Musofirlar haqida sherlar to‘plami
Alloh bergan vaqt oxir bo‘lmasdan,
To‘ldiring savob ila umir daftarin.
Diniy va Islomiy eng sara sherlar to‘plami
Diniy hamda islomiy manoga ega, kattalar va bolalar uchun eng sara sherlar to‘plamini qabul qiling.
Xizmatga ketajakmiz
Ey robbimiz, yaratmishsan dunyoni ikki qilib,
Islomdan boshqasi nedir – hech kim ketmadi bilib…
Orqamizdan baqirsalar, biz ularga bir kulib,
Ularga gul otar-otmas, xizmatga ketajakmiz.
Zakariyo quling kabi arra bilan kessalar
Yoki hazrat Bilol kabi xarsangtosh-la ezsalar
Mayinlarni va tog‘larni to‘siq deya tersalar
Bir turtki ham tegar-tegmas, xizmatga ketajakmiz
Kalomulloh hassasidek dengizlarni burarmiz,
Sening yo‘ling bizga rohat, xoh azobda yurarmiz.
Biz Ibrohim do‘sting kabi Ka’balarni qurarmiz
Namozlar o‘qib-turilmas, xizmatga ketajakmiz
Bu xizmatga tortish uchun pok siynali boylarni
Ekib qurub xonasida ichajakmiz choylarni,
Oltmish kunlik yasharmiz biz o‘ttiz kunlik oylarni
Choylar tugab bitar-bitmas xizmatga ketajakmiz
Dunyo bizni alday olmas, na ribo va na pora,
Desalarki, otang o‘ldi, bu kunlar senga qora
Ko‘z yoshi va duolarla eltib qo‘yib mozora
So‘ngra tuproq tortar-tortmas, xizmatga ketajakmiz
Kechalari do‘stlar bilan choy suhbatin yutibon
Iymon to‘la xurjunlarni yelkalarga ortibon,
Jujug‘imiz so‘rasa gar: Qayga yana otajon?!
Qo‘llaridan o‘par-o‘pmas, xizmatga ketajakmiz
Bu kun mahshar kuni emas, qochmaymiz bu zahmatdan
Alloh uchun Chin soriga yo‘l olgumiz Xirotdan…
«Charchoq»ni va «yetar» so‘zin olib tashlab lug‘atdan
Uch-besh luqma yutar-yutmas, xizmatga ketajakmiz
Insonni yot tutsa agar to‘fon yoki zilzila,
Alloh uchun shu yo‘ldamiz, tayyordirmiz tizila…
Shartlashdikmi, bas, yetadi, aytganmiz-ku «basmala»
Qo‘llar qanot tutar-tutmas, xizmatga ketajakmiz
To‘kib-to‘kib sochajakmiz kimning bor esa nesi
Qadrin topar faqat shunda bu umr sarmoyasi
Olinmoqdan kesilsa gar birimizning nafasi
Sirtimizga otar-otmas, xizmatga ketajakmiz
«La ilaha ila Alloh»ni aytmagan kim bor yana
Ul kimsa iymon bilmagay, qilolmasmiz tantana…
Pora-pora bo‘lsa mayli, bu yo‘lda qay bir tana,
Ul mayitni yuvar-yuvmas xizmatga ketajakmiz.
Yig‘lamaymiz, taqdir deya chidashga o‘rgatildik,
Haq kalomin boshqalardan oz bo‘lsin erta bildik,
Shuning uchun bu xizmatga juda tez, erta keldik,
Nafas rostlab olar-olmas xizmatga ketajakmiz.
Odam nasli qarshi chiqsin parvoyimiz falakdir,
Qarindoshlar, vatandoshlar bu yo‘llarda halakdir.
Qancha zug‘um oshsa, shuncha bizda yaxshi tilakdir
Azobimiz ortar-ortmas xizmatga ketajakmiz.
Bu muqaddas yo‘l erurki, bobolardan meroslar
Bul maskanni obod qilur muhabbat va ixloslar.
Oxir kunda zahmatlardan bo‘lish uchun xaloslar
Uyqulardan turar-turmas xizmatga ketajakmiz.
Dengiz orti, uzoq yurtda kim bilmas din xabarin
Shu joyga ham yetkazarmiz iymon degan javharin
Azonlar-la isloh etib sayyoraning har yerin
Osmonga ko‘z tikar-tikmas, xizmatga ketajakmiz
Ey Robbimiz, biz qullarga atab qo‘y ko‘shk-saroyni,
Seni ko‘rmoq bor-ku axir xuddi ko‘rgandek oyni,
Bizning asli murodimiz yoningda ichmoq choyni
O‘sha kuni yig‘lab-yig‘lab, unutib ming chiroyni
Piyola choy tutar-tutmas, endi ketmayajakmiz…
Xizmatimiz haqin ko‘rib tinmay yig‘layajakmiz.
Yo Rasulalloh
Sevgingiz deb maydonga,
Keldim, yo Rosulalloh!
Dardim bilan davronga,
Kirdim, yo Rosulalloh!
Zokirning zikri Yorni,
Tark ettirar ag‘yorni,
Oshiq bo‘lgach Dildorni,
Ko‘rdim, yo Rosulalloh!
Lutf eting Hazrat bizga,
Sizdan saodat bizga,
Jumla muhtojdir Sizga,
Bildim, yo Rosulalloh!
Bosh yalang, yoqa vayron,
Ko‘zim yosh, jigar giryon,
Jonimni Sizga qurbon,
Qildim, yo Rosulalloh!
Hijronda qoldim o‘zim,
Ochilmishdir qalb ko‘zim,
Poyingizga gul yuzim,
Surdim, yo Rosulalloh!
Qalb o‘zgacha kon emish,
Zotida burhon emish,
Mahbubiy mehmon emish,
Tuydim, yo Rosulalloh!
Kim tanisa Rosulullohni!
Farqlash zarur har bir kishiga,
Savob ila zarar, gunohni.
Puxta erur, biling, ishiga,
Kim tanisa Rosulullohni!
Har kim yo‘lda horib toladi,
Oxir kelib qulab qoladi.
Islom yo‘lin bilib oladi,
Kim tanisa Rosulullohni!
Ibodati bir istirohat,
Ko‘rmas aslo ruhiy talofat.
Ko‘ksin silar haqiqiy rohat,
Kim tanisa Rosulullohni!
Musibatni kim qarshi olar,
Degan savol yangrasa agar,
Musibatni jim qarshi olar,
Kim tanisa Rosulullohni!
Najas hokim etmas didini,
Qo‘rqitolmas ko‘kning tutuni!
To‘ymas hidlab zamin hidini,
Kim tanisa Rosulullohni!
Tushida ham aytar zikrni,
Tark aylamas aslo shukrni.
Tushunadi Abu Bakrni,
Kim tanisa Rosulullohni!
O‘limga tik yura oladi,
Jannatni ham ko‘ra oladi.
Tahajjudga tura oladi,
Kim tanisa Rosulullohni!
Ko‘z yoshidan tashkil bo‘lar ko‘l,
Chalg‘itolmas biron bitta yo‘l.
Xotiniga ko‘tarolmas qo‘l,
Kim tanisa Rosulullohni!
Yana do‘stlar, nelarni deyin?!
Qiziqtirmas uni so‘m, tiyin!
Ovqat yeydi qo‘shnidan keyin,
Kim tanisa Rosulullohni!
Onasiga tik qarolmaydi,
Otasiga tik borolmaydi,
Ahliga ham o‘shqirolmaydi,
Kim tanisa Rosulullohni!
Umid qilmay aslo birovdan,
Do‘zax qattiq degay olovdan,
Bilmas nedir qochishlik yovdan,
Kim tanisa Rosulullohni!
Bilishlik-chun xilqat hilmini,
Va eitshga kashf tilsimini,
O‘rganadi dunyo ilmini,
Kim tanisa Rosulullohni!
Obro‘ ila mansab talashmas,
Do‘sti bilan markab talashmas.
Mo‘min bilan mazhab talashmas,
Kim tanisa Rosulullohni!
Har giz ilm tomon otlatar,
Ba’zan majbur kulib dodlatar,
Bolasiga Yosin yodlatar,
Kim tanisa Rosulullohni!
Tillarini tiyib yuradi,
Dinim Deya kuyib yuradi.
Toza kiyim kiyib yuradi,
Kim tanisa Rosulullohni!
Sahovatdan xulla, to‘n bichar,
Faqirlarga kiyimin yechar.
Shaxsiyatdan din deb voz kechar,
Kim tanisa Rosulullohni!
Din ishiga xodim bo‘ladi,
U o‘lsa gar motam bo‘ladi,
Eng chiroyli odam bo‘ladi,
Kim tanisa Rosulullohni!
Rizqlarini haloldan terar,
Va uyiga jilmayib kirar.
Salomini birinchi berar,
Kim tanisa Rosulullohni!
Siyrat ila dil topar malham,
Ul zot uyi ma’naviy mahram!
Ozor bermas chumoliga ham,
Kim tanisa Rosulullohni!
Peshonasin shamol ham silar,
Baliqlar ham saodat tilar,
Qalbida ham tahorat qilar,
Kim tanisa Rosulullohni!
Birodar der har bir kishini,
Kulsa oydek ko‘ring tishini!
O‘ngda qilmas chap qo‘l ishini,
Kim tanisa Rosulullohni!
Faqirligi juda ham chiroy,
O‘rtaholi qurmaydi saroy!
Boy bo‘lsa ham eng chiroyli boy,
Kim tanisa Rosulullohni!
Yosh holati ipakdan harir,
Yigitligi vazmin va og‘ir!
Qarisa ham chiroyli qarir,
Kim tanisa Rosulullohni!
Halol yo‘lda horib, tolmaydi,
Haqiqatga indayolmaydi!
Savdo qilsa aldayolmaydi,
Kim tanisa Rosulullohni!
Qalbi g‘amgin turar kulsa ham,
Irodasi metin so‘lsa ham.
Donishmanddir farrosh bo‘lsa ham,
Kim tanisa Rosulullohni!
Yolg‘ondakam gul tutolmaydi,
Musibatda bol yutolmaydi.
Qiyomatni unutolmaydi
Kim tanisa Rosulullohni!
Tinglab dam olasiz so‘zini,
Shod bo‘lasiz ko‘rib yuzini.
Tanigaydir xullas o‘zini,
Kim tanisa Rosulullohni!
Bizlarni kechiring yo Rosululloh
Ko‘rmayin ergashdik izingiz haqqi.
Jannatda porlagan yuzingiz haqqi.
«Ummatim!» dedingiz so‘zingiz haqqi.
Bizlarni kechiring yo Rosululloh.
Sigaret chekyabmiz musulmonmiz deb.
Aroq ham ichyabmiz musulmonmiz deb.
Faxshni quchyabmiz musulmonmiz deb.
Bizlarni kechiring yo Rosululloh.
Tiniq buloq suvin voh loylayabmiz.
Eh bizlar dunyo deb hech to‘ymayabmiz.
Ochko‘z bo‘lib qoldik yeb to‘ymayabmiz.
Bizlarni kechiring yo Rosululloh.
Mo‘’minmiz deymiz-u qalb ko‘zimiz ko‘r.
Ummatmiz deymiz-u amalimiz g‘o‘r.
Gerdayib yurishda biz hammadan zo‘r.
Bizlarni kechiring yo Rosululloh.
Qalbimiz matohga boylandi bu kun.
Yurakka hasadlar joylandi bu kun.
Dinimiz niqobga aylandi bu kun.
Bizlarni kechiring yo Rosululloh..
Ramazon Hayiti bilan. — Yo‘lchi Ro‘ziev she’ri
O‘ttiz kun o‘tib ketdi,
Degaymiz shukur Olloh.
Ollohim mehr eltdi,
Asradi bizni panoh.
Saxovat xayr qilibsiz,
Hayitga do‘st yetibsiz.
Muhtojga qo‘l cho‘zibsiz,
Jannat nurin kutibsiz.
Bu olam hammaniki,
Hayit ma’nosi katta,
E’zozlasa kim uni,
Yetgaydir jannat taxtga.
Ro‘za ezgulik nomi,
Kutdik sahar va Shomni,
Ulug‘laylik bu nomni,
Ro‘za sinar insonni.
Qiblaga yuz burganlar,
Jannat nurin kutganlar,
Mehr-baxtni kutganlar,
Yomonlik unutganlar.
Hayit muborak do‘stlar,
Tabrikka ezgu so‘zlar.
Yozdim men dildan so‘zlar,
Hayit muborak sizlar.
Yo‘lchi yozdi tabrik so‘z,
Qutlaymiz takror biz.
Ko‘raylik Hayitni yuz,
Tabriklaymiz Hayit siz!
Ixlos — Rustam Mubiniy sheri
Taqvodor bir yigit qoldi xilvatda,
Shayton fursatin poylab keldi albatta.
Unga der: «Yoshlikdan boʻlding toatda,
Qani senga barobar kim ibodatda?!
Sajdalar asari — peshonangda nur,
Roʻzang shunchalar koʻpki, sanoq qiynalur.
Qurʼon oʻqib xording-ku, qani endi tur,
Lazzatga boy olamda bir oz umr sur.
Hech nomahram ayolga boqmadi koʻzing,
Umring bekor oʻtmoqda, qiynama oʻzing.
Goʻzallar koʻrsin-da bu nurli yuzing,
Maftun ayla ularni, aytgin bol soʻzing.
Axir oʻylamaysanmi, ne der odamlar?!
Yoshsan, goʻzal hayotga qoʻygin qadamlar.
Bir boqqin, doʻstlaring — gʻamlari kamlar,
Senga ne foyda berdi toatli damlar?!
Roʻzani lozim deb boʻlding-ku soyim.
Endi bemalol degin: «Jannatdir joyim»,
Bilaman gunoh, deb qocharding doim,
Gapirgin qizlarga endi muloyim.
Rohatni nahotki istamaysan hech?
Axir hayot abadiy davom etmaydi.
Oʻynab qol butunlay boʻlmasidan kech,
Qoʻyib tur, namozing qochib ketmaydi.»
Der yigit: «Allohdan tilayman panoh,
Quvilgan Shaytonning yomonligidan.
Vasvasa qiladi meni kelib goh,
Alamda iymonlar omonligidan.
Qoʻrqaman Allohdan, titraydi yurak,
Oʻzimga taqvoning yoʻlin ochaman.
Nechun men gunohga botishim kerak?
Soʻng Robbim qahridan qayga qochaman?!
Odamlar ne desa, desinlar mayli,
Olovda yonaymi ular tufayli?!
Menga keragi faqat Rahmon rizosi,
Axir har bir insonning bordir qazosi.
Mayli qilayin gunoh, boʻlsang gar rostgoʻy
Menga Allohim koʻrmas bir joy topib qoʻy.
Bilaman qoʻlingdan kelmaydi bu ish,
Istamam sen bilan doʻzaxda kuyish.
Bandaga hech qachon aylamasin zor,
Zorlanib insonga toparman ozor.
Menda hammadan buyuk yakka iloh bor,
Faqat Unga oshiqman, qalbim intizor.
Aslo nomahramlarga tashlamam nigoh,
Makringdan Allohim aylasin ogoh.
Ibodatimni doim sanagayman kam,
Dunyoda nafsimdan boʻlmam xotirjam.
Harom narsalaringdan ichib-yemasman,
Men laʼnatilarga oshno emasman,
Paygʻambar, ahli bayt va sahobalar,
Shulardan oʻzgasin ibrat demasman!»
Falastinimga — Rustam Mubiniy sheri
Bedor o‘tmoqda tunlar,
Uyqu kelarmu ko‘zga?
Dardim yo‘qdir shu kunlar
Falastinimdan o‘zga.
Nima qoldi arzonroq,
Musulmonning qonidan?!
Hatto topmay kafan, oq,
Ayrilmoqda jonidan.
Yashayapmiz biz esa,
Beg‘am, yo‘q hech ishimiz.
Dindosh noxaq o‘q yesa,
Bunga befarq kishimiz.
Zulm qilsa iymonsizlar,
Mazlumga qaramaymiz.
Ayting, nahot azizlar,
Duoga yaramaymiz?!
Boshpanasiz, qorni och,
Yahudiylar edi xor.
Bir-biriga dedi: «Qoch!»
Dunyo bo‘lganida tor.
Yevropa sig‘dirmadi,
Azob berdilar faqat.
Qochqinlik et tirnadi,
Qolmaganida toqat.
Axir o‘sha og‘ir dam,
Ular madad kutdilar.
Falastin bersa yordam,
Ko‘p o‘tmay unutdilar.
Yaxshilikka yomonlik,
Deganlari balki shu.
Bermay tinchlik-omonlik,
Qildilar ko‘p tortishuv.
Endi Falastin ahli,
Tinch yashay olmayapti.
Bepoyon o‘lkasidan,
Asar ham qolmayapti.
Azizlarim kelingiz,
Bo‘laylik ko‘p duoda.
Alloh bizni qo‘llasin,
Tinchlik bo‘lsin ziyoda!
Robbim bir soliha nasib et menga
Kalomingni o’qib qoriya bo‘lgan,
Erning moliniyu shanin saqlagan,
Dunyo zinolarga to’lsa boqmaga,
Robbim bir soliha nasib et menga.
Kelsin iymonimni komil qilgani,
Faqat sening uchun meni suygani,
U bilan borardim Jannatga sari,
Robbim bir soliha nasib et menga.
Xursandman birinchi sevmasin meni,
Birinchi sevgisi atalsin senga,
Hatto o’zidan yaxshi tanisin seni,
Robbim bir soliha nasib et menga.
To’rt tomon boqarman har taraf zino,
Hijolatdan yuzlar boqadi yerga,
Bu qalbimga kelsin bo’liblar oro,
Robbim bir soliha nasib et menga.
Dunyo ishlaridan ko’ngillar bezgan,
Qulingman duolar qilaman senga,
Sening rizoying deb taqvoda yurgan,
Robbim bir soliha nasib et menga.
Solih solihalar ko’rmoqlik uchun,
Ummatning safin keng qilmoqlik uchun,
Jannatinga borib yetmoqlik uchun,
Robbim bir soliha nasib et menga.
Robbim, bir lahzaga tiriltir meni
Besh yosh edim, o‘qimoqchi bo‘ldim namoz,
Sura yodlash masalasi qiynardi biroz.
Shunday qilib o‘tdi qishu, o‘tdi bahor, yoz
Menga erta ekan, deya bo‘ldim benamoz.
Kunlar o‘tdi, qarshiladim o‘nta bahorni,
Ertayu kech cho‘mildik zeriktirmay anhorni.
Joynamozni chetga surib tutdim dutorni,
O‘yin bilan o‘tdi kunim, bo‘ldim benamoz.
Kelib qoldi yigirma yosh bo‘lib mehmon,
Iymon emas qalbda sevgi bo‘ldi sulton,
Yor vasliga yetay, deya sarson sargardon,
Ishq o‘tida kuyib-yonib, bo‘ldim benamoz.
Qirq yoshimni qarshi oldim to‘kib savlat,
Yelib- uchdim to‘play deya molu davlat.
Masjidga yur desa, dedim yo‘qdir fursat,
Bu dunyoni dardida bo‘ldim benamoz.
Oltmish bahor o‘tdi, oltmish kun misol,
Kech angladim, aziz umrim bo‘libdi uvol.
Ibodatga turay desam yo‘qdir majol,
O‘z jonimga jabr aylab bo‘ldim benamoz.
Saksonimda dard to‘shakga qo‘ydi joylab,
Qo‘l oyog‘im qimirlamas yillab, oylab,
Hayhot, o‘lim farishtasi turar poylab,
Ketar bo‘ldim bu dunyodan bo‘lib benamoz..
Bugun hasratdaman, iztirobdaman,
Qabrimda na bo‘y bor, na bordir eni.
Yagona o‘tinchim so‘rayman Sendan
Robbim, bir lahzaga tiriltir meni!
Umrimni sovurdim yel-shamollarga,
Berildim safsata, xom xayollarga,
Bugun yuzim tutdim ming zavollarga,
Robbim, bir lahzaga tiriltir meni!
Ko‘zimni yaratding, lekin ko‘rmadim,
Haq yo‘lni eshitib, unda yurmadim,
Umrim bo‘yi uxlab, aslo turmadim,
Robbim, bir lahzaga tiriltir meni!
Bugun hayotimning ziyosi so‘nmish,
Qop-qora qarg‘alar qabrimga qo‘nmish,
Tanimni yulajak tikonlar unmish,
Robbim, bir lahzaga tiriltir meni!
Taqvoni egnimga qilayin libos,
Barcha gunohlardan bo‘layin xalos,
Yagona o‘tinchim – Sendan, iltimos,
Robbim, bir lahzaga tiriltir meni!
Ne yo‘qotar edim, qilsam ibodat,
Nahotki, shunchalar bosibdi g‘aflat,
Alam bilan so‘ray faqat va faqat,
Robbim, bir lahzaga tiriltir meni!
Tanimni bir ko‘ring – qop-qora ko‘mir,
Badanim nimtalar qizigan temir,
Oh, afsus, berilmas qaytatdan umr,
Robbim, bir lahzaga tiriltir meni!
Allohim, izn ber, qabrimni o‘yay,
Iymon lazzatini qalbimda tuyay,
Bir bora boshimni sajdaga qo‘yay,
Robbim, bir lahzaga tiriltir meni.
Qazo qildim
Mol dunyo deb, har kuni,
Ishlayabman kun-tuni,
Afzal bilib uyquni,
Qazo qildim, Bomdodni.
Kiym kiyb kerilib,
G‘ijim bo‘lar deb, ilib,
Yumushlarga berilib,
Qazo qildim, Peshinni.
Vaqti o‘tdi asrni,
Bitqazmadim qasrni,
Ko‘ring, men betasirni,
Qazo qildim, Asrni.
Uyga kelib choy ichib,
Telvizorga, eh ko‘chib
Robbim buyrug‘in kechib,
Qazo qildim, men Shomni.
Nafs havoga to‘lib,
Go‘yo tiriklay o‘lib,
Charchash baxona bo‘lib,
Qazo qildim, Xuftonni.
Tinim bilmay dunyoda,
Amallarim riyoda,
Qildim gunoh ziyoda,
Qazo qildim, Namozni.
Sen notavon gumroh deng,
Benamoz deng…, osiy sen,
Bu xolimdan yig‘lab men,
Tavba qilay endi men.
Jannatgayam yetvolsak kerak
Qalbga iymon urug‘in ekdim,
Yuragimni sug‘ordi Qur’on.
Xotirjamlik ko‘liga cho‘kdim,
Ko‘karganda qalbimda iymon.
Savoblarni sandiqqa soldim,
Yeb qo‘ymasin minnat degan qurt.
Gunoxlarni yodimga oldim,
To kelmasdan maxshar degan yurt.
Ilmim oshno etdim amalga,
Ikkisiga bosh bo‘ldi ixlos.
Namozlarim turdi qamalga,
Buyurtirdim taqvoga libos.
Orzularni xaydab yubordim,
Nafs og‘ziga bog‘ladim zanjir.
Xasadlarni qalbdan qo‘pordim,
Tavakkuldan yasadim xanjar!
Soqchi etdim sabrni dilga,
Qanotdan kiydirdim sovut.
Og‘ir toshlar bostirdim tilga,
Sen xokimsan-dedim, yodda tut!
Kibr bilan xasadni asta,
Xaq tig‘i-la o‘ldirib keldim.
Qo‘rquv dilni aylasa xasta,
Umid bilan to‘ldirib keldim.
Men ibodat yo‘lini tutsam,
Sen iymonni maxkam tut, yurak!
In sha Allox dunyodan o‘tsam,
Jannatgayam yetvolsak kerak.
O‘limni eslab turaylik axir
Dunyoga berilib qurdingiz qasr,
Mayli yashangiz yana bir asr.
Abadiy emasdir qurilgan qasr.
O‘limni eslab turaylik axir.
Dunyo siz uchun balkim go‘zaldir.
Molingiz ko‘payib xayot asaldir.
Eslatay sizlarga Jannat afzaldir.
O‘limni eslab turaylik axir.
Nafsni tiyolmay dunyo deb yursak.
Shaytoni ayblab gunoxlar qilsak.
Alloxdan qo‘rqmay yo‘lidan chiqsak.
O‘limni eslab turaylik axir.
Odamlar bor ekan o‘limdan qochar.
Nafsiga berilib dunyo deb ketar.
Baribir ungaxam o‘lim yetar.
O‘limni eslab turaylik axir.
Men qarshi emasman boy bo‘lishga.
Allox bergan rizqni olishga.
Bog‘laning dunyoda xalol topishga.
O‘limni eslab turaylik axir.
O‘limni unutar dunyosi borlar.
Xayotim bir umir abadiy derlar.
Xaromdan topib qo‘rqmasdan yerlar.
O‘limni eslab turaylik axir.
Xar bir nafs o‘limni tortar.
Mo‘minlar dunyodan qiynalmay ketar.
Nafsini tiyganlar abadiy yutar.
O‘limni eslab turaylik axir.
O‘limni eslagan Alloxdan qo‘rqar.
O‘limi kelguncha ibodat qilar.
Alloxni raxmati ularga bo‘lar.
O‘limni eslatib turaylik axir.
G’aflatda yotgan jo‘ralar
Ey g’aflatda yotgan jo‘ralar,
Ahvolingiz qandoq so’ralar,
Tinglang sizga hitoblarim bor,
Ey davronni sotgan jo‘ralar.
O’zni ne ne ko‘yga solibsiz,
Ayollardan nusxa olibsiz,
Ordan battar yumshab qolibsiz,
Ey qalqonni sotgan jo‘ralar.
Vaqtingizni zo’r o’ldiryapsiz,
Latifalarla kuydiryapsiz,
Avlodlarga ne qoldiryapsiz,
Ey zamonni sotgan jo‘ralar.
Tilloni zar misga tenglamay,
Naxot ulug’ haqni anglamay,
Uhlamaysiz qo’shiq tinglamay,
Ey qur’onni sotgan jo‘ralar.
Tushunmadim hali yoshmisiz,
Dinsizlarga yo dindoshmisiz,
Yoronlarga qarindoshmisiz,
Ey kamonni sotgan jo‘ralar.
O’lik qalblar hamon yotibdi,
Ammo ko’kda tonglar otibdi,
Uyg’onishning vaqti o’tibdi,
Ey vulqonni sotgan jo‘ralar.
Mayli shu o’y hayolda qoling,
O’rningizdan mayli turvoling,
Jinsingizni o’zgartirvoling,
Ey vijdonni sotgan jo‘ralar.
Bir so’z aytay meni kechiring,
Diningizni darhol ko’chiring,
Ummat degan nomni o’chiring,
Ey iymonni sotgan jo‘ralar.
Kiygan kiyim yopishib tarang,
Tizza yopar qizingiz arang,
Ahlingizning holiga qarang,
Ey imkonni sotgan jo‘ralar.
Qalbingizni aylab mozorlar,
Ruxingizga yetdi ozorlar,
Sizga masjid bo’lmish bozorlar,
Ey irfonni sotgan jo‘ralar.
Vos kechiblar buyuk hizmatdan,
Yuz o’girib ulug’ himmatdan,
So’ralasiz har bir ne’matdan,
Ey insonni sotgan jo‘ralar.
Bu so’z tengdir har bir muqimga,
Musofiru hatto hokimga,
Tayyor turing og’ir hukmga,
Ey farmonni sotkan jo‘ralar.
Moziylardan so’ralar sabo,
Munofiqqa jazodir davo,
Jahannamga aylang marhabo,
Ey bo’stonni sotkan jo‘ralar.
Bu so’zlarga befarq qoling jim,
Istagancha mayli kulingchi,
Jahannamdan chiqib olingchi,
Ey arqonni sotkan jo‘ralar.
Ayting nega ko’ngil adashdi,
Hayolingiz nega ilashdi,
Evaziga qancha to’lashdi,
Ey rizvonni sotkan jo‘ralar,
Ey insonni sotkan jo‘ralar,
Ey qur’onni sotkan jo‘ralar.
Qalbga o‘rang, o‘zbek qizlari
Ro‘molni bozorda sotmay qo‘yishdi,
Izlayman sovg‘aga zarur kezlari.
Yo balki narximi shunchalik oshdi?
Nega o‘ramay qo‘ydi o‘zbek qizlari?
Kattalar hurmatin aytmayin mayli,
Yerga qarashni ham bilmas ko‘zlari,
Saqichin erinmay chaynaydi kulib,
Qayoqqa ketyapti o‘zbek qizlari?
Qayerda yurmasin xayolda serial,
«Upa-elik, kiyim….» — shudir so‘zlari.
Bilimga, ziyoga xattogina sal,
Qiziqmay qo‘yishdi o‘zbek qizlari.
Ters javob qaytarar, neni so‘rsangiz,
Uyatdan qizarmas gulgun yuzlari.
Tarbiya so‘zidan yo‘q biron bir iz,
Shaddodroq chiqdimi o‘zbek qizlari?
Saharlar qo‘ymaydi o‘sma qoshiga,
Hovlidan kelmaydi rayhon islari.
So‘zlari mos emas aslo yoshiga,
Moziyni eslamas o‘zbek qizlari.
Balki tanqidlarim , ranjitdi biroz,
Hurmat etgum, albat qalbning xislarin.
Gaplarim barisin etmang e’tiroz,
Rosti ham bor jindek, o‘zbek qizlari.
Yo‘q, avvali Alloh insofni bersin,
Ko‘zimga surtaman bosgan izlarin.
Hayo, ibo, iffat, odob dunyosin,
Qaytadan zabt etsa o‘zbek qizlari.
Ro‘molni bahona qildim, aslida,
Achchiqroq tuyular do‘stning so‘zlari.
Millatning sha’nini tutmoq vaslida.
Uni qalbga o‘rang, o‘zbek qizlari.
Qabrdagi suhbatimdan xavotirman
Shodon demang labim kular dilim vayron,
Amali kam jasadimdan xavotirman,
Jayron kabi jonim uchun xushim hayron,
Qabrdagi suhbatimdan xavotirman.
Tinim bilmay zulm qilar makkora nafs,
Otash sari yetaklaydi hoyu havas,
Savoblarim gunohimga kelgaymi bas,
Kecha-kunduz g‘aflatimdan xavotirman.
Umr shamdek yonib-yonib tugar oxir,
Ikki malak yelkam uzra mudom hozir,
Neki amal qilgan bo‘lsam bari zohir,
Menga bo‘lar savolimdan xavotirman.
Fano ichra intihosin topsa yo‘lim,
Shahodatni aytarmikan sarkash tilim,
Borar joyim bo‘larmikan sokin so‘lim,
Qabr tomon jo‘nashimdan xavotirman…
5 vaqt namoz o‘qing birodar
Alloximni dildan sevsangiz,
Islom dinin Xaq deb bilsangiz,
Sunnatiga amal qilsangiz,
5 vaqt namoz o‘qing birodar.
Yuzim yorug‘ bo‘lsin desangiz,
Qalb iymonga to‘lsin desangiz,
Xaq marxamat qilsin desangiz,
5 vaqt namoz o‘qing birodar.
Xaq jamolin ko‘ray desangiz,
Payg‘ambar-la bo‘lay desangiz,
Jannatlarda yuray desangiz,
5 vaqt namoz o‘qing birodar.
Mevasidan totay desangiz,
Zam-zam suvin ichay desangiz,
Xur qizlar-la bo‘lay desangiz,
5 vaqt namoz o‘qing birodar.
Sinovlarda xormay desangiz,
Cho‘loq bo‘lib bormay desangiz,
Azoblarda qolmay desangiz,
5 vaqt namoz o‘qing birodar.
Alloximdan ajr kutsangiz,
Zora vaqtdan foyda yutsangiz,
Raxmatidan umid etsangiz,
5 vaqt namoz o‘qing birodar.
O‘ng tarozim bossin desangiz,
Savoblarim oshsin desangiz,
Quvonch yoshim oqsin desangiz,
5 vaqt namoz o‘qing birodar.
Umrim zoye etmay desangiz,
Afsuslarda ketmay desangiz,
Alangada yotmay desangiz,
5 vaqt namoz o‘qing birodar.
Oxiratning g‘amin yesangiz,
Savobingiz kamin sezsangiz,
Tilagimga «AMIN» desangiz,
5 vaqt namoz o‘qing birodar…
Bir xabar oling
Oydin kechalarda allalar aytgan,
Bemor bo‘lganizda yonizda turgan,
Bomdod namoziga sizni uyg‘otgan,
Munis onangizdan bir xabar oling!
Shirin taom tayyorlab, tunlari kutgan,
Eng og‘ir damlarda, sizga suyangan,
Shirin so‘zingizdan dardin unutgan,
Singlingiz xolidan bir xabar oling!
Oyog‘ingiz og‘risa boshda ko‘targan,
Xar qanday xolatda sizga ishongan,
Betob bo‘lganizda yoningizda turgan,
Akangiz xolidan bir xabar oling!
Siz uchun jonini jabborga bergan,
Qishda o‘zi kiymay, sizni kiydirgan,
Baxtli bo‘l bolam deb, o‘zin unutgan,
Otangiz xolidan bir xabar oling!
Shunday yashang, xasad emas xavas qilsin,
Yordam bering bir umrga esda qolsin,
Barcha ezgu niyatlarim sizga bo‘lsin,
Mexrga muxtojdan bir xabar oling!
Baxtiyor kunlarni sizga tiladim,
Uzr qalbingizni biroz qiynadim,
Yarador qalbingizga shifo so‘radim,
Qalbi bemorlardan bir xabar oling!
Boshimdagi ro‘molim
Meni tushuning ustoz,
Itoatdaman, xolos.
Momolarimdan meros,
Boshimdagi ro‘molim.
Siz cho‘chimang, yeb qo‘ymas,
Yoki sehrlab qo‘ymas,
Oddiy mato, bombamas,
Boshimdagi ro‘molim.
Saqlar meni gunohdan,
Turli shahvat nigohdan,
Qiyomatda do‘zaxdan,
Boshimdagi ro‘molim.
Yech, deb gunohga botmang,
Har kimga meni sotmang,
Iltimos, yulib tortmang,
Boshimdagi ro‘molim.
Forma, deb jar solursiz,
Do‘ppi, deb bosh olursiz.
Biling o‘zizam olursiz,
Boshimdagi ro‘molim.
Sizdagi dinga nafrat,
Kofir qilar xijolat,
Sizlarga degum «Tabbat»
Boshimdagi ro‘molim.
Bir kun siz ham o‘lgaysiz,
Yuzi qaro bo‘lgaysiz.
Hujjat bo‘lur, ko‘rgaysiz,
Boshimdagi ro‘molim.
Alloh bor deydi bilmas kimligin
Shundaylarni ko‘rdim yorug‘ olamda,
Alloh bor deydi bilmas kimligin.
Tunu kun dardlari dunyo yig‘ishda,
Boshqalarni xatto pisand etmaydi.
Erta tong saxarda o‘qilmas namoz,
Xatto juma ga xam boradi arang.
Bilmasmi yo barchasi sinovligini,
Haqni aytsang darrov bo‘ladi garang.
Musulmonman deydi oson tillari,
Dunyo bilan limmolim bo‘lgan qalblari.
Faqat faqat bo‘ladi dunyo so‘zlari,
Mol mulkaan boshqasin ko‘rmas ko‘zlari.
Eh birodar aytay gapning lo‘ndasin,
Bundaylarni oxiri bo‘lmas qissasin.
O‘qisa gar shunday inson sherimni,
Nasixatim sizga chin dildan aytdim.
Alloh bergan vaqt oxir bo‘lmasdan,
To‘ldiring savob ila umir daftarin.
Meni arzon sotmagin, ey do‘st
Ortimdan tosh otmagin, ey do‘st,
Gunohlarga botmagin, ey do‘st.
Qadri baland qadrdonimsan,
Meni arzon sotmagin, ey do‘st!
Nahot o‘tda kuydi diyonat,
Nahot do‘sting bo‘ldi hiyonat.
Qiyomatlik do‘stim, qiyomat!
Meni arzon sotmagin, ey do‘st!
Jismi jonim tortib ozorga,
Nega solding meni bozorga.
Tiriklayin elting mozorga,
Meni arzon sotmagin, ey do‘st!
Erkak bo‘lib, o‘tgay mard kishi,
Do‘st sha’nini asrash tashvishi.
Bunday savdo pastlarning ishi,
Meni arzon sotmagin, ey do‘st!
Ortingdan tosh otgan yo‘q edim,
Kim tosh otsa unga o‘q edim.
Sen borsan deb ko‘ngli to‘q edim.
Meni arzon sotmagin, ey do‘st!
Bugun senga shaytonlar jo‘ra,
Tenging topding ko‘nglingga ko‘ra.
Avval mendan narximni so‘ra,
Meni arzon sotmagin, ey do‘st!
Allohimni seving faqat
Xaqdan kelgan muxabbatning davosi yo‘q,
Iloxiy ishq sotilmaydi savdosi yo‘q,
Xaq sevgisi yuraklarni aylasin cho‘g‘,
Allohimni seving faqat Allohimni…
Duosi bor daraxtlarin soyasida,
Mehri bisyor har maysayu poyasida,
Tun ibodat qilar Oyning ziyosida
Allohimni seving faqat Allohimni…
Bahorlari kelsa gulu ifori bor,
Yozda quyosh nurlarida tumori bor,
Kuzagin ham o‘zgacha bir xumori bor,
Allohimni seving faqat Allohimni.
Subhidamdan salom aytar sabolari,
Asli Arshdan kelsa azon sadolari.
Ibodatin aylab bo‘ling fidolari.
Allohimni seving faqat Allohimni…
Xar bandaning tuz namagin o‘lchovi bor,
Har bandani siylaguvchi parvardigor,
Bizni sevib bu olamni etdi nisor.
Allohimni seving faqat Allohimni…
Qiblagohim desangiz ham otangizni,
Farishtam deb suysangiz ham onangizni.
Jondan ortiq ko‘rsangiz ham bolangizni,
Allohimni seving faqat Allohimni…
Dil bandidan in’om etar dilbandingiz,
Diyonatla kamol topsin farzandingiz,
Qancha shirin bo‘lsa hamki payvandingiz.
Allohimni seving faqat Allohimni…
Qo‘shganini qo‘sh qaritsin parvardigor,
Yaratgandan ikrom erur iymonli yor.
Yorga mehr bersangiz ham bisyor — bisyor
Allohimni seving faqat Allohimni…
Xaqdan kelgan muxabbatning davosi yo‘q,
Iloxiy ishq sotilmaydi savdosi yo‘q,
Xaq sevgisi yuraklarni aylasin cho‘g‘,
Allohimni seving faqat Allohimni…
Bomdotlarni qazo qilganlar
Tura oldilar uyqudan qolib,
Qiyomatni jazo bilganlar.
Yig’lasinlar dod faryod solib,
Bomdotlarni qazo qilganlar.
Go‘yo kesib tomirlarini,
Unutib Haq amrlarini.
Yeb qo‘ydilar umrlarini,
Bomdotlarni qazo qilganlar.
Yo‘l adashgan oqil so‘qirlar,
Endi qanday sabab to‘qirlar.
Peshinlarni yig’lab o‘qirlar,
Bomdotlarni qazo qilganlar.
Gar his qilsak ko‘rmog’i mavlo,
Yotolmasdik qiliblar yallo.
Tatimagay uyqusi aslo,
Bomdotlarni qazo qilganlar.
Oz rohatlik uyqu qurboni,
Endi honiy bo‘lmas Qur’oni.
Ahvoli ne uyg’ongan oni,
Bomdotlarni qazo qilganlar.
Ketkazolmas ko‘ngildan dog’in,
Unutolmas namoz firog’in.
Haq deb bilar ayol quchog’in,
Bomdotlarni qazo qilganlar.
Bu nafratga men xam arziyman,
Qachon nafsim g’amini yeyman.
Shu on o‘lib qolmasin diyman,
Bomdotlarni qazo qilganlar.
Xitobim shu ketar onlarim,
Xazillashmang qadirdonlarim.
To‘rt mahallik namozhonlarim,
Bomdotlarni qazo qilganlar…
Kim ne qilsa qaytadi ishon
Kimdir seni nochor deb bilsa,
Xandon otib ustingdan kulsa,
Tinch kuningni g‘alvali qilsa.
Sen indama sabrdan nishon,
Kim ne qilsa qaytadi ishon.
Tuxmat toshlar otsa yana kim
Siring bilib sotsa yana kim,
dilga og‘ir botsa to‘xta jim.
Sen indama sabrdan nishon,
Kim ne qilsa qaytadi ishon.
Dil bersangda dil qolsa kuyib
U o‘zgani tanlasa suyib.
Bir kun qaytsa mexringni to‘yib
Sen indama sabrdan nishon,
Kim ne qilsa qaytadi ishon.
Tuzing totib tupurib ketsa
Bor yo‘g‘ingni supurib ketsa.
Tig‘ qadalib suyakka yetsa.
Sen indama sabrdan nishon,
Kim ne qilsa qaytadi ishon.
Tan olmasa yaxshi ishingni
Kilib yursa g‘iybat mishingni
Sindirsa xam urib tishingni.
Sen indama sabrdan nishon,
Kim ne qilsa qaytadi ishon.
Sen bandasan xatolar bisyor.
Birda quyosh birda yog‘ar qor,
Dil qanchalar cheksa xam ozor.
Sen indama sabrdan nishon,
Kim ne qilsa qaytadi ishon.
Dunyo asli yaralgan bir kam,
Yomon kular, yaxshi ko‘zi nam,
Ular senga nima qilsa ham.
Sen indama sabrdan nishon,
Kim ne qilsa qaytadi ishon.
G’animatsan, ibodat qil
Mol dunyoga ko’ngil berma, omonat.
Umring bo’yi quraverma imorat.
Barchasining hisobi bor, qiyomat.
G’animatsan, ibodat qil, ibodat.
Davlat bersa, miskinlarga nazar qil.
Harom-harish kelsa, undan hazar qil.
Umring tugar, borar joying mozor, bil.
G’animatsan, ibodat qil, ibodat.
Musofirsan, joning tanda omonat.
Oxiratda yashay desang farog’at.
Bu damlarni g’animat bil, g’animat.
G’animatsan, ibodat qil, ibodat.
Jannat yuzin ko’ray desang, kamtar bo’l.
Takabburlar Alloh sari topmast yo’l.
Najot senga ibodatdan, qilgil mo’l.
G’animatsan, ibodat qil, ibodat.
Raddiya
Ne bo‘ldi bizlarga ayting brodar,
Kanday zamonlarda turibmiz axir.
Musulmonlar xar joyda bo‘lib darbadar,
Go‘yo munofiqqa aylandik bizlar.
Ximoya qilmasak Rasulullohni (s.a.v),
Nima dep aytamiz biz badbaxtlarni.
Xatto qolmadimi iymonni qadri,
Faqat boo‘lib koldi dunyoni dardi.
Kim u lanati dinin sotkanlar,
Ikki dunyo xor bo‘lgur Shayton farzandlar.
Kimligin bilmasdan otmagin toshlar,
Xali kun keladi qon boo‘lib oqadi yoshlar.
Ey iflos lanati najas murtatlar,
Uch kunlik xayotga ishonma buncha.
Xali kun Maxsharda yig‘ilar xamma,
Javob berasanlar xamma aytilgan so‘zga.
Allohim bizlarga Umarlar bergin,
Ey Roxman bizlarga rijollar bergin.
Alloh o‘zing ularga kifoya bo‘lgin,
Allohim ularni xidoyat qilgin.
Sizni ushbu maqola ham qiziqtirishi mumkin
sherlar juda tasirli va chiroyli olloh panohida asrasin hammamizni omin
Shahina assalomu alayko’m. Bildirgan samimiy fikringizdan xursandmiz. Ilohim aytganingiz kelsin.
She’rlarni qo’shiq qilsak maylimi?
Sherlar uchun raxmat, Ollohim ikki dunyo saodatini bersin!
Assalomu alayko’m. Ilohim aytganingiz kelsin.
Har bir she’r ajoyib katta rahmat !
SHERLAR JUDA ZOR EKAN RAHMAT SIZLARGA
Alloh hammamizni oʻz panohida asrasin omin…
Assalomu alaykum menga sherlar juda ham yoqdi Alloh sizdan rozi bulsin
Olloh szdan rozi bolsin Amin
Shohsanam assalomu alayko’m. Bildirgan samimiy va ezgu tilaklaringiz uchun tashakkur. Sizni kelgusida yana web-saytimizda kutib qolamiz.
Assalomu aleykum sherlar juda ajoyip menga hammasi yoqdi rahmat maʼnoli va tasirli sherlari rossa kop
CHAROS QAYERDANSIZ
Sherlar juda xam chiroyli lekin men ozimni ismimga wer topa olmadim
juda yahshi@2004
[^_^] Olloh rozi bõlsin
she’rlariz juda chiroyli ekan
Zaynab
sherlar ajoyib chiqqab Alloh hammangizni panohida asrasin
Avvalam bor Assalamu alekum sizga raxmat juda chiroli sherlariz uchun odamni kõziga yosh keltiradi juda ham tasirli sherlar ekan. olloh sizdan rozi bõlsin inshaolloh omin.
She’rlar juda zoʻr rahmat.
Assalomu alayko’m. Menga olloh haqida yozilgan sherlar yoqdi. Judayam yaxshi. Olloh rozi bo’lsin rahmat.
Diniy va islomiy sherlar menga juda yoqadi. Juda ham manoli. Saytingizga omat tilayman!
«Kim tanisa Rasulullohni» sheri manga va onamga yoqdi, raxmat kottokon, sherlaringiz ma’noli ekan.
Madinabonu :
Menga hamma she’rlar juda yoqdi, rahmat kottakon, Alloh hammamizdan rozi bo’lsin!
Assalomu alayko’m. Raxmat juda xam chiroyli sherlar ekan. Omad tilayman sizlarga!
Ajoyib sherlar ekan mashallah!
«Boshimdagi ro’molim» deb nomlangan sher juda zo’r sher ekan!
Jannat shaydosi :
Menga ham shu sher yoqdi. «Boshimdagi ro’molim» sheri. Omadingizni bersin Ilohim.
Nodirabegim :
Qalbga o‘rang o‘zbek qizlar sheri juda ham yoqdi.
Islomiy sherlar juda yaxshi va manoli ekan. Yana shunaqa sherlardan chiqarasizlar degan umiddaman.
Muhammadyunus :
Islomiy sherlarni eng zo’rlari jam bo’lgan ekan, menga juda yoqdi, barchaga kattakon raxmat.
Sherlar juda zo’r ekan, yana juda manoliham ekan, yana yangisidan bo’lishini hohlaymiz.
Xiyonat xaqidayam sherlar bormi? Oldida guldek ayoli bo’la turib o’zgadan baxt istaganlar haqida tasirli sherlar yozing iltimos.
O’z qurgan uymizi Opa-ukalar uy-joy talashvoti, lekin Olloh uchun jimmiz. Yer talashib gunoh qmili dep. Shunga mos sher bormi?
Muhammadali :
She’rlar juda yoqdi. Do’st haqida ko’proq she’rlar yozing iltimos!
Mashaallah ko’z teymasin, she’rlarni kim yozgan bo’lsa ham qo’llari dard ko’rmasin.
Juda Manoli va qalblarni titratuvchi sherlar, juda yoqda sizlarga kattakon rahmat.
Muhammad yusuf :
Ustoz haqida sher jo’natvoring, ertaga tanlov bo’ladi, ustoz haqida sher jo’natvoring.
Assalomu aleyko’m menga bu yerdagi barcha sherlar yoqdi. Hammasi juda tasirli.
Xolisaxonim :
Menga juda yoqadi islomiy va diniy sherlar.
MaShaa Alloh juda ma’noli she’rlar, Alloh rozi bo‘lsin Ilohim sizlardan.
Obidjon Abdusalomov :
Alloh rozi bo’lsin. Bu she’rlarning mualliflaridan rozilik so’ramoqchi edim. Bu she’rlarni audo shaklida sahifamga joylayapman…
Assalomu aleykum. Juda chiroyli va tasirli sherlar ekan.
Sherlar rosayam yoqdi, Alloh sizdan rozi bo’lsin, ko’p-ko’p yozavering.
Assalomu alayko’m barchaga. Men 15-raqamdagi Sherni yodladim, juda zo’r sher ekan, menga yoqdi ��
Yaqinda uylanmoqchiman, bizlargaham Alloh soliha qizlardan nasib qilsin ilohim.
Assalomu alayko’m, Alloh rozi bo’lsin sizlardan, sherlaringiz tasirli ekan, o’qib ko’zimga yosh keldi. Achchiq haqiqatli sherlar ekan, raxmat sizga, Alloh rozi bo’lsin.
So‘nggi yuklangan mavzular
Ko‘p o‘qilgan mavzular
Bo‘limlardan birini tanlang
Musofirlar haqida sherlar to‘plami
Qora tuning yuzini ochib oymomo ham nurini sochdi,
Sogʻinchlar meni ezib musofirlik koʻzim ochdi.
Yuraklarim ezilib ketgim kelar uyga goho,
Yana oʻzimga oʻzim deyman hali vahliroq.
Oʻylab oʻylab oxiri yetolsaydim oʻyimga,
Qani qaldirgʻoch boʻlib uchib borsam uyimga.
Harkun tunda shunday hayollarga koʻmilib,
Yigʻlasamham yuzlarim koʻz yoshimga choʻmilib.
Soʻgʻinch oʻzi dart ekan bir koʻrmasang boʻlmaydi,
Bu yarim koʻngillarim borgunimcha toʻlmaydi.
Alam bilan qoʻlimga telfonimni olaman,
Yodda qolgan oʻsha uy raqamini teraman.
Mayin gudokdan keyin onajonim ilinar,
Qaynoq qaynoq salomlarin men tomonga ilinar.
Qishlogʻimda nima gap deyman darrov onamga,
Sogʻinganligim unga bildirmayin deymanda.
Yaqin doʻstimning kecha tuyi boʻlib oʻtibdi,
Meni keladi deya bir oy oldin kutibdi.
Kichkina qizim birkun dada deb moʻltirab,
Kattasichi meni kutib yurgandurmish yul qarab.
Bu yerdagi doʻstlar bilan yotamiz bir vagonda,
Tong otmasdan turib uygʻotishar azonda.
Uzbegimning qizlari ibo hayoga to‘la,
Buyerning qizlarida qoʻlida vino pivo.
Uzbegimning qiziday roʻmol oʻrab yurmaydi,
Kiygan yupkasiham tizzasiga urmaydi.
Musofirlar dardi
Yana qo‘lga olib qalam,
Sog‘inchimni etdim bayon,
Ichimdagi dardu alam,
Faqat bir o‘zimga ayon.
Yuribmanku mehnat qilib,
Yurtdan olis makonlarda,
Har kun halol rizqim terib,
Ishlayapman sovuqlarda.
Goh mag‘lubman goho g‘olib,
Hatto ba’zan bekor qolib,
Sog‘inchimni kuyga solib,
Yashayapman musofirda.
Otajonim men yaxshiman,
Onajonim ishim yengil,
Akam ukam yuribdimi,
Qalay o‘zi erka singil.
Qishloq ancha o‘zgargandir,
Chiroy ochib gullagandir,
Do‘stu jura qadirdonlar,
Sog‘u salomat yurgandir.
Bu yerlarda dardkashim yo‘q,
Biror yaqin sirdoshim yo‘q,
Ammo havotir olmanglar,
Ustim butu qornim ham to‘q.
Yaqin qoldi diydor oni,
Men qaytaman tugasa qish,
Sog‘indimda vatanimni,
O‘zimizda ham ko‘pku ish.
Musofir erkaklar
Ota onam oilam kami to’lsin deb,
Musofir yurar birim ikki bo’lsin deb.
Ilm olsin borimda o’g’lim qizim deb,
O’zga yurta musofir yurgan erkaklar.
Mehnat qilar hudodan baraka so’rab,
O’zga yurtni doyim begona sirab.
Tunlar uxlolmay juftlik halolin o’ylab,
O’zga yurtda musofir yurgan erkaklar.
Bazida ko’ngliga qil ham sigmaydi,
Asl erkaklar aslo ishdan qochmaydi.
Musofirni dardini kofir bilmaydi,
O’zga yurda musofir yurgan erkaklar.
Bu hayot kimga shirin kimgadir taxir,
Dard kelganda sher yozar dard qo’shib Qodir.
Chunki u ham musofir bir oddiy shoir,
O’zga yurtda musofir yurgan erkaklar.
Azobini yashirib kulgan erkaklar.
Musofir yigit nolasi
Ko’zlaringiz suzmang qoshi qalamlar,
Yiroq keting mendan tashvish-u g’amlar,
Duo qiling omon boray yaronlar,
Uyda mening ota-onam kutmoqda.
Duo qiling, yetay omon bag’riga,
Kulfat yog’ib, dard qo’shmayin dardiga,
Borginimcha sabr bergin sabriga,
Uyda mening ota-onam kutmoqda.
Egam menga ravo ko’rsang ham g’amni,
Lek yig’latib qo’yma ota-onamni.
Yetar shuncha musofirligim kammi?
Uyda mening ota-onam kutmoqda.
Bilaman ko’p, hatolarim bir dunyo,
Bo’ldim go’yo, qing’ir yo’lda avliyo,
Yo’llarimga bo’lganicha mahliyo;
Uyda mening ota-onam kutmoqda.
Yiroq ketdim, ado etmay burchimni,
O’ylamadim, ko’rdimda o’z kunimni,
Men nodonni har kun tilab umrimni
Uyda mening ota-onam kutmoqda.
Musofirning alami
Sen qaydanam bilar eding, musofirning alamini,
U ketarda ich-etin yeb, ming entikib bo‘zlab ketar.
Ota-ona, yoru jigar, qo‘ni-qo‘shni xayrlashsa,
To manzilga yetgunicha bildirmaslan yig‘lab ketar.
Sen qaydanam bilar eding, musofirning alamini,
Sochilgan rizq, nasibasin termoq bo‘lib izlab ketar.
Uning dardi kulgu emas, yoki kayfu safohammas,
U oilasin to‘q tutmoqni, o‘z maqsad deb ko‘zlab ketar.
Sen qaydanam bilar eding, musofirning alamini,
Yor vasliga to‘ymasidan yurak-bag‘rin tuzlab ketar,
Beshikdagi bolasining diydorini zor sog‘inib,
O‘z-o‘ziga orzularin, armon bilib so‘zlab ketar.
Sen qaydanam bilar eding, musofirning alamini,
Ular yashar ohu faryod, ko‘ngilu shod nolam deya.
Sovuqlarda qotsa hamki, sabr etar barchasiga,
Mehnat qilar, otam deya, onam, deya, bolam deya…
Sen qaydanam bilar eding, musofirning alamin.
Tezroq qayting O‘zbekistonga
Qulok tutmang aslo nodonga,
Ishonmang xech, biror yolg‘onga,
Musofirda yurgan do‘stlarim,
Tezroq qayting O‘zbekistonga.
Vatan bu ko‘z qorangiz sizni,
Sog‘inibdi bolangiz sizni,
Yig‘layapti onangiz sizni,
Tezroq qayting O‘zbekistonga.
Bundan go‘zal yurt topolmaysiz,
Uzoklarda tinch yotolmaysiz,
Dardingizni ovutolmaysiz,
Tezroq qayting O‘zbekistonga.
O‘z otasin sotgan kaslarga,
Vatan nima bilmas pastlarga,
Almashmang, yolg‘onni rostlarga,
Tezroq qayting O‘zbekistonga.
Quloq tutmang aslo nodonga,
Ishonmang hech, biror yolg‘onga,
Musofirda yurgan do‘stlarim,
Tezroq qayting O‘zbekistonga.
Musofirda yurganlar
Uyg’onasiz yurtingizda dil hotirjam,
Imkon bo’lsa har kim yurtdan rizqin tersin.
Sog’inchiga Topilmaidi Biror Malham,
Musofirda yurganlarga sabr bersin.
Bir kuni to’q, bir kuni och bo’lishi bor,
Birozgina qalay olmoqqa bo’ladi zor.
Kim tutadi ich deb yovg’on, bulsa bemor.
Musofirda yurganlarga sabr bersin.
Havotirda o’tkazar har lahzasini,
Unutishga majbur ba’zan lahjasini.
Ko’zga surtar topgan har bir akchasini.
Musofirda yurganlarga sabr bersin.
«Borgunimcha onam politsiya» Bo’lsin deidi,
Olslarda Otasining g’amin Eyidi.
«Keling» desa bolasiga nima deydi,
Musofirda yurganlarga sabr bersin.
Halovatsiz uzun tunda xayollar surar,
Oilasin, jigarlarin kachon ko’rar.
Duosida o’z-o’ziga sabr tilar.
Musofirda yurganlarga sabr bersin.
Kim oralar, kim ma’qullar ketganini,
Har kim o’zi bilar, o’zdan o’tganini.
Bitta-bitta yig’ib, halol topganini.
Musofirda yurganlarga sabr bersin.
Sog’inadi o’z uyining havosini,
To’ylarini, karnay-surnay sadosini.
Bekitolmas Ichdan Toshgan Nidosini,
Musofirda yurganlarga sabr bersin.
Qo’rqib qarar uydan bo’lgan ko’ng’iroqqa,
«Tinchmikin» deb, o’zin tutar shovqin so’roqqa.
«Kaytar edim turib olsam sal oyoqqa»,
Musofirda yurganlarga sabr bersin.
Ko’rmayapti o’g’ilchasin o’qishin,
Qizi dadam deya, she’rlar to’qishin.
Tugatsaidi, ohiri xuddi shu ishlarin.
Musofirda yurganlarga sabr bersin.
Bir-ikki chetda yurgan nopok sabab,
Musofirni qoralamang, yomon atab.
Kimda gunoh, kimda savob bilguvchi Rab,
Musofirda yurganlarga sabr bersin.
Sog’inchlardan rang-u, ro’yi bo’lmay somon,
Qoni-qonji to’lib uyga qaitsin omon.
Asl boilik oiladir, issiq makon,
Musofirda yurganlarga sabr bersin.
Bilgil do‘stim bu yer Rossiya
Mehnat qilsang noning butun bor,
Dangasalar nonga bo‘lar zor.
Qadamingni poylaydi ag‘yor,
Bilgil do‘stim bu yer Rossiya!
Mehnat qilar millatlar xar hil,
Ammo maqsad barchada bir xil.
Shirinsuz bo‘l va hurmatda bo‘l,
Bilgil do‘stim bu yer Rossiya!
Uygonasan xurozdan oldin,
Pishiq bo‘lsang topganing oltin,
Hisob bilsin har qandayin tiyin,
Bilgil do‘stim bu yer Rossiya!
Kattalarga bo‘lgil ho‘rmatda,
Kichiklarga bo‘lgil izzatda,
Odamiylik asl qiymatda,
Bilgil do‘stim bu yer Rossiya!
Laqma bo‘lsang laqqilatarlar,
Ezma bo‘lsang ezib sog‘arlar,
Chakimchini tikka otarlar,
Bilgil do‘stim bu yer Rossiya!
Ifloslarga qushilma zinhor,
Yovuzlarga kulfat doim yor,
Pand yemagin topmagin zinhor,
Bilgil do‘stim bu yer Rossiya!
Bemahalda yurmagin aslo,
Buzuqlarni turmushi rasvo,
Saqlanganni saqlaydi Olloh,
Bilgil do‘stim bu yer Rossiya!
Olloh bersin barchaga sabr,
Vatan uzoq yuqotma qadr,
Sog‘inch hissi juda ham og‘ir,
Bilgil do‘stim bu yer Rossiya!
Nur istagan nur topgay bunda,
Dur istagan dur topgay bunda,
Pul istagan pul topgay bunda,
Bilgil do‘stim bu yer Rossiya!
Ne qilsa ham o‘zbek ekanmiz,
Bola-chaqa o‘y-joy deganmiz,
Yaxshi niyat bilan kelganmiz,
Bilgil do‘stim bu yer Rossiya.
Musofirim sog‘indim
Jahongashta shunqorim, musofirim sog‘indim,
Horijlardan ilm istagan bolajonim sog‘indim.
Yuragimni parchasi og‘lonimni sog‘indim,
Onajon degan seni bo‘ylaringni sog‘indim.
Yurt dovrug‘in dunyolarga taratgin-ey bolama,
El korga yaraydigan inson bo‘lgin bolama.
Ota-onang qariganda kiftlaringda ko‘argin-ey bolama,
Qalbim to‘la quvonch hamda sog‘inchlarga bolama.
Qo‘lim ochib duolarga yolvoraman Ollohimga,
Qayda bo‘lsang seni olsin panohiga bolama.
Musofir yurtdagi do’stlarim
Sizlarga Ollohdan omad so’radim,
Sizlarga Ollohdan sog’lik tiladim,
Gohida sizlarga havas qilaman,
Gohida sizlarni o’ylab yig’ladim…
Musofir yurtlarda yurgan do’stlarim.
O’zinggizni asrang yaqinlar uchun,
Kuttirmang sog’inib kutgan ko’zlarin,
Bajarib otalik, onalik burchin,
O’ylaysiz har kuni oila tinchin.
Musofir yurtlarda yurgan do’stlarim.
Yashash oson emas buni bilaman,
Sizlarni o’ylab man ko’ksim tilaman,
Vatan degan so’zni yurakka joylab,
Vatan degan so’zga jonim beraman.
Musofir yurtlarda yurgan do’stlarim.
Olovning ustida turgan do’stlarim,
Jonini xatarga qo’ygan do’stlarim,
Goh suygan goh kuygan, to’ygan do’stlarim,
Narigi dunyoni ko’rmagan faqat,
Bir boshi, ming azob ko’rgan do’stlarim.
Yashaysiz xotira ichida yig’lab,
Ahad Qayum yozdi sizlarni o’ylab,
Biz sizga sher yozib qo’shiqlar kuylab,
Har oqshom xayolni o’tmishga bog’lab,
Har oqshom Vatanni sog’inib yig’lab,
Bobolar qabrini boringgiz yo’qlab,
Go’yo qilko’prikda turgan do’stlarim,
Musofir yurtlarda yurgan do’stlarim!
Sizni ushbu maqola ham qiziqtirishi mumkin
Islomiy, Diniy chiroyli she’rlar to’plami
Islomiy, Diniy chiroyli she’rlar to’plami — ushbu to’plamda eng sara Islomiy, Diniy chiroyli she’rlar joylashgan.
- Qazo qildim
- Dunyoga berilib…
- Kim bor adashmagan
- Meni JANNAT larga yetaklang begim!.
- Sizga nima bo’ldi aziz singillar
- Joynamozni bering onajon
- Haq yo’lini unutib qo’yma
- Kafanda cho’ntak bo’lmaydi.
- Ketaman
- Iymon tark etmasin
- Bir kuni ketaman osmonlarni quchib
Qazo qildim
Mol dunyo deb,har kuni,
Ishlayabman kun-tuni,
Аfzal bilib uyquni,
Qazo qildim,Bomdodni.
Kiym kiyb kerilib,
Gʼijim boʼlar deb,ilib,
Yumushlarga berilib,
Qazo qildim,Peshinni.
Vaqti oʼtdi asrni,
Bitqazmadim qasrni,
Koʼring,men betasirni,
Qazo qildim,Аsrni.
Uyga kelib choy ichib,
Telvizorga,eh koʼchib
Robbim buyrugʼin kechib,,
Qazo qildim,men Shomni.
Nafs havoga toʼlib,
Goʼyo tiriklay oʼlib,
Charchash baxona boʼlib,
Qazo qildim,Xuftonni.
Tinim bilmay dunyoda,
Аmallarim riyoda,
Qildim gunoh ziyoda,
Qazo qildim,Namozni.
Sen notavon gumroh deng,
Benamoz deng…,osiy sen,
Bu xolimdan yigʼlab men,
Tavba qilay endi men.
Dunyoga berilib…
Dunyoga berilib kurdingiz kasr,
Mayli yashangiz yana bir asr.
Аbadiy emasdir kurilgan kasr.
Ulimni eslab turaylik axir.
Dunyo siz uchun balkim guzaldir.
Molingiz kupayib xayot asaldir.
Eslatay sizlarga Jannat afzaldir.
Ulimni eslab turaylik axir.
Nafsni tiyolmay dunyo deb yursak.
Shaytoni ayblab gunoxlar kilsak.
Аlloxdan kurkmay yulidan chiksak.
Ulimni eslab turaylik axir.
Odamlar bor ekan ulimdan kochar.
Nafsiga berilib dunyo deb ketar.
Baribir ungaxam ulim yetar.
Ulimni eslab turaylik axir.
Men karshi emasman boy bulishga.
Аllox bergan rizkni olishga.
Boglaning dunyoda xalol topishga.
Ulimni eslab turaylik axir.
Ulimni unutar dunyosi borlar.
Xayotim bir umir abadi derlar.
Xaromdan topib kurkmasdan yerlar.
Ulimni eslab turaylik axir.
Xar bir nafs ulimni tortar.
Muminlar dunyodan kiynalmay ketar.
Nafsini tiyganlar abadi yutar.
Ulimni eslab turaylik axir.
Ulimni eslagan Аlloxdan kurkar.
Ulimi kelguncha ibodat kilar.
Аlloxni raxmati ularga bular.
Ulimni eslatib turaylik axir.
Kim bor adashmagan
O’nqir cho’nqir bo’lsa umr yo’llari.
Xatolar qilmaydi kimning qo’llari.
Adashgan xatto haqning Valiylari.
KIM BOR ADASHMAGAN XATO QILMAGAN.
Hayajon vaxima domida qolib.
Imtixon chog’ida yanglishar tolib.
Bu sinov dunyosi kelganda g’olib.
KIM BOR ADASHMAGAN XATO QILMAGAN?
Cho’lg’anib ba’zida kim xon atlasga.
Aldanib gohida xoyu- havasga.
Bilmayin Do’st bilib nomard-nokasga.
KIM BOR ADASHMAGAN XATO QILMAGAN?
Insonni ne kutar bilmas yo’lida.
Hech kimni taqdiri emas qo’lida.
Shaytonga qo’l berib dunyo yo’lida.
KIM BOR ADASHMAGAN XATO QILMAGAN??
Meni JANNAT larga yetaklang begim!.
Baxtimdan lol qolsin xatto XURlarxam,
Ikki dunyo seving o’ksitmang ko’nglim.
Taxsin aytsin xatto FARISHTAlarxam,
Meni JANNATlarga yetaklang begim.
NAMOZim bo’lmasin dunyo deb qazo,
O’rgating QUR’ONni qalbim nurlansin,
Toki JAXANNAMda olmayin jazo.
Meni JAXANNAMdan asrang sultonim.
Toki qovrulmasin o’tda bu tanim.
Doim ALLOX uchun seving bu qalbim.
Bizni ALLOX suysin shu meni baxtim.
Meni JANNATdaxam alishmang aslo.
Xech qanday xurliqo go’zal xurlarga.
Aslida menxam alishmam sizni.
O’tkinchi xavasu zaru durlarga!.
Sizga nima bo’ldi aziz singillar
Or nomus yig’laydi iymon yig’laydi
Xatto norasida go’dak yig’laydi
Oila buzulishlar vijdon yig’laydi
Sizga nima bo’ldi aziz singillar
Yengil yshayman deb oshiqmang sira
Shirin so’zga uchib adashmang sira
Yengiltaklik asli xunuk manzara
Aqlingizni yig’ing singillar
Bu xayot o’tkinchi jannat abadiy
Savob qiyinchilik gunox yoqimli
Jannatga intiling bo’lmang do’zaxiy
Sabirsiz gunoxkor bo’lmang singillar
Aka or nomusi Ota g’ururi
Bo’ling siz doimo jannatni xuri
Besh kunlik o’tadi dunyo sururi
Otangiz boshini egmang singillar
Yetim qilmang jajji farzandingizni
Saqlang oila g’urur nomusingizni
Xudo ko’rib turar xar ishingizni
Xudodan qo’rqinglar endi singillar
Joynamozni bering onajon
Gunohlarim oshdi boshimdan,
Savobim kam o’tgan yoshimdan.
Hatolarim ketmas qoshimdan,
Joynamozni bering onajon
Ruju qo’ydi g’aflatga yurak,
Bunday yurak kimga ham kerak.
Hayollarim be’mani ertak,
Joynamozni bering onajon.
Bevaqt kelsa o’lim farishta,
Farqi bo’lmas har qanday ishda,
Kim biladi ne bor bu boshda,
Joynamozni bering onajon.
Ba’zan berdim ko’ngilga ozor,
Yig’latdim ham yig’ladim zor zor.
Borar joyim bir manzil mozor,
Joynamozni bering onajon.
Men befahm nodon bandaman,
Namozlarda juda kandaman.
E’tiqodi sus sharmandaman,
Joynamozni bering onajon.
Umrim hali tugab bitmasdan,
Ota onam rizo etmasdan.
Bu savlatim qulab ketmasdan,
Joynamozni bering onajon.
Yomonlarning tuzoq to’riga,
Yemish bo’lmay och ko’z bo’riga.
Kirib qolmay shayton yo’liga,
Joynamozni bering onajon.
Sajda qilay kechayu kunduz,
Yaratguvchi egam Allohga,
Ummat bo’lish nasib aylasin,
Payg’ambarim Rasulullohga.
Haq yo’lini unutib qo’yma
Og’zing burning yog’ga to’lsa ham,
mayli noming ulug’ bo’lsa ham,
shayton yo’ldan urub tursa ham,
haq yo’lini unutib qo’yma.
gerdaygancha labingni burib
Yurubsanda ko’ksingni kerib,
Qolma yana ikki bukilib,
haq yo’lini unutib qo’yma.
Davringni sur yashagin ammo,
Bu boshingingga topma muammo.
Hayotingda istasang ma’no,
haq yo’lini unutib qo’yma.
Tanang doim mehnatda bo’lsin;
Qalbing lekin xudoni bilsin,
joynamozga boshing egilsin,
Haq yo’lini unutib qo’yma.
Xudoyberdi balki ertadur*,
Lekin ezgu yo’lga eltadur.
harom yo’llar harob etadur,
haq yo’lini unutib qo’yma.
Kafanda cho’ntak bo’lmaydi.
Yashamoq — taqdirga bitilgan izlar,
Ochildimi, xayhot, yumilgay koʼzlar.
Hargiz oliy boʼlmas ilmona soʼzlar,
Hayot mangulikka dastak boʼlmaydi.
Oʼrtada koʼrinmas ilohiy devor,
Koʼzlar — mahrumiyat ichra bir gʼubor.
Tarozi pallasi tenglikka dushvor,
Foniyot boqiyga oʼrnak boʼlmaydi.
Soʼnggi nafas chiqar, orzular oʼchar,
Oʼlim deganlari naqadar oʼjar.
Bu kecha nogahon bir yulduz uchar…
Oʼlimda afsona, ertak boʼlmaydi.
Xayrullo, koʼnglingga solgani — aniq:
Hayot bor budingni olgani aniq.
Berganing yoningga qolgani aniq…
Kafanda baribir choʼntak boʼlmaydi.
Ketaman
Beshavqat dunyoga keldim mehmonga
Gohida qo’shildim bilmay shaytonga
Bir kun topshiraman barin egamga
Qanday kelgan bo’lsam shunday ketaman
Iymon tark etmasin
Xudo asra bizni, vijdonsizlikdan,
shaytonning malayi bo’lib qolishdan,
Obro’ e’tibor-u, faqir chog’da ham
iymon tark etmasin, qalblardan aslo.
bugunga bog’lanib, o’tgan o’tmishni,
yoddan chiqarmangiz, kechgan kechmishni,
boshingizdan oshganda g’am-u tashvishlar
iymon tark etmasin qalblardan aslo
ajdodlarni nomin qora qilmayin
4 kunlik dunyoda, Zolim bo’lmayin,
tubanlikning botqog’ida cho’milmayin
iymon tark etmasin qalblardan aslo.
Har kim aytaverar o’zin dardini
Gunoxlarin kechir Xudoyberdini
gina-kudrat unut qildim barini,
iymon tark etmasin qalblardan aslo.
Mayli dunyo bo’lsin, og’ir beshavqat,
Sinovlari azob, qilmasa shavqat
yorug’lik ham kelar, qilsangiz toqat
iymon tark etmasin qalblardan aslo..
Bir kuni ketaman osmonlarni quchib
Bir kuni ketaman osmonga uchib
Muzdek tanam qolar tuproqni quchib
O’zim bilan birga olib ketaman
Haqiqiy sevgimni ruximga bichib
Bir kuni ketaman osmonga uchib
Qilgan ishlarimga javob bergani
Savob tarozisi og’irlik qilsa
Jannat bog’laridan xurmo tergani
Bir kuni ketaman osmonga uchib
Do’stlarim ko’zini namlatib qo’yib
Meni ko’rmoqlikka ko’zi yo’qlarni
Dushmanin bittaga kamlatib qo’yib
Bir kuni ketaman osmonga uchib
Keragim bo’lganlar balki izlaydi
Lekin topolmayin tabassumimni
Dillari sog’inchdan qotib muzlaydi
Bir kuni ketaman osmonga uchib
U kuni kelishdan aslo qo’rqmayman
Yolg’ondan yo’g’rilgan ushbu dunyoga
Qo’nmayman xech qachon qaytib qo’nmayman
Bir kuni ketaman osmonga uchib
Xozircha tirikman xozircha borman
Olloh chaqiradi keragim payti
Xozircha yerga bir ermaklik jonman
Bir kuni ketaman osmonga uchib
Muzdek tanam qolar tuproqni quchib …
islomiy diniy she’rlar yoqdimi.