Yosh kitobxon” INFO

Barcha ishtirokchilar quyidagi tanlov qoidalariga amal qilishlari lozim:

“Yosh kitobxon” respublika tanlovining Nizomi tasdiqlandi

O`zbekiston Respublikasi Prezidenti sovg`asi – “Spark” avtomobili 10 yoshdan 14 yoshgacha, 15 yoshdan 19 yoshgacha hamda 20 yoshdan 30 yoshgacha bo`lgan 3 nafar g`olibni kutmoqda.

Nizomga ko`ra tanlov to`rt bosqichda tashkil etiladi. Birinchi bosqich tanlovning arizalar qabul qilish va saralash bosqichi bo`lib, unda tanlovda ishtirok etish istagini bildirgan ishtirokchilarning arizalari 15 may kuniga qadar O`zbekiston yoshlar ittifoqining tuman, shahar Kengashlari tomonidan qabul qilinadi. Ariza topshirgan yoshlar adabiyotlar ro`yxati asosida o`zbek va jahon adabiyotiga, buyuk adiblarimiz hayoti va ijodiga oid 50 ta test savollariga javob berish orqali saralanadi. Har bir to`g`ri javob uchun 2 balldan belgilanadi. Test natijalariga ko`ra 86 va undan yuqori ball to`plagan 15 nafar ishtirokchilar keyingi bosqichda ishtirok etish huquqini qo`lga kiritadi.

Ikkinchi bosqich tanlovning mahalliy bosqichi bo`lib, har yili iyun oyida barcha tuman, shaharlar miqyosida saralash bosqichida 86 va undan yuqori ballni qo`lga kiritgan ishtirokchilar o`rtasida “O`zbek adabiyoti bilimdoni” va “Jahon adabiyoti bilimdoni” shartlari bo`yicha o`tkaziladi.

Uchinchi bosqich tanlovning hududiy bosqichi bo`lib, har yili avgust-sentyabr oylarida “Buyuk mutafakkir va adib” hamda “Badiiy asarlar bilimdoni” shartlari asosida teletanlov shaklida bo`lib o`tadi. Har bir yosh toifasi bo`yicha g`oliblikni qo`lga kiritgan 1 nafardan jami 3 nafar ishtirokchilar Respublika bosqichi uchun yo`llanmaga ega bo`ladi.

So`nggi bosqich tanlovning Respublika bosqichi bo`lib, har yili noyabr-dekabr oylari davomida “O`zbek adabiyoti bilimdoni”, “Jahon adabiyoti bilimdoni”, “She`riyat” hamda “Buyuk mutafakkir va adib” kabi 4 ta shart bo`yicha o`tkaziladi.

Tanlovning Respublika bosqichida 1-o`rinni egallagan 3 ta yosh toifasidagi ishtirokchilarning har biri “Prezident sovg`asi” sifatida engil avtomobil, diplom va “Yosh kitobxon” statuetkasi bilan taqdirlanadi. Uchta toifada 2-o`rinni egallagan ishtirokchilarning har biri kompyuter jamlanmasi (monoblok), o`zbek va jahon adabiyotining durdona asarlaridan iborat kitoblar jamlanmasi va boshqa qimmatbaho sovg`alarga sazovor bo`ladi. Uchta toifada 3-o`rinni egallagan ishtirokchilarning har biriga 100 tadan o`zbek va jahon adabiyotining durdona asarlari berilib, tashkilotchilarning maxsus sovg`alarini qo`lga kiritadi.

Ta`kidlash lozimki, O`zbekiston Respublikasi Prezidenti Sh.M. Mirziyoev rahbarligida 2019 yil 19 mart kuni o`tkazilgan “Yoshlar bilan ishlashni samarali tashkil etishda madaniyat, sport, axborot texnologiyalari, kitob o`qishga qiziqishini oshirish va xotin-qizlar bandligini ta`minlash bo`yicha 5 muhim tashabbusni amalga oshirish to`g`risida”gi videoselektorda ham yoshlarning kitob mutolaasiga bo`lgan muhabbatini oshirish yuzasidan alohida ko`rsatmalar berildi, shundan kelib chiqib, tanlov oldi respublikamizning barcha hududlariga 10 000 nusxadan ziyod jahon va mumtozadabiyotimizning durdona asarlari etkazib berildi.

Hozirgi kunda mamlakatimiz yoshlarini kitobga bo`lgan qiziqishlarini yanada oshirish, zamonaviy axborot texnologiyalari va dasturlardan unumli foydalanish maqsadida joylarda BOOKLAND elektron kitoblarni QR kodi orqali bepul yuklab olish tizimi joriy etilmoqda.

Eslatib o`tamiz, 12 aprel kuni “Yoshlarning ma`naviy dunyo qarashini yuksaltirish va kitobxonlikni ommalashtirish – eng dolzab vazifa” mavzuida “Yoshlar press klubi”ning navbatdagi sessiyasi o`tkazilib, unda “Yosh kitobxon” tanlovini yuqori saviyada o`tkazish bilan bog`liq masalalar muhokama qilinadi.

“Yosh kitobxon” INFO

Respublika «Yosh kitobxon» tanlovining rasmiy sahifalari:
��Facebook.com/Yoshkitobxon.uz
��Instagram.com/yoshkitobxonuz
��YouTube.com/channel/UCn6yaYA6UNKrL6AnJhRXdQA
��Murojaat uchun: @Kitobxonmurojaatbot

Ratings & Reviews

Reviews can be left only by registered users. All reviews are moderated by admins.

Oxirgi xabar

2023-03-07 20:01:55 Millionlab yoshlarni birlashtirgan “Yosh kitobxon” tanlovining joriy mavsumi finali YouTube’da e’lon qilinmoqda. Eng chekka hududlardan ham ishtirok etib, gʻolib boʻlgan va kitob o‘qib qahramonga aylangan yoshlarimizning finaldagi chiqishlarini farzandlaringiz bilan birga tomosha qilishni tavsiya etamiz!

3.5K views17:01
2023-03-02 12:39:55

Chekka bir qishloqning maktab o‘qituvchisi, ikki nafar farzandning onasi, Namangan viloyatidan Zamira Abdullayeva “Yosh kitobxon” tanlovining joriy mavsumida minglab yoshlar ichidan 20-30 yosh toifasi bo‘yicha g‘olib bo‘lib, “Spark” avtomobili bilan taqdirlandi.

Singlimizga yoshligidan kitobga mehr uyg‘otgan, o‘qishiga sharoit yaratib bergan ota-onasiga, kitob o‘qishiga imkon bergan va qo‘llab-quvvatlagan qaynona-qaynotasiga jamoamiz nomidan minnatdorchilik bildiramiz! Jamiyatimizda mana shunday oilalarning ko‘payishi barchamizning yutug‘imizdir!

4.5K views09:39
2023-03-02 07:19:24

“Agar siz farzandingizga dangʻillama uy qurib bersangiz – vaqti soati kelib, u eskirishi mumkin.
Аgar eng zoʻr mashina olib bersangiz – uy ham tez orada eskirishi mumkin. Аgar unga moddiy boylik, pul qoldirsangiz – u ham bir kun sarf boʻlib tugashi mumkin.
Аmmo dunyoda hech qachon eskirmaydigan, yoʼqolmaydigan bebaho bir boylik borki, u ham boʼlsa farzandingizga bergan bilim va hunardir. Lekin bilim va maʼrifatni qayerdan, nimadan olish mumkin? Аvvalo, kitob degan xazinadan”.

12.4K views04:19
2023-03-01 11:57:23

1-mart – Xalqimizning atoqli shoirasi Zulfiyaxonim tavallud topgan kun!

Taniqli o’zbek shoirasi Zulfiyaxonim 1915-yil 1-mart kuni Toshkent shahrida tug‘ilgan.

Iqtidorli shoira va yozuvchi, inson qalb tug‘yonlarini o‘tkir bilimdoni bo‘lib, turli janrlarda asarlar yaratgan. Shoiraning xalq orasida “Oydinda”, “Sensiz”, “Falak”, “Bahor keldi seni so‘roqlab”, “O‘g‘lim, sira bo‘lmaydi urush”, “Mushoira” kabi sheʼrlari mashhur.

Sheʼriyat malikasining hayot yoʻli barcha zamonlar avlodi uchun ham chinakam sadoqat va vafo timsoli boʻlib qolaveradi.

Bizning sahifalarimiz:
@yoshlaragentligi Instagram Facebook YouTube

5.6K views08:57
2023-02-28 13:30:33

Спаркни қайнонамга бераман

11.9K viewsedited 10:30
2023-02-27 17:38:14

Samarali mehnatlarning munosib eʼtirofi: ”Yosh kitobxon” loyihasining g‘oliblari aniqlandi

Poytaxtimizda bo‘lib o‘tayotgan “Yosh kitobxon” tanlovining so‘nggi 20-30 yosh toifasi bo‘yicha bahslari o‘z nihoyasiga yetdi

Abdullayeva Zamira Muxtorjon qizi 243,7ball (Namangan viloyati) “Spark” avtomobili sohibasi;

Safoyeva Iroda Foziljon qizi
224 ball (Samarqand viloyati) 50.000.000 so‘m pul mukofoti sohibasi;

Fayzullayev Azamat Abdullo o‘g‘li
213,6 ball (Sirdaryo viloyati) 30.000.000 so‘m pul mukofoti sohibi;

Final bosqichida qatnashgan barcha ishtirokchilar 10.000.000 so‘mdan pul mukofoti bilan taqdirlandilar.

Yoshlar ishlari agentligi jamoasi barcha g‘oliblarni samimiy tabriklaydi!

Eslatib o‘tamiz, ishtirokchilar bugun so‘nggi 5-shart (“Tezkor savol-javob”) bo‘yicha bellashdilar. Natijalar bilan quyidagi havola orqali tanishing.

Ma’lumot uchun, “Yosh kitobxon” tanlovining 2023-yilgi mavsumi uchun ro’yxatdan o’tish 1-mart sanasidan boshlanadi!

Bizning sahifalarimiz:
@yoshlaragentligi Instagram Facebook YouTube

Barcha qiziquvchilar uchun yutuqli “Kitobxon yoshlar” onlayn tanlovi

Oliy va oʻrta maxsus taʼlim vazirligi huzuridagi Talaba va oʻquvchilarning maʼnaviy yuksalishiga koʻmaklashish markazi hamda “Qamar” kitoblar doʻkoni hamkorlikda “Kitobxon yoshlar” onlayn kitobxonlik tanlovini eʼlon qiladi.

Tanlovda ishtirok etish uchun ishtirokchilar @kitobtanlovbot manzili orqali toʻliq roʻyxatdan oʻtib, 27-sentyabrga qadar 4 ta kitobni oʻqishlari kerak boʻladi.

Tanlov gʻoliblari diplom va sertifikatlar bilan birga qimmatbaho sovgʻalar bilan ham taqdirlanadi:
-1-oʻrin: Galaxy Tab A8 planshet;
-2-oʻrin: RedMi Note 11 smartfon;
-3-oʻrin: Mi Band 6 smartwatch;
-4-10-oʻrinlar: 10 tadan kitoblar toʻplami;
-11-20-oʻrinlar: 5 tadan kitoblar toʻplami;
-21-50-oʻrinlar: 3 tadan kitoblar toʻplami;

Dastur haqida ushbu havola orqali batafsil maʼlumot olish mumkin.

Maqbullik shartlari

Dasturda ishtirok etish uchun quyidagi talablar mavjud:

Dasturda barcha kitobsevar fuqarolar ishtirok etishlari mumkin;
Tanlovda ishtirokchilarga oldindan 4 ta kitob oʻqish uchun vazifa qilib beriladi. Kitoblarni oʻqish uchun tanlov eʼlon qilingan kun (7-sentyabr)dan boshlab 20 kun (27-sentyabrgacha) vaqt belgilanadi. Vazifa sifatida beriladigan kitoblar roʻyxati:

1) Oʻtkir Hoshimovning “Ikki eshik orasi” asari;

2) Ahmad Lutfiy Qozonchining “Oʻgay ona” asari;
3) Jorj Oruellning “Molxona” asari;
4) Murot Toʻsunning “Olim yetishtirgan onalar” asari.

Belgilangan vaqt yakunlangach (28-sentyabrdan boshlab), 5 kun davomida har kuni 20 tadan (jami 100 ta) test savollari berib boriladi. Barcha test savollari oldindan vazifa qilib berilgan asarlar asosida tuziladi;
Ishtirokchilarga har bir toʻgʻri javob uchun +1 ball beriladi va yakunda (100 ta savol yakunlangach) eng koʻp ball jamgʻargan 500 nafar ishtirokchilar tanlovning hal qiluvchi 2-bosqichida ishtirok etish imkoniga ega boʻladilar;
Tanlovda vazifa sifatida berilgan kitoblar toʻplamini (4 ta kitob) “Qamar” kitoblar doʻkonidan xarid qilib, uning fotosuratini belgilangan manzilga (tanlov davomida eʼlon qilinadi) yuborgan ishtirokchilarga avtomatik ravishda qoʻshimcha +10 referal bali taqdim etiladi;
Tanlov yakunida soʻnggi oʻrinlarni egallab turgan ishtirokchilarning ballari (referallari soni) teng kelib qolgan taqdirda ularning barchasiga 2-bosqich yoʻllanmasi taqdim etiladi.

Barcha ishtirokchilar quyidagi tanlov qoidalariga amal qilishlari lozim:

Tanlov davomida har bir ishtirokchi faqat bitta profildan ishtirok etishi mumkin, ikki yoki undan koʻp profillar orqali ishtirok etish holatlari aniqlansa, oʻsha ishtirokchining natijasi bekor qilinadi va oʻzi tanlovdan chetlashtiriladi;
Tanlov davomida (taqdirlash marosimida) tashkilotchilar ishtirokchining shaxsini tasdiqlovchi hujjatini koʻrsatishini (onlayn yuborishini) talab qilish vakolatiga ega boʻladilar;
Tanlov gʻoliblari taqdirlash marosimi tanlov toʻliq yakunlanganidan soʻng, 7 ish kuni ichida tashkil qilinadi. Barcha gʻoliblar marosimga tashrif buyurib sovrinlarni olishlari mumkin boʻladi. Ishtirokchining oʻzi marosimga tashrif buyura olmagan taqdirda uning nomidan taqdirlashda sovrindorning ishonchli vakili qatnashishi mumkin;
Tanlov davomida nizomda nazarda tutilmagan fors-major holatlari kuzatilsa, tanlov tashkilotchilari yakuniy qaror chiqarish huquqiga ega boʻladilar.

Dastur talablari haqida ushbu havola orqali batafsil maʼlumot olish mumkin.

Foydali tomonlari

Dasturning quyidagi foydali tomonlari mavjud:

Tanlov gʻoliblari diplom va sertifikatlar bilan taqdirlanadi;
Bundan tashqari quyidagi oʻrinlarga qimmatbaho sovgʻalar bilan ham taqdirlanadi:
-1-oʻrin: Galaxy Tab A8 planshet;
-2-oʻrin: RedMi Note 11 smartfon;
-3-oʻrin: Mi Band 6 smartwatch;
-4-10-oʻrinlar: 10 tadan kitoblar toʻplami;
-11-20-oʻrinlar: 5 tadan kitoblar toʻplami;
-21-50-oʻrinlar: 3 tadan kitoblar toʻplami;
Tanlov davomida eng koʻp odamni tanlovga jalb qilgan 10 ta ishtirokchi tanlovning “Eng faol kitob targʻibotchisi” nominatsiyasi” orqali 5 tadan eng sara kitoblar toʻplami bilan taqdirlanadi;
Final bosqichida ishtirok etgan va kamida jamgʻarish mumkin boʻlgan maksimal ballning kamida 60 foizini jamgʻargan barcha ishtirokchilarga tanlov tashkilotchilari tomonidan elektron sertifikatlar taqdim etiladi.

Sovrindorlarga taqdim etiladigan kitoblar roʻyxati

21-50-oʻrin egalari uchun:

11-20-oʻrinlarga yuqoridagi 3 ta kitoblar va qoʻshimcha quyidagi 2 ta kitob (jami 5 ta) taqdim etiladi:

-M.A.Lakhnaviyning “Gʻiybat oʻzi nima” kitobi;
– Alisher Umirdinovning “Talaba doʻstimga 78+ tavsiya” kitobi

4-10-oʻrinlarga yuqoridagi 5 ta kitoblar va qoʻshimcha quyidagi 5 ta kitob (jami 10 ta) taqdim etiladi:

-Brayan Treysining ““Lider shaxsiyati” kitobi;
– Rey Bredberining “Farengeyt boʻyicha 451 daraja” asari;
– Abdul Fattoh Abu Gʻuddaning “Ulamolar nazdida vaqtning qadri” kitobi;
– Bahodir Yenishehirli oʻgʻlining “Hukmdorim” asari;
– Jeyms Klirning “Atom odatlar” kitobi.

Dasturning foydali jihatlari haqida ushbu havola orqali batafsil maʼlumot olish mumkin.

Hujjat topshirish

Dasturda qatnashish jarayoni quyidagicha:

Tanlovda ishtirok etish uchun telegram ilovasiga kirib @kitobtanlovbot manzili orqali toʻliq roʻyxatdan oʻtiladi;
Roʻyxatdan oʻtgandan soʻng tanlov targʻiboti uchun 5 ta referal, yaʼni doʻstingizni loyihaga taklif qilish kerak;
Ishtirokchilar 27-sentyabrga qadar 4 ta kitobni oʻqishlari kerak boʻladi;
Tanlovdan 500 kishi saralab olinadi va eng yaxshi 4 ishtirokchi esa asosiy finalga yoʻl oladi. Shuningdek, loyihaga eng koʻp ishtirokchilarni targʻib qilgan 100 nafar ishtirokchi ham finalga yetib borish imkoniyatiga egalar. Shunday qilib, dastlabki finalda 600 kishi ishtirok etadi.

Ikkinchi bosqichga oʻtgan ishtirokchilarning saralash jarayoni quyidagicha:

2-bosqich yoʻllanmasini qoʻlga kiritgan ishtirokchilar roʻyxati (3-oktyabr kuni) tanlov tashkilotchilarining rasmiy sahifalarida eʼlon qilinadi;
2-bosqichda 1-bosqichdagi ballar va referallar soni hisob-kitoblarga qoʻshilishiga yoʻl qoʻyilmaydi, barcha ishtirokchilarning natijalari nolga tushiriladi va hamma teng imkoniyatga ega boʻladi;
Tanlovning 2-bosqichida tanlov davomida eng koʻp referal yigʻgan 100 nafar ishtirokchilar hamda 100 ta test savollarini yechish orqali eng koʻp ball jamgʻargan 500 nafar kitobxonlar alohida Telegram guruhga qoʻshilgan holda qatnashadilar;
2-bosqichning oʻtkazilish tartibi va qonun-qoidalari aynan shu Telegram guruhda ishtirokchilarga batafsil tushuntiriladi;
Ikkinchi bosqichda ishtirokchilar oldindan berilgan 4 ta kitob asosida tuzilgan test savollarini yechish boʻyicha oʻzaro bellashadilar va yakunda eng koʻp ball jamgʻargan ishtirokchilar ketma-ketlikda sovrinli oʻrinlarni egallaydilar.

Dasturga roʻyxatdan oʻtish jarayoni bilan ushbu havola orqali batafsil tanishish mumkin.

Qoʻshimcha maʻlumotlar

Dasturda keltirilgan kitoblar barchasi kitobxon yoshlar telegram kanaliga joylangan.

Dastur haqida ushbu havola orqali telegram kanalidan maʼlumot olish mumkin.

Tanlov nizomi bilan ushbu havola orqali tanishish mumkin.