Tilda va Dilda juda tasirli hikoya
Assalomu alayko’m. Manbalar ajoyib. Bir iltimos, so’rov bu rivoyatlarni manbasini ko’rsatib foydalansa bo’ladimi? Masalan, telegram yoki you tube da?
Oyjamolning hayoti (Juda tasirli hikoya)
— Бу қояда Ойжамолнинг руҳи яшайди, болам. У мана шу қишлоқда ўсган сулув қиз эди. Ота-онаси эрта ўлиб кетгани учун бувисининг қўлида улғайди. Гўзал қизга бадавлат оиланинг ўғли уйланди. Унинг исми Нодир эди. Келин бўлиб тушган хонадонида ҳеч кими йўқ етим қизни одам ўрнида кўрмасдилар. Бечорагинанинг ҳатто қайнона-қайнотаси, қайнсингиллари, эри билан бир дастурхонда ўтиришга ҳақи йўқ эди. Камсуқум қиз хизматкорлар билан бирга овқатланса-да, кун бўйи ҳақоратлар эшитса-да, эрига бу ҳақда айтмас ва ўз ҳолидан нолимасди. Бироқ кўп ўтмай, арзанда ўғилнинг ишқи қишлоққа ишга келган чиройли дўхтир қизга тушди-ю, Oйжамолга бўлган муҳаббати сўнди.
Инобатхон ҳам қадди-қомати келишган эди, у Нодирга аввалига кўз сузибди-ю, кейин то хотинидан қутулмагунча унга турмушга чиқмаслигини айтиб, учрашмай қўйибди. Энди арзанданинг Ойжамолни кўрарга кўзи йўқ эди. У хотинининг оғироёқлигини андиша қилмай, урадиган ва таҳқирлайдиган одат чиқарди. Бироқ эри бошқаларга қўшилиб, унга қанчалик ёмон муносабатда бўлмасин, аёл уйдан чиқиб кетмади. Дарғазаб эр эса ўзини қўярга жой тополмасди. Ахийри у иблиснинг гапига кириб, даҳшатли режа тузди.
Ойжамолнинг овқатига заҳар солди. Лекин келинчакнинг жони сабил экан. У ҳомиласидан айрилди-ю, бироқ тирик қолди. Аммо сулувдан ниҳоятда бадбашара аёлга айланди. Ниятига етолмаган Нодир тағин кутишга қарор қилди. У хотинига ўзини гўё боласидан айрилганига ва юзи хунуклашганига куйингандай кўрсатди-ю, бироқ йўлига тўғаноқ бўлаётган аёлидан қутулишга астойдил бел боғлади. Кейин эшитишимизча, у хотинини дарё томонга олиб бориб, ўша тик қояга чиқишга ундабди. Ўзи ҳам у билан бирга кўтарилибди. Ойжамол эрининг кўнглидаги чиркин ниятидан бехабар эди.
Аёл ортига ўгирилишга улгурмабди ҳам, бераҳм эркак уни дарёга итариб юборибди. Бу сафар аёл омон қолмади. Унинг танасини дарёнинг шиддатли суви оқизиб кетибди. Нодир эса Ойжамолнинг маросимларини ўтказиши билан Инобатхонга уйланди. Бундай дабдабали тўйни ҳеч ким кўрмаганди. Бироқ чимилдиққа кирган куёв келиннинг юзидаги пардани кўтариб, юраги ёрилишига оз қолибди. Инобатнинг гўзал юзи ўрнига бадбашара Ойжамолни кўриб, бақириб юборибди.
Аёл эса:
— Хиёнаткор! Хиёнаткор! Хиёнаткор! — дея такрорлаётгандай бўларкан.
Нодир жонҳолатда эшик томонга отилибди. Аммо эшик ўлгур ҳадеганда очилмабди. Ойжамолнинг қўллари эса уни орқага тортибди. Нодирнинг кўзига бадбашара юздан бошқаси кўринмабди. У ортига ўгирилибди ва келинчакни бўға бошлабди. Жонсиз тана ерга йиқилганида эса Нодир не кўз билан кўрсинки, у Инобат экан. Яқинлари фожиани кўриб, даҳшатдан қотиб қолишибди. Нодир эса гўё телбадай дарё томонга отилибди. Уни Ойжамолнинг овози ўша ёққача таъқиб этиб борибди. Золим эр тик қояга чиқибди-ю, қайғу-алам ичра ўзини сувга отибди. Айтишларича, ҳозир ҳам Ойжамолнинг безовта руҳи шу тик қоя атрофларида изғиб юрар экан.
Мен бу ҳикояни эшитарканман, дунёга келиб, кун кўрмай кетган аёлга ачиндим. Ҳар сафар тик қояга тикилганимда ғамгин аёл қиёфасини кўргандай бўламан…
Oxshash xabarlar:
Tilda va Dilda juda tasirli hikoya
Uch musulmon Rum urushiga borib, tez orada dushmanga asir tushib qolibdilar. Rum qaysari vakillari orqali ularga shart qo‘yibdi: “Agar islom dinidan yuz o‘girib, masihiylikka o‘tsangiz, omon qolasizlar, aks holda sizlarni qatl etamiz”, debdi.
Asir jangchilar bu taklif va farmonni eshitib, o‘zlaricha o‘yga tolibdilar. Asir tushgan jangchilardan biri avval faqih bo‘lib, shariat qonunlarini (ahkomlarini) yaxshi bilar ekan.
U o‘ylab ko‘rib, “Men dilimda emas, tilimda o‘z dinimdan kechsam, omon qolaman, bu gunoh bo‘lmas”, degan xulosaga kelibdi.
Ikkinchi jangchi hazrat Ali avlodiga mansub sayyidlardan ekan. U o‘ylabdi: “Men vaziyat taqozosi bilan, tilimda dinimdan voz kechsam, mahshar kuni buyuk ajdodlarim menga shafoat qilar”.
Uchinchi jangchi o‘z umrida ko‘p gunoh ishlar qilgan bezori odam ekan. U safdoshlarining fikrini eshitib, o‘yga tolibdi va debdi:
— Menga hech kim shariat ahkomlarini o‘rgatmagan, hech bir qarindoshim meni himoya qilmaydi. Shu sababli men dinimdan voz kechmayman va o‘limimga roziman.
Oxiratda hech bo‘lmasa shu ishim — dinimdan qaytmagach o‘lib ketganim uchun menga rahm qilishsa kerak. Ming-ming gunoh bilan yashaganimdan ko‘ra, bitta savobli amal bilan yaxshi nom chiqarib o‘lganim yaxshi!
Sizni ushbu maqola ham qiziqtirishi mumkin
Assalomu alayko’m. Manbalar ajoyib. Bir iltimos, so’rov bu rivoyatlarni manbasini ko’rsatib foydalansa bo’ladimi? Masalan, telegram yoki you tube da?
Xamidjon Assalomu alayko’m. Web-saytdagi barcha malumotlardan Manba ko’rsatgan holda foydalanishingiz mumkin.
Jaqsi eken barin oqip shiqtim tasieli ham adamlarga paydalu.
Hikoyalar juda ham ta’sirli va ibratli ekan. O’qib anchagina ma’lumotlarga ega bo’ldim. Yana bundan ham yaxshilarini kutib qolaman. Rahmat! ��
So‘nggi yuklangan mavzular
Ko‘p o‘qilgan mavzular
Bo‘limlardan birini tanlang
Tilda va Dilda juda tasirli hikoya
23 июня 2014
Tilda va dilda
Uch musulmon Rum urushiga borib, tez orada dushmanga asir tushib qolibdilar. Rum qaysari vakillari orqali ularga shart qo‘yibdi: “Agar islom dinidan yuz o‘girib, masihiylikka o‘tsangiz, omon qolasizlar, aks holda sizlarni qatl etamiz”, debdi.
Asir jangchilar bu taklif va farmonni eshitib, o‘zlaricha o‘yga tolibdilar. Asir tushgan jangchilardan biri avval faqih bo‘lib, shariat qonunlarini (ahkomlarini) yaxshi bilar ekan. U o‘ylab ko‘rib, “Men dilimda emas, tilimda o‘z dinimdan kechsam, omon qolaman, bu gunoh bo‘lmas”, degan xulosaga kelibdi.
Ikkinchi jangchi hazrat Ali avlodiga mansub sayyidlardan ekan. U o‘ylabdi: “Men vaziyat taqozosi bilan, tilimda dinimdan voz kechsam, mahshar kuni buyuk ajdodlarim menga shafoat qilar”.
Uchinchi jangchi o‘z umrida ko‘p gunoh ishlar qilgan bezori odam ekan. U safdoshlarining fikrini eshitib, o‘yga tolibdi va debdi:
— Menga hech kim shariat ahkomlarini o‘rgatmagan, hech bir qarindoshim meni himoya qilmaydi. Shu sababli men dinimdan voz kechmayman va o‘limimga roziman. Oxiratda hech bo‘lmasa shu ishim — dinimdan qaytmagach o‘lib ketganim uchun menga rahm qilishsa kerak. Ming-ming gunoh bilan yashaganimdan ko‘ra, bitta savobli amal bilan yaxshi nom chiqarib o‘lganim yaxshi!
Abdul-Majid ibn Odam Sanoiyning “Haqiqat bog‘lari” asaridan Mahkam Mahmud tayyorladi.