Urfdan qoldi: Bahorda kiyish tavsiya qilinmaydigan kiyim-kechaklar (foto)
Ushbu bichimga ega bo‘lgan shortlar Bermud orollari hududiga joylashtirilgan ingliz harbiylari uchun o‘ylab topilgan. Avvaliga ular o‘rnatma cho‘ntaklarga ega bo‘lgan, ammo keyinchalik cho‘ntaksiz ko‘rinishda yaratila boshlangan. Uning universal libosga aylanishini istasangiz, neytral rangli vauzunligi tizzadan 10 sm balandlikda bo‘lgan turlariga diqqat qarating.
OTMga o‘qishga kirishda kimlarga imtiyoz berilgan?
16 iyun kuni oliy va o‘rta maxsus ta’lim vaziri Abduqodir Toshqulov OTMlarga kirishda beriladigan barcha imtiyozlar qayta ko‘rib chiqilib, inventarizatsiyadan o‘tkazilishini ma’lum qilgandi. «Juda ko‘p va xo‘p imtiyozlarimiz bor. Keyingi o‘quv yilidan shu imtiyozlarning vaqtini yashab bo‘lganlaridan voz kechamiz», — degandi vazir. Shundan kelib chiqib, «Gazeta.uz» ta’lim muassasalariga kirishda OTMlarga kirishda kimlarga qanday imtiyozlar taqdim etilgani borasidagi ma’lumotlarni bir materialga jamladi.
1. Zulfiya nomidagi Davlat mukofoti laureatlari
Prezidentning 1999 yil 10 iyundagi [PF-2326-son] farmoni bilan Zulfiya nomidagi Davlat mukofoti ta’lim, fan, adabiyot, madaniyat, san’at, sport va jamoatchilik faoliyatida alohida yutuqlarga erishgan o‘n to‘rt yoshga to‘lgan va o‘ttiz yoshdan oshmagan iqtidorli qizlarga beriladi.
Zulfiya nomidagi Davlat mukofoti laureatlari bo‘lgan o‘quvchilar OTMlarning bakalavriatiga, bakalavriat talabalari esa magistraturasiga tegishli yo‘nalish va ixtisoslik bo‘yicha kirish sinovlarisiz davlat grantlari asosida qabul qilinadi.
2. Tavsiyanomaga ega harbiy xizmatchilar
Mudofaa, Ichki ishlar, Favqulodda vaziyatlar vazirliklari, DXX va Milliy gvardiya rahbarlarining birgalikdagi [3215] qarori asosida 2020 yil 31 yanvarda harbiy xizmatchilarga tavsiyanoma berish tartibi tasdiqlangan.
Unga ko‘ra, tavsiyanomalar O‘zbekiston Qurolli Kuchlari safida muddatli harbiy xizmatni o‘tab bo‘lgan, jangovar va ma’naviy-ma’rifiy tayyorgarlik bo‘yicha yuksak natijalarga erishgan, zaruriy bilim saviyasiga ega, namunali harbiy intizomini namoyon etgan eng munosib harbiy xizmatchilarga beriladi.
Tavsiyanomaga ega abituriyentlar quyidagilarga ega bo‘ladi:
- respublikaning oliy harbiy ta’lim muassasalaridagi tegishli ta’lim yo‘nalishlariga o‘qishga kirishda test sinovlari natijalariga ko‘ra o‘zlari to‘plagan ballarining 50 foizi miqdorida qo‘shimcha ball shaklidagi imtiyozga;
respublikaning oliy ta’lim muassasalari (oliy harbiy ta’lim muassasalari bundan mustasno) bakalavriatiga o‘qishga kirish uchun OTMga qabul parametrlaridan tashqari ajratiladigan alohida qabul ko‘rsatkichlari doirasida tanlovda ishtirok etish huquqiga.
3. Qurolli Kuchlar harbiy xizmatchilarining farzandlari
Vazirlar Mahkamasining 2018 yil 22 iyundagi [462-son] qarori bilan Qurolli Kuchlar harbiy xizmatchilarining farzandlariga ham ta’lim muassasalariga kirishda imtiyoz taqdim etilgan.
Unga ko‘ra, Qurolli Kuchlari harbiylari va uning tarkibiga kiruvchi vazirlik hamda idoralarning xodimlari farzandlarining kvota asosida respublika oliy ta’lim muassasalariga o‘qishga kirishi uchun tavsiyanomalar beriladi.
Tavsiyanoma quyidagilarga beriladi:
- Mamlakat mudofaa qudratini mustahkamlashga munosib hissa qo‘shgan, jangovar-xizmatda va ilmiy faoliyatda muayyan natijalarga erishgan O‘zbekiston Respublikasi Qurolli Kuchlari tarkibiga kiruvchi vazirliklar (idoralar)ning haqiqiy xizmatni o‘tayotgan ofitserlariga, serjantlar va oddiy askarlar tarkibiga mansub bo‘lgan kontrakt bo‘yicha harbiy xizmatchilarga va Milliy gvardiya xodimlariga;
- harbiy xizmat majburiyatini bajarish chog‘ida halok bo‘lgan, yaralangan, kontuziya, shikastlanish yoki kasalliklar oqibatida nogironligi bo‘lgan shaxs bo‘lib qolgan Qurolli Kuchlari tarkibiga kiruvchi vazirliklar va idoralarning ofitserlari, serjantlar va oddiy askarlar tarkibiga mansub bo‘lgan kontrakt bo‘yicha harbiy xizmatchilari va Milliy gvardiya xodimlarining farzandlariga beriladi.
4. «Mard o‘g‘lon» davlat mukofoti sohiblari
Prezidentning 2017 yil 21 noyabrdagi [PQ-3402-son] qarori bilan O‘zbekiston yoshlar ittifoqi Markaziy Kengashining «Mard o‘g‘lon» davlat mukofotini Qoraqalpog‘iston Respublikasi, viloyatlar va Toshkent shahrining 2 nafardan vakillariga har yili «Yoshlar kuni» arafasida topshirish haqidagi taklifi ma’qullansin.
«Mard o‘g‘lon» davlat mukofoti o‘qishdagi muvaffaqiyatlari, ijtimoiy faolligi va iste’dodi bilan tengdoshlariga o‘rnak bo‘lib kelayotgan iqtidorli yigitlarga fan, ta’lim, tibbiyot, madaniyat, adabiyot, san’at, sport, ishlab chiqarish, harbiy xizmat sohalarida hamda huquqni muhofaza qilish organlaridagi faoliyatida erishgan alohida yutuqlari uchun beriladi.
«Mard o‘g‘lon» davlat mukofotiga talabgorlar O‘zbekiston prezidenti huzuridagi Davlat mukofotlari va geraldika bo‘yicha Komissiya tomonidan ko‘rib chiqiladi. Uning natijalariga ko‘ra Komissiya tomonidan prezidentga takliflar kiritiladi. «Mard o‘g‘lon» davlat mukofoti bilan taqdirlash prezident qarori bilan amalga oshiriladi.
«Mard o‘g‘lon» davlat mukofoti sohiblari bo‘lgan o‘quvchilar OTMlarning bakalavriat bosqichiga, oliy o‘quv yurtlari talabalari yoki bakalavr darajasiga ega yoshlar esa magistratura bosqichiga tegishli yo‘nalish bo‘yicha kirish imtihonlarisiz davlat grantlari asosida qabul qilinadi.
5. Ichki ishlar organlari xodimlarining farzandlari
Vazirlar Mahkamasining 2019 yil 6 maydagi [375-son] qarori bilan Ichki ishlar organlari xodimlari farzandlarining davlat oliy ta’lim muassasalari hamda Mudofaa vazirligi, IIV, Milliy gvardiyasi va Davlat bojxona qo‘mitasining oliy va o‘rta maxsus ta’lim muassasalariga o‘qishga kirishi uchun tavsiyanoma (taqdimnoma) berish tartibi to‘g‘risidagi nizom tasdiqlangan.
Ushbu nizom ichki ishlar organlarining shahodatlangan xodimlari, terrorizm va jinoyatchilikka qarshi kurashish hamda jamoat xavfsizligini ta’minlash chog‘ida halok bo‘lgan yoki olgan jarohati tufayli nogiron bo‘lib qolgan xodimlarining farzandlariga (vasiylikka olingan farzandlar bundan mustasno) nisbatan tatbiq etiladi.
Davlat OTMlarning bakalavriatiga (ikkinchi ta’limdan tashqari) o‘qishga kirishi uchun tavsiyanoma ichki ishlar vazirining o‘rinbosari — Kadrlar bosh boshqarmasi boshlig‘ining iltimosnomasiga asosan vazir tomonidan beriladi.
Bundan tashqari, huddi shu tartibda vazir tomonidan Mudofaa vazirligi, IIV, Milliy gvardiya va Davlat bojxona qo‘mitasining oliy (magistratura, ikkinchi va oliy ta’limdan keyingi ta’limdan tashqari) va o‘rta maxsus ta’lim muassasalariga o‘qishga kirishi uchun taqdimnoma beriladi.
6. Harbiy qism qo‘mondonligi va Yoshlar ittifoqi boshlang‘ich tashkiloti tavsiyanomasiga ega abituriyentlar
Vazirlar Mahkamasining 2017 yil 20 iyundagi [393-son] qarori bilan harbiy xizmatchilar orasidan yuqori natijalarga erishgan, har bir harbiy qismdan bittadan yosh harbiy xizmatchi harbiy qism qo‘mondonligi (rahbariyati) va O‘zbekiston yoshlar ittifoqi boshlang‘ich tashkiloti tavsiyanomasiga muvofiq oliy ta’lim muassasalariga tasdiqlangan davlat granti kvotalariga qo‘shimcha ravishda imtihonlarsiz qabul qilinadi.
7. O‘zbekiston yoshlar ittifoqining tavsiyanomasini qo‘lga kiritganlar
Vazirlar Mahkamasi 2017 yilning 14 noyabrida [914-son] sonli qaror bilan O‘zbekiston yoshlar ittifoqining faol a’zolariga oliy ta’lim muassasalariga kirishda imtiyozlar berish tartibini tasdiqlab bergan.
Hujjatga asosan tavsiyanomalar O‘zbekiston yoshlar ittifoqi tizimidagi sardorlarga, boshlang‘ich tashkilotlardagi yo‘nalish yetakchilariga, ikki yillik mehnat stajiga ega bo‘lgan fidoyi yoshlarga beriladi. Tavsiyanomalar Qoraqalpog‘iston, viloyatlar va Toshkent shahrining bir nafardan (jami 14 nafar) yoshlariga taqdim etiladi.
Tavsiyanomalarga ega bo‘lgan yoshlar O‘zbekiston ta’lim muassasalariga o‘qishga qabul qilish bo‘yicha davlat komissiyasi qaroriga asosan doimiy yashash joyidagi OTMlarning pedagogika ta’lim yo‘nalishlariga tanlovdan tashqari test sinovlarisiz va kasbiy (ijodiy) imtihonlarsiz davlat grantlari asosida qabul qilinadi.
8. Xalqaro va respublika olimpiadalari, tanlovlar va musobaqalar g‘oliblari
Vazirlar Mahkamasining 2008 yil 13 oktabrdagi [226-son] qarori bilan xalqaro va respublika olimpiadalari, tanlovlar, musobaqalar, nomdor stipendiyalar g‘oliblari bo‘lgan bitiruvchilarga ham imtiyozlar berilgan.
Xalqaro va milliy miqyosdagi tanlov va musobaqalar, respublika olimpiadalarining g‘oliblariga berilgan guvohnomalar asosida test sinovisiz hamda qo‘shimcha imtihonsiz (o‘z yo‘nalishlari bo‘yicha) OTMlarning ta’lim yo‘nalishlariga qabul qilinadi.
Prezident davlat stipendiyasi sohibi bo‘lgan talabalar bakalavriatni tugatgandan so‘ng 2 yil mobaynida, nomli davlat stipendiyalari sohibi bo‘lgan talabalar bakalavriatni tugatganidan so‘ng 1 yil mobaynida tegishli mutaxassislik bo‘yicha magistraturaga kirish imtihonlarisiz qo‘shimcha davlat granti asosida o‘qishga qabul qilinadi.
9. «Nihol» mukofoti sovrindorlari
Vazirlar Mahkamasining 2006 yil 9 avgustdagi [169-son] qaroriga muvofiq, jami beshta nominatsiya — estrada, musiqa, mumtoz qo‘shiq, opera ijrochiligi va raqs san’ati bo‘yicha tanlovlar g‘oliblariga «Nihol» mukofoti beriladi. «Zulfiya» nomidagi davlat mukofoti sovrindorlari tanlovda ishtirok etmaydi.
«Nihol» mukofotiga sazovor bo‘lgan yoshlar madaniyat, san’at yo‘nalishidagi oliy va o‘rta maxsus o‘quv yurtlariga imtiyozli ravishda qabul qilinadi (ansambl, jamoa sifatida ishtirok etganlar bundan mustasno), mamlakatning atoqli san’atkorlaridan saboq olish imkoniyatiga ega bo‘ladi.
10. Badiiy akademiyaning tasviriy san’at bo‘yicha respublika tanlovi g‘oliblari
Prezidentning 2020 yil 21 apreldagi [PQ-4688-son] qaroriga asosan badiiy akademiyaning tasviriy san’at bo‘yicha respublika tanlovi g‘oliblariga oliy ta’lim muassasasiga o‘qishga kirish uchun imtiyoz beriladi.
11. «Yilning eng yaxshi tarbiyachisi» respublika tanlovi g‘oliblari
Vazirlar Mahkamasining 2019 yil 7 iyundagi [468-son] qarori bilan «Yilning eng yaxshi tarbiyachisi» respublika tanlovi g‘oliblariga davlat oliy ta’lim muassasalariga o‘qishga imtihonsiz kirishda imtiyoz beriladi.
12. «Hamshira» respublika tanlovi g‘oliblari
Vazirlar Mahkamasining 2017 yil 20 iyundagi [393-son] qaroriga ko‘ra, tibbiyot muassasalari hamshiralarining «Hamshira» respublika tanlovi g‘oliblari oliy ta’lim muassasalariga, mos ta’lim yo‘nalishlariga tanlovdan tashqari kirish imtihonlari (test sinovlari, kasbiy (ijodiy) imtihon, yozma imtihon)siz davlat grantlari asosida qabul qilinadi.
13. To‘liq davlat ta’minotidagi yetim bolalar
Prezidentning 2021 yil 9 avgustdagi [PQ-5216-son] qarori asosida oliy ta’lim muassasalariga abituriyentlarni qabul qilishning umumiy sonidan «Mehribonlik» uyi va Bolalar shaharchasining bitiruvchilari, SOS — bolalar mahallalari va oilaviy bolalar uylari bitiruvchilari, shuningdek, vasiylikka, homiylikka yoki oilaga tarbiyaga olingan (patronat) yetim bolalar (yigirma besh yoshga to‘lmagan) chin yetimlar uchun qo‘shimcha ravishda bir foizgacha davlat granti asosidagi qabul kvotalari ajratiladi.
14. Chet tilini bilish darajasi to‘g‘risidagi davlat namunasidagi V1 va undan yuqori darajadagi malaka sertifikatga ega bo‘lgan abituriyentlar
Vazirlar Mahkamasining 2017 yil 20 iyundagi [393-son] qarori bilan Davlat test markazi tomonidan beriladigan chet tilini bilish darajasi to‘g‘risidagi davlat namunasidagi V1 va undan yuqori darajadagi malaka sertifikatga ega bo‘lgan abituriyentlarga ushbu holatni tasdiqlovchi hujjatni qabul jarayonida taqdim etganda oliy ta’lim muassasalari bakalavriatining kirish test sinovlari fanlar majmuasiga chet tili fani kiritilgan yo‘nalishlarda mos chet tili fanidan belgilangan maksimal ball beriladi va ular chet tili fanidan test sinovi (kasbiy (ijodiy) imtihon) topshirmaydi.
15. Xalqaro imtihon tizimlari sertifikatlariga ega abituriyentlar
Vazirlar Mahkamasining 2019 yil 7 iyundagi [468-son] qaroriga ko‘ra, ilg‘or xalqaro imtihon tizimlari (TOEFL, IELTS, CEFR, SAT General, SAT Subject va hokazo) sertifikatlariga ega bo‘lgan abituriyentlarga o‘qishga kirishda mazkur fan doirasida testdan ozod etiladi va maksimal ball beriladi.
16. Kollej yoki texnikumdagi mutaxassisligi bo‘yicha 5 yil ish stajiga ega xotin-qizlar
Vazirlar Mahkamasining 9 iyundagi [322-sonli] qaroriga muvofiq, kollej yoki texnikum diplomidagi mutaxassisligi bo‘yicha 5 yil ish stajiga ega xotin-qizlar kontrakt asosida OTMga qabul qilinadi. Bunda tavsiyanomaga ega abituriyentlar orasida alohida test o‘tkaziladi, ular orasidan yuqori ball to‘plagan 500 nafarigina OTMga kira oladi.
17. Ehtiyojmand xotin-qizlar uchun tavsiyanoma
Vazirlar Mahkamasining 2020 yil 23 iyundagi [402-son] qarori bilan Oila va xotin-qizlar davlat qo‘mitasi tavsiyanomasiga ega ehtiyojmand oilalardagi xotin-qizlar uchun OTMga kirishda qo‘shimcha 4 foizli grant ajratiladi.
18. Iqtisodiyot tarmoqlarida kamida 5 yil ish stajiga ega abituriyentlar
Vazirlar Mahkamasining 2021 yil 4 noyabrdagi [675-son] qarori bilan kamida 5 yil ish stajiga ega fuqarolarga suhbat natijalariga ko‘ra tabaqalashtirilgan to‘lov-kontrakt asosida o‘qishga kirishi uchun tavsiyanoma beriladi.
19. Profilaktika inspektorlari
Prezidentning 2021 yil 30 noyabrdagi [PQ-23-son] qaroriga muvofiq, 2022/2023 o‘quv yilidan ichki ishlar organlarida 3 yildan ortiq ish stajiga ega bo‘lgan, kasbiga fidoyi, tashabbuskor profilaktika (katta) inspektorlari quyidagi OTMga kirish imtihonlarisiz sirtqi ta’lim shakliga o‘qishga qabul qilinadi:
- Jamoat xavfsizligi universitetiga;
- Toshkent davlat yuridik universitetiga;
- yurisprudensiya sohasida bakalavriat ta’lim yo‘nalishi mavjud bo‘lgan boshqa davlat OTMga (Jahon iqtisodiyoti va diplomatiya universiteti, Ichki ishlar vazirligi Akademiyasi hamda Davlat bojxona qo‘mitasining Bojxona instituti bundan mustasno).
Bunda profilaktika (katta) inspektorlariga o‘qishga tavsiyanomalar berish uchun komissiya tashkil etilib, nomzodlar test imtihonlaridan o‘tkaziladi.
Tavsiyanomalar OTM o‘rtasida teng taqsimlanadi.
O‘qishga qabul qilish to‘lov-kontrakt asosida amalga oshiriladi hamda kontrakt mablag‘lari respublika budjeti mablag‘lari hisobidan to‘lab beriladi.
20. «Vatan tayanchi» harakatining faol a’zolari
Prezidentning 2022 yil 2 martdagi [PQ-150-son] qarori asosida Mudofaa vazirligi huzurida «Vatan tayanchi» bolalar va o‘smirlar harbiy-vatanparvarlik harakati, maktablarda esa uning otryadlari tashkil etiladi. Unga ihtiyoriy ravishda a’zo bo‘lgan 10−11-sinf o‘quvchilari orasidan bir nafariga OTMga o‘qishga kirish uchun imtiyozli tavsiyanoma beriladi. Bunda uning harakat faoliyatidagi ishtiroki va maktabdagi baholari inobatga olinadi.
2020 yilda «Gazeta.uz» Komil Jalilovning imtiyoz borasidagi maqolasini e’lon qilgandi. Unda muallif Konstitutsiya va testologiya fani talablariga muvofiq kelmaydigan mantiqsiz imtiyozlar tizimi yosh avlodning adolatga ishonchini yo‘qqa chiqaradi hamda universitetlarga haqiqatan munosib nomzodlarni qabul qilishga to‘sqinlik qiladi, deya fikr bildirgandi.
Urfdan qoldi: Bahorda kiyish tavsiya qilinmaydigan kiyim-kechaklar (foto)
Moda bir joyda turmaydi, hamisha o‘zgarib, yangilanaveradi. Avvalgi yilda urfda bo‘lgan liboslar yangi yil va mavsumda dolzarb bo‘lmasligi, hatto moda ixlosmandlari ham kiyinish borasidagi tendensiyalarga amal qilishga ulgurolmasligi mumkin.
Qomatga yopishib turadigan charm kurtka
Bunday bichimli charm kurtkalar bugungi kunda bundan bir necha yil avvalgidek dolzarb emas. Keng va erkin turadigan modellar esa aksincha yetakchilik qilmoqda. Shu sabab ham iloji boricha oversayz uslubidagi, bichimi yopishib turmaydigan modellarga e’tibor qilish tavsiya etiladi.
Neylon sumkalar
Neylonli sumkalar o‘tgan mavsumda har qachongidan ham mashhurroq bo‘lgan. Ammo 2021-yilning bahorida ortiqcha bezaklarsiz, charm yoki zamshdan ishlangan modellarga e’tibor qaratish tavsiya qilinadi.
Kalta paltolar
Yopishib turadigan, boz ustiga kalta bo‘lgan paltolar obrazingizni o‘ziga xos qilib ko‘rsatmaydi. Birinchidan, arzon ko‘rinishga ega bo‘lasiz, ikkinchidan esa, harakatlanish ham noqulaylik keltirib chiqaradi. Bunday ustki kiyimni sviter yoki boshqa bir qalin kiyim ustidan ham kiya olmasligingiz aniq. Shuning uchun e’tiborni yelkalari tushib turadigan, oversayz uslubidagi modellarga qaratish tavsiya qilinadi.
Sumka-ryukzak
To‘liq sumka yoki ryukzak bo‘lmagan charm, velvet, zamsh modellar allaqachon urfdan qolgan va sizni didsiz ko‘rinishingizga sababchi bo‘ladi. Mazkur mavsumda oy shaklidagi noodatiy sumka eng yaxshi alternativ bo‘la oladi.
Setkadan tikilgan yubka
Romantik uslubda kiyinishni istasangiz, dolzarb bo‘lmagan setkali yubkalardan voz kechib, midi yoki maksi uzunligidagi atlas, satin yoki plissirovkali modellarni tanlang.
Yopishib turadigan shim
Bugungi kunda dizaynerlar keng bichimni afzal bilgani sabab ham yopishib turadigan shimlar ikkinchi planda qolmoqda. Ammo ularni tashlab yuborishga shoshilmang. Bunday shimlarni keng pidjak va hajmli botinkalar bilan moslab, o‘ziga xos ko‘rinishga ega bo‘lish mumkin.
Bel qismi baland va belbog‘li modellar
Shim, yubka va shortilarning bunday modeli o‘tgan mavsumda mashhurlikka ham, jonga tegishga ham ulgurdi. Qolaversa, bunday bichim hammaga ham yarashavermaydi, qorin qismini yanada hajmli ko‘rsatadi. Bel qismi klassik bichimli ortiqcha bezak va elementlarsiz kiyimlar esa aslo urfdan qolmaydi.
Bebi-doll uslubidagi libos
Hammaning garderobida uchratish mumkin bo‘lgan bunday liboslardan voz kechib, oddiy va uzunroq modellarga e’tibor qarating va obrazni turli aksessuarlar bilan boyiting.
- Foto: Qoplon nusxali kiyim-kechak bilan bachkana ko‘rinmaslik uchun 10 tavsiya
- Foto: Kurtkani ko‘ylak bilan kiyish bo‘yicha 5 tavsiya
- Didsizlikning 6 belgisi: Palto kiyishda yo‘l qo‘yiladigan xatolar
Hech qachon urfdan qolmaydigan 11 universal libos
Moda – yildan yilga emas, kundan kunga o‘zgarib boradigan tushuncha. Kechagina podiumlarni egallab olgan, do‘konlarning old qatorida turgan liboslar bugun keraksiz buyumlar qatorida chetga uloqtirilsa hayron bo‘lmang. Ammo liboslar orasida shunday universal buyumlar ham borki, ularni hech qachon urfdan qolmaydigan kiyimlar sifatida tilga olsa arziydi.
O‘n yillar avvalgi moda tendensiyalarini o‘rganish chog‘ida har bir ayolva qiz garderobida mavjud bo‘lishi tavsiya etiladigan, aktual trendlardan holi ravishda hamisha urfda bo‘ladigan liboslar qaysilar ekanligini aniq bilishingiz mumkin.
To‘g‘ri bichimli jinsi
Jinsi shimlarining ham urfdan qolishi mumkin ekanligini bilasiz. Kechagina etak qismi keng shimlar urfga kirgan bo‘lsa, bugun tor bichimdagi shimlar trend darajasiga ko‘tarilgan. Ammo odatiy ko‘rinishga ega va to‘g‘ri bichimli jinsilar heya qachon o‘zining universalligini yo‘qotmaydi. Uning to‘q ko‘k rangli turidan tanlasangiz, nur ustiga a’lo nur.
Nima bilan kiyiladi?
Klassik bichimga ega bo‘lgan jinsini garderobdagi eng ajoyib liboslardan biri deya ta’riflash mumkin. Uni istalgan turdagi kiyimlar bilan birga uyg‘unlashtirish imkoni mavjud. Ushbu libosni kerak bo‘lgan vaqtda klassik uslub, o‘rni kelganda esa romantik ko‘rinish uchun ham qo‘llasa bo‘ladi.
Uzunlashtirilgan jaket
Ayollar garderobida Koko Shanel sharofati bilan paydo bo‘lgan jaketlar shu kunga qadar ko‘plab o‘zgarishlarni boshdan kechirgan. Ularning turlari haddan tashqari ko‘p, tugmali, tugmasiz, uzunligi belgacha bo‘lgan, ikki yoqali turlarini bugungi kunga qadar ommabop deya atasa bo‘ladi. Uzunlashtirilgan bichimdagi jaketlarning klassik varianti hech qachon urfdan qolmaydigan liboslar qatoriga kiradi. Ranglar borasida esa qora, oq va to‘q ko‘k ranglisiga diqqat qaratganingiz ma’qul.
Nima bilan kiyiladi?
Plisse yubkalari, qalamcha uslubidagi yubka, klassik jinsilar, bluzkalarning barchasi jaket bilan o‘zaro uyg‘unlasha oladi. Eng muhimi, ranglar mutanosibligiga e’tibor qaratish kerak.
Klassik uslubdagi shim
Aslida erkaklar garderobining bir qismi bo‘lgan ushbu libosni Koko Shanel ayollar garderobiga kiritgan. Uni ommalashtirgan inson esa taniqli aktrisa Marlen Ditrix hisoblanadi. Klassik bichimdagi shimlar har qanday qomat egasiga mos kelishi uchun uning bel qismi biroz kengroq, sifatli matodan tikilgan va qora rangdagi turlariga diqqat qarating.
Nima bilan kiyiladi?
Uni ofis uslubidagi liboslardan tashqari, klassik bluza va qayiqcha uslubidagi tufli bilan kiygan holatda casual uslubidagi obrazni yaratish mumkin. Odatiy futbolka bilan kiygan vaqtingizda esa kundalik obraz hosil bo‘ladi.
To‘qilgan sviter
Ayollar garderobiga irland dengizchilari sharofati bilan kirib kelgan ushbu sviterlar bugungi kunga kelib ayollar hayotining ajralmas qismiga aylangan. Ular odatda oq, och jigarrang, yashil, kulrang, jigarrang tusda bo‘lishi mumkin. Oq va och jigarrang tuslari esa universal tanlov hisoblanadi.
Nima bilan kiyiladi?
Bu turdagi sviterlarni uzun plisse yubkalari, istalgan bichimdagi jinsi, shortlar, klassik shim va skinni bilan kiyish mumkin.
Bermuda
Ushbu bichimga ega bo‘lgan shortlar Bermud orollari hududiga joylashtirilgan ingliz harbiylari uchun o‘ylab topilgan. Avvaliga ular o‘rnatma cho‘ntaklarga ega bo‘lgan, ammo keyinchalik cho‘ntaksiz ko‘rinishda yaratila boshlangan. Uning universal libosga aylanishini istasangiz, neytral rangli vauzunligi tizzadan 10 sm balandlikda bo‘lgan turlariga diqqat qarating.
Nima bilan kiyiladi?
Mavsum va mato turidan kelib chiqqan holatda ularni futbolka, bluza, jaket va bomberlar bilan kiyish mumkin. Ofis uslubidagi obraz yaratish uchun bermudani teri rangidagi kolgotka bilan kiyish tavsiya etiladi. Poyabzalning ham libosga munosib bo‘lgan turidan tanlash kerak.
Oq rangli keda
Moda olamida yangi mavsum e’lon qilinishi bilan sport brendlari oq rangdagi va turli dizaynga ega bo‘lgan krossovkalarni taqdim qilishadi. Ular orasida odatiy tagcharmga ega turlaridan tortib yashirin platformaga ega ko‘rinishdagilari ham bor. Ammo shunisi aniqki, oq kedalar hech qachon urfdan qolmaydi.
Nima bilan kiyiladi?
Oq kedalarni jozibali ko‘ylaklar bilan ham, gulli printga ega yubkalar, shim va shortlar bilan ham kiyish mumkin. Qiyofangizga klassik uslubdagi kostyum ilova qilsangiz ofis uslubini hosil qilgan bo‘lasiz.
Klassik bichimdagi palto
Palto tanlash bobida har qanday turdagi liboslar bilan uyg‘unlasha oladigan ranglar – oq, qora, to‘q ko‘k va och jigarrangga e’tibor qarating. O‘zingizga kattaroq turadigan palto sotib olmang, u qomatni chiroyli ko‘rsatishi, uzunligi tizzadan birozgina tushib turishi kerak. Tugmasiz paltolar esa sport uslubi uchun mos keladi.
Nima bilan kiyiladi?
Klassik uslubdagi paltolarni istalgan turdagi liboslar: vodolazka, sviter, bluzka, jinsi, klassik shimlar, ko‘ylaklar, etik, tufli va hattoki keda bilan uyg‘unlashtirish mumkin.
Parka
Odatda ushbu libos sayyohlar tomonidan sevib kiyiladi. Ammo, uni nafaqat safarlar, balki kundalik obrazlar uchun ham qo‘llash mumkin. Uning mo‘ynali turlari esa hashamatli qiyofalar yaratishda qo‘l keladi. Parkaning barcha liboslar bilan mos kelishini istasangiz, neytral rangdagi turlariga diqqat qarating.
Nima bilan kiyiladi?
Parka libosini nafaqat jinsi, balki ko‘ylaklar, yubka hamda tuflilar bilan ham kiyish mumkin. Etik va shim bilan kiyilsa kundalik obraz hosil qiladi.
Qora vodolazka
Qoza vodolazka o‘tgan asrning 60 yillarida urfga kirgan bo‘lib, moda olami shaydolariga shunchalar ma’qul kelib qolganki, yarim asrdan beri uning ko‘rinishi zarracha ham o‘zgargani yo‘q. Bu kabi vodolazkalar Merilin Monro va Odri Xepbern garderobida ham bo‘lgan, uni zamonaviy yulduzlar egnida ham ko‘rishingiz mumkin.
Nima bilan kiyiladi?
O‘zingiz uchun qanday uslubdagi obraz tanlagan bo‘lishingizga qaramay, qora vodolazkani har qanday libos bilan istalgan mavsumda kiysa bo‘ladi.
Erkaklar ko‘ylagi bichimdagi libos
U ayollar garderobida erkaklar libosi bichimi asosida kirib kelgan bo‘lsa ham, ushbu ko‘ylakdan o‘ta nafis obrazlar yaratish mumkin. Haqiqatan universal libos harid qilishni istasangiz, uning neytral ranglariga diqqat qarating.
Nima bilan kiyiladi?
Uni garderobning mustaqil elementi yoki boshqa liboslar bilan birgalikda kiysa bo‘ladi. Agar jinsi bilan kiyib, bel sohasiga kamar taqib olsangiz, qulay kundalik obraz tayyor deyavering. Baland poshnali tufli bilan kiyilganda esa jozibali ko‘rinish hosil qiladi.
Lofer
Lofer tuflisi bir qarashda zerikarli ko‘ringan klassik poyabzaldan zamonaviy obrazlar yaratish mumkin ekanligini isbot etadi. Ushbu poyabzal o‘tgan asrning 70 yillarida urfga kirgan bo‘lib, Monako knyaginyasi Greys Kellining eng sevimli oyoq kiyimlaridan biri sanalgan. Uning ommabopligi esa bugungi kunga qadar yo‘qolgani yo‘q.
Nima bilan kiyiladi?
Loferlarni klassik bichimdagi shim yoki yubka, jaket hamda bluzkalar bilan kiyish mumkin. Ranglar kerakli usulda tanlangan bo‘lsa, ularni jinsi bilan uyg‘unlashtirsa bo‘ladi.