda eng ko’p qo’llaniladigan metodlar:
- O’qituvchining o’quv materialini bayon etish metodi, bunda so’zlab berish, lekziyalar, suhbatlar, ekskursiyalar, demonstratsion tajribalarlar va ko’rsatmali o’qitishning boshqa vositalaridan foydalanish.
- Mustaqil ishlash metodlari-laboratoriya ishlari, amaliy mashg’ulotlar, kimyodan masalalar yechish va adabiyot bilan ishlash.
O’qituvchining o’quvchilarga bilim va malakalar berishiga, shuningdek, o’quvchilarda dunyoqarash hosil qilishga yordam beradigan vosita va yo’llar majmui o’qitish metodidir.
- normal tashkil qilingan ta’lim-tarbiya protsessi biror universal metoddan emas, balki mavjud metodlarning hammasidan kimyoda foydalanishni talab qiladi;
- mustaqil ishlash metodlarigina emas, balki hamma metodlar ham o’quvchilar faolligini imkoni boricha qo’zg’atishi kerak. Bu metodlar o’quvchilarning harakat aktivliginigina emas, balki fikrlash aktivligini ham qo’zg’atishi ayniqsa muhimdir;
- barcha metodlar o’quvchilarning kimyo asoslarini ongli suratda, puxta o’zlashtirishinigina ta’minlab qolmay, balki o’quvchilarda kuzata bilish, eshita bilish, asosan esa fikrlay bilish malakasini ham hosil qilishi – o’quvchilarning dasturda ko’rsatilgan bilim va o’quvchilarni ongli ravishda bilib olishlari uchun mustahkam poydevor yaratib borishi ham kerak.
O’QUV MATeRIALINI BAYON ETISH
O’qituvchining jonli so’zi bo’lmasa, tayyor bilimlar bayon etilib turmasa, normal tashkil etilgan ta’lim tarbiya protsessining bo’lishi mutlaqo mumkin emas. Kimyo darslarida o’quv materialini bayon etish protsessida eng ko’p qo’llaniladigan usullar:so’zlab berish, lekziya, suhbat va ekskursiyadir. Bayon etishda bu usullardan qaysi birining qo’llanilishi o’quv materialining mazmuniga va o’quvchilarning tayyorgarlik darajasiga bog’liq bo’ladi.
So’zlab berish va lekziya protsessida o’qituvchining vazifasi, asosan o’quvchilarning fikrini imkon boricha qo’zg’atishdan iborat bo’ladi. So’zlab berish va lekziyaga o’qituvchi yaxshilab tayyorgarlik ko’radi: ayni mavzuga oid eng mazmunli va eng qiziqarli faktik materialni tanlab oladi, bu materialni ma’lum tartibda joylashtiradi, ko’rsatma qo’llanmalar to’g’risidagi masalani hal qiladi-o’quvchilarga qanday tajribalarni, moddalarni, jadval va sxemalarni qo’rsatish kerakligini belgilab oladi. Bu yerda jurnal, gazeta, badiiy adabiyot, kinofil’m va shu kabilardan olingan eng qiziqarli konkret faktlar ham ahamiyatga ega bo’ladi. Kimyo kursining boshida o’qituvchi materialni qisqacha so’zlab berish bilan kifoyalanadi. So’ngra 8-sinf oxiriga kelib va 9-sinfda so’zlash sekin-asta murakkablashtiriladi. 9-10 sinflarda lekziyaga o’quv materialini darsning ancha ko’p qismi davomida bayon etishga o’tiladi. 11 sinfda esa kengaytirilgan lekziya o’tqaziladi. Lekziya qariyb butun dars davomida uzilmaydi, suhbat bilan tugaydi. So’zlab berish darsi davomida, bayon etishda, laboratoriya mashg’ulotlarida darslikdan dars davomida foydalanish mumkin.
Suhbat. Suhbatning xususiyati shuki, o’qituvchi suhbat vaqtida bayon etish bilan birga, yangi bilimlar olish protsessiga o’quvchilarni o’zini ham ma’lum darajada jalb qiladi. O’quvchilarda tasavvurlar zonasi qancha ko’p bo’lsa, suhbat shuncha mazmunli qiziq va samarali bo’lib o’tadi. Suhbatda o’qituvchi bilan birga butun sinf faol qatnashadi. Sinfni boshqarib borish-butun suhbatning muvaffaqiyatli chiqishi garovidir. Bu yerda ikkala asosiy prinsipga amal qilish juda muhimdir:
a) suhbatni ayrim o’quvchi bilan emas, balki butun sinf bilan o’tqazish;
b) sinfga ergashib bormay, balki suhbat davomida butun sinfni ergashtirib borish lozim.
Bu prinsiplarga rioya qilmaslik, albatta ta’lim-tarbiya protsessining buzilishiga olib boradi. Asosiy savollarni oldindan yaxshilab tayyorlash suhbatni normal tashkil qilishning zarur shartidir. O’quvchilarning savollariga lo’nda, qisqa va to’g’ri javob berish kerak. Belgilangan rejaga qat’iy rioya qilish, asosiy fikrdan chetga chiqmaslik juda muhimdir. Vaqtni tejash maqsadida kimyo o’qituvchisi suhbat o’tqazish uchun:
a) O’quvchilarga qanday savollarni va qanday tartibda berish kerakligini;
b) O’quvchilarda qanday savollar tug’ilishi mumkinligini;
v) Suhbat jarayonida nimalar ko’rsatish kerakligini;
g) Nimani va qanday qilib yozishni;
d) Suhbatni vaqt jihatidan qanday taqsimlash lozimligini ilgaridan aniqlab olishi kerakdir.
O’QUV EKSKURSIYALARI
Ekskursiyalar nazariya bilan amaliyotni bir-biriga chambarchas bog’laydi: o’quvchilarga moddalarning bir-biriga aylantirilishiga oid ishlab chiqarish protsesslarini ajratilgan holda emas, balki o’zaro bog’liq holda ko’rsatadi. O’qituvchi o’quv ekskursiyasini har qaysi sinfda maktabdan uzoq bo’lmagan atigi 1-2 ob’ektda o’tqazadi, bu zavod, fabrika, jamoa xo’jaligi va kichikroq laboratoriyalar ham bo’lishi mumkin. “Kompleks” ekskursiyalar (kimyo, geografiya, fizika va boshqalar) bilan birgalikda o’tkazilishi mumkin.
KIMYO O’QITISH PROTSeSSIDA EKSPeRIMeNT.
Kimyoviy eksperiment va kimyoning nazariy materiali bir-biriga chambarchas bog’langan bo’lishi kerak. eksperiment:laboratoriya ishi va amaliy mashg’ulotlardir. Sakkizinchi sinflarda asosan laboratoriya ishlari, yoqori sinflarda esa amaliy mashg’ulotlar o’tqaziladi. Laboratoriya ishlari darsning nazariy qismi orasida o’tqaziladi va asosan darsda o’tganilayotgan mavzuning biror masalani aniq bilib olishiga qaratilgan bo’ladi. Amaliy mashg’ulotlarning asosiy vazifasi esa maxsus darsda nazariy masalalarni aniq bilib olishdan ko’ra ko’proq o’quvchilarda kimyoviy eksperiment texnikasi sohasida mustaqil ishlab bilishi malakalari hosil qilishdan iboratdir.
Eng muhim metodik usul-kimyoviy tajribalar qilib ko’rsatish ham ana shu kimyoviy eksperimentga kiradi. O’qish jarayonida demonstratsiya ham juda katta rol’ o’ynaydi. Laboratoriya ishlari ham ko’proq ahamiyatga ega, chunki hamma o’quvchilarga o’qituvchi ishtirokida ko’rsatiladi.
LABORATORIYA ISHLARI
Laboratoriya ishlari o’quvchilarning yangi materialni ancha tushunib idrok etishlari uchun yordam beradigan juda muhim vositalardan biridir. Mavjud programmaga muvofiq laboratoriya rejalari maktabning barcha sinflarida o’tiladi. 7-sinfda o’quvchilar daftarlariga yozadigan narsani, og’zaki o’qituvchi so’zlab yozdiradi, yokori sinflarda esa o’quvchilar mustaqil suratda yozadilar va o’qituvchi yozilganlarni albatta tekshirishi kerak. Amaliy mashg’ulotlar. Amaliy mashg’ulotlar o’ziga xos xususiyati shundan iboratki, o’quvchilar bu mashg’ulotlarda butun dars bo’yi, ba’zan esa yoqori sinflarda birdaniga ikki dars davomida ishlaydilar. Bu mashg’ulotlar odatda kimyo kursining tegishli bo’limlari yoki butun bir temasi o’rganilgandan keyin o’tqaziladi. O’quvchilar dasturda ko’rsatilgan amaliy mashg’ulotlarni bajarishi majburiydir. Ma’lumki imtihon biletlariga nazariy savollargina emas, balki dasturda ko’rsatilgan tajribalar ham kiritilgan. O’quvchilar amaliy mashg’ulot vaqtida tajribani ongli o’tqazish, kimyoviy eksperiment texnikasini o’rganish, hodisani to’g’ri izohlash, konkret faktlarni umumiy qoidalariga qo’llashi kerak.
KIMYOVIY TAJRIBALAR KO’RSATISH.
Tajriba yaxshi tayyorlanib, xavfsizligiga e’tibor berish kerak. Agar o’qituvchi o’z ishiga e’tibor bilan qarasa, kimyo programmasida ko’rsatilgan tajribalarning hammasi muvaffaqiyatli chiqadi, bu tajribalarni o’tqazish uchun zarur bo’lgan sharoitini bilmagan o’quvchilarda ular muvaffaqiyatli chiqmaydi. Probirkada o’tqazilgan tajriba o’quvchilarni idrok qilishida qiyinchilikga olib keladi. Shu sababli kattaroq probirkada, kolba, menzurkalarda ko’rsatish kerak, yirik ob’ektlarni ko’rsatish va taqsimlab beriladigan kollekziya materiallaridan foydalanish katta ahamiyatga ega. O’qituvchi tajriba qilib ko’rsatish protsessida uzoqdan yaxshi ko’rinmaydigan ob’ektlarni butun sinfni aylanib ko’rsatib chiqishi, ayrim holda tajriba ob’ekti orqasiga oq qog’oz yoki qora qog’oz qo’yib ko’rsatishi kerak.
KIMYOVIY MASALALAR
Kimyoda miqdoriy masalalar sifatga oid masalalar, kimyoviy tushunchalar, nazariyalar, qonunlarga oid masalalar katta ahamiyatga ega. Miqdoriy masalalar xillari: moddalarning formulalarini tuzish, formulalar bo’yicha hisoblash, kimyoviy tenglamalar tuzish, kimyoviy tenglamalar bo’yicha hisoblash, eritmalarga oid hisoblash. Sifatga oid masalalar: moddalarni bilib olish, moddalarni tozalash, moddani hosil qilish, moddalarning klassifikaziyasi, kimyoviy tushunchalar, davriy qonun va atomlarning tuzilishi. Kimyoviy masalalarning majburiy minimumi:
- formulalar bo’yicha moddalarning molekulyar og’irligini va modda tarkibidagi elementlarni nisbatlarini hisoblab topish;
- moddalar qanday og’irlik nisbatlarda o’zaro ta’sir etilishi va qanday og’irlik nisbatlarda hosil bo’lishini reaksiya tenglamasi bo’yicha hisoblab topish;
- berilgan foiz konzentraziyalar ma’lum miqdor eritma tayyorlash uchun kerak bo’ladigan erituvchi va eritiladigan modda miqdorlarini hisoblab topish;
- ma’lum konzentraziyali ma’lum miqdor eritma tarkibidagi erigan modda miqdorini hisoblab topish;
- kimyoviy birikmalar tarkibida necha foizdan elementlar borligini birikma formulasi bo’yicha hisoblab topish;
- moddaning ma’lum miqdoridan hosil qilinishi mumkin bo’lgan mahsulot miqdorini shu modda formulasi bo’yicha hisoblab topish;
- ko’rsatilgan moddadan ma’lum miqdorda hosil qilish uchun kerak bo’ladigan moddalarning miqdorini va moddaning ma’lum miqdoridan hosil qilinishi mumkin bo’lgan modda miqdorini reaksiya tenglamalari bo’yicha hisoblab topish.
- moddalarning nazariy yo’l bilan hisoblab topilganiga nisbatan necha foiz chiqishini aniqlash;
- reaksiya uchun moddaning biri ortiqcha olingan bo’lsa, reaksiya natijasida hosil bo’lgan mahsulot tarkibiga kiradigan moddaning miqdorini aniqlash;
- tarkibida ma’lum foiz qo’shimcha bo’lgan moddalardan hosil qilinadigan moddaning miqdorini aniqlash.
- modda tarkibidan elementlarning foiz bilan ifodalangan miqdoriga asoslanib, bu moddaning eng oddiy formulasini topish;
- moddaning gazsimon holatidan zichligi ma’lum bo’lgan taqdirda uning molekulyar og’irligini topish;
- modda tarkibidagi elementlarning foiz bilan ifodalangan miqdorlari va uning gazsimon holatidagi zichligi ma’lum bo’lgan taqdirda, shu moddaning molekulyar formulasini topish;
- moddaning kimyoviy formulasi bo’yicha uning zichligini topish;
- ma’lum og’irlik miqdordagi gazning normal sharoitda egallashi mumkin bo’lgan hajmini topish;
- ma’lum miqdordagi moddalar o’zaro ta’sir etganda hosil bo’ladigan gazning normal sharoitdagi hajmini hisoblab topish;
- aytilgan moddadan ma’lum miqdorda hosil qilish uchun zarur bo’lgan gaz xajmini xisoblab topish.
Insoniyat tomonidan to’plangan bilimlarni asosan adabiyot o’qish yo’li bilan bilib oladi. Kimyo o’qitish jarayonida ham o’quvchilarni kitob bilan mustaqil ishlashga o’rgatish kerakdir. Bunda darslik bilan ishlashning sinfda hamda uyda ishlash yo’llarini o’rgatish kerak. Dars davomida kitobdagi shu masalaga oid hamma narsani emas balki eng muximini o’qituvchining yordami talab qilinadigan eng qiyinlarinigina bayon etish va shu bilan tajribalar uchungina emas, o’quvchilarning darslik bilan mustaqil ishlashi uchun ham vaqt qoldirish lozim. O’quvchilarga darslikdan tasviriy materialdan ishlab chiqarish protsesslarining sxemalaridan, kimyoning amaliy hayotda ishlatilishi to’g’risidagi ma’lumotlardan., laboratoriya ishlarining tafsilotlaridan, takrorlash uchun berilgan savollardan mashq va misollardan mustaqil suratda foydalanishni taklif etish kerak.
- sinfda tushuntirib berilmagan materialni darslikdan foydalanib bilib olish;
- tegishli rasmlar, diagrammalar va sxemalar chizib, ularni tushuntirib berish;
- darslikdagi mashqlarni bajarish;
- mavzu oxirida berilgan savollarga javob qaytarish;
- darslikdan asosiy kimyoviy tushunchalarni topish, ularni faktik material bilan konkretlashtirish;
- darslikdagi materialdan foydalanib amaliy mashg’ulotlarga tayyorlanish va boshqalar.
O’quvchilarning fan ko’rsatkichlaridan, maxsus spravochniklardan, jadvallardan (moddalarning eruvchanligi, metallarning faolligi qatori, elementlar davriy sistemasi va jadvali va xokazo) o’quv dasturida ko’rsatilgan eng muhim hozirgi zamon ishlab chiqarishlar sxemalaridan foydalanishga ham o’rgatish kerak, bu ularning amaliy hayotida ham kerak bo’ladi.
OLINGAN BILIMLARNI PUXTALASH.
Maktab vazifalaridan asosiysi o’quvchi tomonidan har qaysi fan asoslarini mustahkam va puxta o’zlashtirishini so’zsiz ta’minlash vazifasi turadi. O’quvchilar bilimlarining puxta bo’lmasligiga sabab ko’pincha o’qituvchi faoliyati, ta’lim-tarbiya jarayonining yomon tashkil etilishi sabablidir. O’quvchilarga bilimni puxta berish uchun umumpedagogik prinsiplarga amal qilinadi:yangi materialni o’rganish, ayni zamonda ilgari o’rganilgan materialni takrorlash va puxtalashdir. Ilg’or o’qituvchilar kimyo kursining boshidayoq o’quvchilardan har qaysi o’quv yilida qanday asosiy tushunchalarni va qanday chuqurlikda talab qilish kerakligini rejalab oladilar. Ular o’quvchilarda har bir kimyoviy tushunchani hosil qilish o’zaro uzviy bog’langan ketma-ket bir qator bosqichlardan iborat jarayonlardir, ayni tushunchani hosil qilishda, bilimning oldingi bosqichi puxta o’zlashtirilgandagina undan keyingi bosqichga o’tish mumkin deb hisoblaydilar.
- maxsus takrorlash bilan butun ta’lim-tarbiya jarayonini shunday tashkil etishi kerakki, yangi materialni o’rganish o’quvchilar uchun ma’lum bo’lgan material bilan hamma vaqt chambarchas bog’langan holda olib borilishi lozim;
- bilimlarni imkon boricha tushuntirish va sekin-asta kimyoviy tushunchalar hosil qilish yo’lida og’ishmay ishlashi kerak
Yozuvlar qisqa bo’lishini, darsliklardagilar takrorlanmasligi, dastur talablaridan chetga chiqmasligi lozim. Yozuvlarda asosiy e’tiborni rasmga, formulalarga hamda reaksiyaga va tenglamalariga qaratish kerak. Bilim olish yozuvni kamaytirilishiga olib borsin. Mashqlar, masalalar, laboratoriya ishlari, amaliy mashg’ulotlar, tajribalar, muhim moddalarning qisqacha tavsifi yozilishi lozim. Dars rejasi ham yozilishi kerak. 7-sinfda daftarda yoziladigan narsalarni o’qituvchi aytib turadi, sinf doskasiga ham yozib yozdiradi. 8-9 sinf o’quvchilari sekin-asta mustaqil suratda yozishga o’tadilar. Daftarning so’ngi betlariga eng muhim kimyoviy tushunchalar va kimyoviy terminlarning ta’riflari yozib borilsa ma’quldir. O’quvchilar grafikli chizish bo’yicha ham savodli bo’lishlari kerak. Rasmni chizishda geometrik proekziya usulidan foydalanish kerak, har qaysi fanni ma’lum izchillikda-bosqichlar bilan chizishga o’rgatish kerak.
- O’qitishdagi asosiy umumpedagogik va o’ziga xos xususiy o’qitish yunalishlari haqida gapiring.
- Bayon etish, suhbat, Ma’ruza, eksrursiya, eksperiment, amaliy ishlar, masalalar yechish, kitob, daftar bilan ishlarsh usullarini sharhlang.
- I. N. Barisov. “Kimyo o’qitish metodikasi”. Toshent, 1966 y.
- Namangan viloyat xalq ta’lmi boshqarmasi o’qituvchilar malakasini oshirish instituti, Ibrat 1-5, 1991y.
- M. F. Nishonov, A. Rustamova, R. N. Nishonova. “Kimyodan test sinovlari”. Farg’ona, 1992 y.
- V. M. Potapov, I. N. Chertkov. “Organik ximiyafan o’z bilimini tekshirish”. Toshkent, 1969 y.
6. Ya. V. Pletner, V. S. P olosin. “Ximiya o’qitish metodikasidan praktikum”. Toshkent, 1981 y. 207 bet.
7. V. I. Sushko. “Maktabfa kimyo”. Toshkent, “O’qituvchi”, 1991 y.
6-MAVZU: o’quvchilarning bilimlarini baholash va nazorat qilish.
REJA:
1. Bilimlarni baholash va nazorat qilish.
2. Seminar mashg’ulotlar. Diktant.
3. Darsni tahlil qilish.
4. Kartochka qo’llash dars xillari.
Tayanch iboralar:
Kartochka, grafoproektor, elektrolitik dissitsiatsiya, havo, seminar darslari. Seminar mavzulari, kimyoviy diktantlar, kimyoviy formulalar tuzish, tahlil daftarini tutish.
O’quvchilarning bilimlarini baholash va nazorat qilishga oid dars rejasi.
Mavzu: Uglevodorodlar mavzusi bo’yicha sinov kontrol ish.
1. Darsning maqsadi: O’quvchilarning uglevodorodlar mavzusidan olgan bilimlarini aniqlash.
2. Darsni jihozlash: 40 dona 8-10 variantda kartochka tayyorlash va grafproektor uchun savollar yozilgan kodotransporant tayyorlash. Grafoproektor “Lektor-2000”, ekran.
3. Darsning borishi: Birinchi bosqich:O’quvchilarni sinov ishga tayyorlash. (5 minut). Daftarlar tarqatish. Kartochkalarni tarqatish (grafoproektor bilan ishlaganda savollar ekranda beriladi).
Ikkinchi bosqich (35 minut).
– O’quvchilarning sinov savollar ustida ishlashi.
– Savollarga javob yozish.
– Har bir o’quvchining mustaqil ishlashiga erishish.
– Sinfda tinchlik bo’lishini ta’minlash.
Uchinchi bosqich: (2 minut). Sinov kartochkalarni yig’ib olish.
To’rtinchi bosqich: (2 minut). Uyga vazifa: O’tilganlarni takrorlash, yechilmagan savollarga javob topish, yangi mavzuga tayyorgarlik. Sinov ish uchun mo’ljallangan kartochkalar namunasi (savollar boshqa bo’lishi mumkin). Namuna uchun bu o’rinda faqat bir variant savollarni keltiramiz. 6-Variant. Uglevodorodlar mavzusiga oid (10 sinf).
1. 4-etil, 5-metil, okten-1 formulasini yozing.
2. Toluolga uch molekula vodorod biriktirsak qanday uglevodorod hosil bo’ladi, reaksiyani yozib izohlang.
3. C4H16ning kimyoviy xossalarini ko’rsatuvchi rekziya tenglamalarini yozib izohlang.
4. Massasi 456 gramm bo’lgan geptanning toluolga aylanishida qancha hajm vodorod (normal sharoitda ) hosil bo’ladi?
Xuddi shunday miqdordagi geksan benzolga aylanishidachi?
Bu savollarni doskaga yozish ko’p vaqt talab etadi. Variantlar kam bo’ladi. Bunday paytda o’quvchilarning bilimi aniq baholanmasdan qolishi mumkin. Kodotransporant bilan ishlash ancha qulaylik tug’diradi. Bunda har bir variant uchun bittadan savol yozilib, ekranda to’rt marta ko’rsatiladi. Birinchi savol ustida ishlash tugallanishi bilan ikkinchi, so’ngra uchinchi va to’rtinchi savollar o’rtaga tashlanaveradi. Programmalashtirilgan qisqa muddatli mashinali yoki mashinasiz ishlar ham katta qulaylik tug’diradi.
Masalan, 9-sinfda elektrolitik dissozialanish nazariyasi buyicha 14 soat atrofida dars o’tilgandan so’ng, o’quvchilar bilimini tekshirish maqsadida xuddi shunday kontrol’ ish o’tqazish mumkin.
Kartochka namunasi: Kimyo, 9-sinf(Bunga 15 minut vaqt ajratiladi).
1. Quyidagilarning qaysi biri elektrolitik eritma?
a) Shakar eritmasi; b) Osh tuzi eritmasi
2. Quyidagi tuz eritmalarining qaysilaridan elektroliz yo’li bilan metall ajratish mumkin emas?
3. Gidroksoniy ionini ko’rsating.
4. Amfoter gidroksidini ko’rsating.
5. Kislotalarning dissoziyalanish tenglamasini ko’rsating.
a) HCl® H + + Cl — ; b)NaCl ® Na + + Cl — ; v) NaOH ® Na + + OH — ;
6. Asoslarni ko’rsating.
v) NaOH, KOH g) NaCl, KCl
7. K2Cr2O7 tuzi elektr maydonining qaysi qutbiga qarab sariq rang harakat qiladi?
a) musbatga; b) manfiyga;
8. Nordon tuzni ko’rsating.
9. Kationit qanaqa zaryadlangan ionni almashtira oladi?
a) musbat zaryadlangan ion; b)manfiy zaryadlangan ion.
10. Ion almashinish reaksiyasini ko’rsating.
a) NaCl + KOH = KCL + NaOH;
v) Na2SO4+2HCl = 2NaCl + H2SO4.
O’quvchilarning javobi quyidagicha bo’l di:
9-“B” sinf o’quvchisi Baxodir Toshmatov. 5. 10. 2001y.
| 1 | 2 | 3 | 4 | 5 | 6 | 7 | 8 | 9 | 10 |
| B | a | v | b | A | v | a | b | a | b |
Javoblar to’g’ri, baxosi 5, imzo, o’qituvchining familiyasi.
Kartochka savollarining vaziyatga ko’ra boshqacharok tuzish xam mumkin.
Masalan: Ushbu reaksiyalarni to’liq yozing, tenglashtiring, qanday reaksiya natijasida 12,4 litr vodorod olish mumkin? Kislotalardan qaysi biri ko’p talab etilishini ko’rsating.
Ko’rinib turibdiki, kodotransporant yoki kartochkalar yordamida sinov ish o’tqazish katta qulayliklar tug’diradi. 10 -15 minut davomida uch-to’rt va undan ortiq savolning javobi yechiladi. Bundan tashqari o’tilgan mavzuni mustahkamlash hamda o’quvchilar bilimini baholash uchun vaqt yetarli bo’ladi. Dars jarayonida o’quvchilar, bilimi qanchalik ko’p kontrol qilinsa, ular mavzuni shu qadar chuqurroq o’zlashtiradilar.
Havo mavzusini suhbat uslubida o’tqazish.
Dars maqsadi: O’quvchilarda havo gazlar aralashmasi ekanligini tushuntirish: ya’ni kisloroddan, azotdan, karbonat angidrid gazlaridan va inert gazlardan iboratligi.
Bu vazifani u savollarga ajratadi:
1. Havoning tarkibiga qanday gazlar kiradi?
2. Havoda ularni qanday uchratsa bo’ladi?
3. Havo nima:toza moddami yoki aralashmami?
4. Bu aralashmani qanday bilish mumkin.
O’qituvchi darsga kirib o’quvchilarni yangi mavzuni tinglashga tayyorlab havo nimadan tarkib topgan, oddiy moddami yoki murakkab yoki aralashmami degan savolni o’rtaga tashlaydi. Savol hammaga tushunarli, chunki ular kislorodni kimyo darsida, karbonat angidridni biologiya darsida, azot haqidagi ma’lumotlarni kimyo va biologiya darslarida olishgan. Shuning uchun havo oddiy modda emasligi unda kislorod, azot, karbonat angidrid borligini isbot qilishlari mumkin. Bu gazlar borligini qanday kuzatish mumkin? Bu savollarga javob berishlari uchun o’quvchilar bir necha tajribalarni eslashlari mumkin. Bu tajribalarda kislorod, azot va karbonat angidrid gaz xossalari to’g’risida tasavvurga ega bo’lishgan. Shuning uchun o’qituvchi havo tarkibida joylashgan gazlar to’g’risida uchta savol qo’yishi mumkin. Havoda qanday kislorodni kuzatish mumkin? Bu tajriba haqida so’zlab bering. O’quvchilar ko’proq tajribani gapirishda qiynaladilar, ularning moddalarni toza kislorodda havodagidan yaxshi yonishi to’g’ri javobdan chalg’itadi. Cho’pning havoda oddiy yonishini ular havoda kislorodda yonishi deb hisoblaydilar. Bunday holda o’qituvchini o’quvchilar bilan karbonat angidrid gaz xossalarini qaytaradi. O’quvchilar biologiya kursidan havoda azot borligini yaxshi bilishadi. Birinchi eksperimentli isbotini ular kimyoda tahlil yo’li bilan modda tarkibini saqlanishi qonunini o’rganishda fosforni havoda yonish misolida mustahkamlaydilar. Bu bilim mustahkam bo’lishi uchun maxsus tajribada ko’rsatib, xulosa chiqarish kerak. Umumiy muammoning ikkinchi qismi havo gazlar aralashmasidan iborat ekanligini isbot qilishdan boshlanadi.
Suhbatga misol keltiramiz. Suhbat boshlanishidan oldin o’qituvchi dars mavzusini e’lon qildi (o’qituvchining ba’zi bir savollariga o’quvchilar javob berishdi).
O’qituvchi: Kimyo va biologiya darslarida qanday mavzularni o’rgangansizlar?
1-o’quvchi: Kislorod.
2-o’quvchi: Karbonat angidrid.
3-o’quvchi: Azot.
O’qituvchi: Kislorod xossalari to’g’risida gapirib beringlar?
1-o’quvchi: Kislorod rangsiz, hidsiz, havodan bir oz og’irroq, suvda eriydi.
2-o’quvchi: Kislorod ko’p moddalardan o’zining yondiruvchanlik xususiyati bilan farq qiladi. Kislorod ko’p moddalar bilan birikadi.
O’qituvchi: Karbonat angidrid xossalari to’g’risida gapiring.
1-o’quvchi: Bunda yonayotgan alanga o’chadi.
2-o’quvchi: Ohakli suvni loyqalatadi.
O’qituvchi: Azot xossalari to’g’risida gapiring.
O’quvchi: Azot-inert gaz. Bunda yonayotgan alanga o’chadi.
O’qituvchi: Havoda kislorod mavjudmi?
O’quvchi: Ha, mavjud.
O’qituvchi: Havoda kislorod mavjudligini qanday isbot qilish mumkin?
O’quvchi: Shamni yoqib havosi bilan bo’lgan bankaga tushirganingizda sham yonib turaveradi.
O’qituvchi: Havoda karbonat angidrid gaz mavjudmi?
O’quvchi: Ha, mavjud.
O’qituvchi: Borligini qanday isbot qilish mumkin?
O’quvchi: Biz karbonat angidrid gazi chiqaramiz, u havo bilan aralashib ketadi.
O’qituvchi: Havoda azot mavjudmi?
O’quvchi: Ha, mavjud.
O’qituvchi: Havoda fosfor yonganda u nima bilan qo’shiladi?
O’quvchi: Fosfor kislorod bilan qo’shiladi.
O’qituvchi: Fosfor bilan qo’shilganda havoning hamma qismi sarflanadimi?
O’quvchi: Yo’q, hammasi emas.
O’qituvchi: Agar qolgan havoga yonayotgan cho’pni tushirsak, nima yuz beradi?
O’quvchi: U o’chadi.
O’qituvchi: Nima uchun?
O’quvchi: Bankada kislorod qolmagan.
O’qituvchi: U yerda nima qolgan?
O’quvchi: U yerda azot qolgan.
Keltirilgan dialogdan ikki xil suhbat olib borish usuli o’rtasidagi farq mavjud. Ikkinchi suhbat davomida o’quvchilar vazifalarni o’zlari yechmay o’qituvchining ta’siri ostida yechdilar. Ularning aqliy faoliyati qisqa javob qidirish yo’li bilan chegaralanishda ikkala suhbat metodini o’qituvchi uchun qiyinligi kelib chiqadi. Shu bilan birga amaliyotda qo’llanilganligi uchun bu metodni o’rganish zarur.
Evristik suhbat asosiy belgilari quyidagicha:
1) O’quvchilar suhbatni butun va ko’p qismi maqsadini tushunadilar.
2) Suhbat oddiy savol-javob tartibi emas, balki maqsadli savol-javoblar sistemasi.
3) Savollar oddiy va murakkab savollarga bo’linadi, murakkab savollar vazifalar tarzida shakllantiriladi va ularniyechilganda kichik-kichik savollarga ajratiladi.
4) Har bir savol-vazifalarga javob qilingandan keyin o’qituvchini yakunlovchi so’zi bo’lishi kerak.
Suhbat o’tqazishda asosiy savollar yaxshilab tayyorlash kerak bo’ladi. Bu savollar bir-biri bilan chambarchas bog’liq bo’lishi aniq bir tartibda joylashtirilishi kerak. Suhbat ham o’quvchilarni aktivlashtirishi, ularning fikrlash qobiliyatini uyg’otishi kerak. suhbat o’tqazishda vaqtni to’g’ri tejash kerak. Aks holda maqsadga erishib bo’lmaydi.
SEMINAR MASHG’ULOTLAR.
O’quvchilarning bilish faoliyatini faollashtirish, ularning mustaqil fikrlash qobiliyatini o’stirishda seminar mashg’ulotlarini o’tqazish muhim ahamiyatga egadir. Seminar mashgulotlari orqali o’quvchilar oldingi olgan bilimlarini mustahkamlaydilar, mavzular orasidagi o’zaro bog’lanishni amalga oshiradilar. Seminar mashg’ulotlarida o’quvchilar darslik bilan mustaqil ishlash, turli xil ilmiy va ilmiy ommabop adabiyotlar bilan ishlash malakalarini oshiradilar. Seminar mashg’ulotlarida o’quvchilardagi ba’zi tortinchoqlik xislatlari barham topadi, jamoa o’rtasida o’zlarini erkin his qilish, fikrni aniq bayon qilishga o’rganadilar. Bu orqali o’quvchilarni dunyoqarashi, ulardagi tanqidiy, mantiqiy, ijodiy fikrlash, jamoaga yondashish, u bilan hamnafas bo’lish kabi xislatlar qaror topadi. Seminar mashg’ulotlarida hamma o’quvchilar ishtirok etadilar.
Seminar mashg’ulotlari bir necha bosqichlardan iborat, ular quyidagilardir:
1-bosqich. Tayyorgarlik ko’rish bosqichi.
Bunda seminar o’tqazadigan mavzular tanlanib, o’qituvchi seminar darsining rejasini tuzadi va zarur bo’lgan metodik va ilmiy adabiyotlar ro’yxatini o’quvchilarga tavsiya etadi. Seminar mashg’uloti o’tqazishda 7-10 kun ilgari seminar mavzusi, uning savollari o’quvchilarga ma’lum qilinadi.
2-bosqich. O’quvchilarning seminarga tayyorgarlik ko’rish davri.
Bunda o’quvchilar yakka yoki guruh bo’lib kitob bilan mustaqil ishlaydilar, savollarga javob topadilar. O’qituvchidan konsul’tatsiya oladilar. Diafil’m, diopozitiv, kinofragmentdan foydalanadilar.
3-bosqich. Seminar mashg’ulotlarini o’tqazish.
Seminar mashg’ulotni o’tqazishda o’qituvchi yoki yordamchi o’quvchi rahbarlik qiladi. Seminar bir necha variantlarda o’tqazilishi mumkin. Ba’zi o’quvchilar o’qituvchi bergan savollarni uyda tayyorlab kelib, o’z ixtiyori bilan so’zlab berishi mumkin. Ba’zilari esa puxta referat qilib kelib, uni atroflicha yoritib berishi mumkin. Ba’zi o’quvchilar esa qisqa qilib axborot berishlari, o’rtoqlarining javoblarini tahlil qilishi, javobini to’ldirishi mumkin. Qolgan o’quvchilar axborotlarni tinglab, o’rtoqlari fikrini tahlil qilib o’tiradilar. Seminar mashg’uloti paytida o’quvchilarni do’stona muloqotda bo’lishlarini o’qituvchi ziyraklik bilan kuzatib borishi lozim. Zarur ximikatlar, asboblar bilan o’quvchilar oldindan foydalangan bo’lishlari va tajribalar qilib ko’rgan bo’lishlari kerak.
4-bosqich. Seminar mashg’ulotni yakunlash.
O’qituvchi seminarda faol ishtirok etganlarni rag’batlantiradi. Referat, axborotlarni umumlashtiradi va baholaydi. Seminar darslarini o’tqazish ancha mehnat talab qiladigan, o’quvchi va o’qituvchining ijodiy ishlarini darslik ustida mustaqil ishlashlarini mustaqil fikr yoritishlarini talab etadi. Sir emas, keyingi yillarda o’quvchilarning o’qishga bo’lgan qiziqishlari anchagina pasayib ketdi. Kitob bilan ishlash malakalari yomon ahvolda. Bundan tashqari, o’quvchilarni uyda savollarga javob topib kelishlari qiyin bo’lib, seminar darslarini o’tqazishni bir muncha qiyinlashtirishi mumkin.
Bu holda seminar darslari quyidagi tartibda olib borilishi mumkin. Seminar darsi bo’ladigan kun o’qituvchi doskaga seminar savollarini yozib qo’yadi. O’quvchilar 15-20 minut ichida darslik bilan ishlab savollarga javob topadilar. Qiyin holda o’rtoqlaridan yordam olishlari mumkin. Buning uchun o’quvchilarni 4 tadan qilib guruhlarga bo’lish mumkin. Bunda maslahatlashish va bahs uchun sharoit yaratilgan bo’ladi. Qolgan 20-25 minutda savollarga javob beradilar, bir-birlarini to’ldiradilar, mashqlar ishlashadi. Bu bir muncha o’quvchilarda o’z kuchiga, bilimiga ishonch hosil qilish, mustaqil fikr yurita olishga imkoniyatlar beradi.
Seminar mashg’ulotlari tez-tez olib borilsa, o’quvchilarda mustaqil fikr yoritish, darsga qiziqish, fanni chuqur idrok qila olish malakalari hosil bo’lib boradi. Seminar darslarini olib borishni boshqa variantlari ham bo’lib, ular ancha tayyorgarlik ko’rgan o’quvchilar uchun mo’ljallangan. Bu holda o’quvchilar tabaqalashgan holda ish olib boradilar.
Masalan, “Etilen qatori uglevodorodlari”ga 7 soat berilgan. Buni 2 soatidan mavzuni ma’ruza uslubida o’tib, bir soat amaliy ish o’tqazib qolgan 4 soatida seminar darslari o’tqazilgan. Bu vaqtda o’quvchilarning hammasi mavzu asosida axborot beradilar, ma’ruza qiladilar, eksperimental masalalar yechadilar. Barcha o’quvchi baholanadi. A, B, V variantlarda vazifalar beriladi. Bunda:
A variant – yengil savollar;
B variant – o’rta qiyinlikda savollar;
V variant – murakkab savollar.
O’quvchilar o’zlarini kuchlariga yarasha variant savollariga javob beradilar. Birorta javob bermagan o’quvchi qolmaydi. Bu sistemada seminar darslarini olib borish ancha tayyorgarlikka ega bo’lgan, kitob bilan mustaqil ishlay oladigan o’quvchilar uchun mo’ljallangan.
Quyida “elektrolitik dissoziyalanish nazariyasi”, mavzusi bo’yicha seminar darsini taxminiy reja namunasini beramiz.
1. Elektrolitlar va elektrolitmaslar.
2. Elektr tokini o’tkazuvchi moddalardagi kimyoviy bog’lanish tabiati.
3. Elektrolitik dissoziatsiya
4. Elektrolit eritmalarida sodir bo’ladigan ion almashtirish reaksiyalari.
5. Quyidagi moddalarni dissotsiyalanishi tenglamasini yozing.
6. Quyidagi tuzlarning gidrolizlanish tenglamalarini yozing.
7. Tuzlarning gidrolizi.
A variantda quyidagi savollar bo’lishi mumkin.
1. Elektrolitik dissoziatsiya nazariyasining asosiy qoidalari.
2. Elektrolitik dissoziaziya nazariyasi nuqtai nazaridan asos, kislota va tuzlarning xossalari.
3. Tuzlar gidrolizi-tuzlarning eng muhim xossasi.
4. Ion almashinish reaksiyalarini oxirigacha borish shartlari.
B variant. O’quvchilar navbat bilan savollarga javob beradilar. Bir-birlarini javoblarini to’ldiradilar. Bir-birlarini javoblariga aniqlik kiritadilar. Na2SO3, K2S, AlCl3 tuzlarini gidrolizlanish tenglamalarini yozadilar. Iloji bo’lsa tajribada isbotlaydilar.
5-savol bo’yicha quyidagi mashqlarni bajaradilar.
6 – savol bo’yicha mashq bajaradilar.
V variant bo’yicha quyidagi ish olib boriladi.
Dars o’qituvchining kirish so’zi bilan boshlanadi. O’qituvchi elҐktrolitik dissoziatsiya nazariyasi ahamiyati haqida gapirib beradi. Doskaga 2-3 o’quvchini chiqarib uchinchi savol bo’yicha mashq bajartiradi. (B-variant rejasiga qarang) 4-savol bo’yicha mashq bajartiriladi. Sinf o’quvchilaridan bir guruhi asos kislota va tuzlar xossalarini tasdiqlovchi tenglamalar yozishga oid mashqlarni mustaqil ishlaydilar. O’quvchilar baholanadi. Seminar darsi yakunlanadi.
Seminar darslariga quyidagi mavzularni tavsiya etish mumkin:
1. Dastlabki kimyoviy tushunchalar.
2. Oksidlar, asoslar, kislotalar va tuzlar.
3. Suv – hayot manbai.
4. Kimyoviy modda o’lchov birliklari.
5. Elektrolitik dissotsiyalanish nazariyasi.
6. Ilmiy asosda mineral o’g’itlarni saqlash va undan foydalanish.
7. Qurilish materiallari.
8. Metallar karroziyasi va uning oldini olish.
9. Kimyoviy elementlarni tabiatda tarqalishi.
10. Tirik tabiatda kimyoviy elementlar.
11. Qishloq xo’jaligida polimer va sintetik moddalar.
12. O’simliklarni rivojlanishiga, qishloq xo’jalik mahsuloti sifatiga kimyoviy moddalar ta’siri.
13. Qishloq xo’jalik hayvonlarini rivojlanishiga va o’sishiga mikro va makro elementlar ta’siri.
14. Qishloq xo’jalik maxsulotlarini saqlash va qayta ishlashda organik va anorganik moddalardan foydalanish.
15. Uglevodorodlarning tabiiy manbalari.
16. Havo va tuproq ekologiyasi.
17. Kimyo va tibbiyot.
KIMYOVIY DIKTANTLAR
Kimyo o’qitish jaroyonida o’quvchilar bilimini hisobga olishning eng muhim usullaridan biri kimyoviy diktant hisoblanadi. Kimyoviy diktant o’tqazishda, o’quvchining bilim darajasini, ish xususiyatlarini hisobga olish kerak. Kimyoviy diktant uchun beriladigan topshiriqlarni o’qituvchi og’zaki aytib beradi. O’qituvchi aytgan moddalarni o’quvchilar kimyoviy formulasini yozishi mumkin. reaksiya tenglamalarini ongli bajarishi mumkin. Kimyoviy diktant savollaridan namuna keltiramiz. “Anorganik moddalarning eng muhim sinflari” mavzusiga oid: temir(II)-xlorid, temir(III)-oksidi, kal’siy sul’fat, magniy fosfat, mis(II)-oksidi, fosfat kislota, temir(III)gidroksid, alyuminiy oksidi. O’quvchilar moddalar yoniga ularning molekulyar formulalarini yozadi.
KIMYOVIY DIKTANT TURLARI.
1. Moddalarning nomi asosida formulasini tuzish.
2. Birikmalardagi kimyoviy element valentligini topish.
3. Kimyoviy tushunchalarga ta’rif berish.
4. Turli xil grafalarni to’ldirish.
5. Reaksiya tenglamalarini davom ettirish va hokazo.
O’qituvchi diktantni o’qiganida barcha o’quvchilarni yozishga ulgurishlarini hisobga olishi va takrorlab turishi kerak. keyingi vaqtlarda kimyoviy diktantni grafik turi yaxshi natija bermoqda. Grafik diktant o’tqazish uchun sinfda bir necha marta kimyoviy diktant o’tkazilganda uning mazmunini tushuntirib qo’yiladi. Grafik diktant o’tqazilganda o’quvchilar daftar varag’idan eni 5sm, uzunligi 20sm qog’oz bo’laklarini tayyorlab qo’yadilar. Topshiriqni miqdoriga qarab, uzun chiziq chizilib, shu chiziq bo’limlarga bo’linadi. U quyidagicha:
Masalan: Quyidagi moddalarning kimyoviy formulasi, ularning nomlanishiga to’g’ri keladimi?
1. NaCl – natriy xlorid.
4. K2 S – kaliy sul’fit.
5. MgO – magniy gidroksid.
6. NaOH – natriy oksidi.
Agar modda to’g’ri nomlangan bo’lsa, grafikdagi to’gri nomlangan songa ____ chiziq tortiladi, natijada |====| shakl bo’ladi. Agar formula notug’ri nomlangan bo’lsa, u nomer chizig’i ustiga Ç – yarim oy chiziladi va |Ç| shakl paydo bo’ladi.
Darsni tahlil qilishning aniq bir retsepti yoki muayyan andazasi yo’q albatta. Bu ish masalaga doim ijodiy yondoshishni talab etadi. Shu sababli bu o’rinda dars tahlili ba’zi bir muhim tomonlari haqidagina fikr ko’rsatiladi, xolos.
Uslubiyot talablariga ko’ra dars tahlili kompleks yoki maxsus bir maqsadni ko’zlab o’tqazilishi mumkin. Kompleks tahlil darsning hamma tomonlarini birvarakay qamrab oladi. Maxsus tahlillar davomida esa quyidagi maqsadlar ko’zda tutilishi mumkin. Chunonchi, texnika vositalaridan foydalanish metodikasi o’quvchilar faolligini kuzatish, ko’rgazmali vositalardan foydalanish va boshqalar.
Tahlil daftarini taxminan quyidagicha yoritish mumkin.
1-maktab,10 sinf, sinfda 35 o’quvchi bo’lib, darsda 34 o’quvchi qatnashdi
2.Yangi mavzuni tushuntirilishi .
3. Darsni mustahkamlash .
2.O’quvchilar darsga faol ishtirok etdilar
2.Reaksiya tenglamasi doskada yaxshi ko’rinmadi.